المساعد الشخصي الرقمي

مشاهدة النسخة كاملة : انا وابو عساف والحاسب الآلي

لعيباوي
07-02-2005, 12:16
نويت استعمل بحب ابو عساف الحاسب الالي
نويت ادخل برامج ملتقانا كل عصريه

نظام ادخال يحفظها بلا تزوير واشكالي
على دسكٍ كما لو كان مطبوعات صوتيه

لاني ماقدر اجمع حروف بو عساف الغالي
خصوصا ليا كلمني بطريقه بهلوانيـــــه

جمعت ولاطرحت وصار ناتج قسمتي خالي
وانا نسبه نجاحي بالحساب اثنين بالميه
أبو عساف
07-02-2005, 01:00
الله بلاني بحب الصاحب الغالي == لعيباوي اللي يجيب أبيات ذرية

لا شفت (نكّه) قلت يا الله يا والي == تفرج لهمه ، وتعطي له على النيه

الشيخ عنده بيوت علوم وأمثالي == وناتج بيوت الشيخ ميه على ميه
الأصيل
07-02-2005, 01:02
يسلموووووووووو اخوي / لعيباوي على القصيدة

ويسلمووووووووو اخوي / ابو عساف على الرد

مشكووووووووووووووووورين جميعا
لعيباوي
08-02-2005, 12:19
يا ويلي انا وين وهقت نفسي وباي حفره قطيتها
عبدالله الفضلي
08-02-2005, 01:18
صح لسانكم ( لعيباوي وأبو عساف )
من ورانا رديات ؟؟؟
بس مو مشكله ،،،،،، هم معاكم
استلموا
شفت القصايد وجيت اسابق اظـــلالي
.................... محد دعاني واشوف النفس مغويه
مبطي عن الي ( يهذونه ) وأنا سالي
................... مالي شفاة علـــى ملاعب قــــوافيه
شفت الربع يلعبون وصار يهـــــنالي
.................. نظمه وسبكه وأبــــا راعـــي مبــانيه
دام اللعيباوي اتهرب على التــــالي
................. أعذره لــــو مـــــــاله بلعبه معــي نيه
أرجوك كمل يا بو عساف يا غـالي
................. وأنــــا بكمـــــــــل وبـتخـذ الحيـــــاديه
شاعر ولك بالحشا قدر ومنــــزالي
................ يـــــــا زينهـــا لا لعــــب خــــي مع خيه
الطير الناعس
08-02-2005, 01:23
بارك الله فيك يابو عساف انت ولعيباوي على ذا العلوم الطيبة وهذي مشاركت عليمي تقبلوها
الله بلاك وبلاه الله بالتالي ------------ يالله سترك عسى ماهيب حربيه0
أبو عساف
08-02-2005, 01:34
عبد الله : تسلم على الإضافة ، وأنت ما تحتاج دعوة ؛ أنت راعي محل

لكن شرايك تكون ردية بيتين بيتين ، فتل ونقض ، وأنت اختر ؛ على الخاص أو على العام ، ولك الخيار أبدأ أنا أو تبدأ أنت ،،،،،،،
أبو عساف
08-02-2005, 01:37
الغزي : أخو من طاع الله !!!

أنت عليمي ؟!!!!!!!

إذا الغزي عليمي أجل من راعي الطارة !!!


أنت أبوها وعمها
سلمان الفضلي
10-02-2005, 02:20
السلام عليكم ورحمة الله وبركاته
كيف حالكم يا ابناء العمومه
صراحة اعجبتني الرديات وينكم من زمان
خـــلوووووووووووووووووها :


الله جابك يابن غـــــزي لي قبالي
جيت ولقيتك مشاركهم على النيه
العب وانا بلعبه وياك بالحـــالي
ببيوت برمي كما طلقات ذاتــــيه

ابو عساف وعبدالله شدوا حيلكم متى اللعب ؟

وأنا بلعب مع الغزي

ابو سعودالفضلي
الأصيل
10-02-2005, 03:49
أخوي / أبو عساف

أخوي / عبدالله الفضلي

مانبي شيء على الخاص

نبي نقرأ على العام

مشكوووووووووورين جميعا
aflaj12
02-03-2005, 12:13
واصلوا الله يعطيكم العافيه
لعيباوي
02-03-2005, 02:22
حي الله الافلاج ابو عقال ميالي
يفز القلب اليا سمع طاريه
يفكني الله من الرجال اللي ببالي
يفكني الله منه ومن دعاويه
يبي اثني وانا مابراسي اهبالي
انا مامشي طريق (ن) ماعرف تاليه
يقول للذيب ابي لبوه اسعى لي
واذا جاته يجنبها وهو مبيت النيه
أبو عساف
02-03-2005, 02:19
رد عليه يا الأفلاج 12

هاه توهقت معه ؟

أحسن ، أنت رجل طيب

ليه تقط نفسك مع لعيباوي


بس صراحة لعيباوي :

حلوه حلوه منك ((
يبي اثني وانا مابراسي اهبالي
انا مامشي طريق (ن) ماعرف تاليه))

ما براسك هبال ؟

قل غيرها !!

إذا لعيباوي ما براسه هبال أجل منو اللي ما براسه هبال ؟
لعيباوي
02-03-2005, 03:10
ابو عساف :تبغي تعرف منو اللي براسه اهبالي؟
اللي معلق اللافته ومكتوب عليها لل.....
أبو عساف
02-03-2005, 03:20
هههههههههههههههههههههه

الله لا بلانا

لعيباوي

ترى توني ما علقت اللوحة

بس ما أدري إذا مفيدة ممكن

شرايك مفيدة وإلا لا

ترى من الحين أروح الخطاط وأخليه يكتب بخط رقعة (للبـ .... فقط)
وإذا فيه مساحة أحط بالانجليزي

هههههههههههههههههههههههههههه

والله كني أشوف شكلي باللوحة

تقول واحد يبيع فصفص
لعيباوي
02-03-2005, 03:41
بس تكفى اختار لك لون فسفوري عشان يفيدك بالليل وما تحتاج اضاءه

ولا تنسى اللوحات الارشاديه اللي تدل الزباين على الموقع

مخمخمخمخمخمخمخمخمخم =هههههههههههههههههههههههه
أبو عساف
03-03-2005, 02:15
أي زباين

حرام عليك

اللوحة تبين نوع العمل

بس ما هي لوحة إعلان

عموماً منكم نستفيد

وأنتم السابقون

ولا بد من سؤال أهل الخبرة

بس وين ألاقي اللون الفسفوري

ترى أنا أعرف الشريط الفسفوري اللي يحطونه على البل

لكن لا ما أعرف