N.o.O.n.a
10-11-2007, 07:55
السلام عليكم ورحمة الله وبركاته
موضوع مهم وحساس يناقش عدة امور في موضوع واحد <<-- الذكي اللي بيطلعها :32_f:
الموضوع طبعا عجبني ونقلته
كاتب الموضوع / سلطان الدوسري
اخليكم
:
من يوم إنها توها صغيرونة وهي متعلقة بأطراف يديها على طاولة البقالة ..
تطل على البساكيت والعلوتس وهي واقفتن على أطراف أصابعها , وسيور الصندل خانقتن مفاصلها العصلا .
ومايمديها تحط بسكوت في الكيسة الى أخوها لاقفة من الكيس وخابطها على يدها :
أخوها : أنتي مامعك إلا ثلاثة ريال ، وشريتي بها عسكريم <<<<<<<<< يسمعبه ,, عسكريم .. خلاص
بعد فترة من الزمن تسبرت البنت وصارت تتغطى , واللي يشوفها من بعيد يقول ماشاء الله وش ذا الحرمة
ولما صارت في أولى ثانوي كانت تروح للسوق مع أميمتها , ومن 15شعبان وهن دوراااااااان في ذا السوق يشترون كل شيء .. وأحيانا أي شيء .
لكن البنت ماتبي تشتري ملابس العيد الحين .. على أساس إن آخر رمضان تجي الموديلات قبل العيد بكم يوم .
-- .. اللـــــه .. شوفي هذا يمه تكفين يا يمه أسأليه بكم ..؟ ياخذ العقل يمه خلاص ما أبي شيء بس هذا حتى لو مانشتري جزمة
الأم : أقول ماعاد الا هي استحي على وجهتس بس وش تبين بذا المزلط اللي يروع
البنت : يمه عادي والله مافيه شيء ..؟ ماشفتي فلانة بنت خالي فلان وش لابسة يوم حفلة النجاح ..؟
الأم : فلانة غير وإنتي غير .. أنتي شوفي أمها وش تلبس حمدلله رب العالمين
( وبعد عدد من المحلات )
البنت : يمه عاد هذا مافيه شيء , مع إن لونه مهوب مرة .
الأم : إنتي صاحية ..؟ إنتي تدرين هذا بكم ..؟ ولاتبين اشتريلتس إنتي وأخوانتس مايلبسون ..؟ ومانتعيد كلنا أحسن ..؟ والله شيء انتوا ياذا البنات ماعادكن لهلكن ، استكي بس أهاا قدامي ..
طلعت البنت وطبعا بوزها شبر يدف الطرحه من قدام برطمها صايرن تسنه زلفة مغطينها بعباة
وصارت تمشي بتثاقل وماعلى لسانها إلا :
البنت : .. يمه أي شيء .. أي شيء .. اصلن أنا بجلس بعباتي طول العيد .
وغاب صوتهم في زحمة السوق والأم تدعي :
== الله يخليني منك ياذا البنت جننتيني بتطلعين في راسي نخل بدون سعف من تشرطك .. الله يجيب لك ولد الحلال اللي يعلمك التشرط وشلون , وإنتي معي ماغير مثل ....... ابدن كل ماقلت لك شيء ..
.. بلا بلا بلا .
كبرت البنت , تزوجت , وتوظفت , وصارت تملك حرية أكثر في قراراتها وخياراتها .
صارت مراهقتها وذكريات اهلها يمثلون لها ذكريات الحرمان .. وصارت محفظتها , مملكتها وبيتها ,.. تمثل لها الأمان .
وعقب ماكانت تاخذها أمها للسوق .. صارت البنت تسوي ( شوبنق ) وما أدراك مالشوبنق ويحلفوووون إني اسمعبه ..
صارت تروح وتجي وتمسك الشارع من أوله ماعاد صارت تمثل لها الأسواق المجمعة شيء , وصارت تروح لشوارع الماركات تاخذ بلوزة من هنا وبنطلون من هنا وشيء ماله سنع من هناك .. وصارت البنت كشخه .
هالتغير وهالأسلوب في الحياة يعطي الإنسان ثقة في نفسه ترى ...
... وصاحبتنا كذلك بدت تظهر عليها سمات الثقة بالنفس ... صار اللي يشوفها من بعيد .. برضه يحسبها مرررة
وقضية التسوق عاد مافيها مشكلة .. لأن حب التملك غريزي في الإنسان وفطري بزيادة عند المرأة .. ويعطيها فرصة تفرغ شحنات الرغبة في تملك الأشياء عن طريق التسوق والإقتناء
وفي كل الثقافات ومن قبل الإسلام وبعده والمرأة لها خصوصية في علاقتها بالسوق .. والتملك
لكن هذا ماهو كافي لصاحبتنا , لأنها تحس إنها برضه ماخذت حريتها كاملة
وصارت كل سوالفها مع زميلات العمل عن حرياتهم المصادرة ...
وترد الرجاجيل بالرأي ..
وكورة القدم ..
لا وفيه تيار جديد يقول ليه بس الرجاجيل اللي يلبسون شماغ وعقال ..؟
وفيه وحدة من زميلاتها منقهرة مرررررة ..
تقول ليش أحسن الطباخين ومصممي الأزياء رجال ؟؟
قالت الثانية أحمدي ربك على الأقل فيع حريم مصممات وطباخات لكن القهر صدق مافيه رجال يحملون ولافيه حتى حبوب حمل للرجاجيل .
وكل وحدة من الشلة ترجع البيت ويتغير موقفها بسرعة من أول نظرة من أبو العيال .. وتسييييح الضعيفة من نظراته .
وهذي نشبت لزوجها كل ماقال شيء .. قالت له :
== أنا أختلف معك
الزوج : يابنت الحلال وش تختلفين معي فيه ..؟ هذي حقائق علميه ..؟
الزوجة : كيفي ..؟ مهوب أنت مقتنع ..؟ أنا ياخي ماقتنعت .. وإلا بس مصادرين حريتنا علشانا حرررريم ؟؟
وجونا عاد ناس ماتدري وش سنعهم ولا وش يبون بالضبط .. كل واحد يغني على مواله .. وله أسبابه
وصار أسهل شيء تستفز تعاطف العالم معك أو ضدك .. هو إنك تكتب عن المرأة
وطلعت لك مجلات نسائية , وقنوات نسائية .. وآخر نكته برنامج في الجزيرة اسمه للنساء فقط .
الحمدلله رب العالمين .. يعني الأخبار والبرامج الوثائقية اللي لها قيمة ( للرجال فقط ) ...؟
مايدرون إنهم بهالطريقة قاعدين يكرسون التفرقة والتمييز بين الجنسين بدون قصد حتى ..
كله كوم , ومواضيع النت , دوت كووووم
إذا الواحد تعب يكتب ولا احد يرد عليه الصوت .. والا تجيه ردود من نوعية ( يابلادي واصلي والله معاكي ) راح كتبله موضوع عن المرأة والرجل
مرة من زاوية مجتمعنا المتزمت ويحاجونك بالدين ومرة من ناحية الرجل والمرأة والتسلط وجفاسة الرجل المتوحش وبدون مانذكر أحداث وكلن فاهم وش أقصد
وتلاقي فيه اسماء صارت متخصصه بإثارة الموضوع هذا وبشكل منوع تسنه تنويعات طاش ماطاش
مثل ..
المرأة والرجل والظلم .. المرأة والرجل في رمضان .. المرأة والرجل تالي النهار ..
أو ندوة : الرجل والمرأة كل شوي .. ولماذا ليست المرأة والرجل ..؟
وفي الغالب تنجح هالحركة في استقطاب هوشات وإثارة كنها إثارة أحد الجرايد إذا فاز الهلال ...
ويجونك العالم متحمسيييين :
اصلا الرجل هو الـ ..... بس المرأة هي الـ .....
ولازم يدخلون السواقة في السالفة .. ما أقول الا يالله لك الحمد
ليش حنا دايم نطير في العجة .. ياجماعة ترى الفرق بين الطفل والبالغ أكبر بكثير من الفروقات بين الرجل والمرأة
الفرق بين الشاب والشايب أكبر من الفرق بين الرجل والمرأة
المرأة جالستن تطالب بالنظر لها كمرأة في التقاعد وفي المميزات الخاصة وأجازات الحمل والرضاعة وجالستن بعد تطالب بالمساواة في الراتب وحق التملك .. قلنا مايخالف ..
رجعت تطالب بحق ممارسة الندّية والعباطة مع الرجل .. وش هالمنطق .
تحسها قضية شخصية أكثر من أنها قضية مجتمع
ونلاقي إنه في اعتبارات يقبلها الجميع أن الأخوة الأجانب لازم يكون لهم كفيل .. لأن هذي ضرورات دولة ومجتمع لكنهم مايقبلون أن المرأة يكون لها وكيل شرعي يقدر يتفاهم مع بعض قليلين الحياء والذمة
( مع أن التشبيه ماله دخل .,, إلا إن الضرورات متقاربة )
ياشين البزر اللي مسوي نفسه رجال .. ولا الشايب اللي لابس جنز .. ولا المرأة في بدلة كراتيه .. والا وهي واقفتن تأشر للسيارات عند إشارات المرور ...
ياجماعة ترى خلق الله حسن
وحنا ماخترنا أبوينا ولا أخترنا عيالنا ولا اخترنا ديرتنا ولا اخترنا مجتمعنا
والحمدلله أننا من أفضل المجتمعات الوسطية الملتزمة
واحتمال نكون الوحيدين اللي كل رجالهم وحريمهم يركبون سيارات
وحريمنا لحالهن اللي يمتعن بين حريم العالم أن كل وحدة عندها سواق ...
سواء كان خبير سواقة أجنبي ... أو جاي بفيزة خباز .. أهم شيء سواق ...
ولكن لايصير طموح المرأة في المواصلات وتصير نقطة يطرحها كل من بغى يعيشنا على كيفه ...؟
وإذا صارت الحرية عند غيرنا مرأة ..
فحنا مانرضى نخليها تمثال
وحريتنا تقول :
(( فكونا من الحتسي المستهلك عن الرجل والمرأة .. قصدي المرأة والرجل .. ولا يزعلن الحساسات ))
.
.
تحياتي لكم
موضوع مهم وحساس يناقش عدة امور في موضوع واحد <<-- الذكي اللي بيطلعها :32_f:
الموضوع طبعا عجبني ونقلته
كاتب الموضوع / سلطان الدوسري
اخليكم
:
من يوم إنها توها صغيرونة وهي متعلقة بأطراف يديها على طاولة البقالة ..
تطل على البساكيت والعلوتس وهي واقفتن على أطراف أصابعها , وسيور الصندل خانقتن مفاصلها العصلا .
ومايمديها تحط بسكوت في الكيسة الى أخوها لاقفة من الكيس وخابطها على يدها :
أخوها : أنتي مامعك إلا ثلاثة ريال ، وشريتي بها عسكريم <<<<<<<<< يسمعبه ,, عسكريم .. خلاص
بعد فترة من الزمن تسبرت البنت وصارت تتغطى , واللي يشوفها من بعيد يقول ماشاء الله وش ذا الحرمة
ولما صارت في أولى ثانوي كانت تروح للسوق مع أميمتها , ومن 15شعبان وهن دوراااااااان في ذا السوق يشترون كل شيء .. وأحيانا أي شيء .
لكن البنت ماتبي تشتري ملابس العيد الحين .. على أساس إن آخر رمضان تجي الموديلات قبل العيد بكم يوم .
-- .. اللـــــه .. شوفي هذا يمه تكفين يا يمه أسأليه بكم ..؟ ياخذ العقل يمه خلاص ما أبي شيء بس هذا حتى لو مانشتري جزمة
الأم : أقول ماعاد الا هي استحي على وجهتس بس وش تبين بذا المزلط اللي يروع
البنت : يمه عادي والله مافيه شيء ..؟ ماشفتي فلانة بنت خالي فلان وش لابسة يوم حفلة النجاح ..؟
الأم : فلانة غير وإنتي غير .. أنتي شوفي أمها وش تلبس حمدلله رب العالمين
( وبعد عدد من المحلات )
البنت : يمه عاد هذا مافيه شيء , مع إن لونه مهوب مرة .
الأم : إنتي صاحية ..؟ إنتي تدرين هذا بكم ..؟ ولاتبين اشتريلتس إنتي وأخوانتس مايلبسون ..؟ ومانتعيد كلنا أحسن ..؟ والله شيء انتوا ياذا البنات ماعادكن لهلكن ، استكي بس أهاا قدامي ..
طلعت البنت وطبعا بوزها شبر يدف الطرحه من قدام برطمها صايرن تسنه زلفة مغطينها بعباة
وصارت تمشي بتثاقل وماعلى لسانها إلا :
البنت : .. يمه أي شيء .. أي شيء .. اصلن أنا بجلس بعباتي طول العيد .
وغاب صوتهم في زحمة السوق والأم تدعي :
== الله يخليني منك ياذا البنت جننتيني بتطلعين في راسي نخل بدون سعف من تشرطك .. الله يجيب لك ولد الحلال اللي يعلمك التشرط وشلون , وإنتي معي ماغير مثل ....... ابدن كل ماقلت لك شيء ..
.. بلا بلا بلا .
كبرت البنت , تزوجت , وتوظفت , وصارت تملك حرية أكثر في قراراتها وخياراتها .
صارت مراهقتها وذكريات اهلها يمثلون لها ذكريات الحرمان .. وصارت محفظتها , مملكتها وبيتها ,.. تمثل لها الأمان .
وعقب ماكانت تاخذها أمها للسوق .. صارت البنت تسوي ( شوبنق ) وما أدراك مالشوبنق ويحلفوووون إني اسمعبه ..
صارت تروح وتجي وتمسك الشارع من أوله ماعاد صارت تمثل لها الأسواق المجمعة شيء , وصارت تروح لشوارع الماركات تاخذ بلوزة من هنا وبنطلون من هنا وشيء ماله سنع من هناك .. وصارت البنت كشخه .
هالتغير وهالأسلوب في الحياة يعطي الإنسان ثقة في نفسه ترى ...
... وصاحبتنا كذلك بدت تظهر عليها سمات الثقة بالنفس ... صار اللي يشوفها من بعيد .. برضه يحسبها مرررة
وقضية التسوق عاد مافيها مشكلة .. لأن حب التملك غريزي في الإنسان وفطري بزيادة عند المرأة .. ويعطيها فرصة تفرغ شحنات الرغبة في تملك الأشياء عن طريق التسوق والإقتناء
وفي كل الثقافات ومن قبل الإسلام وبعده والمرأة لها خصوصية في علاقتها بالسوق .. والتملك
لكن هذا ماهو كافي لصاحبتنا , لأنها تحس إنها برضه ماخذت حريتها كاملة
وصارت كل سوالفها مع زميلات العمل عن حرياتهم المصادرة ...
وترد الرجاجيل بالرأي ..
وكورة القدم ..
لا وفيه تيار جديد يقول ليه بس الرجاجيل اللي يلبسون شماغ وعقال ..؟
وفيه وحدة من زميلاتها منقهرة مرررررة ..
تقول ليش أحسن الطباخين ومصممي الأزياء رجال ؟؟
قالت الثانية أحمدي ربك على الأقل فيع حريم مصممات وطباخات لكن القهر صدق مافيه رجال يحملون ولافيه حتى حبوب حمل للرجاجيل .
وكل وحدة من الشلة ترجع البيت ويتغير موقفها بسرعة من أول نظرة من أبو العيال .. وتسييييح الضعيفة من نظراته .
وهذي نشبت لزوجها كل ماقال شيء .. قالت له :
== أنا أختلف معك
الزوج : يابنت الحلال وش تختلفين معي فيه ..؟ هذي حقائق علميه ..؟
الزوجة : كيفي ..؟ مهوب أنت مقتنع ..؟ أنا ياخي ماقتنعت .. وإلا بس مصادرين حريتنا علشانا حرررريم ؟؟
وجونا عاد ناس ماتدري وش سنعهم ولا وش يبون بالضبط .. كل واحد يغني على مواله .. وله أسبابه
وصار أسهل شيء تستفز تعاطف العالم معك أو ضدك .. هو إنك تكتب عن المرأة
وطلعت لك مجلات نسائية , وقنوات نسائية .. وآخر نكته برنامج في الجزيرة اسمه للنساء فقط .
الحمدلله رب العالمين .. يعني الأخبار والبرامج الوثائقية اللي لها قيمة ( للرجال فقط ) ...؟
مايدرون إنهم بهالطريقة قاعدين يكرسون التفرقة والتمييز بين الجنسين بدون قصد حتى ..
كله كوم , ومواضيع النت , دوت كووووم
إذا الواحد تعب يكتب ولا احد يرد عليه الصوت .. والا تجيه ردود من نوعية ( يابلادي واصلي والله معاكي ) راح كتبله موضوع عن المرأة والرجل
مرة من زاوية مجتمعنا المتزمت ويحاجونك بالدين ومرة من ناحية الرجل والمرأة والتسلط وجفاسة الرجل المتوحش وبدون مانذكر أحداث وكلن فاهم وش أقصد
وتلاقي فيه اسماء صارت متخصصه بإثارة الموضوع هذا وبشكل منوع تسنه تنويعات طاش ماطاش
مثل ..
المرأة والرجل والظلم .. المرأة والرجل في رمضان .. المرأة والرجل تالي النهار ..
أو ندوة : الرجل والمرأة كل شوي .. ولماذا ليست المرأة والرجل ..؟
وفي الغالب تنجح هالحركة في استقطاب هوشات وإثارة كنها إثارة أحد الجرايد إذا فاز الهلال ...
ويجونك العالم متحمسيييين :
اصلا الرجل هو الـ ..... بس المرأة هي الـ .....
ولازم يدخلون السواقة في السالفة .. ما أقول الا يالله لك الحمد
ليش حنا دايم نطير في العجة .. ياجماعة ترى الفرق بين الطفل والبالغ أكبر بكثير من الفروقات بين الرجل والمرأة
الفرق بين الشاب والشايب أكبر من الفرق بين الرجل والمرأة
المرأة جالستن تطالب بالنظر لها كمرأة في التقاعد وفي المميزات الخاصة وأجازات الحمل والرضاعة وجالستن بعد تطالب بالمساواة في الراتب وحق التملك .. قلنا مايخالف ..
رجعت تطالب بحق ممارسة الندّية والعباطة مع الرجل .. وش هالمنطق .
تحسها قضية شخصية أكثر من أنها قضية مجتمع
ونلاقي إنه في اعتبارات يقبلها الجميع أن الأخوة الأجانب لازم يكون لهم كفيل .. لأن هذي ضرورات دولة ومجتمع لكنهم مايقبلون أن المرأة يكون لها وكيل شرعي يقدر يتفاهم مع بعض قليلين الحياء والذمة
( مع أن التشبيه ماله دخل .,, إلا إن الضرورات متقاربة )
ياشين البزر اللي مسوي نفسه رجال .. ولا الشايب اللي لابس جنز .. ولا المرأة في بدلة كراتيه .. والا وهي واقفتن تأشر للسيارات عند إشارات المرور ...
ياجماعة ترى خلق الله حسن
وحنا ماخترنا أبوينا ولا أخترنا عيالنا ولا اخترنا ديرتنا ولا اخترنا مجتمعنا
والحمدلله أننا من أفضل المجتمعات الوسطية الملتزمة
واحتمال نكون الوحيدين اللي كل رجالهم وحريمهم يركبون سيارات
وحريمنا لحالهن اللي يمتعن بين حريم العالم أن كل وحدة عندها سواق ...
سواء كان خبير سواقة أجنبي ... أو جاي بفيزة خباز .. أهم شيء سواق ...
ولكن لايصير طموح المرأة في المواصلات وتصير نقطة يطرحها كل من بغى يعيشنا على كيفه ...؟
وإذا صارت الحرية عند غيرنا مرأة ..
فحنا مانرضى نخليها تمثال
وحريتنا تقول :
(( فكونا من الحتسي المستهلك عن الرجل والمرأة .. قصدي المرأة والرجل .. ولا يزعلن الحساسات ))
.
.
تحياتي لكم