اللي يبي العــــــز يسمع قول شيبانة ......

[صالح الدعفس]

كاتـب الشعـر وزن الشعـر قيفانـه
شعرن بـلا قـاف هرجـه للمساكينـي
الشعـر زانـت بيوتـه وحكـم أوزانــه
الشاعر اللي يعرف الزيـن والشينـي
ماهـو بطالـب شهـادة نـاس تعبـانـه
يكفي شهادة شواعيـر(ن ) قديمينـي
والمدح باللي يصيـر المـدح برهانـه
لاخير فـي مدحـة(ن) مالـه براهينـي
والشـكـر لله ولــي الـكـون سبحـانـه
ثم الشكر للسعود اللي علـى الدينـي
الخـيـر مـاسـكـروا دربـــه وبيـبـانـه
والشـر حطـو علـى دربـه عناويـنـي
اللي يباء الشـر يلقـى الشـر بوزانـه
لكـن تـرى الشـر تحكمـه القوانيـنـي
يا مشعل النـار راسـك وسـط دخانـه
وين انت رايح مع دروب الشياطيني
ياضايـع الفـكـر يـادانـه عـلـى دانــه
قدامـك السيـف وسهـوم السلاطينـي
اللي يباء العـز يسمـع قـول شيبانـه
الشايـب مـجـرب الـشـدات والليـنـي
مرت عليه السنيـن وشافـت اعيانـه
عجايـب الوقـت وسلـوب المعادينـي
والدين معـروف كـل الخيـر عنوانـه
سـنـة محـمـد وغـيـره مالـنـا ديـنـي



الشاعر غازي البراك

[صلاح القويماني الفضلي]

الله يخلي شيبانه والله يطولنا بعمارهم

وصـــح الله لـسان شاعرهـا وناقلها

وتسلم بوصلووح وتسلم الأيــــادي


ع النقل الرآآآآئع ،،،، وبــــارك الله فــيك

[حاتميه]

صح لسان الشاعر غازي

وتسلم يمينك صالح لروعة النقل

ويعطيك العافيه ...

[النايف]

القرم
صالح الدعفس
صح الله السانك وصح الله السان الشاعر
شكرا على المشاركه الاكثر من روعه تحياتي لك وتقبل مروري المتواضع

[فاضل علي الطائي]

صالح

ابدعت

مااجمل من القصيدة الا نقلك لها
دمت بود

[صالح الدعفس]

الله يخليلنا شيباننا ويطول اعمارهم ..

ويرحم الميتين منهم ويسكنهم جنات النعيم ...


الله يعطيكم العافية ... ومشكورين علي حضوركم المميز ...

ولا خلا ولا عدم .... كلأ بأسمة ..... لا هنتوا ....