زوج وزوجه المستقبل ... (للنقاش)

[مزيونه الفضول]

السلام عليكم ورحمه الله وبركاته ياعرب

حبيت أسأل كل عضو وعضوه شنو ممواصفات فارس احلامها
وشنو ممواصفات زوجه المستقبل؟
وشكرا

[مزيونه الفضول]

قاصود ومزيون وشيخ ولد شيخ وكريم وطيب ويفضل من قبيلتي بس شرط

كويتي .....
وانتوا يلا رودكم ؟

[سلامه العايد]

مزيونة الفضول



بارك الله فيك على الموضوع


أما من تاحيتي لازم تكون قبيليه


وأخلاق وذكاء وقلب طيب وابيض


وتهتم في دينهاااا ...



وتسلم يمناااك

[ناصر السيف]

مزيونة الفضول



اما انا اكيد ابيها قبيليه




مااحب اوصف كيف ابيها






دمتي بخير

[مزيونه الفضول]

فعلا اخوي سلامه لازم تكون لاراعيه قلب ابيض اهم شي


اخوي ناصر اكيد قبيليه بس جذي عادي يعني ماكومواصفات يلا الله يرزقك اللي بالك ويحقق مرادك......


شاكرتلكم مروركم

[سلامه العايد]

مزيونة الفضول



شكراً على واجب



بس في بعضهم يكون لهم وجهين ...

[حاتميه]

تعرفين مزيونه البنت مهيب اللي تروح تخطب .. عشان كذا صعبه تحدد مواصفات زوج المستقبل
لأن مالها الا تختار الاصلح والافضل من اللي تقدمو لها ..
فلابد من الاهل الحرص والتوقي والنظر والتأني والسؤال والتثبت عن الخاطب أمر مهم غاية الأهمية
قال النبي صلى الله عليه وسلم :
"إذا أتاكم من ترضون دينه وخلقه فزوجوه إلا تفعلوا تكن فتنة في الأرض وفساد كبير"
فالله الله بالملتزم ان احبها اكرمها وان لم يحبها لم يظلمها ..

اشكرك اختي المزيونه الله يوفقك ويكتب لك اللي فيه الخير ...

[رياض الفضيلي]

تعرفين مزيونه البنت مهيب اللي تروح تخطب .. عشان كذا صعبه تحدد مواصفات زوج المستقبل
لأن مالها الا تختار الاصلح والافضل من اللي تقدمو لها ..
فلابد من الاهل الحرص والتوقي والنظر والتأني والسؤال والتثبت عن الخاطب أمر مهم غاية الأهمية
قال النبي صلى الله عليه وسلم :
"إذا أتاكم من ترضون دينه وخلقه فزوجوه إلا تفعلوا تكن فتنة في الأرض وفساد كبير"
فالله الله بالملتزم ان احبها اكرمها وان لم يحبها لم يظلمها ..

اشكرك اختي المزيونه الله يوفقك ويكتب لك اللي فيه الخير ...


الكبير كبير يا أم المكارم

بومشعل

[حاتميه]

جزاك الله خير بومشعل .. دوما تسعدنا بتشجيعك اللي مالنا غنى لنا عنه

[المــها]

اهم شي يكون متدين

[سالم الصبارا]

الله يعطيكم العافيه على هالموضوع
ومشكوره اختي مزيونة الفضول على هذا الطرح
وكفيتي ووفيتي يالحاتميه على الرد الرائع

بس انا عندي سؤال محيرني ... هل للجنسيه اهمية في حال

كان المتقدم للزواج او البنت نفسها من جنسيه مختلفه او غير ذلك

علما انه الاثنان من قبيله واحده يعني بالاصح الاصل واحد لكن الجنسية تختلف

هل هذا له اهمية كبيره عند المجتمع ... وليش ؟ علما ان الاصل واحد

انا شخصيا لاحظت هالشي بشكل كبير بالآونه الاخيره والامر محير

هل ااصبحت العوائل تناسب الجنسيات ام تناسب الاصل والقبيله؟؟


اتمنى ان احصل ردود ... شاكر لكم سعة صدوركم

تقبلوا مني كل احترام وتقدير

[فارس الفضول]

انا اختياري امرأه ذات خلق ودين متحشمه متعلمه .. يعني امرأه ولدتها الفحول .. واهم شي تكون عمرها مثلي تحت المئه .

[حاتميه]

شكرا سالم لحضورك الاروع

تبي رايي اخوي .. اذا احد حدد نفس جنسيته بس عشان البعد عن الاهل يمكن صعبه شوي

والا بالعكس اشوف انه حلو التواصل والتناسب من جديد بين افراد القبيله ليه لا ؟ شي جميل

وصدقت اهم شي الاصل مهوب الجنسيه ..وحنا في السعوديه .. متعودين ع الفراق لانها كبيره

وكثير من الشباب يتوظف خارج المدينه اللي عايش فيها ..فيتزوج ويروح يسكن بعيد عن اهله واهلها

فياليت ياخذ من بنات عمنا في الخليج .. وبالنسبه للطبايع يمكن اول تختلف كثييير ..

لكن مع العولمه اللي صايره تقاربت اكثر .. بس اخاف تجينا كويتيه وتبي تسوق محنا مخليتها هههههههه

تقبل مروري ورايي السريع ( :

[طــربـــان]

اخوووي سالم الافضل

من نفس ديرتك حتى لو ينتمي او تنتمي لنفس القبيله

لان لكل منطقه لها عادات تختلف عن عادات المناطق الاخرى

وثانيا : يكون الرجال من نفس ديرتك ماتبعد عنك بنتك او اختك كل يومين وهي مسيره

اما من ديره ثانيه يالله تشوفها بالاجازات او العيد ....

والرجال بعد يرتاح لاصارو اهل الزوجه قريبين منه لابغى يكشت والا الاستلامات العسكريه

يحط الحرمه عند اهلها امن لها من البيت بالحالها هي وعيالها

ارجو اني افدك لو بالشي القليل اخوي سالم الصبارا

وانا مواصفات زوجتي احتفظ بها لنفسي

ومشكووره ع الموضوع

طــربـ نجد العذيه ـان

[المــها]

اخوي سالم
اكيد الافضل نفس ديرتها وسبب
عند السؤال عن الشاب واخلاقه
يكون شي سهل
وعلى فكره حتى احنا عندنا في السعوديه فيه عوئل نجديه مستحيل تعطي بنتها او تزوج ولدها من غير اهل نجد
وحتى اهل الشمال والجنوب والغرب وشرق فيه عوائل ما تزوج الا نفس المنطقه
رغم ان الجنسيه وحده

[سالم الصبارا]

مشكوين اخواني واخواتي على الردود الطيبه

وانا كنت متوقع ان ما راح تفهمون المقصد في سؤالي لان الوضع عندنا يختلف عن الوضع بالسعودية

راح اوضح النقطه اللي فيها لبس وراح اوضح صورة الوضع الموجود عندنا

اللبس اني ما كنت اقصد ان يجي احد من ديره ثانيه اللي اقصده انه لو كان من نفس الديره بس يختلف بالجنسيه

مثال لو جاكم كويتي مقيم بالسعوديه علما ان جنسيته كويتيه فقط او اي جنسيه اخرى ومقيم اقامه دائمه بالسعوديه ومن ولد وهو بالسعوديه واساسه من السعوديه

ويعني رجال تعرفونه ويعرفكم ومن عربكم بس الاختلاف هو الجنسيه وهذا نتيجه الاختلافات والاوضاع السياسيه اللي مرت فيها

المجتمعات في هذي العصور اللي طافت .... هذا اللي اقصده

يعني على سبيل المثال من المشاكل اللي موجوده حاليا عندنا هنا هو ما يزوجون الكويتيه لغيرالكويتي لو كان من نفس القبيله والعايله

ولو كان ولد عمها ..

علما ان لا توجد اي مشاكل بالنسبه لبعد المسافه بين المناطق بالكويت ...؟؟

هذا هو السؤال ... مع اني شخصيا ما اشوف اي فرق بهذا بهالامر واللي خلاني اطرح السؤال هو شرط الاخت مزيونه .. وقله ونادر تحصل كويتيه ماخذه خليجي او غير كويتي

وهذا اللي استغرب منه وهو رفض بعض ابناء العم وابناء القبيله بسبب مسألة اختلاف الجنسية ؟؟

ولم يأخذوا بقول الرسول صلى الله عليه وسلم

"إذا أتاكم من ترضون دينه وخلقه فزوجوه إلا تفعلوا تكن فتنة في الأرض وفساد كبير"

وسلاااااااامتكم

[رياض الفضيلي]

.

الاخ الحبيب سالم

دخولك في الموضوع غيّــر مجراه وزاده قيمه

تقول انه عندكم في الكويت ممنوع زواج الكويتيه من غير كويتي ؟ غريبه

اعرف كثير من اصدقائي متزوجين كويتيات . بعضهم من نفس القبيله وبعضهم

من قبيلة اخرى

واذا اردت رأيي : فليس عندي غير الرجوع الى حديث الرسول عليه الصلاة والسلام

كما اوردته في ردك بارك الله فيك

[ اذا أتاكم من ترضون دينه وخلقه فزوجوه . الا تفعلوا تكن فتنة في الارض وفساد كبير ]


الشكر للاخت مزيونه صاحبة الموضوع
ولك اخوي سالم الصبارا



بومشعل

[رياض الفضيلي]

.

اخوي زيد الخيل

كل عام وانت بخير ومن العايدين الفايزين

كلامك ما فيه اي شيء يزعل . بالعكس انت تريد صفات مثل
صفات المذكورات . وهذه شهادة نعتز بها

وفقك الله وثبتك على الخير


بومشعل

[طــربـــان]

اهاااااااااااااا

الله يعينكم اخووووووي سالم

طــربـ نجد العذيه ـان

[سالم الصبارا]

اخوي الغالي والحبيب ابو مشعل

اشكرك على المداخل الرائعه .. وكلنا فخر في تواجدك

وبالنسبه لأصدقائك فكلامك صحيح ولكن هذا في زمان اول

لكن الان من الصعب وان حصل يكون نادرا ... وذلك بسبب المردود المادي الذي

يميز الكويتي عن غير الكويتي من الدوله (( دعم العماله )) ... علما ان كل مخلوق خلق كتب له رزقه قبل ان يوخلق

وهذا ما كتبه لنا الله سبحانه وتعالى فله حكمه في كل شي

ومثل ما يقولون (( لو تركض ركض الوحوش غير رزقك ما تحوش ))

وهذا يمكن سبب (( ضمان مستقبل )) من وجهة نظ بعض الناس .. ومن وجهة نظري لا ارى انه سبب لان رب العالمين هو الرزاق

واشكرك اخوي بو مشعل مره ثانيه

ويمكن اني رحت شوي عن سياق الموضوع

بس سؤال من زمان يجول في بالي حبيت اطرحه لعلي القى الجواب

وبالنسبه للأخ زيد الخيل

بناتنا فخر لنا بالاخلاق والتربيه

تقبلواا احترامي وتقديري

[حاتميه]

وشكرا لك سالم ع التوضيح والظاهر اني فاهمتك ..

يمكن بعض الاخوان خذو الفكره من ناحيه الجنسيه ونسو ناحية الاصل والقبيله

وتعجبوني اخواني كذا ع النقاش الحلو والهادف .. منتدى المناقشات على اسمه يبي نقاش

مو موضوع تشكر عليه وبس .. يا حبذا المشاركه دائما في كل المواضيع بالنقاش الجاد وعدم المجاملات

ومهما كان حنا اجتمعنا في مكان واحد لغايه نبيله ولا يمكن الاختلاف في الراي يفسد للود قضيه

تحيتي للجميع

[سلامه العايد]

سالم الصبارا



أبصراحه هذي غريبه واول مره


أسمع كذا الا منك الله يعينكم ..

[سالم الصبارا]

اخوي العزيز سلامه

هذي نقطه في بحر من الامور الموجوده بالكويت

في امور كثير الواحد يستغرب منها

علما لو تأخذ بالامور الدينية والعقلية لكانت بطلت

[سلامه العايد]

سالم الصبارا



هذا معروف لو أخذت الدين في



حل المشاكل


راح تنحل كل المشاكل الدنياااا



بس هنااك عادات وتقاليد وحناااا



طحنااا بالعدات والتقاليد ...

[ALZEEN]

اما انا اسمعوا مواصفات اللي ابية ياجماعة الخير ......

اول شي رجل اصيل ومو بشرط من قبيلتي بس الاهم انة يكون شمالي..........

وثانيا ... ان يعرف علوم الرياجيل وسمعتة طيبة عند الرياجيل .... وشخصيتة قوية ......

واهم شي طويل<<<<<<<<<<<<<<<<<<<<<<<<<<<(( طووووووويل)))) اهم شي.........

[راعي العليا]

بسم الله الرحمن الرحيم

السلام عليكم ورحمة الله وبركاته

مزيونة الفضول يعطيك العافيه على الطرح

ولا انا ماراح اقول موصفات زوجتي على شان ماحد يجي ياخذها من بعدي ===> الغيرة واصله حدها ههههه

وشكرا

[مزيونه الفضول]

ههههههه حلوه هذي مافي غير زوجتك بالعالم ماشاءالله كل المنتدى عزوبي

[مزيونه الفضول]

الزين ماالومج تبين شمالي لان الشمالي هواااه غيييييير
الشمالي ليعشق معذووور صح؟

[مزيونه الفضول]

شاكره مروركم

[عبدالله السالم]

وبالنسبه لأصدقائك فكلامك صحيح ولكن هذا في زمان اول

اخوي سالم الصبارا
اسعد الله اوقاتك بكل خير..
ذكرت ان هذا في زمان اول
واعرف اكثر من واحد في زمنا وبنفس عمري متزوجين بنات من الكويت
واخر واحد اعرفه قبل سنتين..
ولكن يمكن قصدك ان المصاهره قليله جدا بحيث انها تكون كل سنه او ثلاث سنوات مره
وممكن بس هذا الموضوع معدوم في قبيلتنا فقط ..
مع ان المعروف لدى الجميع ان الولد اولى في بنت عمه من الغريب
ونفرض مثال على ذلك اذا في ثنين متقدمين لبنت من الفضول ساكنه بالكويت واحد فضلي ساكن في السعودية
والثاني من قبيله ثانيه ساكن بالكويت..شي طبيعي راح ياخذها ولد عمها مهما كانت المسافه
والله هذا اللي ناقص ياخذها واحد ماهوب ولد عمها
وانتي يامزيونة الفضول.....
اول شي مشكوره على الموضوع ثاني شي..
لو صغتي الموضوع بصيغه ثانيه يكون افضل

[عبير الورد | ~]

مشكـــــــــــــورة اختي مزيـونه على طرح الموضوع

انا بالنسبـــــــــة لي اهــم شــي الدين والصـلاح والسمعـة الطيبــة

ويكـون كريم

وما يــدخن <<< حطي تحتها عشريــن خط

وعلى قـولة اختي الزين طووووووووويل لازم يكون اطــــــــول مني

لاني بصــــراحــة طويلــة ومو حلو أخــذ واحـد اقصــر مني فشــلة


يعني ياليت طوله 170 وفـــــــــوق

واخــــــــوي سالم الصبــارا

بالنسبــة لكـلامــك على الكويتيات بالعكــس يا كثر الكويتيات المتزوجات من سعــوديين << كيف تقول نادر

وكثير بنات سعــوديات بعــد متزوجين برجال كويتيين ومن غير قبيــلتهــم


دمتم بـود

[عطـــــر الخزامـــــى]

بالأول انا اقوووول

مو انا اللي بروح اخطب لهسبب مع قول الرسول
ذا أتاكم من ترضون دينه وخلقه فزوجوه . الا تفعلوا تكن فتنة في الارض وفساد كبير

فأحنا اكيد بتكون لنا كلمه بعد كلمة اهلنا
واكيد الأهل راح يسألون عن دينه واخلاقه وسمعته


اما بالنسبه لجميع من استنكر قول سااااالمـ
اقولهم هذا الواقع وليه نجذب
اي نعم الفضليه الكويتيه مايزوجونها اهلها بدون او غير كويتي
والسبب اا حاجيتهم وقلتهم ليش ردوا باختصاااار
قالوا شنو الضمان ان يكون على طوول بالكويت
في ظل الأوضاااع حيل متخربطه عندنا عن البدون
وهم بعد بيعشها العيشه اللي اهي عايشتها عند اهلها
مع انه من وجهى نظرتي بما انه ولد عمها وزوجها ماراح يتخلى عنها
لو شنو مايصير
يمكن خوف الأهل على بنتهم يوقف نصيبها ويا ولد عمها
وهذا الوااااقع عندنا بالكويت ولا نبي نزايد على عمرنا ونقول لا
احنا مثالين واهالينا يبدون البنت لولد عمها

والحــــــــــــــــــــــــــــــــــــــــــــــ ــــــر
الوضع مختلف حيل ياليت ننظره بنظرة واقعيه
بالكويت عندنا
ولو على قولتك صار هالشي بيزوجونها الغريب لانه بالديره
وبنتهم عند عينهم

[عبدالله السالم]

عطــر الخزامــــــــى
لو خيروك بين غريب في ديرتك
وبين ولد عمك ساكن بعيد عن اهلك
وش تختارين بصراحه؟؟
لان للحين ماعرفنا رايك

[عطـــــر الخزامـــــى]

الحــــــــــــــر

وربي شاهد على اللي بقوله

بأخذ ولد عمي تدري ليش
لانه اولى فيني من الغريب
وهم بعد ماراح يكون الغريب فيه حميه وغاريه علي نفس ولد عمي
بالأول وبالأخير بظل عند الغريب غريبه

[عطـــــر الخزامـــــى]

وللمعلوميه لما رديت بالأول
نقلت وجهة نظر اهلنا
مو وجهة نظري انا ولا نظر وحده من بناتنا
اهلنـــــــــــــــــــــا

[عبدالله السالم]

كفـــــــــــو يابنت العم
وهذا اللي كنت متوقـــــــــع وهذا من طيبك وطيب من رباك
وياليت مانخلي الجنسيه واللي بدون جنسيه تحكم وتقطع الدم
والرفاهيه مو كل شــــــــــي بالدنيا
واحب اذكركم بهذه القصه
هذي قصة توضح النخوة عند عيال العم حتى عند النساء وسوف نذكرها لكم وهي قصه مؤثره جدا
كان محمد بن جاسر وهو آخر رجل من الجاسر شيوخ الغزي وكان ضعيفا لا حلال عنده ولا مال ولم ترضى كل بنات القبيلة فيه لهذه الاسباب ولكن فرج الله قدم وكان على يد ابنة عمه التي كانت متزوجة من رجل من طي فقالت له انا استاذنك واطلب منك الطلاق فقال لها لماذا انا وانتي مابينا خلاف فقالت له اعلم لكن بنفس الوقت انت لا ترضى ان ينقطع نسل الجاسر ولازم تطلقني لكي احي هذا النسب واتزوج اخر سلالة بن جاسر
اعجب بها زوجها وطلقها واعطاها حلال كثير ومال وارسلها فتزوجت وجابت ولدين هم
مشعل الذي مات شابا
وشعلان الذي زاد عز الفضول اضعاف فوق عزهم ومجدهم

شعلان بن جاسر تربى وكان لا احد يظن فيه ان يكون حتى شبه فارس
وكانو يسمونه قومه(بيـــــــــرق الجلاب) لانه كان يلعب ويلهو بين الكلاب
وكبر شعلان واصبح شابا وصادف حرب بين الفضول والمغيره
وكان اخر ملوك بني مغيره هو عجل بن حنيتم يكثر الغارات على كل القبايل بما فيه الفضول
فدارت المعركه بين المغيره والفضول فعجل بن حنيتم يشتهر بالقوه والشراسة وكان لا يقوى عليه احد
وبينما المعركة دائرة قال شعلان لاحد فرسان الفضول اين عجل فقال له ذاك الذي تهج الفرسان منه
فراوحه شعلان القتال حتى انزله من حصانه وقتله بخنجره فضرب بذلك مثل في الشجاعه وخالف كلام الناس ورجع ذكر الجاسر بمجد جديد لانه قتل زعيم الجزيرة العربية عجل بن حنيتم

[عطـــــر الخزامـــــى]

بارك الله فيك يالحــــــــــر

واتحفتنا بهالقصه

[سالم الصبارا]

الله يعطيكم العافيه

ومشكورين على التفاعل والردود الطيبه

بس يمكن كل واحد فينا عنده معلومات مختلفه او محدوده

لكن ما يحيط بكل الامور الموجوده عندنا بالبلد ... واللي ذكرته اخوي الحر

موجود ولكن بندره يهني قله قليله وانا ذكرته بردي السابق اللي قريته ... ومن الامور الموجوده

وبكثره اللي ذكرته اختي عطر الخزامى .. علما ان الوضع صار حاليا الكويتي وغير الكويتي حالهم واحد تقريبا

والفرق بينهم اللهم دعم العماله تقريبا وامور بسيطه ما توقف مسيرة الحياه...

وعلى فكره اخوي الحر في امور الواحد ما يحب يذكرها .. (( بخصوص تفضيل الغريب على ابن العم ))

"لان في امثله يشيب لها الراس " بس خلنا بعيدين عن هالامور والله يستر علينا وعليكم وعلى المسلمين اجمعين

بيض الله وجهج اختي عطر الخزامى تطرقتي عن مشكله كبير موجوده بمجتمعنا القبلي والدولي بنفس الوقت

ومشكله اخرى اكبر وهي تأخر البنات بسن الزواج .. وهذا موجود ومحد يقدر ينكره

ومما ينتج قلة زواج الشباب وهذا يفتح امور كثيره لو دخلنا فيها راح اندوخ ونطلع بنتيجة غير مرضيه.. وهي انتهاء امور كثيره

ومنها عدم انتشار الوازع الديني .. والدخول بالشبهات والمحرمات عسى الله يبعدنا ويحفظنا جميعا عنها

وسامحوني للإطاله لان الامور هذي الكلام فيها كثير

تقبلوا مني كل احترام وتقدير

[عبدالرحمن الدعفس]

صباحكم ورد ياعيال العم بالنسبة لكلام اخوي سالم انا ولد خالي متزوج من كويتية قبل فترة قصيرة وبالنسبة لزواج ولد ببنت عمه ولو هي في مكان بعيد اكيد احسن لها من الغريب واحفظ لها على العموم الله يوفق بناتنا وعيالنا ويحصنون انفسهم بالزاوج المبكر وهذي تحته الف خط لان للاسف صارو البنات عندنا يتزوجون باعمار كبيره وانا مايد الشي هذا وعلى العموم بالنسبه لمواصفات الزوجه وش تبون الاولى والا الرابعه واعلمكم .

[الشيهانه]

مو شرط يكون من قبيلتي اهم شي غني وراعي صلاه


ودمتى

[شاكر المخبت]

يقول النبي عليه الصلاة والسلام ( من أتاكم من ترضون دينه وخلقه فزوجوه ). صدق رسول الله عليه الصلاة والسلام وبعد ذلك يرعاة الانسان الامور التي تناسب كل عائلة وخاصة امور القبيلي والغير قبيلي ؟ لان ذلك ينتج عنه مشاكل لاتحمد عقباها .