ناصر السيف
09-11-2007, 02:35
على العز ياقلب تقسمت بين الناس
وانا اعرفك انك تنصدم نوب وتعاني
تصالحت معك وطبت لك والقلوب اجناس
وحاولت ابرهن كل نبضك على لساني
على شان ابيّن للبشر لذة الاحساس
بأن التسامح حلو وان العمر فاني
لو انك جزوع ان لاعك الهم والهوجاس
تخيرت وكرٍ تنعزل فيه وحداني
ولو انك تضيق أحيان من بارد النسناس
وعن مجامل اهل الزيف والمكر تنهاني
وانا اصهر عروقك مثل صهر الذهب والماس
وانقيك عن سخف الشوايب والادراني
اعيشك في كبر التواضع طناخة راس
وتعطي دروسك لأهل الكبر مجاني
عسى الله يحفظك من غثا الحقد والوسواس
ويجري تسامح نبض صدرك بشرياني
كتبت لك شعرٍ منخلق لأجله القرطاس
وسقيتك معاناة الليالي والازماني
ولو ان الحكاية عشق للحبر والكراس
مايمدي قلوب الناس بالصدق تقراني
مامريت في قلوبٍ تبيني وانا عساس
وابلقا قلوبٍ مثل قلبي تحراني
وانا اشوف وقتي يقرع لحزني الأجراس
تلوّح كفوفي للزمان وتعداني
لاكن العوض في قلب مايشكي الإفلاس
لو انه يحس احيان ويضيق ويعاني
وانا اعرفك انك تنصدم نوب وتعاني
تصالحت معك وطبت لك والقلوب اجناس
وحاولت ابرهن كل نبضك على لساني
على شان ابيّن للبشر لذة الاحساس
بأن التسامح حلو وان العمر فاني
لو انك جزوع ان لاعك الهم والهوجاس
تخيرت وكرٍ تنعزل فيه وحداني
ولو انك تضيق أحيان من بارد النسناس
وعن مجامل اهل الزيف والمكر تنهاني
وانا اصهر عروقك مثل صهر الذهب والماس
وانقيك عن سخف الشوايب والادراني
اعيشك في كبر التواضع طناخة راس
وتعطي دروسك لأهل الكبر مجاني
عسى الله يحفظك من غثا الحقد والوسواس
ويجري تسامح نبض صدرك بشرياني
كتبت لك شعرٍ منخلق لأجله القرطاس
وسقيتك معاناة الليالي والازماني
ولو ان الحكاية عشق للحبر والكراس
مايمدي قلوب الناس بالصدق تقراني
مامريت في قلوبٍ تبيني وانا عساس
وابلقا قلوبٍ مثل قلبي تحراني
وانا اشوف وقتي يقرع لحزني الأجراس
تلوّح كفوفي للزمان وتعداني
لاكن العوض في قلب مايشكي الإفلاس
لو انه يحس احيان ويضيق ويعاني