استفسار عن اسطبلات الخيل قرب الخبر

[جود الفضلي]

السلام عليكم ورحمة الله وبركاته

أود السؤال عن اسطبلات الخيل القريبه من الخبر والظهران
ماهي أشهر اسطبلات الخيل هنا

سمعت ان في مزرعه كبيره جدا في العزيزيه على ما أظن
لأحد العوائل
وفيها اسطبلات لتربية الخيول العربية الأصيلة
لكن ماعرفت اسمها ولا مكانها تحديدا

أرجو الإفاده ممن لديه علم...

شااااكرة لكم

[السارية]

جود الفضلي


باين عليك مره مره تحبين الخيول



أسئلي اللي في العزيزيه يمكن يعرفون محلها



وسوري عيوني


ماعندي أي معلومة عنها

[جود الفضلي]

مشكوره عزيزتي :)
ان شا الله بسأل

بس كان عندي أمل أحد يكون عارف
بدل ما أقطع مشوار وما ألقى اللي أبيه

شكككككرا ياعسل

[صلاح القويماني الفضلي]

وعـــليكم الـــسلام ورحـــمة الله وبــركاتة

جود


أنشاء الله الأخـوان يفيدونك بالمعلومه

[جود الفضلي]

ان شاء الله
:)

[عبدالله المنحول]

السلام عليكم ورحمة الله وبركاته


هلا فيك اختي جود واسف اخي ربي يحفظك توني اشوف الموضوع

وبصراحه ما سمعت ان فيه اسطبلات خيل في العزيزيه الي انا اعرفهم اسطيلات في الاحساء
والجبيل
لكن عطيني كم يوم امسح لك المنطقه واسال اصحاب الخيل من اصدقائي
وحنا ما عندي الا وحده حالياً تبينها ما تغلا عليك

اوووه صح اذكر في اسطبل كان مذكور لي فيه فرس حلوووه وجيده من فتره طويله
في الخبر لكن ما اذكر وين باضبط ولمن اعتقد دوسري

مثل ما قلت لك عطيني يومين وان شاء الله اجيب لك الخبر
ويا اليت توضحين ويش الي تبين تعرفينه عدد الخيول او مواقعها ولا انواعها
حتى تكون المعلومه الي بجيها صحيحه و واضحه محدده

حماك الله ورعاك

[جود الفضلي]

وعليكم السلام ورحمة الله وبركاته

ماقصرت اخوي يعطيك العافيه، ماودي أغلبك
والخيل موجود، وتوه صغير
لكن أنت عارف انه مايسمح بتربيته في بيت طبعا

وفي اسطبلات تعتني بالخيل وتأجر المكان
بس ودي بشي قريب للخبر او الدمام
يعني انا أعرف ان الحسا فيها كثير
بس ودي بشي قريب

مشكور....

[راعي العليا]

جود الفضلي

وعليكم السلام ورحمة الله وبركاته

الخبر نهائيا ً مافيه والله اعلم بس هذا مشروع ناجح وجزاك الله خير على الفكرة احذفو الموضوع لاحد يشوف

والعزيزية لاتوجد بها استطبلات غير اللي يجون وياخذون اجر لركوب الخيل بامكان احد من اخوتك ان يسئل هؤلاء الصعايدة وسوف يجد الرد الشافي

شكرا ُ

[جود الفضلي]

:)
خلاص بس ترى الحقوق الفكريه محفوظه لي
ولي كومشن 5% من ربح المشروع

:)

جزالك الله خير

[راعي العليا]

:)
خلاص بس ترى الحقوق الفكريه محفوظه لي
لاخلاص راحت عليك الفكرة


ولي كومشن 5% من ربح المشروع

:)

5 %<= = = شكلك متعقدة من بدل غلاء الاسعار هههههه

وتستاهلين ( 0 ) قدام الخمسه

جزالك الله خير
وياك يارب

[انور]

مرور لاتعيق
انا من الكويت

[جود الفضلي]

راعي العليا..
:) زين على باللي الـ (0) بدل الـ (5)
كانها قبلها ماعندي مانع

ههههههه
لا عليك بالعافيه، الفكره وأبوها بعد
:)

[جود الفضلي]

أنور..
حياك الله :)

[نمر بن عبيدالله]

افا شلون مافيه

لا فيها ونص

فيه طال عمرك على طريق الدمام الجبيل في المزراع الي هناك

وان شاءالله اجيب لك العنوان عن قريب

[عبدالله المنحول]

السلام عليكم ورحمة الله وبركاته


مساء الورد اختي

اعتذر لك على التاخير اولاً

ثانياً مثل ما توقعت مشاء الله علي ذاكرتي حديد هههههه قولوا مشاء الله

الاسطبل في العزيزيه لدوسري لكن مع الاسف شالوه و اغلاب الي هناك استأجرو استراحات لكنها غاليه

المهم اختي في احواش على طريق ابو حدريه بعد التحويله وقبل كوبري صفوى المطار وانتي رايحه للخفجي يعني ما تبعد كثير من الدمام تقريباً 10 كيلو لو جيتيها عن طريق الدمام الجبيل

المهم اختي انا رحت وشفتها ما عجبني الا اسطبل واحد هو الافضل والانظف من ناحيت الرعايه

اتمنى ان يكون توصيفي واضح وان حبيت خلي احد الاخوان يتصل فيني عن طريق الاداره وانا معروف عندهم
او ان سمحت الاداره عطيتك عن طريق الخاص اسم صاحب السطبل وعنوانه

اعتذر على تأخري وربي يحميك من كل شر ويخليك لكل عين ترجيك


سؤال عندكم معرفه عن اسعار اجار البايكات و الحضيره ؟

[جود الفضلي]

يعطيك العافيه ياخوي نمر بن عبيدالله
بس لو تعرف اسمها كفايه عندي
لا تتعب حالك ، ماودي والله أغلبك

مشكور وماقصرت، وأنا بسأل عنها ان شا الله

[عبدالله المنحول]

السلام عليكم ورحمة الله وبركاته


راجعي الرد قبل ردك

[جود الفضلي]

وعليكم السلام ورحمة الله وبركاته

مساء الخير ياهلا اخوي عبدالله

أولا،، يعطيك العافيه وماقصرت وكفايه اهتمامك
ثانيا،، ما شا الله عليك تبارك الله
:)
ومشكور ألف،،، أتمنى ان ماكان فيه كلافه عليك
وان شا الله بروح اشوفها
والتوصيف واضح، وفعلا ماقصرت

والله يجزاك خير ويبارك فيك
ويحقق لك مناك ويرزقك خير وبركه

بالنسبه لأسعر إيجار الحظيره،، حسب ما سمعت
فهو من 800 إلى 1200 في الشهر حسب علمي
وممكن يوصل إلى 4000 في الشهر اذا كانت جديده
والأجارات عادة سنويه
يعني اضرب الاسعار في 12 شهر

ألف شكر

[عبدالله المنحول]

السلام عليكم

لا شكر على واجب اختي وبالعكس انا استفدت منها

اقول اختي تاخذين مزرعتنا إجار 1500 بالشهر مسوي لك تخفيض بعد ههههه

ربي يسلمك الاسعار ما بين 500 و 300
500 شامله العلف ( الله يعزكم ) وشعير والرعايه من طب و غيره

ما عليك اختي انتي عطيني معلومات عن المهره وانا ارتب كل شي ان سمحتي لي

كم عمرها ؟
وهل هي معسوفه ولا بعد ؟

الا ما قلتي مويش اسم المهره؟

[عبدالله المنحول]

السلام عليكم ورحمة الله وبركاته



ما قلتي اختي كم عمرها ؟ واسمها ؟

[جود الفضلي]

عمرها 4 سنوات، واسمها الريم

أنا كنت ابي اجيبها من الرياض
بس مو قبل لا أرتب وضعها هنا وأمور نقلها :)


شاكره اهتمامك

[عبدالله المنحول]

ربي يعينك

الله الريم مشاء الله


المهم اختي في الاحواش الي قلت لك عنها في حوش

صاحبه اسمه بسام العديلي هو افضل الاحواش

وان حبيتي ارتب الموضوع كله لك انا تحت امرك

ولكم كل احترام وتقدير

[جود الفضلي]

جزاك الله ألف خير
أنا أوكلت الموضوع لأخوي
وراح اقوله عن هذا الشخص

مشكور