المساعد الشخصي الرقمي

مشاهدة النسخة كاملة : سؤالين للشباب وللبنات اتمنى الاجابه بشفافيه وبعيد عن البرتوكول

عبدالرحمن الدعفس
29-10-2007, 07:39
:smoker: مساكم الله بالخير ياحبايبي انشاء الله مرتاحين

شهد : فيصل امي تبيك الحين
فيصل : وش تبي ؟
شهد : تبيك توديني السوق بسرعه
فيصل : لحوووول كل يوم مشوار ماني فاضي لك مشغول روحي لمحمد فاضي


000

شهد : محمد ممكن توديني السوق محتاجته اليوم ضروووري
محمد : معليش والله مشغول روحي لـ اخوانك < شكله من عيال الجيران

000

شهد : مساء الخييير خلوودي الغالي ممكن نروح السوق نتمشى ثم نتعشى < زانت الاخلاق
خالد : دام فيها عشى يالله مشينا تجهزي بسرعه

خالد جاه اتصال ....

خالد : هلا
صديقه : هلا ابوخلود تراني قدام الباب اطلع نبي نروح مشوار قريب
خالد : اوكي جايك الحين

سكر السماعه وراح لصديقه وسحب على اخته

000

بعد هذه المواقف البسيطه ندخل في الموضوع
ما رأيك في تعامل بعض الاشخاص لـ اخواتهم بهذي الطريقه

هل أنت ممن يعطي اخواتهم حقهم من وقتك ويجلس معهم ويستمع إليهم ؟
هل لديك احد من أخواتك قريب من قلبك عكس باقي الأخوات ؟

هل أنتي لديكِ اخوان لا يهتمون لطلباتك ؟
هل انتي راضيه عن تعامل بعض الاخوان لكِ ؟

اريد جواب من الجميع وأريد الصراحه عنوان هذا الطرح مع ذكر بعض المواقف إذا أمكن




ولكم تحياتي يااولاد وبنات العم .
حاتميه
29-10-2007, 08:07
هل أنتي لديكِ اخوان لا يهتمون لطلباتك ؟
هل انتي راضيه عن تعامل بعض الاخوان لكِ ؟

الله بس يخليهم لي

يهتمون ما يقصرون بس يا كثر قولة نسيت

والا اذا كان توه جاي من مشوار قريب لحدن يحاكيه تعباااااان

واول مايدق جواله على طول يطمر زي الغزال مشاءالله تبارك الله

تبي الصدق امي مدلعتهم بزياده .. وهم بعد اذا الصدق ما يقصرون والله

وطبعا راضيه عليهم كل الرضا .. حبيبين طيبين زي العسل ( :

الله لا يحرمنا وجودهم

شكرا عبد الرحمن لموضوعك الجميل اللي ينم على حرصك ولطفك بالجميع

الله يحفظك
عبدالرحمن الدعفس
29-10-2007, 11:50
زي العسل خايفه مايودونك لمشاوريك هه هه صباحك ورد حاتميه شكر علىمرورك الكريم لك مني ارق التحايا
عبير الورد | ~
29-10-2007, 12:28
هل أنتي لديكِ اخوان لا يهتمون لطلباتك ؟

الله لا يحرمني منهم يمكن اخواني اللي اصغــرمني يتمــردون وما يسمعــون الكلام ,أما الكبار
والله ما يقصــرون الله يبارك فيهم يبارك لهم .

هل انتي راضيه عن تعامل بعض الاخوان لكِ ؟

الحمــد لله راضيــه ان شاء الله عليهم .

بس المشكــلة في اخوي اللي اصغــر مني هو صاحبي وعلاقتي فيه زينه
بس احيانا اذا بيودينا السوق يقول حددوا محلات معينه
تروحون لها بس, لا تقولون نروح منا ولا منا
المــها
29-10-2007, 02:36
هل أنتي لديكِ اخوان لا يهتمون لطلباتك ؟
والله اخواني ما يقصرون يا جعلي ما نحرم منهم اي شي ابيه يوفرونه لي

هل انتي راضيه عن تعامل بعض الاخوان لكِ ؟
الحمدلله راضيه كل الرضاء
اخواني صح ما يودوني للجامعه ولا السوق وووو
بس التمشيه ما يقصرون والله متى ما اقولهم وهم فضين على طول يطلعوني واذا كانو مشغولين يجلونها لحد ما يفضون
بس مشكلتي مع اصغر اخواني وهو اكبر مني بست سنوات وهو مسافر
هذا احب اطلع معها اذا جانا
بس الله يهديه هو من بد اخوان الي لازم اترجاه وامي تجلس تقنعه علشان يطلعني
مره كنت مسافره وهو جاء للرياض ولا لقاني
لما رجعت قال بيت شين بدونك وو
قالي مها بكره بنطلع انا وياك نتغداء
قلت اوكي قسم بالله شهر كامل وهو مها بليز اجليها العشاء اذا جت حزة العشاء مها اجليها للغداء واذ جت حزة الغداء قال عشاء والله العظيم شهر كامل اذا كنتم طلعين مع اخوي تتغدون فانا طالعه هههههههههههه
الله يصلحه ويوفقه

مشكورررر على الموضوع الرائع
سلامه العايد
29-10-2007, 02:56
هل أنت ممن يعطي اخواتهم حقهم من وقتك ويجلس معهم ويستمع إليهم ؟


أنااا بصــراحـه كله في البيت جاالس


واللي عنده شي يجي وينكلم وأكيد أجلس


جنبهم بس إذا طلعت طلعت مرجع الا متأخر .



هل لديك احد من أخواتك قريب من قلبك عكس باقي الأخوات ؟



أبصــرحــه لا كلهم نفس الشي أي شي


أطلب منهم ماايقصرون حتى الكبااار


صحيح أني أستعبط عليهم بس ماايزعلون .



أشكرك على طرح هذا الموضوع


وتسلم يمنااك على الطرح ...
شماليه
29-10-2007, 03:11
أنا الحمد لله ..

عسى الله يخلي لي أخوي" فيصل " ..

ويطولي بعمره ..


بس هذا الموقف ساعات يصير .. يعني حسب جوه ..!!


شهد : مساء الخييير خلوودي الغالي ممكن نروح السوق نتمشى ثم نتعشى < زانت الاخلاق
خالد : دام فيها عشى يالله مشينا تجهزي بسرعه

بس بدون الاتصال ..!!


تسلم يا

(( عبد الرحمن ))

على الطرح
ReeM
29-10-2007, 06:19
الصراحه انا اخوي توه يسوووق ولو مايوديني مكان اسرق منه المفتاح ويشوف اللي يطلعه له
يسلموووووووووووووووووووووووووو ع الموضوع الرووعه
حفيدة الشيخ
29-10-2007, 06:52
والله اخواني اكبر مني وما يقصرون الله يحفظهم والصغير ما يسوق بس يطيعني بكل شيء
ومشكور ع الموضوع
عبدالرحمن الدعفس
01-11-2007, 08:09
شكر اختي دلوعه على مرورك الكريم لك اغلى التحايا .
عبدالرحمن الدعفس
01-11-2007, 08:10
تسلمين اختي المها ويعطيك ربي العافيه... بس ماقلتي لنا الشهر اللي بعده تغديتي والا لا هههه .
الشيهانه
01-11-2007, 08:34
كثر منه يطعون على حسب المزاج


الله يخلي لي ابوي وه ياقلبي قلبه لاقلت له ابي اروح لاي مكان يقول تولمي ياعل الدنيا ماتلوعك
سالم الصبارا
01-11-2007, 12:19
مشكور اخوي على الطرح الرائع

بالنسبه لي ((( انا اصغر اخواني كلهم ))

بس عسى الله يخلي اخواني وخواتي ما قصروا معاي من صغري

بس في كلمه اختصر كل الكلام وهي ((( صغير القوم خادمهم )))
ناصر السيف
08-11-2007, 11:23
هل أنت ممن يعطي اخواتهم حقهم من وقتك ويجلس معهم ويستمع إليهم ؟

انا قبل الوظيفة كنت اعطيهم حقهم بزيادة

بس بعد الوظيفة قليل يشفوني لان دوامي شفتات ونومي متقلب

بس اذا طلبوا شيء مااقصر معاهم اذا انا مانفعتهم مين ينفعهم

واحيانا اخوي الاكبر مني يوديهم اذا ماكنت موجود وان شاءلله الامور متيسره


هل لديك احد من أخواتك قريب من قلبك عكس باقي الأخوات ؟



تبي الجد ايه اكبر وحده اعتبرها امي الثانيه


ومشكور على طرح هذا الموضوع


دمت بخير