من هو شاعرك المفضل؟أو القصيده المفضله إليك؟

[تركي بن عبيدالله]

بسم الله الرحمن الرحيم


أسعد الله أيامكم بكل خير وأهنئكم بقدوم شهر رمضان الكريم وعساكم من صيامه وقيَامه


أما بعد

نعرض عليكم هذا الموضوع عسا أن ينال على إعجابكم ورضاكم

من هو شاعرك المفضل؟

أو ماهي القصيده المفضله إليك ومن هو شاعرها؟

من خارج المنتدى أو من داخل المنتدى

ولا مانع بذكر القصيدة

ولكم أصدق

وأرق التحايا

[حاتميه]

شكرا تركي للموضوع و الفكره الجميله

اكيد بنستفيد منها بمعرفة شعرائنا المبدعين وقصائدهم الروعه

انا من اشد المعجبين بشعر الامير الشاعر الفنان المبدع المرهف

خالد الفيصل

اسطورة زمانه ! واحتار الحقيقه من ذكر قصيده له فكلها رائعه بشتى انواعها

لكن اخترت لكم هذه الشامخه ومتاكده بانها تحوز على رضى الجميع


يموت الشجر واقف وظل الشجر ما مات رياح الدهر تصرخ وهي تجرح جنوبه
لك الله شجر للموت ما ترخي الهامات بقت وقفتك يا رافع الراس مهيوبه
شجوني لها مع وقفتك يا شجر وقفات عيون النظر مع نظرة الفكر مصحوبه
شموخ الشجر عبره لمن يفهم الشارات والإنسان في غفله والأيام محسوبه
أرد النظر لاشك يا نظرتي هيهات أبستوعب العبره بالأشجار مكتوبه
وأنا يعتريني ضعف الإنسان و الهقوات أروم العزايم يوم و أيّام مسلوبه
أبظهر عن الدنيا مع حامل النظرات و أسافر عن العالم على غايم دروبه
و أبرسم على غيمة دروب الهوى بسمات وأبنثر كلام الحب طرب وطروبه
و أغنّي بها سامر وأقوّم بها عرضات وأبترك ثرى الدنيا لمن كان مطل

[سلامه العايد]

أبصراحه حيرتني



أنا مايعجبني أي شااعر



في بعض الشعاار لهم قصايد جميله



وبعضهم فلاااا



وهذي عاجبتني لاكن لا أعرف من قألهاااا





ياهجوسي ورديني بالهـوى حـوض المنيـه = نوّخي ذود الهموم العوب في عوج المحانـي

واسهجي فكري على القيفان يم ارض ٍ خليـه = العوض في مسامر القمرا ولا قطعـة زمانـي

ماوطيت النار من طوعي مادام النـار حيّـه = لعنبو حظي يطيع وميـر هالمـره عصانـي

كل ماجيت اشتكي همي كوانـي ألـف كيّـه = ولاهجد لارحم أبو مجناه عـوّد ثـم كوانـي

البلـيّـه يـاعـرب والله ماغـيـره بلـيّـه = أن تركته ماتركنـي وان رجيتـه مارجانـي

ياعرب وشهي سوات اللي عشق بنت بدويـه = حطت النيشان في صدري وبارقهـا رمانـي

لا ربت يم الحجاز ولا وطـت نجـد العذيـه = لاسكنت أرض الجنوب ولا نصت درب العماني

حايليه لعنبـو مـن لا عشـق لـه حايليـه = أشهد ان دنياي زانت عقب ماخلـي نصانـي

صوتها لامن دعاني كن جوفـي بـه حميّـه = يفزع بنبض العروق أليا سمع خلـي دعانـي

عينها القايد وانا كلـي لهـا مثـل السريـه = ان رفع بالصوت ياجنـدي ألبّـي بأمتنانـي

وان وصلته اجمـع الرجليـن وادق التحيـه = وان لحظني برمش عينه أنحدر باقي كيانـي

كـن مابينـي وبيـن الزيـن قـوّه جاذبيـه = حالف ٍ قلبي على طاريـه مايـوم يعصانـي

شامخه مثل الجبال و زينهـا ماشفـت زيّـه = مايوصفهـا قصيـد ولابيـوت ولا اغـانـي

وعزها عز الشيوخ اللي على الشيمـه وفيـه = وخصرها لامن تثنى شبه عـود الخيزرانـي

شعرها مثل السفايف لا اعتلت ظهر المطيـه = منه ريح العود ينفح لا وصلني ثـم غشانـي

منبهـر ياقـوة الله فـي تواصيـف البنيـه = لو بعدد بالوصايف طـول عمـري مامدانـي

طالبـك يالله يارحمـن يـاجـزل العطـيـه = أتغفر للمودمانـي عـن خطايـا المودمانـي

[صالح الدعفس]

الف شكر لك اخوي الغالي ....


عن نفسي شاعري المفضل عبدالرحمن العادل الشمري ...


واحفظ من قصيدتة هذة


للفقر لذة في عيون الهوامير

شوفوا شلون بفقرنا شاركونا

في نارهم يستنسخونة دنانير

ولوطلبناهم تري ما عطونا

حسرة قليل المال بكفوفهم غير

ولوهو ذهب يمدي خذوة وخذونا

الله لا يجزي اكا الطالع بخير

اللي علية بعافيتنا حسدونا

تجمعت شرابة الماء علي البير

ياحليلأ علي هالجماعة حدونا

جونا شتات اصفر تلقفهم الطير

بلوي ياليت بشرهم مابلونا

طاوع معاهم من لقي دهنت السير

ولا وش اللي سكتة يوم جونا

ذقنا علي ايديهم هوانا المشاوير

ضيعهم الله مثل ماضيعونا

وش صار فينا وش بعد باقي يصير

يافاهمين السالفة فهمونا

المشكلة ياحبنا للمعاذير

والناس وصلوا للقمر وسبقونا

دايم نسوي للخيانات تبرير

والظاهر الخاين طلع كل ابونا ...



تحية معطرة .........

[ناصر السيف]

تركي



الشاعر عبدالرحمن الشمري

دمت بود