يقولون الرجـال ما يعيبـه الا جيبـه ، { صدق.. ولا كلمة وتنقـال } .!

[حفيد مانع]

السلام عليكم ورحمة الله وبركاته

|يـــــــــــاهلاوسهلا بااحلى اعضاء

رجاء التفااااعل من جميع الاعضااء ابا اعرف وجهه نظر كل واحد وبصرراحه دون مبالغه ...

.
.
.
يقولون الرجـال ما يعيبـه الا جيبـه
هل هالكلام صحيح ؟!!


يعني مثلا لو واحد داشر وداج ما ينعاب؟

هذا الكلام جابوهـ في برنـامج 99
اللي يجي على الرياضية السعودية
كان الموضوع عـن



[ هـموم البـنات ]


وشدتني نقطه فيـه
،

كان من ضمن البرنامج تقرير
والسـؤال كـان

عن آخر مره طلعت مع اختك او جلست معـها ؟


من ضمن المتقابليـن
&&&&&&&&&&&&&&&&&&&&&&&&&&&&&&&

المذيـع : متى آخر مرهـ طلعت اختـك ؟

الشخص : انا خواتي مكانهم البيت تبغاهم يخربون برى

المذيـع : لو ما خربت بالطلعه خربت باشياء ثانيـه

الشخص : وش الاشيـاء الثانيه
جـوال ومافيه .. وانترنت ومافيه .. وصديقات مافيه
دايم بغرفتها وش يخربـها [

المذيـع : طيب ليش ما تطلعها ؟

الشخص : البنت لا طلعت خربت وفسدت


المذيـع : وانت اذا طلعت ما تخرب ؟

الشخـص : الرجـال ما يعييبه الا جيبـه " ومسك جيبه وحركه "
بس البنت كلها تنعـاب "
&&&&&&&&&&&&&&&&&&&&&&&&&&&&&&&&&&&&
"
_________________________

هـنا السـؤال
الحيـن ما يعيب الرجـال الا جيبـه
يعني يخرب بيديه ورجليه عادي بس اهم شيء يكون معه دراهـم
او انهـا كلمة وتنـقال ؟

______________________
/

بس


للامـانه : الموضوع قريته في احد المنتديات ..

[أديب الدعفس]

حياك الله أخوي حفيد
فعلاً كلامك وموضوعك يُثير الجدل بين مؤيد ومعارض
صدقني هذي أحاديث لاتسمن ولاتغني
معقوله ينقال أن الرجال مايعيبة جيبه
لا حبيبي فيه من الناس أثرياء وهم في قمة الأخلاق لايعيبهم شي
والعكس كذلك
ولكن أنا أقول ليس الكل ولكن يوجد هناك تنوع
أشكرك أخي الكريم

[صالح الدعفس]

هلا فيك اخوي الغالي ..... منور بموضوعكـــ الحلوة ....


من ناحية ان الرجل مايعيبة الا جيبة هذة من ناحية فكرة ومادية

ولا لها علاقة بلي تقول . ومن ناحية ان المراءة تخرب برا البيت

هذة تعود علي التربية وعدم الثقة بالبنت فا الرجل يعيبة مثل ماتعيب المراءة

يعني الرجل مرفوع ومنزة عن اللي يسوية والمراءة لا !!!!


وهذة مثل عند شيباننا الاولين لان الاولين نشامي وفعلأ مايعيبهم شي

لانهم في حال فقر وحال يرثي لها وين يخرب ولا وين يروح بذالك الزمان ..

واللحين تبدل الحال الي حال وقتنا غير ...

ومتمسكين بالجملة هذي وهي ماتسمنهم ولا تغنيهم من جوع ....

والانسان خصيم نفسة ... ويقول المثل حط عقلك براسك وتعرف خلاصك ..

هذة وجهة نظري... واسمحولي بالاسلوب العامي .....


جل التحايا ..

[فتى المراح]

لا أنا ماني معكم كلكم الا في بعض الاحيان

الرجال صحيح ما يعيبه شي لو يصيع مب يدشر يسربت يصير سرسري
بس مب ما يعيبه الا جيبه في ناس فقره ورجال ما يعيبهم شي حافضين اهلهم وساترين عليهم
وفي ناس ياما ربي عطاهم من الخير بس مانهم ساترين عليهم وعلى اهلهم

وعلى قول المره يعيبها ماهو كل الحريم بعض منهم وقلت البعض فقط لان في حريم تشوفهم من تصرفاتهم
ارجال ما حد يهزهم بشي والبعض منهم لا مثل الي قال في المحادثة يدشرون ليه بلبس الجنز والحركات الجديدة
انا الي هو انا ما لبستها لا وعباه مزخرفه وتلمع وش الدلع

تقبل مروري وخالص تحياتي

فتى المراح مشــــــــــــــ،،،،،،،،،،،،

[عبدالله السالم]

بلبس الجنز والحركات الجديدة

لا ياشيخ حنا في العمل نلبس بنطلونات وبدل وكل واحد يشتغل واذا قلت جينز كنك تقول بنطلون

السربوت والسرسري هو اللي يسافر بستمرار بحجة انه يجيب بهرات كن عندنا قل بهرات

ولا يقضي اغراض كن عندنا قل اغراض وهو من جنبها رايح يسربت السربوت

ولا يشرب خمر ولا يستخدم مخدرات ولا منشطات الله يبعد عنا الشر

الحين لو تروح تتزوج تقول الحرمه هو طويل هو شعره ناعم اذا قالو قزم ولاشعرك طناقر وكنك خروف استرالي


قالت هذا عيبه الزوج المتقدم مرفوض

وهذي بعد خلقت الله بس مسكين الحرمه تشوف انه فيه عيوب

والرجال ينعاب وكله عيوب اذا جلس مثله مثل البنت في البيت

واذا بنتكلم عيوب الرجال ترى كثيره

بس االقصد ان البنت كلها عيوب لان اقل شي يعيبها راحت عليها لانها مثل المنديل الابيض اذا صادها نقطه سودا الله يعينها

وحتى اذا البنت مافيها عيب في مثلا اخوانها عيب صارت البنت فيها عيب من عيوب اخوانها

[شيخ ولد شيخ]

في بعض المجتمعات تكون الاجابة نعم الرجل مهما سوى ما يعيبة غير جيبة لانه حتى لو كان انسان منحط وعديم الاصل اواصله خليط قرقيعان فالجيب المليان يقدر يسوي امور كثيرة سواء كان ما يملك حلال ام حرام.

اما الحقيقة والواقع والصح هو ان الاخلاق اساس التعامل مع الناس بغض النظر عن الامور الاخرى .

[حفيد مانع]

شكرا لكم وشكرا لعذب حروفكم وشكرا لتواصلكم
وسلمت أناملكم لتعليقكم وتحليلكم الوافي والكافي
وأرجو أن يبقى التواصل
وفقكم الله وأنار لكم الطريق

[أخصائي مختبر]

يعطيك العافيه

[إيمان الجراي]

من وجهة نظري مثل ما البنت يعيبها أي شئ حتى الرجل يعيبه أي شئ
يعني لو جاء واحد يخطب بصفة عامة أحكي وعنده مااااااال ويملك كل شئ بس أخلاقه
سيئه وضعيف دينياً الواحد يعطيه أخته أو بنته ،،،، كيف الراجل ما يعيبه شئ

والمال ليس كل شئ بس جزء من الضروريات

ومثل ما يقولون المال يمشي ويجي والأخلاق هي إللي تبقى

وبالنسبة للمرآة ترجع لتربيتها ومدى خوفها من الخالق

تقبل مداخلتي

[نواف القويماني]

صح انه الرجل يعيبه جيبه يلين صار يتسلف من الناس في كثره = هذا الي ينطبق عليه المثل مايعيبه الاه جيبه اخوكم نواف القويماني

[نواف القويماني]

ادعو حق ولدي مشعل انه الحين يرقد في المستشفي المبارك اطفل في حاله سيء الدوعاء منكم ومن كل مسلم اخوكم نواف القويماني