المساعد الشخصي الرقمي

مشاهدة النسخة كاملة : البارحة يوم الخلايق....... شعر نمر بن عدوان

ناصر السيف
24-09-2007, 12:49
البارحه يوم الخلايق نياما** بيحت من كثر البكى كل مكنون
قمت اتوجد له وانثر علاما** من موقع عيني دمعها كان مخزون
ولي ونه من سمعها مايناما** كني صويب بين الأضلاع مطعون
والاكما ونه كسير السلاما** خلوه ربعه للمعادين مدوين
ولافونت راعبيه حماما **غادي ذكرها والقوانيص يرمون
تسمع لها بين الجرايد حطاما** ومن نوحها تدعي المواليف يبكون
مرحوم ياللي مات شهر الصياما**صافي الجبين بليله العيد مدفون
حطوا عليه من الخرق ثوب خاما ** وقاموا عليه من الترايب يهلون
مرحوم ياللي مامشى بالملاما**جيران بيته راح مامنه يشكون
اخذت انا وياه عشره اعواما ** مامثلهن في كيفه مالها لون
والله كنه ياعرب صرف عاما ** وياحيله الله شغل الأيام وشلون
واكبر همومي من بزور يتاما** لاجيتهم قدام وجهي يبكون
وان قلت لاتبكون قالواعلاما ** نبكي ويبكي مثلنا كل محزون
قلت السبب تبكون قالوا يتاما ** قلت اليتيم انا وانتم تسجون
مع البزور وكل جرح يلاما **الا جروح بخاطري مايطيبون
قمت اتوجدعند ربع حشاما** وجوني على فرقا خليلي يعزون
قالوا تزوج وانس لامه بلامه **ترى العذارى عن بعضهم يسلون
قلت انا اخاف من غاديات الذماما** اللي على ضيم الدهر مايساعدون
تزعل عيالي بالنهر والكلاما**وانا تجرعني من المر بصحون
والله لولا هالصغار اليتاما**واخاف عليهم من السكه يضيعون
لاقول كل البيض عقبه حراما**واصبر كما يصبر على الحبس مسجون
عليه مني كل يوم سلاما**عده حجيج البيت واللي يطوفون
وعداد مانبت النفل والخزاما ** على النبي اللي حضرتوا تصلون
سلامه العايد
24-09-2007, 06:13
تسلم يمناااك



يالغاالي




وصح لسااان شااعرهااا




لاتبخل بجديدك .....
ناصر السيف
24-09-2007, 10:09
سلامه العايد









صح بدنك لاهنت













ومشكور على المرور الدائم
زيد السالم
24-09-2007, 10:24
تسلم ياذيب

رحمة الله على من قالها
حاتميه
25-09-2007, 12:25
الله يرحمهم جميعا

قصيده جميله تمثل اجمل معاني الوفاء

شكرا ناصر لروعة النقل
سالم بن عبيدالله
25-09-2007, 12:40
تسلم يمناك

قصده رائعه وحزينه

اشكرك ناصرعلى النقل
صالح الدعفس
25-09-2007, 03:00
قصيدة في منتهي الذوق والشفافية الله يرحمنا جميعأ ....


وغنوها بعض الفنانين العرب علي ما اعتقد ........



تحياتي لك ............
بوثنيان
25-09-2007, 04:28
واكبر همومي من بزور يتاما** لاجيتهم قدام وجهي يبكون
وان قلت لاتبكون قالواعلاما ** نبكي ويبكي مثلنا كل محزون
قلت السبب تبكون قالوا يتاما ** قلت اليتيم انا وانتم تسجون
مع البزور وكل جرح يلاما **الا جروح بخاطري مايطيبون

ناصر السيف

بارك الله فيك ,, وأشكرك على النقل الجميل ...

ـــ السؤال / نمر بن عدوان ..لايوجد لديه إلا ولد واحد ..؟؟؟؟؟

دمت بخير,,,
ناصر السيف
25-09-2007, 09:11
زيد السالم






الله يسلمك ياالغالي










مشكور على المرور لاهنت
ناصر السيف
25-09-2007, 09:12
حاتميه





منوره ياالغلا











ومشكورة على المرور الدائم
ناصر السيف
25-09-2007, 09:13
سالم بن عبيدالله














منور ياالغالي











ومشكور على المرور الكريم
ناصر السيف
25-09-2007, 09:14
صالح الدعفس







الاجمل تشريفك ياالغالي


















ومشكور على المرور الدائم
ناصر السيف
25-09-2007, 09:17
بو ثنيان







ياهلابك ياالغالي










اما بعدد الولاده الله وأعلم













ومشكور على المرور الكريم
بوثنيان
25-09-2007, 03:58
بو ثنيان







ياهلابك ياالغالي










اما بعدد الولاده الله وأعلم













ومشكور على المرور الكريم


ناصر السيف


بارك الله فيك ,,, والمقصد ...بأن القصيده حصلت ..لرجل من الاحساء !!...وليس لنمر بن عدوان ...والله أعلم !

دمت بخير,,,,
عبدالله السالم
28-09-2007, 08:27
كلام اخوي بو ثنيان صحيح


هذي القصه حصلت لرجل من الاحساء

والقصيده واضحه وضوح الشمس تمعن في الكلمات وتعرفون القصيده

مثل

والله لولا هالصغار اليتاما**واخاف عليهم من السكه يضيعون

البدو ماعندهم سكه عايشيين في البر ومعنى سكه شارع او طريق يعبر فيه الناس

وقوله

اخذت انا وياه عشره اعواما ** مامثلهن في كيفه مالها لون

والقصيده من حيث اللهجه والمفردات لا تمت اي صله الى نمر بن عدوان

وغناها المطرب بشير حمد شنان قبل اكثر من 35 سنه وبشير كان يسكن الاحساء حي الرقيقه

حيث انه كان يعمل في احد القطاعات الحكوميه..

والشي المعروف اللي اشتهر فيه نمر بن عدوان هو المثل اللي قاله هذا بلى ابوك ياعقاب

ومانعرف شي ثاني غير هذا المثل

اما القصيده ليست له
زيد السالم
28-09-2007, 09:34
اتفق مع اخواني ابو ثنيان والحر

لان القصيده لاتواكب عصر نمر بن عدوان

ونمر ماعنده الا ولد واحد عقاب

والقصيده االلتي نعرفها حقا لنمر بن عدوان هي

نمر بن عدوان


سار القلم ياعقاب بالحبر سارا... بزيزف القرطاس يامهجتي سار

أكتب جوابٍ مثل قطف الثمـارا... قولٍ لإبن عدوان قافٍ له أسطار

ياعقاب لو تجمع جميع العذارى.. من باب بغدادٍ وتونس وسنجار

ويجن بنات الحضر نسل التجارا.. شفت الذهب بأرقابهن قلت نوار

ويجن بنات صليب فوق الشهارا.. يازين تحت شفيهن دق الاوبار

ويجن بنات البدو صـفٍ تبـارا.. فوق الحني ويدللن كـل خـوار

ويجن بنات الترك هم والنصارا.. والبونيان وكل من لم الاقطـار

ويجن نهار العيد حـل الخيـارا.. ويقال فيهن يانمر طب واختـار

ماخذ على مضنون عيني خيارا.. ياغير وضحى مالك الله نختـار

صافي الجبين أبو نهيدٍ صغـارا.. الجادل اللي راح قلبي معه طار
سلامه العايد
28-09-2007, 10:18
البارحة يـوم الخلايـق نيامـا = بيّحت من كثر البكا كل مكنـون

لي ونّهٍ من سمعهـا مـا ينامـا = ونّة صويبٍ بين الأطلاع مطعون

والاّ كما ونّـة كسيـر السلامـا = خلوه ربعـه للمعاديـن مديـون

في ساعةٍ قل الرجـا والمحامـا = فيما يطالع يومهم عنه يقفـون

تسمع لها بين الجرايـد حطامـا = من نوحها تدعى المواليف يبكون

والاّ خلـوجٍ سابـتٍ للهايـامـا = على حوارٍ ضايعٍ فى ضحا الكون

والاّ حـوارٍ نشقـوه الشمـامـا = وأمه تطالع يوم جـرّوه بعيـون

والاّ رضيـعٍ جرّعـوه الفطامـا = أمه غدت قبل أربعينـه يتمّـون

عليلك ياللي شرب كأس الحماما = صرفٍ بتقديرٍ مـن الله مـاذون



في فرق بين هذي القصيده وذيك
فضول..على طول
28-09-2007, 10:40
يا اخوان القصيدة ليست لنمر بن عدوان وتكلم عنها الراوي الشرهان في احدى الجرايد.





وقال لنمر بن عدوان قصيدة مشابهه لهذه القصيده اما القصيدة هاذي فليست لنمر واحاول اجيب الجريده واخبركم من اللي قايل هاذي القصيده وماهي قصيدة نمر المشابهه لها.





سلمت يمينك يا ناصر ولا عدمناك يا الغلا.






تقبل مروري.
سلامه العايد
28-09-2007, 10:50
أدري في وأحد من الاحساء قال قصيدته



من توفت زوجته



وقالوا هذي وبعدين قالوا هذي لنمر بن عدوان


الحين وش الحقيقه




في كتاب لنمر بن عدوان قريباً



راح ينزل



تقبلووو مرووري ,,,,,
ناصر السيف
29-09-2007, 05:53
بو ثنيان


الحر


زيد



فضول


سلامه



ياهلابكم




انا نقلت الموضوع



واذا كان الموضوع لواحد من الاحساء يكفي انكم وضحتوا




ومشكورين على المرور الكريم