المساعد الشخصي الرقمي

مشاهدة النسخة كاملة : دراسة البنت خارج بلادها؟؟

ALZEEN
22-10-2007, 11:50
السلام عليكم ......

كيفكم ياجماعة ........

انا عندي موضوع حيل شاغلني الايام هاذي ..........

انت بنت هذا اخر كوس لي بالجامعة انشالله والوالد يشجعني علا ان اكمل الماجستير بدولة غير دولتي .... يعني برة البلاد ........ وانا يوم شفت التشجيع من الوالد انبسطت ....... بس يوم شفت ردة فعل اهلي واخواني كانت لهم نظرة ثانية ....... وانا الصراحة تهمني نظرة الناس اللي حولي وأرائهم ...... واتمنا انكم تشاركون وتقولون رايكم .... بدراسة البنت بالخارج


ولكم جزيل الشكر ...




اختكم. ...... الزين
سلامه العايد
22-10-2007, 11:55
الدراسه خارج الدوله مافيهااا شي


شرط يكون معك محرم ياعمك



ولا ابوك ولا اخوك ولاخالك ولازوجك



وفي ناااس لهم عادات وتقااليد



وأشكرك على طرح هذا الموضوع



وتسلم يمناااك



تقبلي مروري ...
ALZEEN
22-10-2007, 11:58
تسلم علا المشاركة الطيبة ....... ياسلامة ...... ولاهنت علا المرور
نمر بن عبيدالله
23-10-2007, 12:10
والله يابنت الااجواد طيعي شور اخوانك

واكيد الدراسه في الخارج فيها اختلاط

واكيد راح تشوفين اشياء ماقد شفتيها في بلدك اشياء ماتصلح البنت تشوفها ابد

واذا تبين الصراحه خلك مكانك في ارضك وعند اهلك احسن لك استر لك

نصيحه من القلب

تقبلي مني نصيحتي ومروري
أديب الدعفس
23-10-2007, 12:25
الزين .....
أنا حقي عليك هو ... أن الله يوفقك
احمد الفضيلي
23-10-2007, 12:45
اذا اردتي رايي هو ان تدرسي بديرتك احسن لك من جميع النواحي
والحمد لله جامعاتنا ما عليها اي قاصر هذا من جه
ومن جهه اخرى (( من ترك شيء لله ابدله الله خيراً منه )) وبهذا ستنالين الرعايه والحفض والتوفيق من الله جل جلاله ..
اسال الله ان يسهل عليك دراستك وان يجعل لكي من كل ضيق مخرجا
اللهم آمين
بنت الطائي
23-10-2007, 01:14
اذا بتلقين التخصص الي تبينه من رايي ادرسي بديرتك
يالله نتزامل انا وانتي في الماجستير
مووووفقه خيتو
عبدالرحمن الدعفس
23-10-2007, 08:37
انا برايي اهم شي المحرم يعني تزوجيني ونروح ندرس امزح لاتزعليني اختي :happy77: على العموم الله يوفقك للخير لك تحياتي .
ناصر السيف
23-10-2007, 09:09
الزين



بصراحه حلو الدراسة والتطور بس القسم اللي تبينه ماهو موجود في ديرتك؟




الحياة في الخارج بعيد عن الاهل مره مره صعبه




وفكري لو سمح الله انا درسة في الخارج وتوفيت هناك بعيد عن اهلي وناسي وديرتي الاسلاميه



على العموم الله يوفقك وانتي ادرا بمصلحتك
نواف الفارس
23-10-2007, 12:12
اذا ارادت الفتاه التعلم خارج البلد فلا بد من وجود معها محرم والمحرم هو احد اقربائها مثل ابوها او اخوها او ......... إخ
وكذلك يعتمد اولا على عمر الفتاة ومدى خبرتها في الحياة
لان الفتاة في الخارج تواجهها صعوبات وعقبات تتطلب خبره وحكمه
لان الفتاة في مجتمعنا الخليجي خاصه والعربي عامه تظل تحت وصاية الرجل
وتعتمد على الرجل في شتى الشئون الحياتيه
مما يجعل الامر صعب في التاقلم مع الوضع في الخارج
وانا ارى انه اذا كان التخصص غير موجود في الدوله وكانت الفتاة شديدة الاهتمام بدراستها
فلا يجب ان يقف احد في طريق تحقيقها لطموحها



الله يوفقكِ اختي العزيزه



نواف الفارس
ALZEEN
23-10-2007, 07:12
نمر بن عبيد الله ...... واديب الدعفس ....احمد الفضيلي.......شيخة الفضول .... عبدالرحمن الدعفس .....ناصر السيف ...... نواف الفارس ............

اشكركم جزيل الشكر علا اعطائكم الاراء ...... ومشكورين علا المرور ......... والصراحة لقيت وجهة نظر الاغلبية ..... ان اكمل الدراسة في الكويت احسن لي ............. وانشاللله الله يكنتب اللي فية الخير ,,,,,,,,,,,,,,


وتحياتي لكـــــــــــــــــــــــــــــــــــــــم >>>>>>>>>>>>>>> كلكم ................




ومشكورين ...........
ALZEEN
23-10-2007, 07:16
باالنسبة حق التخصص اللي ابية مو موجود بديرتي .......بس اهي مو مسألة التخصص .... هي مسألة ان خواني يقولون انتي كافي عليج البكالريوس ...... وهم في تفكيرهم ان هذا اقصى حد للأنثى في الدراسة ........ وابوي العكس يبغيني اكمل .......


وفعلا شكرا لكل اللي شارك ونصحني .... جعل ربي يوفقكم كلكم .....

واقول لشيخة الفضول .... اتمنا ان ندرس انا معك مع بعض .... وشرايك :)
عطـــــر الخزامـــــى
23-10-2007, 07:18
ياعيال العم نتحجى بنظرة واقعيه

محد فينا يرضى بنته تغرب برا بروحها حتى لو دراسه

اصلن مايعطينا قلوبنا احنا البنات نخلي اهالينا

فاكيد دراستها بالديرة واجد ابرك
احمد الفضيلي
23-10-2007, 07:24
الاخت Alzeen الله يوفقك ويكتبلك ما تتمنين
والله يديم عليك غز اهلك وبلدك ففيهم الخير


كما اشكر الاخت عطر على مداخلتها الواقعيه والتي عبرت من خلالها رائيها بكل وضوح وشفلفيه
تمنياتي للجميع التوفيق والنجاح
ALZEEN
23-10-2007, 07:25
عطر الخزامى اشكرك علا ردك المقنع ....... واخي الفضيلي اشكرك ايضا \\\


والله يوفق الجميع
حاتميه
23-10-2007, 07:43
وانا الصراحة تهمني نظرة الناس اللي حولي وأرائهم ......

اذا كان يهمك نظرة الناس خلك بديرتك اختي افضل لك بكثير

الدراسه برا حتى لو حصل لك محرم .. وتعديتي الصعوبات .. لا بد تغير فيك اشياء كثيره

وحنا شفنا اللي راحو درسو برا بحال وجو بحال اخر مختلف

الله يوفقك اختي حيث ما كنتي ويكتب لك اللي فيه الخير
ALZEEN
23-10-2007, 07:50
شكرا شكار اختي حاتمية علا المشاركة ولا هنتي علا المرور .....

ولج جزيل الشكر
المــها
24-10-2007, 01:30
الله يوفقك اختي اول شي
حلو انك تكملين دراستك وكا فحي وصلي حتى لو كانت رغبتك الدرسه خارج
ديردتك وما حصلتلك كملي لا توقفين ابدااا

بنسبه الدراسه خارج الدوله
اجلسي جلست استرخاء وحطي هذا سؤال انا بكمل دراستي خارج ديرتي
بعدين طلعي ايجابيتها وسلبيتها
وشوفي السلبيات وثيرها عليك من هناء راح تقررين
وبنسه لنظرات الناس
اكيد شي مرفوض عندهم اول شي المسئله فيها سفر وتغرب ثاني شي الاختلاط


اتمنى من الله ان يوفقك في دارستك ويكتبلك الي فيه خير لك
ونشوفك ان شاءالله دكتوره
عبير الورد | ~
24-10-2007, 01:37
ان اقــول الأفضـــل لك

هو صلاة الاستخـــارة لان الله هو اعلم من عبيدة بمصــلحتهم

كذلك الاستشــارة وانتي بالمــوضوع هذا اختي مشورة اخوانك وخواتك

والله يــوفقــك
ALZEEN
24-10-2007, 04:54
اشكرك يالمها علا المشاركة ......

وكما اشكر الدلوعة ومشكورين علا النصتئح لا هنتوا :)
نواف الفارس
26-10-2007, 09:01
وهذي عوده مره اخرى

انا لي شخص قريب مني حيل
وقاعد يكمل الماجستير في البحرين
وطريقه الدراسه اهناك سهله جداْ

واعتقد ان يداوم بالشهر فقط 3 ايام
والنظام اللي معمول في هالجامعه يسهل لاي شخص ان يحصل على شهاده الماجستير وبالوقت الاسرع

انا مااعرف شنو نوع التخصص اللي تبينه
واتمنى اني اقدر ارسل لج ايميل
اعطيج معلومات اكثر عن هالجامعه

والله يوفق الجميع



نواف الفارس