المساعد الشخصي الرقمي

مشاهدة النسخة كاملة : زواج القبايل

سلامه العايد
07-12-2007, 07:39
السلام عليكم ورحمة الله وبركاته



اليوم جايبيين لكم موضووووع وحاااابيين نأخذ راااايكم

(( وترى راااايكم بيهمنا كثير ))

المووووضوع هو

المعرف أنه دول الخليج أغلب ساااكنيهاااا من القبائل العربية

وكل قبيلة تحتفظ بعاااداتهاا

ومن هذه العااادات أن أغلب هاالقبائل ماااتزوج بناااتها من خاارج القبيلة خااصة

ويمكن هذا الشئ زاااد من العنوووسة بين النساااء..

اللي يهمناا في موضوووعنا ياااشباب ويا بناات أنه تبدوااا رااايكم

(( إذا تقدم شاااب من قبيلة لخطبة فتاااة منتمية لأحد من القبائل الجزيره))


كيف تنحل هذي الظاهره ؟

ومارأيكم في هذي العاده ؟


ودمتم سااالمين ...
احمد الفضيلي
07-12-2007, 08:30
اخي العزيز الغالي سلامه بن عايد
السلام عليكم ورحمة الله وبركاته
اشكر لك طرحك الراقي لمثل هذا الموضوع (( وان كنت اخالفك في الراي ))
فاجيبك على تسائلك من وجهة نظري الخاصه بي انا فقط
ومما اراه واسمعه واعيشه ان هذه الظاهره في وقتنا الحالي محلوله ولا تعتبر مشكله او ظاهره ملفته للنظر كما اشرت اليها (( مع احترامي لوجهة نظرك ))
فكم من شبان وفتيات تزوجوا من ازواج لا ينتمون للقبيله التي هم ينتمون اليها والعكس صحيح
هذا ما احببت ان اشارك به
تقبل مروري ومشاركتي
دمت بخير وعافيه
سلامه العايد
07-12-2007, 08:51
احمد الفضيلي



الله يعطيك العاافيه على المشاااركه ......


واحترم وجهت نظرك يالغاااااالي ..........


أنت شفت وسمعت أن فلان تزوج من قبيله الفلاتيه


لاكن انااا ماسمعت في هذا الشي وهذا يختلف من منطقه


لمنطقه او ديره لديره او دوله من دوله ....


وأشكرك على المرور لاهنت .......


دمت بود ....
عطـــــر الخزامـــــى
07-12-2007, 09:32
باعتقادي المهم في الزواج هو التوافق والمودة وليس شرطا أن يكون من القبيلة

نفسها سواءً للشاب أو الفتاة وهذا لا ينطبق على قبيلة الفضول فقط بل جميع القبائل

فإذا كان/كانت>> ذو دين وخُلق فهذا يكفي ليكون زواجا مناسبا،،

والرسول صلى الله عليه وسلم قال: "إذا أتاكم من ترضون خلقه ودينه فزوجوه، إلا تفعلوا تكن فتنة في الأرض وفساد كبير"


تقبل تحيتي
حاتميه
08-12-2007, 03:00
ياهلا سلامه واشكرك ع الطرح

لكن انا مع اخوي احمد .. نعم هذه ليست ظاهر ان القبيله ما تزوج الا منها وفيها

حنا فضول ونص عيالنا وبناتنا

متزوجين من اجواد القبائل الاخرى فلا ضير في ذلك <- حلو ضير من وين جبتها :biggrin:

كما اشارت اختي عطر اهم شي الاخلاق ..
المعرف أنه دول الخليج أغلب ساااكنيهاااا من القبائل العربية

من يقول ان اغلبهم قبائل ..!

ياخي اشوف بجميع المحافل من مدارس ودوائر ومنتزهات .. القبائل ينعدون ع الاصابع

ليتهم كثير والله كان ونااسه .. لكن بسبة ظروفهم بالسابق !!! معد فيهم بركه مثل اول ..!

يعطيك مل يوووون عافيه
الصقررر
08-12-2007, 03:38
ابوعايد

مااعتقد في وقتنا الحاضر يوجد قبيله لاتزوج الا من أبناء القبيله
وان وجد فهم قله لا تذكر
اضرب لك مثال .. مزاين القبائل , الجميع لا حظ القبائل اندمجت مع بعض عن طريق النسب
نجد في حفل مزاين عتيبه , شعار وضيوف من قبائل اخرى شاركت في الحفل وبعد التأكد من وضعهم
وجد ان غالبيتهم يربطهم نسب بقبيلة عتيبه , وهذا دليل ان القبائل في طريقها لتخلي عن فكرة الزواج
من ابناء القبيله .
الرسول صلى الله عليه وسلم قال : ( اذا اتاكم من ترضون خلقه ودينه فزوجوه إلا تفعلوا تكون فتنه في الارض
وفساد كبير )

شاكر لك على طرح هذا الموضوع الجميل

تسسسسسسسسسسسسسسلم

الصقرررر
سلامه العايد
08-12-2007, 03:27
عطـــــر الخزامـــــى





باعتقادي المهم في الزواج هو التوافق والمودة وليس شرطا أن يكون من القبيلة

نفسها سواءً للشاب أو الفتاة وهذا لا ينطبق على قبيلة الفضول فقط بل جميع القبائل

فإذا كان/كانت>> ذو دين وخُلق فهذا يكفي ليكون زواجا مناسبا،،

والرسول صلى الله عليه وسلم قال: "إذا أتاكم من ترضون خلقه ودينه فزوجوه، إلا تفعلوا تكن فتنة في الأرض وفساد كبير"
تقبل تحيتي


الله يعطيك العاافيه واشكرك على المشااركه


كلامك لابأس فيه لاكن في ناس متفهمه وفي ناس


مو متفهمه وعندهم هذي العاااده السيئه ....


يعني لو يجي حد من خير الرجال راح يرفضه ...


أشكرك على المرور لاهنتي ....

دمتي بود ...
سلامه العايد
08-12-2007, 03:44
الحــاااتميــه


ياهلا سلامه واشكرك ع الطرح

هلااابك اكثر ولاشكراً على واجب


لكن انا مع اخوي احمد ..


أحترم وجهة نظرك ...


نعم هذه ليست ظاهر ان القبيله ما تزوج الا منها وفيها ..


أحتماااال أي وأحتماااال لا ....


حنا فضول ونص عيالنا وبناتنا

متزوجين من اجواد القبائل الاخرى فلا ضير في ذلك ..



طيب وان قلت لكم اني طلبت يد ...... ورفضوني:cool:


السبب اني مو من نفس القبيله ...:smoker:


<- حلو ضير من وين جبتها :biggrin: ..


من جيبي هع:14_f:



كما اشارت اختي عطر اهم شي الاخلاق .. ..

نعم اهم شي الاخلااق بس وين اللي يفهم صح


من يقول ان اغلبهم قبائل ..! ..


اناااا اقوول


ياخي اشوف بجميع المحافل من مدارس ودوائر ومنتزهات .. القبائل ينعدون ع الاصابع ..


ينعدون على الاصاابع اتحداك تعدهم من ذبيحه ...


ليتهم كثير والله كان ونااسه .. لكن بسبة ظروفهم بالسابق !!! معد فيهم بركه مثل اول ..! ..


بالعكس لو كانو كثير كان مااافي وظاايف حتى لو كانت بالواسطه


يعطيك مل يوووون عافيه ..


الله ياااعفيك .....


أشكرك على المشااركه كماا اشكرك على المرور


لاهنتي دمتي بود ....
سلامه العايد
08-12-2007, 04:07
ابــوكــااااســر



مااعتقد في وقتنا الحاضر يوجد قبيله لاتزوج الا من أبناء القبيله


من يقول الحين اعتقد واسمع الكلام اللي يجيك:hysterical77:


وان وجد فهم قله لا تذكر

قله او اكثر ... متذكر الحين تذكر زين وحطهاا في فبالك لاتنسى


اضرب لك مثال ..


اف عندك امثاال منت سهل عطنااا من الامثال لاهنت ..


مزاين القبائل ..

وش فيهااا المزااين ليكون ......


الجميع لا حظ القبائل اندمجت مع بعض عن طريق النسب ..


بعض القبائل فقط صح ؟

وثاانياً اللي منااسبين القبائل الثانيه يكونون شيوخ


واللي مثلي وشرواي ماالهم نصيب :15_f: :26_f:



نجد في حفل مزاين عتيبه , شعار وضيوف من قبائل اخرى شاركت في الحفل وبعد التأكد من وضعهم
وجد ان غالبيتهم يربطهم نسب بقبيلة عتيبه , وهذا دليل ان القبائل في طريقها لتخلي عن فكرة الزواج
من ابناء القبيله .
الرسول صلى الله عليه وسلم قال : ( اذا اتاكم من ترضون خلقه ودينه فزوجوه إلا تفعلوا تكون فتنه في الارض
وفساد كبير )

شاكر لك على طرح هذا الموضوع الجميل

تسسسسسسسسسسسسسسلم ..


سلمت من الشر ياااذوق وأشكرك على المشااركه


وأحترم وجهة نظرك يااالغااالي


الطيبه كمااا أشكرك على المرور الكريم لاهنت


يااااااذوق دمت بود ...
طــربـــان
08-12-2007, 04:45
اخووووووووووي سلامهـ

اولا اشكرك على الطرح الرائع

وانا اختلف مع وجهة نظرك

حنا ياطويل العمر فخذنا بس ناسبنا او ناسبونا ......

السبعان . القحاطين . المطران . العنوز . شمر . يام . الهواجر .السهول >>> مابقى احد خخخخخ


واتوقع ان كلامك هذا ماينطبق الا على اللي ساكنين الديار

اما المدن الكبيره 99% ماعندهم العنصريه هذي هع

اخوكـ / طــــربـ نجد العذيه ـان
ناصر السيف
08-12-2007, 05:21
سلامه العايد



اذا الرجال والنعم فيه يستاهل ماهو شرط من القبيلة



دمت بخير
سلامه العايد
08-12-2007, 05:42
طــربــان



اخووووووووووي سلامهـ


يـاعــونك آمر تدلل ...

اولا اشكرك على الطرح الرائع


لاشكراً على واااجب ...


وانا اختلف مع وجهة نظرك

افاا يااذا العم اجل وشكيف ...


حنا ياطويل العمر فخذنا بس ناسبنا او ناسبونا ......

شي جميل وهذا يكون المحبه ولالف بين القبائل


او الافخاااذ .


السبعان . القحاطين . المطران . العنوز . شمر . يام . الهواجر .السهول

والله ونعم بهذي القبائل ياذوق ..



مابقى احد ......

باقي الاثنين والثلاثاء وو ... الخ


واتوقع ان كلامك هذا ماينطبق الا على اللي ساكنين الديار ......


تقدر تقول ليه يمكن لا بلعكس 100 %


او يمكن مشددين في البداوه ...


او المنطقه فيهاا هذي القبيله خااصه يعني مايخلون


البنت تطلع برا


اما المدن الكبيره 99% ماعندهم العنصريه هذي ......

يمكن قصدك اللي متحضرين هم اللي يزوجون


أم البدو ماايزوجون ولا اناا غلطاان ؟



أشكرك على المشااركه الرائع


وأسعدتني بشااركتك فعلاً واتمنى انك ماتنقطع


عنااااا ....


وأشكرك على المرور لاهنت يااذوق ....


دمت بود ...
سلامه العايد
08-12-2007, 05:49
نـاااصـر السيــف



اذا الرجال والنعم فيه يستاهل ماهو شرط من القبيلة


هذا المفروض وانااا اخوك ...


دمت بخير


وأنت بخير ياالغالي ,,,,,


أشكرك على المشاااركه كماا اشكرك على


المرور لاهنت .....


دمت بود ...
عطـــــر الخزامـــــى
08-12-2007, 05:56
اخوووي سلامه

لو يفكـــر الشخص اللي تقول عنه ثانيه وحده

انه هالبنت يمكن هالأجنبي اللي من قبيلة ثانيه نصيبها

واهو رده وقطع نصيبها على طول

حزتها صدقني مايتردد ثانيه وحده

واكيد احنا مانعلم يمكن من هالنصيب اللي نرده يكون هو نصيبنا

وحزتها قطعنا النصيب مرة وحده

لهسبب التأني بالزواج اريح واثمن


وفي ايه بما معناها خلقناكم شعوبا لتتعارفوا
سلامه العايد
08-12-2007, 06:04
عطــر الخــزامـى


بااارك الله فيك على المشااركه


وعلى التعطير الدائم لصفحه وشرفتي


الموضوع بحضورك ...


لاكن ابي اعرف ليه كذا بعضهم يعقدون المسأله ؟


لاكن الرزق من الله ....


كم شخص اعرفه وهذي المسأله معقدته حاول


كذا مره وهو يخطب ماافي فاايده ابو البنت يرفض


لأنه مو نفس القبيله ...


أشكرك على المرور الكريم ....


دمتي بود ...
صالح الدعفس
08-12-2007, 09:19
هلااااااااااااااا سلوووووووووم

يامتعبني ...!!!!!!!!!


انا من ناحيتي ان الرجال مافيهم عيب بس يكون قبلي والقبائل كلهم والنعم فيهم .


ولا يشترط ان يكون من نفس الفخذ وهذا جهل بحد ذاته ...


تقبل مداخلتي البسيطه ..

ياااااااااااامشاااااااااكس بسميك بكيفي ..

هههههههههههههههههههه
سلامه العايد
08-12-2007, 09:31
صـالـح الـدعفـس



أشكرك على المشااركه والنعم بالقبائل وفيهم


رجال محترمين ...


لاكن السؤال يقول ::


وش رايك بهذي العاده اللي يزوج بنته من القبيله باذات ؟


يعني مايزوجهاا برا القبيله فهمت ؟


وش طريقت حلهااا ياحلااال الامور الصعيباات ...
الشيهانه
09-12-2007, 08:09
http://up.u555u.com/uploads/c4fc679dd2.gif (http://up.u555u.com/)
سلامه العايد
09-12-2007, 09:52
الشيهاانه


مااا رأيك فهذي العااادهـ ؟


أشكرك على المرور الرائع .....


دمتي بود ....
رياض الفضيلي
15-12-2007, 07:11
اخوووي سلامه

لو يفكـــر الشخص اللي تقول عنه ثانيه وحده

انه هالبنت يمكن هالأجنبي اللي من قبيلة ثانيه نصيبها

واهو رده وقطع نصيبها على طول

حزتها صدقني مايتردد ثانيه وحده

واكيد احنا مانعلم يمكن من هالنصيب اللي نرده يكون هو نصيبنا

وحزتها قطعنا النصيب مرة وحده

لهسبب التأني بالزواج اريح واثمن


وفي ايه بما معناها خلقناكم شعوبا لتتعارفوا

نص الايه

[ يا ايها الناس انا خلقناكم من ذكر وانثى وجعلناكم شعوبا وقبائل لتعارفوا , ان اكرمكم
عند الله اتقاكم , ان الله عليم خبير ] الحجرات ............................................



شكرا لكل من شارك بهذا الموضوع وادلى بدلوه واتحفنا برأيه

اما وجهة نظري ومن خلال معايشة اصحاب التجارب . اعتقد ان هناك نظرة سيئه من بعض
الناس . فهم بأعتقادهم بان الذي لا يأخذ من جماعته وخصوصا الاقرب . ففيها تفسيرات عديده
اولها انهم يشكون بانه طلب من جماعته ولم يعطى . اذاً يعتقدون ان الشخص فــــيه عــــيب
فلا اعتقد ان انسان مدرك يضع نفسه في هذا الموقف ويعرض نفسه للشكوك والتــــسأولات
الا اذا كان معروف لديهم وعن قرب .. ثانيا جماعته نفسهم تاتيه نظرة من بعــــــضهم بانه
خرج عن العادات والتقاليد والسلوم المتبعه عندهم .. فلا يحب ان يضـــع نفــسه بهذا النحو

وشكرا لك اخوي سلامه العايد .. بارك الله فيك
سلامه العايد
15-12-2007, 07:26
رياض الفضيلي





نص الايه

[ يا ايها الناس انا خلقناكم من ذكر وانثى وجعلناكم شعوبا وقبائل لتعارفوا , ان اكرمكم
عند الله اتقاكم , ان الله عليم خبير ] الحجرات ..............



شكرا لكل من شارك بهذا الموضوع وادلى بدلوه واتحفنا برأيه

اما وجهة نظري ومن خلال معايشة اصحاب التجارب . اعتقد ان هناك نظرة سيئه من بعض
الناس . فهم بأعتقادهم بان الذي لا يأخذ من جماعته وخصوصا الاقرب . ففيها تفسيرات عديده
اولها انهم يشكون بانه طلب من جماعته ولم يعطى . اذاً يعتقدون ان الشخص فــــيه عــــيب
فلا اعتقد ان انسان مدرك يضع نفسه في هذا الموقف ويعرض نفسه للشكوك والتــــسأولات
الا اذا كان معروف لديهم وعن قرب .. ثانيا جماعته نفسهم تاتيه نظرة من بعــــــضهم بانه
خرج عن العادات والتقاليد والسلوم المتبعه عندهم .. فلا يحب ان يضـــع نفــسه بهذا النحو

وشكرا لك اخوي سلامه العايد .. بارك الله فيك


الله يعطيك العااافيه على المشااركه ...


ابصراحه كلامك مقنع في بعض الشي


لاكن يمكن عند هذا الشخص مشااكل مع


عماامه ...

او بسبب امراض وراثيه ...


لاكن في بعض القباائل ماايزوجون بنتهم


برا قبيلنهم ...

لو تعددت الظروف انااا فكرت وحللت المسأله


حتى لو كان الخااطب عااقل ومن خيرت الرجااال


راح يرفضونه تدري ليه ؟


يكون الخااطب من ديره ثاانيه ولا يعرفون عنه


اي شي ولا يعفون عن اهل واول مره يشوفونه


ومثل مااتقول متخوفين من هذا الشخص ...


والاحتمااال إذا كاان يعرفون أحتماا يزوجونه ..


وفي بعضهم يعرفونك ولا ماا يعرفونك مراح


يزوجونك ...


لا كن لمااذا هذي العاااده ؟


لمااذا يقطع رزق البنت او الخااطب ؟


أشكرك على المرور لاهنت دمت بود ...
حمد سعد
23-12-2007, 11:40
انا واعوذ بالله من كلمة انا اؤيد كلام الجميع
بارك الله فيكم جميع
تقبلوا احترامي
عطـــــر الخزامـــــى
23-12-2007, 01:38
ابوي الغالي

كل الشكر لك لأنك أسعفتني بالأيه
ماقصرت
عطـــــر الخزامـــــى
23-12-2007, 01:42
سلامه

ثق لو الولد ولا حتى البنت مقتنعين
بهالشي يقدرون يقعنون اهليهم بالكلمه الطيبة

وانا مع كلام أيوي الغالي
بس هم مانقدر نعمم
لسبب هناك ناس يقولون انه بنتنا
عند ولد عمها معززة مكرمه
وعن القريب ماراح يعزها كثر ولد عمها



مع العلم المعلومة غلط
تلقى ولد الناس الغريب
معززة مكرمها لأنه مايبي ينقاله عند اهلها
مو كفوووو ينعطى بنت ولد القبيلة الفلانيه


اكيد لي عودة اذا لزم الأمر


عطر الخزامى
مرت هنا
سلامه العايد
23-12-2007, 01:50
حمد بن عبيدالله




انا واعوذ بالله من كلمة انا اؤيد كلام الجميع

بارك الله فيكم جميع

تقبلوا احترامي





الله يبااارك فيك وفي حااالك وأشكرك


على تأييد عيااال العم واحترم رأيك ...


وأشكرك على المرور الطيب يااااذوق ...


دمت بود ...
سلامه العايد
23-12-2007, 01:57
عطـــــر الخزامـــــى




ثق لو الولد ولا حتى البنت مقتنعين
بهالشي يقدرون يقعنون اهليهم بالكلمه الطيبة

وانا مع كلام أيوي الغالي
بس هم مانقدر نعمم
لسبب هناك ناس يقولون انه بنتنا
عند ولد عمها معززة مكرمه
وعن القريب ماراح يعزها كثر ولد عمها



مع العلم المعلومة غلط
تلقى ولد الناس الغريب
معززة مكرمها لأنه مايبي ينقاله عند اهلها
مو كفوووو ينعطى بنت ولد القبيلة الفلانيه


اكيد لي عودة اذا لزم الأمر






حيااااك الله في هذا الموضوع واعتبريه موضوعك


كلامك جميل معليه اي كلام لاكن المشكله في بعض


الاهااالي ماايزوجون بنتهم لقبيله ثاانيه هذا المشكله


لمااذا هذي العاادااات اللي كذا ووش الاسبااب ؟


وهل هذي العاااده تقطع الارزااف ام ماااذا ؟
عطـــــر الخزامـــــى
23-12-2007, 02:05
يا سلامـه

لا اللـه كتب نصيب بني ادم
تأكد لا اهل ولا غيره بيردونه
حتى لو بأقصى الغرب والأهل بأقصى الشرق

الأهل سبب فقط
والعلم كله عند اللـه


هونوها وتهون انشالله


عطر الخزامى
مرت هنا
سلامه العايد
23-12-2007, 02:14
عطر الخزامى


الله يعطيـك العــاافيــه علــى سعــة البــااااال


وحنـاااا نحتـري الله يفـرجهــاااا ويسعـدنــاااا


ويسعــد الجميــع ان شــاااء الله يـــااارب ...


ومثل مقاااال الشااعر :: محمد السااالم



هموم القلب حلت بي جموع وكأنهااا افواج = عسى ربي يفرجهااا ويزيل الهم وافراجه


ولــك كـــل الشكـــر يــااا أميـــــرة ....


دمتـــي بــــود ...