سلامه العايد
28-09-2007, 08:32
يا فرحةٍ بادنى وباقصى ضميري = يعلمبَه الرحمن خلاق الأكوان
فرحة كفيفٍ بات واصبح بصيري = وصار يتشوّف طلعة الصبح لابان
هي فرحةٍ من قلب صادق كبيري = منطوقةٍ بالصدق من قلب ولسان
يا مرحبا باللي لفانا يسيري = من يوم يمشي لين شافته الأعيان
أهلاً هلا عدّ السحاب المطيري = واعداد ما تمشي من السيل وديان
واعداد ماهلّ الهلال المنيري = او كثر ما راد المطر ريق ضميان
يا مرحبا في جمع لام الغفيري = جمعٍ يلم الشمل ما بين الاخوان
أولاد سعدا مشهرين الشطيري = للي يناحرهم وينكس بخسران
يا ويل من ينزل عليهم مغيري = ينزل ويلقى من على الخيل فرسان
قبيلةٍ ما مثلها من نظيري = يشهد لها التاريخ واحداث الازمان
يا قوم ابن صلال نعم الأميري = فضول ياهل الراي والعلم والشان
ويا قوم ابن غدفه عيال المغيري = بالوقت الأول فعلكم خير برهان
ويا قوم ابن مذود عيال الكثيري = سليل زيد الخيل خيّال ريشان
كثران إلى ثار الشرار النذيري = يلقى الغنيمة من تعزوى بكثران
يا عزوتي يا نسل اوس الشهيري = اوس الصحابي يا فخرنا بالايمان
حنا النواسل والزمن يستديري = كنا ودار الوقت وقد كان ما كان
حنا مصابيح الظلام الضريري = حنا سلايل طي والجد قحطان
ياما وطينا كل دربٍ خطيري = وياما ولينا من ديارٍ وبلدان
مير الله اقوى كل شيٍ يصيري = دنياً تدور وكل قومٍ لَه ازمان
يالله يالمعبود لك نستجيري = انك تلم الشمل يا عالي الشان
يا ليتني يا ناس طيرٍ واطيري = واجمع سلايل لام من كل الاوطان
الطير ما يرتاح الا يطيري = ولا يطير الطير من غير جنحان
اولاد جعفر ينثرون العبيري = للي لفاهم وانشدوا زين الألحان
قلبي من الفرحة غدا مستطيري = فرحٍ لكم يالربع شيبٍ وشبّان
وآخر قصيدي والكلام الاخيري = ابعتذر يالربع عن كل نقصان
وصلوا على البدر المنير البشيري = محمد المختار في كل الاحيان
كلمات الشاعر : رشيـد الكثيــري
فرحة كفيفٍ بات واصبح بصيري = وصار يتشوّف طلعة الصبح لابان
هي فرحةٍ من قلب صادق كبيري = منطوقةٍ بالصدق من قلب ولسان
يا مرحبا باللي لفانا يسيري = من يوم يمشي لين شافته الأعيان
أهلاً هلا عدّ السحاب المطيري = واعداد ما تمشي من السيل وديان
واعداد ماهلّ الهلال المنيري = او كثر ما راد المطر ريق ضميان
يا مرحبا في جمع لام الغفيري = جمعٍ يلم الشمل ما بين الاخوان
أولاد سعدا مشهرين الشطيري = للي يناحرهم وينكس بخسران
يا ويل من ينزل عليهم مغيري = ينزل ويلقى من على الخيل فرسان
قبيلةٍ ما مثلها من نظيري = يشهد لها التاريخ واحداث الازمان
يا قوم ابن صلال نعم الأميري = فضول ياهل الراي والعلم والشان
ويا قوم ابن غدفه عيال المغيري = بالوقت الأول فعلكم خير برهان
ويا قوم ابن مذود عيال الكثيري = سليل زيد الخيل خيّال ريشان
كثران إلى ثار الشرار النذيري = يلقى الغنيمة من تعزوى بكثران
يا عزوتي يا نسل اوس الشهيري = اوس الصحابي يا فخرنا بالايمان
حنا النواسل والزمن يستديري = كنا ودار الوقت وقد كان ما كان
حنا مصابيح الظلام الضريري = حنا سلايل طي والجد قحطان
ياما وطينا كل دربٍ خطيري = وياما ولينا من ديارٍ وبلدان
مير الله اقوى كل شيٍ يصيري = دنياً تدور وكل قومٍ لَه ازمان
يالله يالمعبود لك نستجيري = انك تلم الشمل يا عالي الشان
يا ليتني يا ناس طيرٍ واطيري = واجمع سلايل لام من كل الاوطان
الطير ما يرتاح الا يطيري = ولا يطير الطير من غير جنحان
اولاد جعفر ينثرون العبيري = للي لفاهم وانشدوا زين الألحان
قلبي من الفرحة غدا مستطيري = فرحٍ لكم يالربع شيبٍ وشبّان
وآخر قصيدي والكلام الاخيري = ابعتذر يالربع عن كل نقصان
وصلوا على البدر المنير البشيري = محمد المختار في كل الاحيان
كلمات الشاعر : رشيـد الكثيــري