المساعد الشخصي الرقمي

مشاهدة النسخة كاملة : توقعاتكم...

علوش الفضلي
27-11-2007, 02:09
إخواني كما تعلمون سوف تقام الليلة مباراة الإياب لبطولة الأندية الخليجية بين فريقي الهلال

والاتفاق وسوف تقام المباراة في الرياض عند الساعة السابعة والنصف

فما توقعاتكم للمباراة؟

أنا أتوقع أن يفوز الهلال بنتيجة 2/1 صحيح أن من سيفوز سيمثل الوطن يعني ليس هناك خاسر

لكن أتمناها هلالية إن شاء الله...
سلامه العايد
27-11-2007, 02:19
هههههههههههههههههههههههه



سبقتني فيهاااااااااااااا



بس تعرف ماافي احد يشجع الاتفااق


وأكثر اللي يشجعون هم الهلاال موجودين


واناااا اصير ضد الهلاليين .....


لأني عاارف الاتفااق مراح يفوز بس يالله كل واحد



..................


مشكور يااذوق ...
ناصر السيف
27-11-2007, 02:42
علوش الفضلي



مشكور على الموضوع



اذا كان الحكم عادل مايكون مثل البحريني اللي ماحسب ضربتين جزاء للاتفاق


ان شاءلله الاتفاق يفوز



دايم ينظلم



سلامه العايد الاتفاق فريق كبير


ويكفي اربعه منهم مع المنتخب



بس لو يفكونا من الظلم وجمهور الاتفاق كبير وتلاقي كل مكان يشجعونه



وانا اولهم اتفاقي من صميم


وان شاءلله يطلع خليل الزياني من المستشفى باالسلامه



دمتم بخير
علوش الفضلي
27-11-2007, 02:48
هلا سلامه

أنا كنت ناوي أكتب الموضوع أمس

لكن قلت أحتريك إلى اليوم بس الظاهر إنك ماتبي تكتب شئ عن الهلال هههههههه

سلامه يمكن يكون كلامك صحيح إن مافيه أحد يشجع الإتفاق بس اللي يكرهون الهلال كثير وأكيد

يتمنون هزيمة الهلال فلا مانع أن يشاركوا بتوقعاتهم

وبعدين ليه تتوقع الإتفاق ماراح يفوز، بالعكس مباراة الذهاب في الدمام انتهت بالتعادل ولولا توفيق

الله للحارس العملاق محمد الدعيع

لانتهت المباراة بأربعة أهداف لصالح الإتفاق.. الله يعطيه العافية هو اللي أنقذ الفريق

أشكرك على المرور ودمت بخير،،، لنا عودة بعد المباراة..
سلامه العايد
27-11-2007, 02:56
لاكن القحطااني ولا الدعيع


مراح يلعبووون .......
علوش الفضلي
27-11-2007, 03:00
هلا وغلا ناصر نورت.. أعترف إنك نصراوي ههههههههه

أنا أتفق معك إن الإتفاق فريق كبير وله جماهير كثيرة وأربعة من لاعبيه في المنتخب وهذا شي لاغبار عليه

لكن الهلال ماجاب الحكم وقاله حكم اللي جابه هم اللجنة المنظمة وهي اللي تتحمل أخطاءه

أتمنى أن يكون حكم الليلة في مستوى المباراة، كما أتمنى الشفاء العاجل للكابتن الكبير خليل الزياني الله يقومه بالسلامه...

مشكور على المرور ياناصر .. واللي يفوز سوف يمثل الوطن.. يعني كلهم إخوان
علوش الفضلي
27-11-2007, 03:03
لا وأبشرك بعد ياسلامه طارق التايب مصاب يعني ماراح يلعب

لكن إن شاء الله يجيبها فريق الزعيم
ناصر السيف
27-11-2007, 03:04
علوش انا اتفاقي

سلامات



والله يوفق الاتفاق
علوش الفضلي
27-11-2007, 03:06
علوش انا اتفاقي

سلامات



والله يوفق الاتفاق

والله إني عارف ياناصرإنك إتفاقي لكن أمزح معك
زيد السالم
27-11-2007, 03:07
ان شاء الله الاتفاق

وهرد لك للهلال مقدما
علوش الفضلي
27-11-2007, 03:27
ماشاء الله عليك زيد واثق كثير من الإتفاق..من ذا الحين " هارد لك للهلال "

الظاهر مافي أحد يشجع الهلال في المنتدى إلا أنا

مشكور على المرور،، وهارد لك مقدما..
سلامه العايد
27-11-2007, 03:52
علوش



لا والله اكثر اللي بالمنتدى هلاليه بس أناا


اتوقع الهلال اللي راح يفوز كذا احساااس


وان انهزم هزيمه وحده مااتسوي شي ولا اناا غلطان ...
علوش الفضلي
27-11-2007, 07:25
حاشاك الغلط وأنا أخوك

لكن ودنا بالفوز ، وإن شاء الله يكون توقعك في محله

أشكرك على المتابعة والردود...
الصقررر
27-11-2007, 07:45
علوش الفضلي
اتوقع فوز الاتفاق .. استعدادات الاتفاق افضل من الهلال
الاتفاق افضل من الهلال في تمثيلنا خارجيا ....
تقبل مروري

الصقرررر
حاتميه
27-11-2007, 07:52
الله يوفق الهلال وانشاءالله يصدق توقعك علوش

والا واحد صفر اي شي بس اهم شي يفوووز

شكرا لك وزين سبقت سلامه هالمره .. من سبق لبق

اهم شي لا تجوون توقعات العيد لانه تخصصي ( :

والليله زرقاء يارب

وان فاز الاتفاق يستاااهل الفوز عشان ناصر :tongue:
سلامه العايد
27-11-2007, 08:00
ههههههههههههههه



أنااا اتوقع هلالي بس مدامكم هلاليه


أنشاء الله يفوز الاتفااق كذا على المزااج ؟؟؟؟
زيد السالم
28-11-2007, 12:53
ههههههههههههههههههههههههههههههههههههههههه
هههههههههههههههههههههههههههههههههه
هههههههههههههههههههههههههه
هههههههههههههههههههه
هههههههههههه
هههه

وينكم يالهلالين شفيكم سكتو

احسن الله عزاكم

وهارد لك بالاخير
ناصر السيف
28-11-2007, 12:54
سبحان الله



فاز الاتفاق بجداره



مشكورة حاتمية على مشاعرك النبيلة


دمتم بخير
سلامه العايد
28-11-2007, 03:34
علوش الفضلي



وووينك ياااخي تعااال بااارك لخوي


ناااصر تراه اتفااقي ...
علوش الفضلي
28-11-2007, 07:35
أخوي الصقر 858 الله يعطيك العافية ومبروك الفوز

توقعك جا في محله

لكن اسمحلي الاتفاق ليس أفضل من يمثلنا خارجيا..ارجع للاحصائيات والأرقام وأنت تشوف بنفسك

أشكرك على المرور ودمت بخير،،،
علوش الفضلي
28-11-2007, 07:42
هلا حاتميه

الحمد لله لقيت أحد يشجع الهلال من كتبت الموضوع والأخوان كلهم ضدي

مافيه إلا سلامه مره هلالي ومره اتفاقي ههههههه

مشكورة حاتميه على المرور الجميل والمداخلة، لكن للأسف التوقع ماجا في محله

خيرها بغيرها إن شاء الله

دمت بخير،،،
علوش الفضلي
28-11-2007, 07:46
هلا أخوي زيد يحق لك تضحك

مبروك الفوز يستاهل الإتفاق وأنا قلت اللي يفوز سوف يمثل الوطن

مشكور على المرور وبالتوفيق للإتفاق في النهائي
علوش الفضلي
28-11-2007, 07:58
أخوي ناصر مبروك الفوز

لكن "فاز الإتفاق بجدارة" هذي تحتها خطين....

ياخوي وين الروح الرياضية عند فريق الإتفاق وين التنافس الشريف.. ارجع للمباراة ياناصر وتفهم قصدي

ثاني شي الحكم ماكان في مستوى المباراة ضربتين جزاء ضاعت على الهلال

تبي تقول لي نفس مباراة الذهاب أبقول لك هذا مو ذنب الهلال هذا ذنب اللجنة المنظمة

عموما الإتفاق ذا الحين هو اللي يمثلنا في النهائي ونتمنى له التوفيق

أشكرك على المرور ودمت بخير،،،،
علوش الفضلي
28-11-2007, 08:05
علوش الفضلي



وووينك ياااخي تعااال بااارك لخوي


ناااصر تراه اتفااقي ...

هلا وغلا سلامه

معليش أخوي بس أنا كنت تعبان شوي

وتراني باركت لناصر،حنا وأنا أخوك اللي يفوز نقول له مبروك واللي ينهزم نقول له هارد لك

أشكرك على تعليقك الجميل وصدرك الواسع..دمت بخير
سلامه العايد
28-11-2007, 08:25
علوش الفضلي



يااهلابك ياالله حيووووو انااا قلت لك مااشجع حد


ولا لي في التشجيع شي بس هذا الحظ وانااا اخوك


لو قلت الاتفااق اللي تفوز راح يكون العكس .....


لان هذا حظي دمااار ...


بس هارد لك لزعيم ...


بيني وبينك احس الهلااال را ينزل مستواه


وهذا دليل على الهزيمه ....


معليه خيرهااا بغيرهااا ....
ناصر السيف
28-11-2007, 11:22
علوش ليه الاتفاق مايمثل المملكه وهو شيخ الخليج

مشكور على مشاعرك النبيلة
علوش الفضلي
29-11-2007, 12:11
سلامه مرحبا بك والله يحيك..

ليتك قايل الإتفاق بيفوز عشان يصير العكس ههههههههه

أمزح معك وأنا أخوك وإن شاء الله حظك طيب

بس إن شاء الله إحساسك مايكون في محله..إن شاء الله يرتفع مستوى الزعيم وهذي المباراة ماهي إلا كبوة جواد

أشكرك على الردود الرائعة والمشاعر اللطيفة،،،
علوش الفضلي
29-11-2007, 12:27
علوش ليه الاتفاق مايمثل المملكه وهو شيخ الخليج

مشكور على مشاعرك النبيلة

هلا أخوي ناصر..أنا ماقلت الإتفاق مايمثل المملكة! بالعكس قبل لاتبدا المباراة وأنا أقول إن الفائز

سوف يمثل الوطن" ارجع للردود وأنت تشوف بنفسك "

أنا اللي أقصده من كلامي "خارجيا" يعني على مستوى البطولات العربية والآسيوية.. تلاقي الهلال

هو أكثر من مثل الوطن في البطولات الخارجية وخصوصا على المستوى الآسيوي

يعني لو يشارك الإتفاق في البطولة الآسيوية وهو مو متعود عليها..الله العالم وش يبي يصير

" فهمت قصدي ياناصر "

أشكرك على المتابعة والردود ودمت بخير،،،
سلامه العايد
29-11-2007, 01:07
علوش الفضلي



سلامه مرحبا بك والله يحيك..

ليتك قايل الإتفاق بيفوز عشان يصير العكس ههههههههه

أمزح معك وأنا أخوك وإن شاء الله حظك طيب

بس إن شاء الله إحساسك مايكون في محله..إن شاء الله يرتفع مستوى الزعيم وهذي المباراة ماهي إلا كبوة جواد

أشكرك على الردود الرائعة والمشاعر اللطيفة،،،


وربي قلت كذا لان عاارف حظي رااح يكون العكس


لو بااقول ييتحسن بينزل مستواه ههههههههه:33_f:


عرفت ليه قلت كذااا لأن الحظ دماار ......


يسلموو يااذوق ..


بااقي الهزيمه على الاتحاااد أكثر الاساتذه


يشجعون الاتحااد واتمنى انهااا تنهزم ...
علوش الفضلي
29-11-2007, 01:18
سلامه وسع صدرك وأنا أخوك

أنا كنت إنك عارف إنك قلت كذا عشان يرتفع مستوى الهلال

لكن إن شاء الله حظك طيب ياالغالي.. ودمت بخير،،،
ناصر السيف
29-11-2007, 02:52
علوش


الاتفاق فريق نجوم بس ناقصه الدعم

اذا الهلال دعمه بالملايين


الاتفاق بالالف


دمت بخير
علوش الفضلي
30-11-2007, 01:55
هلا ناصر

عموما ياناصر الإتفاق فريق يستاهل وإن شاء الله أعضاء شرفه ورئيسه الأستاذ عبد العزيز الدوسري ماراح يقصرون

بالتوفيق إن شاء الله للإتفاق في الاستحقاقات القادمة

مشكور على المرور ياالغالي ودمت بخير،،،