السامي كسمو الهلال [الأرشيف] - مجلس قبيلة الفضول التوثيقي الرسمي الأول

مشاهدة النسخة كاملة : السامي كسمو الهلال

عبدالرحمن الدعفس

25-10-2007, 08:34

السلام عليكم ورحمة الله وبركاته

توقعت مصادر داخل النادي الملكي نادي الشعب والحكومه الزعيم الاسيوي الهلال ان يكون

مانشتر يونايتيد في اعتزال الاسطوره السعوديه سامي عبدالله الجابر نجم نهائيات كاس العالم على مستوى الكره العربية والاسيويه وجابر عثرات الوطن الرياضية النجم الاوحد في
الملاعب السعوديه الذي عرف الوطن من خلاله طعم البطولات العالميه , وداعا سامي اخر الاساطير الكرويه وداعا فليس للكره متعة بعدك سنفقدك كثير نتمنى لك حياة طيبه وعامره
بالطاعات تحياتي لك ...

ناصر السيف

25-10-2007, 08:36

يستاهل الذيب

دمت بخير

الصقررر

25-10-2007, 09:30

اخوي عبد الرحمن الدعفس مصدق ان فيه نادي اسمه هلال الله يسامحك

بعدين اعتزال سامي العثرات ليس بكيفه بل فرض عليه من قبل ادارة النادي

ولا كان علوم كان بتشوف منه العجب والعجاب .

انا اصحيح بأعلا صوت احسنا الله عزاكم في الكوره عقب السهم الملتهب بليه الصحراء

ماجد عبدالله انشهد ان قارة اسيا فقدة اسطوره لن تنجب الملاعب في الوقت الحاضر
مثله , قال سامي ؟؟؟؟؟؟؟؟؟؟؟؟ الله يعطيك العافيه وبس

ابو
كاسر
×××××××××××××××××××××××××××××××××

عبدالرحمن الدعفس

25-10-2007, 09:32

تسلم اخوي ناصر وماقلت الا الصحيح تحياتي لك.

عبدالرحمن الدعفس

25-10-2007, 09:36

صباح الورد اخوي ابو كاسر وشفيك معصب اخوي خليك كووووول حبيبي اختلاف الراي لايفسد للود قضيه احترم رايك بس الموضوع خاص بسامي مو بماجد ماجد انتهى من عشر سنوات حنا نتكلم عن الاسطوره العربية الاسيويه العالميه حسب الارقام والحقائق وليس حسب الاهواء حبيبي بعدين انا مستعد اسوي معك مناظره بين سامي وماجد بس لي شرط انها تكون في حدود المعقول يعني تكلمني بالارقام والحقائق لا بالسوالف والاهواء تسلم لي وشكر لك .

الصقررر

25-10-2007, 09:42

اخوي عبد الرحمن مصدق ان سامي ذيب هل تعلم من لقبه بالذيب

هو اخوه المعلق ابراهيم الجابر مع احترامي وتقدير الخاص لهذا المعلق المبدع

الي اثلج صدور السعودين في كأس الخليج الأخيره برده الجريء والمؤدب على

الصحف القطريه بستهانتها بمنتخبنا الوطني وهذا انما يدل على وطنيته الصادقه

والله يكثر من امثاله .

ابو
كاسر
××××××××××××××××××××××××××××××

عبدالرحمن الدعفس

25-10-2007, 09:54

اخوي ابوكاسر وش دخل الذيب وابراهيم الجابر انا اتكلم عن اسطوره اسمها سامي اذا انت شخص مستعد تناقشني بعقلانيه وهدوء وحقائق بعيد عن التعصب اهلا وسهلا تحياتي لك .

الصقررر

25-10-2007, 07:37

اخوي عبد الرحمن الله مار يسلمك ويخليك لنا ياولد العم

انا اتشره عليك انك تقارن سامي بماجد ....... ( ماجد يابعد حي هو الي خلا العالم الخارجي
يدري ان عندك كوره ــــ الكوره السعوديه صار لها هيبه وصيت بفضل الله ثم بفضل
هالأسطوره ) .
سامي لاعب عادي من اعطاه هالسمعه الصحافه ( صحيفة الجزيره ـــ والرياض لميولهم
لنادي الصحافه ) . والجميع يوافقني الراي .
انا لما اجلس معك في مناظره بين ماجد وسامي . فأنا انقص واسلب ماجد حقه لإني
قارنت ماجد بشخص اقل منه .
ضف علا ذلك بطولات الهلال اكثر من نصفها ليست صحيحه وأخذها الهلال بدون وجه حق
والمنصفون يعرفون ذلك . ولتأكيد صحة كلامي اسئل من تضرر في ذلك ( نادي الأتحاد ــ
الأهلي ــ النصر ) .
الهلال نادي صحافه ابرزته الصحافه وستسقطه الصحافه .
اخوي عبد الرحمن اترك التعصب والميول عنك سامي لاعب عادي بل اقل من العادي ولا
يقارن بماجد او الثنيان او الهريفي او محيسن او المصيبيح او صالح خليفه .

اخوي وابن عمي ارجو ان تتقبل نقدي في سامي والهلال بروح رياضيه وشكرا .
اخوك
ابو
كاسر
×××××××××××××××××××××××××××××

عبدالرحمن الدعفس

26-10-2007, 06:49

اخوي ابوكاسر يامرحبا ابغى اعرف ليه معصب خليك اهدى من كذا حبيبي سامي اسمه اقترن بانجازات السعوديه العالميه ماجد يلعب عشرين سنه ماقدرنا ناخذ كاس الخليج والا ناسي يمكن شكل ناسي لا ابصم انك تتناسى حبيبي سامي اربع مرات اهلنا لكاس العالم وجاب بطولة الخليج اللي ماجد قاعد يفحط علشان يجيبها ماقدر ماجد جيد على الهنود والاندونيسين ومكاو وانت جاي بالعربي اذا تبغى تناقش تعال اناقشك نقاش علمي واقعي بالحقائق والارقام والارقام والارقام لا بالاهواء والامزجه حبيبي بعدين وشدخل بطولات الهلال بالموضوع شفت انك متعصب وتكره اي شي ازرق بس لاتنسى ترى السماء الصافيه زرقاء والبحر ازرق والموج ازرق والهلال ازرق والبطولات زرقاء وتسلم حبيبي .

الصقررر

26-10-2007, 02:52

اخوي عبد الرحمن مساء الخير وجمعه مباركه والله يتقبل من الجميع
ضحكتني وانا مابي اضحك وهذي مشكلت كل هلالي لايعطي الأخرين
حقوقهم ولا ينصفهم , وهذا نتيجة التعصب الي غرس في نفوسهم من
قبل صحافتهم المتعصبه .
اخوي عبد الرحن انت متعصب بجنون ولا ترا الا شي اسمه هلال والبقيه
مالهم داعي , لا تقول لي مو صحيح والدليل انك سلبتهم حقوقهم وعدم
الإعتراف بإنجازتهم .
نسينا هدف ماجد في الصين الي صنف من افضل عشرة اهداف سجلة في العالم
وغيرها وغيرها كل هذا نسي , انا لا الومك لإن ما جد اتعب فريقك واثقل شباكه
بجميع انواع الأهداف .
ماجد ياابن العم لم ياخذ هداف الدوري بفلم هندي مثل سامي العثرات اذكرك
تذكر مبارة الهلال والرائد والمسرحيه الهزيله التي شارك فيها سامي بيك
وعلا اثرها اخذ هداف الدوري . بكل امانه هل هذا لاعب . سامي يقارن
بصلاح المولد حسين هادي الحماد وانت جاي , خلي العالميه لهلها .
كلمني عن الثنيان نعم اقولك لاعب ولن تنجب الملاعب السعوديه مثله
في الوقت الحاضر ومهما قلت فيه لن اوفيه حقه متعه في كل شي
وفرض نفسه علا الجميع .

ابو
كاسر
××××××××××××××××××××××××××××××××××××

عبدالرحمن الدعفس

26-10-2007, 06:09

يامرحبا باخوي برضوا اقولك كلمني بالارقام والحقائق السواليف ماتوكل عيش اخوي ماجد وش البطولات والانجازات اللي جابها للمملكة ابغى ارقام مابغى هدف في فريق زي الصين من العالم الثالث في كرة القدم عطني بطولات صولات وجولات هذي الانجازات يقولون منتخب تاهل اربع مرات لكاس العالم من كابتنه ماجد ولاسامي حبيبي راجع حساباتك وتكلم بالحقائق بعدين مافي داعي للتعصب لان فيه فرق كبير بين الهلال والنصر في كل شي مع احترامي لك .

طــربـــان

27-10-2007, 05:38

الصقررر

27-10-2007, 08:49

اخوي عبد الرحمن صباح الخير هدي من روعك .
اولا انا لستو نصراوي ، والكلام الي قلته عن سامي ( العثرات ) الجميع بتفق معي انه
فلم هندي مقطع قصد به الدعايه كما هو قائم ناديك علا ذلك .
الصين الي تستهتر بها وتعدها من العالم الثالث افضل منك كرويا ويريت نجي زيهم
في الكوره .
عقب رحيل ماجد ويوسف الثنيان ومحيسن والمصيبيح والهريفي , تراجعة الكوره عندنا
بشكل كبير وملحوظ بسب غياب هاؤلائي النجوم . ولم يعوض غيابهم ساميك
انا لا اسولف معك , ماجد غني عن التعريف وليس بحاجه لإحد ان يعرفه صولاته وجولا ته
شاهدة على ذلك .
مشكلك ياعبد الرحمن بل ا رى انها مشكلت كل هلالي يتابع جرايد الهلال ويصدق
كل ما تنشره .
اخوي عبد الرحمن انت تلافيت الرد على نقاط طرحتها عليك تخص سامي والهلال
للأنها حقيقيه وليست من تصنيفات صحافة الهلال .

اخوي طربان لو كنت مركز في رسالتي الأخيره , لرأيت ان ذكرت الكبتن يوسف الثنيان
وانصفته ولم ابخسه حقه لإ نه فرض نفسه على الجميع .
اخوي طربان ابسئلك سؤال ؟
مارايك في الاعب ماجد عبدالله ؟ وأنت وضميرك ؟

شاكر لكم سعة صدوركم ......... نختلف بس مانفترق .....

ابو
كاسر
××××××××××××××××××××××××××××××××

طــربـــان

27-10-2007, 06:44

لاعــــــــــــــــــب قـــــــووي

ولااتوقع ان راح يجي للنصر لاعب مثل ماجد

ولااختلف معك ان ماجد يمكن افضل من سامي

> > > ولايزعلون علينا الهلالييييييييين

بس يوسف ماراح تجيييييييييب الملاعـــب مثلـهـ

وخـلــهـ يستريييييح بلييييييهكم عند مارادونا الازرق

اخوي عبد الرحمن الدعفس مصدق ان فيه نادي اسمه هلال الله يسامحك

صح كلامك قليله علييييهـ كلمة نادي

قصدك نجـوم الـعــرب

طـــربـ نجد العذيه ـان

عبدالرحمن الدعفس

29-10-2007, 08:14

مع التحيه الموضوع يحتاج الى تحديث يادارة المنتدى لان الردود ماتطلع تحياتي لكم

عبدالرحمن الدعفس

30-10-2007, 08:34

اخوي ابوكاسر صباح الخير وانشاء الله مرتاح ارجع واقول لك تكلم معي بالارقام والحقائق انا مستعد اسوي معك مناظرة لغتها الارقام وموثقه بالاتحاد الدولي الفيفا عن انجازات سامي وماجد وغير كذا ماعندي لانه كلام بالهواء بعدين حنا ماختلفنا ان ماجد كويس كمستوى مثله مثل الثنيان والمصبييح بس احنا نتكلم عن الانجازات ياخي سامي صار منهج يدرس في مدارس البحرين في كتاب اللغة الانجليزية يعني برضوه صحافه خلنا شوي منطقيين , اما بالنسبة لكلامك انك منتب نصراوي فهذي اشك فيها تدري ليه لانك متعصب بشكل كبير وبعدين استشهدت بان افضل اللاعبين في السعوديه كلهم نصراويين مع ان الانديه واللاعبين اللي رفعوا راس الوطن اكثرهم من نادي الهلال والدليل من 1975 م الى 2005 م وتشكلية المنتخب 60% من الهلال والانجازات ارتبطت باسماء لاعبين الهلال وماجد كان يفحط علشان يجيب بطوله تافهه من بطوله الخليج عشرين سنه ماقدر وكاس العالم عشرين سنه متاهلنا يوم كان ماجد في المنتخب كل انجازاته في كاس اسيا 84 وعلشان تقتنع انه لاعب مايجيب انجازات شف حالته مع نادي النصر لمدة عشرين سنه ثمان بطولات فقط اما صحافة الهلال مو ذنب الهلال ان الغالبيه العظمى تحبه ياخي الحب من الله وانا وش بيديا ارجع واقول اللي بيني وبينك الارقام الارقام الارقام الموثقه اما غير كذل يعتبر فضول كلام شكر لك ولايفسد اختلاف الراي للود قضيه .....

عبدالرحمن الدعفس

30-10-2007, 08:38

صباحك عسل اخوي طربان وشكرا على مرورك الكريم بس لاتنسى سامي اذكى من ماجد هه ههههه ...

الصقررر

04-11-2007, 06:15

اخوي عبد الرحمن سبق اني قلتلك نقص في حق ماجد لو اقارنه بسامي العثرات الي وجوده زي عدمه .
مشكلك يا عبد الرحمن انك تنظر للأ شياء بعيون زرقاء , حتى نمر الكوره العربيه والأ سيويه هضمتا حقه ( الثنيان )
اجل سامي منهج يدرس في البحرين ـــ عزاله الي ضاعوا عموما هي تصلح نكته هههههههههههه
شف نتائج المنتخب الغير مرضيه ليش , الأ غلبيه هلا لين وتتفاخر بهم .
اخيرا ســــــــــــــامي عـــــــــــــا لـــــــــــة الكوره السعوديه . ونحمد الله الي فك الكوره السعوديه منه .

عبد الرحمن تحياتي لك

الصقررررررررررر
آآآآآآآآآآآآآآآآآآآآآآآآآ

الصقررر

06-11-2007, 12:27

عبد الرحمن صباح الخير اتمنا ان الهلال يفوز مو حب في الهلال بس علشان خاطرك ياولد العم لو انهزم الهلال
ما عاد رايح تكتب عن لاعب الغفله سامي بيك وهذا يعتبر خساره كبيره راح افقد تصنيفاتك وتهيؤاتك عن لاعب
الغفله . على فكره يقولون ان سامي مرشح نفسه لمنصب امين عام لللأمم المتحده على حسب كلام الراوي
ههههههههه .

الصقررررررر
آآآآآآآآآآآآآآآ

عبدالرحمن الدعفس

08-11-2007, 10:50

الصقر ارجع واقول جاوبني على قد السؤال ليه تتهرب اكيد شكلك ماتحب الحقائق تحب التزييف لانكم متعودين على التزييف ..

الصقررر

08-11-2007, 05:31

عبد الرحمن الحقائق واضحه كالشمس مشكلك انك تنظر للأ شياء بعين زرقاء وكأن لايوجد في هالعالم الا نادي اسمه
الهلال .. اذا انصفت اللاعب الخلوق والكبير ماجد عبدالله واعطيته حقه وافي بدون نقصان .. تناقشت معك بعقلانيه
فيما تريد .. خلاف ذلك اقولك نقفل سيرت ماجد لأن ماجد اكبر واشهر من لاعب الغفله سامي والهلال معا ..
اتمنى ان تعود الا رشدك .. اكيد منظول يبي من يقرا عليك ههههههههههههههههههههههههه

الصقرررررررر
آآآآآآآآآآآآآآآآآآآآآآآآآ

زيد السالم

09-11-2007, 10:23

الشامخ يبقى شامخ

وهو الاصطوره ماجد عبد الله

هدف واحد من ماجد في مرمى الهلال تسوى مائة مباراه

تحياتي

زيد السالم

09-11-2007, 10:27

ابو جهاد وينك

شكلك متحطم هاليومين

ياعزتي لك

همسة امل

23-09-2010, 07:22

متابعهـ رائعهـ شكرا لك
تسلم الأيادى ربى يعطيك الف عافيهـ