فقــط لانـهـ سعـوودي !!!! [الأرشيف] - مجلس قبيلة الفضول التوثيقي الرسمي الأول

طــربـــان

28-10-2007, 09:49

الســلام عليييييييييكم

كيييييييفكم ياعيال عمي . . .

منذ مدة وانا ارى ازدواجيه غريبه لدينا
تابعوا معي وسترون ما اقصد

المشهد الآول

في السوق المراه تتكلم مع البائع وتتغنج وتتمايل ..!!
وان اكتشفت انه سعودي .. ياالهي تغطت وهربت !!!

\
\

المشهد الثاني

المراه تتعامل مع السائق الاجنبي بكل حريه وكأنه محرم ..تحادثه وقد تشتكي له ويشاهدها
كما يشاهدها اهل البيت .وان طرق الباب احد الرجال تغطت وتسترت لانه سعودي !!

\
\

المشهد الثالث

فتاة لدى عامل الاستقبال في المستشفى ... تترك الشاب السعودي وتتجه نحو الآجنبي ..
بس لانه سعودي !!!!!

\
\

المشهد الرابع

شاب شاهد اخته تتكلم مع شخص عند الباب ..هاج وماج بس ابوه هدى من روعه واخبره انه ليس سعودي !!

\
\

ليش السعودي رجل والآجنبي لا !!!

الآجنبي محرم والسعودي لا !!!!

بصراحة تؤلمني هذه الازدواجيه الغريبه ..فهل تسبب لكم انتم نفس الآلم !!!

ولم تحدث هذه الازدواجيه !!

> > > حتووومهـ كانك بتحذفيينهـ على راحتك

طـــربـ نجد العذيه ـان

حاتميه

28-10-2007, 10:05

موقف عجيب ايضا ومؤلم الحقيقه

مره كنا في مطعم انا واختي .. ونادينا العامل يشيل شي من الأرض

تدري وش قال ؟؟ قال سمي <= باللهجه السعوديه

عندها انصدمنا قلنا سلامتك

معقوله شاب سعودي يشتغل عامل في مطعم بلد الخير والعز والرز شبابها ما يلقون وظايف <= غيرت الموضوع هههههه

كل المواقف اللي ذكرتها طربان فيها من الواقعيه كثير

نخجل الحقيقه من السعودي .. واذا دخلت محل ولقيته سعودي اخجل منه

وحتى الاطباء ما نروح للسعوديين مدري ليه

يمكن الاطباء لهم وضع ثاني لانه بيعرف هويتنا و نخجل اذا عرف من نكون ويمكن يكون قريب لنا

جماعتنا اغلبهم اطباء من اروع ما يكون ودائما كل ما اروح مكان يسالوني يقرب لك فلان وفلان

للاسف الكل يثني عليهم وحنا يالقرايب ما استفدنا من خبراتهم والسبب انه سعودي والاخر قريب

عادات وتقاليد حكمتنا منها صائب ومنها نريد ان نتخلص منه اليوم قبل بكره

اخيرا

السعودي آمن شخص علينا لازم نحترمه ونقدره

يمكن طلعت عن الموضوع تعبانه شوي <= قل لها روحي لولد عمك الدكتور ههههههه

شكرا طربان وانشاءالله يارب نشوفك عقيد قد الدنيا ( :

احترامي

راعي العليا

28-10-2007, 10:18

طربان

جبتها ع الجرح وكانك مادريت

هههههههه

المشهد الثاني

المراه تتعامل مع السائق الاجنبي بكل حريه وكأنه محرم ..تحادثه وقد تشتكي له ويشاهدها
كما يشاهدها اهل البيت .وان طرق الباب احد الرجال تغطت وتسترت لانه سعودي !!

على هذا الموقف ذكرتني بسالفة

مختصر السالفه ان سايق هندي سمع بنت كفيله تقول ميده مهوب رجال وحزت في خاطر الهندي وجا يوم وهو موديها مشوار غير الطريق شكت البنت قالت هي انت وين رايح رد عليها انا مافي رجال قالت لا والله تكفى انت رجال وسيد الرجاجيل .

يعطيك العافيه يالغالي ولا هنت

سلامه العايد

28-10-2007, 10:35

لا كن زي منت شايف هذا اللي حاااص

ولا تنسى في بعض الشباااب مالهااا ذمه

لان راح يفضح البنت إذا شاف عليهااا شي

او راح يعرف مكان البيت وغير ذلك كثير

فلذالك البنت تخااف من هالأشياااء للي عقولهم

صغيره ومن ضعف الايمان ...

معقوله شاب سعودي يشتغل عامل في مطعم بلد الخير والعز والرز شبابها ما يلقون وظايف <=

الشغله مافيهاااا عيب يابنت العم

صحيح نادر يكون سعودي بس أقلب

المطااعم بعض الاحيان يكون فيهااا يمني

طربــاااان

أشكرك على طرح هذا الموضوع

تسلم يمناااك على طرحه وعلى

نقله دمت بود ...

رياض الفضيلي

28-10-2007, 10:39

.

اخوي طربان

في مشهد كل يوم نراه , وهو اليموزين او التكسي . اذا اجنبي يركبون معاه واذا سعودي
حتى ما يأشرن له

وللاسف حتى الشباب بعضهم يفضل يركب مع بنغالي ولا يركب مع سعودي

والسبب هو حتى يأخذون راحتهم بالسوالف بحريه والبنغالي مايفهم هرجهم وحتى لوفهم

ما له شغل يبتسم الى الحياة

لي ولد عم بعد ما تقاعد حط ليموزين .. ويوم شاف الدعوه طرطره ذب الغتره وفرع الرأس

وصار يتكلم مره سوري ومره مصري .. وعلى هالرنه اطحينك ناعم ..

شكرا طابان

بومشعل

نمر بن عبيدالله

28-10-2007, 11:39

قال الراغب :
( وأما الخجل فحيرة النفس لفرط الحياء ، ويحمد في النساء والصبيان ،ويذم باتفاق من الرجال ، والوقاحة مذمومة بكل إنسان إذ هي انسلاخ من الانسانية ،وحقيقتها لجاج النفس في تعاطي القبيح

طــربـــان

28-10-2007, 11:57

طــربـــان

28-10-2007, 11:59

رااااااعـي العليييييا

واللهـ موب بسيييط الهندي صمـــل

اجل جبتها على الجــرح هههههههههههههههه

ونوووورت الصفـحهـ

طــربـ نجد العذيه ـان

طــربـــان

29-10-2007, 12:02

العـفـــــوو

اخووي سلامـهـ

بس الاجانب ماهم احررص

منا على بنات ديرتنا وانا اخوووووكـ

وباااااااااااارك الهـ فيييييييكـ

لاعدمناك

طــربـ نجد العذيه ـان

طــربـــان

29-10-2007, 12:06

ـهههههههههههههههههههههههههههههههههههـ

بو مشعل

اجل مره مصري ومره سووري سلم عليييييه شقردي هذا

ونت صادق حتى بعض الشباب يفضلون الاجنبي ع السعودي

ومشكووووووووور ع المشاركه ولاهـنـــــــت ياعـم

طــربـ نجد العذيه ـان

طــربـــان

29-10-2007, 12:08

اخوووووي نمــر

مشكووووووووور ع المروووووور

ونورت الصفحــهـ

طــربـ نجد العذيه ـان

( مريامي )

29-10-2007, 12:16

http://www.suae.net/vb/uploaded/2750_Mar7eba.gif

..::][ طربااان][::..

ســؤااال يطرح نفسهـ..!؟؟!؟؟

" ماا هو الفرق بين الشاااب السعودي والاجنبي.....؟؟؟"

كلهم من جنس وااااحد

ولاكن في بعض الاحيان لا اقدر ان الوم الفتاه السعوديه

لانه (( الكبت يولد الانفجااار ))

شكرا لك على هذا الطرح

مودتي

http://www.suae.net/vb/uploaded/2750_fwa9elY.gif

طــربـــان

29-10-2007, 12:35

حيييييييييييييييييييياك اختي مرياااااااااااامي

(( الكبت يولد الانفجار ))

كلام حلــوووووو

بس من وجهــة نظـري انا مافيييييييهـ لا ظغط ولا كبت

ومشكوووورهـ ع المروووووووور

طــربـ نجد العذيه ـان

المــها

29-10-2007, 01:01

طربان كيفك وكيف المبارة اليوم ما شفتها <احلى خروج عن صلب الموضوع <بتتصفق

بنسبه لي عادي الرجال السعودي مثله مثل الهندي كلهم رجال وكلهم مهوب محارمي تعامل معاهم بحدود
بس اذا بتكلم عن عقدة الموضوع وهو الفرق بتعامل وفيه الافضليه ووو
المسئله وما فيها اتعامل مع بائع سعودي جديد علينا
المسئل مسئلة وقت
يعني طول عمرنا وحنا نتعامل مع هنود بس بسنوات الاخيره صار السعودي يشتغل في كل مكان
فصار مثل شي مستنكر

طرح مميز واسلوب رائع
تشكر عليه يا طربان نجد العذيه

عبدالله السويلم

29-10-2007, 01:21

صراحه

موضوع شيق وهام جداً

انا الامر هذا فاقع مرارتي من زمااااااااااااااااااااااااااااااااان

انا يوم من الايام في المستشفى عندنا خروج لاهلي المهم فيه درج والممرضه فوق معها بعض الاغراض
جيت بطلع لها اخذ الاغراض منها قام السكرتي ومنعني قال ماتطلع ممنوع الرجال

المهم واذا ابوهنود معه مفك وزراديه دخل من بينا وطلع عااااااااااااااااااااادي قلت له والله شئ وهذا مهوب رجال

والله وسكت

اكثر ماينحرق قلبك في المستشفيات
عمال الكهرب والسباكه والنظافه ووووو يتمشون على كيفهم

والله اني شايف دكتور في قسم الولاده واقف يكلم وحده في السيب وهي كأنها في بيتهم في وقت غير وقت الزياره

الحريم مايعدون الاجانب رجاجيل

لكن :
من ناحيت ان السعودي غير مرغوب فيه في المحلات ...... شئ عادي

انا وانا رجال احاول اتجنب السعودي
تدري ليش ؟
لانك ماتقدر تكاسره يزعل على طول ............... يقول تبيه بكذا والا خله
واذا جيت تفك او تناظر شئ عنده قال لاتفكه تبيه كذا والا يفتح الله
ويمكن بعضهم يقوم يشير عليك وش تبي بهذا ليه ماتاخذ هذا ووووووو

اسف على الاطاله
والموضوع يحتاج صفحات لكن اترك المجال لغيري
تحياتي

طــربـــان

29-10-2007, 01:33

اختي المهاا

كلامــــــــك جميييييييييييل

ونتي صادقه السعوده جديده علييييكم

والله يسلمك ويخلييييك ياربـ

ونورتي الصفحـهـ

طــربـ نجد العذيه ـان

بوثنيان

29-10-2007, 04:17

طربان

بارك الله فيك ,, وأشكرك على الموضوع الطيب والرائع ....

التعليق.....

ليس في السعوديه فقط ,, وإنما تحدث في الكويت وجميع دول مجلس التعاون الخليجي ...

نحن الرجال ..في هذا الموضوع ..ليس الموضوع ..لماذا البنت أو الحرمه ..تنادي وتتكلم مع الاجنبي ؟؟؟

إنما نحن لدينا الغيره وكذلك نخاف على بناتنا .....وهو لماذا تتحدث وتنادي الاجنبي

وكأنه محرم ولا تريد التحدث أو تنادي إبن بلدها إن لزم الامر ..وحتى لو كان كبير السن ( 40 سنه فما فوق )..!!!

فأنها قطعا لا تتحدث ولا تنادي ولا...الخ ,, وحتى أن لزم الامر في موقف لايحسد عليه لاسمح الله

أن وجب المساعده في ذلك ,,

هذا ما نشاهده ...سواء كانت في الدوائر الحكوميه أو المستشفيات

أو الاسواق أو ......الخ.

*****************

أما من ناحية السعودي يعمل في مطعم أو ماشابه ذلك ...فأرى أنه ليس عيب في ذلك ..وكذلك الكويتي

لأنه ( عمل حر )...ترجع الفائده لصاحب المطعم أو المشغل ويكن بنفس الوقت صاحبها..ومما تعود

بالفائده الماديه أكثر من موظف الوزارات والذي يعمل على راتب محدد ..أما ( العمل الحر )..فهو ربما

يعمل بهذه المهنه ولمدة ( سنة ويغزرها على حاله ..) ..وبعدها عندما يزداد الدخل المادي فأنه يجلب

من العماله من الخارج ..ويؤسس من المؤسسات والشركات التجاريه ...

دمت بخير ,,,

عبدالله السويلم

29-10-2007, 04:29

ابوثنيان

انا ماني معك

السعودي الان غير مهيئ للشغلات هذي

وحتى لو كان مهيئ الدخل اللي يبي يجنيه من تلك الوظائف غير كافي لسد حاجته الخاصه فمابالك بفتح بيت ومشاكل

اقل راتب يجب ان يستلمه اى سعودي لايقل عن 4000 الى 5000 ريال

هل العمل نادل او خياط او الخ من هذه الاعمال تدخل عليه ولو ثلثين هذا الراتب ....؟؟؟ اكيد لا

ثانياً
تقول يجيب عماله بعد ان يشتد عوده

اذا كان اتجاه مكتب العمل الان هو منع او التقليل من العماله والضغط على المؤسسات الصغيره للاقلال من العماله فكيف تبيه يجيب عماله

ياخوي ليست اسباب العطاله هو عدم وجود وظائف لا
فيه من القطاع الخاص من يفوق بعض المؤسسات الحكوميه لكن من يقدر يضغط عليهم يوظفون الشباب

مكتب العمل لايستطيع الضغط الا على الصغار فقط

مع علمه ان عمله هذا غلط ...... لكن مافي اليد حيله

تحياتي

بوثنيان

29-10-2007, 04:59

أبوجهاد

بارك الله فيك ,, وأشكر ملاحظاتك الطيبه ...

أعرف صديق ..ما شاء الله عليه ...في البدايه انتهت دراسته الثانويه ( علمي ) ..ونسبته ( 88% )..

جاء له قبول للدراسه في بريطانيا ..في قسم الصيدله ..وكمل دراسته وتوفق في دراسته إلى أن أصبح

صيدلاني ..وبعدها رجع الكويت ( ديرته )..وتوظف في شركة النفط ..وكان راتبه ..وغير متزوج

ولا مسؤول إلا عن نفسه ...( 15,000 ألف دولار تقريبا ...)..في مستشفى خاص لموظفي شركة

النفط ,, وخلال تقريبا ..سنه ونصف ..إلا أنه قدم استقالته ...وتكلمنا عنه بأنك يافلان ماعندك سالفه

وغير هذا الكلام ...!

إلا أن فلان ...عمل في احدى الصيدليات الخاصه التي يملكها أحد التجار ولديه عدة أفرع في مناطق الكويت

للعلم أنه من عائلة بسيطه ومتواضعه .. وعند حضوره المجلس ( الديوانيه )..قال يابوثنيان لقد عملت

في الصيدليه الفلانيه ...إلا كان جوابي له ..( أنت مجنون ..أنت ...ووو...الخ )..وكل يوم تداوم

حتى يوم الجمعه ..ولاتحضر مناسبات ولا كذا ...الخ ..وحتى جاء اليوم وقال أنه أشترى الصيدليه

التي كنت أعمل بها ..والان له عدة أفرع ..وما يتعامل إلا بالجوال ( الهاتف )..

يمكن تقول هذا ..صيدلاني ..ودرس ..لكن بنفس الوقت ..تاجر العقار عندما يعمل في مكتب عقاري

وتاجر السيارات عندما يعمل في مكتب السيارات ووو.......الخ. أمثله عديده .

دمت بخير,,,

عبدالله السويلم

29-10-2007, 05:13

كلامك صحيح

لكن هل تظن ان صديقك هذا اشترى الصيدليه من راتبه فيها ؟؟ لاتنس انه كان يستلم 90000 ريال سعودي

يعني يمكن يكون يستلم كثر رواتب موظفي قريه كامله

ولاتنسى انه صيدلي يعني راتبه في الصيدليه يمكن يساوي 4000 ريال سعودي على الاقل

لكن موظف مكتب العقار الي هو 1500 ريال او 2000 ريال هل يمكنه من شراء ولو باب بيت هذا غير الاكل والبنزين والزيت والملابس
واذا هو مهوب متزوج بعد

وقس عليه
الخياط والبائع والحارس و النادل وووووو الخ

ملاحظه
الخلاف لايفسد للود قضيه

تحياتي

بوثنيان

29-10-2007, 05:39

أبو جهاد

بارك الله فيك ,, وهذا المطلوب .. ( الخلاف لايفسد للود قضيه ..)..

بنفس الوقت لابد من الانسان ..أن يتحكم بنفسه بأي مهنه يعمل بها ...والمقصد من ( العمل الحر )..

ليس بأنه يعمل طباخ أو خياط ...العمل الحر ..بأنه حر بنفسه من خلال خبرته في عمل ما ..أرى

مثال لو أنني مبدع في عمل الكمبيوتر والبرامج ووو....الخ . أول ما أبدأ فيكون عملي في البيت

الذي اسكن به فرضا ...ومن خلال عمل تصليح الكمبيوتر أو برامج أو ...الخ . سوف تكبر مشاريعي

أضف إلى ذلك من العمل الحر ..لو كنت تاجر اسهم ..فأنك في البدايه جمعت مبلغ بسيط لشراء اسهم

بسيطه ..حتى ارتفع السهم ..فأن بأستطاعتي ابيع كميه معينه من الاسهم المتوفره لدي واشترى في

نفس الوقت اسهم تختلف عن مجال عمل السهم السابق ...وأكون فائده باليوم تقريبا ( 300 ريال )..فرضا..

حتى تكبر العمليه ..وأكسب خبره من خلال السوق وكذلك خبره في مجال العمل ...

كذلك ..يرى راعي الاغنام ..ويقول راعي الاغنام دائما خسران في تجارته ...فيمدحون المعزه ...:biggrin:

فأنها قد توفر من خلال العلف ( أجلك الله ولكل من يقرأ الموضوع )..فأن بنفس الوقت الانسان

يتفنن من خلال تجارته وكيفية اختيارها ...

لابد من التاجر ..توفر ( 3 شروط )...

1/ رأس المال ..يشترى ويبيع من خلال سلعه معينه بالمال ..

2/ الايدي العامله ...لابد من توافر من يساعده بالعمل من خلال التوصيل أو عمل معين ..

3/ الخبره الفنيه...أي أن صاحب العمل لابد من لديه خبره معينه كل في مجاله .

.......( البدوي للأبل ..والحضري لصيد السمك و هكذا ...:biggrin: )
والله ولي التوفيق ,,,

دمت بخير,,,

ReeM

29-10-2007, 05:44

اكثر شي ضحكتني انا كنت منزله هذا الموضوع من قبل تحت اسم تغطوا جااا سعودي

بس اكثر رد ضحكني كا ايه لانوا السعودي رجال
ليه يعني الللي غير سعودي مو رجال ولا كيف
يسلموووووووووووو طربان موضوعك حلو ولي رجعه

عبدالله السويلم

29-10-2007, 05:46

.......( البدوي للأبل ..والحضري لصيد السمك و هكذا ... )

ومن قالك ان الحضر مايعرفون الا للسمك ؟

ولعلمك

البدو الحين خلو الابل للعماله وتحضرو

وصارو ياكلون سمك ودجاج
هههههههههه

بوثنيان

29-10-2007, 05:56

أبوجهاد

أيه بالله على ماقلت ...الحضري ماخلا شيء ...:biggrin:

دمت بخير,,,

عبدالرحمن الدعفس

29-10-2007, 08:11

مشكور طربان على الموضوع انا من وجهة نظري المتواضعه حنا يالخليجيين تعودنا على التعامل مع الاجانب كانهم خدم لنا بالعربي هل الواحد منا يخجل من التعامل مع الخادمه او السواق اكيد لا يعتبرهم من اهل البيت فالبنت تحصلها تتكلم مع السواق بكل حريه لدرجة الميانه فعلى الاساس هذا نقيس الامور على باقي الاجانب سواء البائع او سائق التاكسي او الحارس الخ ( الاجانب عندنا مالهم احترام ولا هيبه ) للاسف سلوك تعودنا عليه لذلك السعودي شي جديد على المجتمع يحتاج وقت كثير حتى يتاقلمون البنات على التعامل معه تحياتي لك .

راعي العليا

29-10-2007, 11:46

طربان اخوي

نسيت لاقولك هذا الموضوع لايعم جميع السعوديات

يعني في سعوديات ماتفرق بين السعودي والاجنبي

اذكرلك سالفه حاصله لي

كانت والدتي مريضه الله يعطيها الصحه والعافيه ومعها ربو حاد لزمت عليها اني اوديها للمستشفى وكان وقت متاخر المهم

جينا للمستشفى الاول وقبل مانحول من السيارة قالت لي اسئل اذا في دكتورة ولا مالازم دخلنا وسئلت الاستقبال في دكتورة قالو لا وطلعنا ورحنا مستشفى ثاني ونفس الحكاية مافي دكتورة ونمشي مستشفى ثالث ورابع مافي فايدة مالقينا دكتورة الوكاد قالت الوالدة انا بعطيك وصفة وتشتريها لي من الصيدلية انا ارتفع ظغطي شوي خوفي من الوصفه لاتضرها المهم سلمت امري لله ورحت الصيدلية وشريت الوصفه اللي كتبتها لي اميمتي والحمد الله بدت تتحسن والحمد الله وماحتجنا لدكتورة

يعني يابنات اللي مريضه تجي للوالدة تكتب لها وصفه

ههههههههه

يعطيك العافيه اخوي طربان ولا تنسى مو كل السعوديات يعمه موضوعك

مع ارق تحيه

حاتميه

30-10-2007, 01:51

ياحبي لها دكتورتنا .. الله يسلمها ويخليها لنا .. بس ماقلت لنا فيه كشفيه والا مجااان ههههههههه

والله يستر .. ان صار شي ماشي :confused: ترى عليك ههههههه

ياربي يحفظها ويشافيها ولا يحوجها لطبيب يداويها

حاتميه

30-10-2007, 01:53

ونسيت اقولك راعي العليا

كانك غرت من سالفتي انا واختي وجبت لنا سالفتك انت والوالده هههههههه

عبير الورد | ~

30-10-2007, 09:18

طـربـان

الصــراحــة حطيــت يــدكـ, على الجــرح

أنا مثــلك استغـرب معامــلة السعــودي تختــلف عن الاجنبي

وكــأن الأجنبي مو رجــال

بلى والله رجــال ويحس وينخــاف منه أكثــر من السعــودي

والي قاهرني اني اسمــع عن حريم ما يتغطــون من الاجنبي وكأنه محرم لهم

والادهى والأمــر ان الاهل ما عنــدهم غيرة ولا تتحرك غيرتهم ألا اذا كان سعــودي

الاجنبي والسعودي سـواسية كلــهم اجـانب ولازم الوحــدة تتغطى منهم وما تخضع بالقول فيطمع الذي بقلبه مرض

والله يستــر على بناتنا وبنــات المسلميــن

فعلا شيء يفقــع مــرارتي

تحيــاتي

نمر بن عبيدالله

30-10-2007, 01:02

تبونها بصراحه السعودي في نظرهم فضيحه اما الهندي او غيره عادي في نظرهم مايقول لاحد ولايتكلم ويسمع الكلام وماخفي اعظم

راعي العليا

30-10-2007, 01:43

ياحبي لها دكتورتنا .. الله يسلمها ويخليها لنا .. بس ماقلت لنا فيه كشفيه والا مجااان ههههههههه

والله يستر .. ان صار شي ماشي ترى عليك ههههههه

ياربي يحفظها ويشافيها ولا يحوجها لطبيب يداويها

ابدن لا طبيب سعودي ولا اجنبي بنت عمكم وبحسبة والدتكم يعني اسئلو مجرب ولا تسئل خبير على ماقالو

ونسيت اقولك راعي العليا

كانك غرت من سالفتي انا واختي وجبت لنا سالفتك انت والوالده هههههههه
ايه اجل وش لون ماغار يعني سوي زي الوالده
ههههههههههههه

زين فهمتي لك اجمل تحيه