المساعد الشخصي الرقمي

مشاهدة النسخة كاملة : يا للي زعلت

bu_odah
08-02-2005, 09:50
ِ يا للي زعلت



ياللي زعلت أزعل ولا ني مراضيك = اشرب كدر ماي البحر كانه أرضاك
لاتحسب اني عقب صدك بداريك = بعز نفسي عنك مدراك مدراك
اربع سنين وانا متحمل تغليك = راضي بتعذيبك لجل قلب أغلاك
وخليتني واليوم والله لخليك = وأدوس قلبي لينه يقول خلاك
قبل توريني الحسايف بوريك = ليمن قال فلان هانك ووراك
كانك تحداني فانا اقبل تحديك = وانسى الغرام اللي مضى واتحداك
ماني بقايل لك عسى الله يهنيك = الله يحرمك كل ماكان هناك
عسى العمى ياخاين العهد يعميك = فوق الغرور اللي عن الماضي اعماك
وعساك ماتسمع قريب يناديك = حيثك تجاهه صوت محروم ناداك
وعسى الشلل يعوق رجل تمشيك = لينك تندم ليش غيرت ممشاك
وعسى حياتك بس فرحه لشانيك = يلقا بها الفرصه عدوك ويشناك
وعسى الليال اللي تجيني بطاريك = يصبح عليها الصبح وتموت طرياك
وعسى المنام وكل راحه اتجافيك = آمين حتى اللي تمناه يجفاك
وعساك ماتفرح وتكثر بلاويك = وأمك تشق الجيب من عظم بلواك
ولا مت ، جعلك في جهنم اتصاليك = نار الجحيم ونار دنياك تصلاك
الله يكره فيك حتى دوانيك = غشاش خاين من من الناس داناك
هذي النهاية روح والله يجازيك = امسك ويومك عن هوى الغد يجزاك



طلال السعيد

منقووول
زيد السالم
08-02-2005, 11:56
تسلم يمينك يابو عوده

وصح الله لسانه

في قصايد لطلال السعيد عن القنص في قمة الروعه
الأصيل
09-02-2005, 12:19
يسلمووووووووووو اخوي / bu_odah على النقل

صح لسااااانك ولسااااااان طلال السعيد

القصيدة حلوووووه

مشكووووووووووووووووور
عبدالله الفضلي
09-02-2005, 05:04
لا يشين والله ما قال الصحيح !!
خذ ردها يا بو عوده
كنت أقرأ كتاب عن الصوفيه بس بط كبدي طلال بقصيدته هذي ، قلت مو خساره فيه ربع ساعه ( تضيع بالرد عليه )
مادام نهر الشعر يجري فأنـــــــــا أرويك
....................... اشـــــــــرب ولامن الشعر نهـــره أرواك
زيد الدلع واختال يا ( خشف ) يفــــــديك
...................... كل ما كتب شاعرك يفــــــــداك يفـــــــداك
يـــزين نظمه لا سمعــــته وأملــــــــــيك
...................... يا شيخ أنــــا ما أمـــــل أكتبك وأقـــــراك
أكتب بيــــــــوت بالمعـــــاني تسلــــــيك
..................... هــــي غايتـــــــــي بالشعر لا مــــــن سلاك
أكذب عليك ان قلت ماني ببــاغــــــــيك
....................... لا والله الا أبغــــاك وأبغـــــاك وأبغــــاك
لونك مشيت هناك بتبــــع خطــــــــاويك
..................... وأمشي على ماطاك وأقـــــــبل خــــــطاك
قل منسفه قل منسطل بس ترى فــــــيك
..................... لـــو قيل بــي مجنون يا شيــــخ يفــــــداك
كانك زعلت برب الأفلاك لأرضــــــــيك
...................... أكره زعل حضرتك وأبحث عن ارضاك
ولونك تبيع القلب فالقلب شـــــــــاريك
..................... وابيع كل الناس من شــــــــان عينــــاك
لو أنت تجفاني ترى القلب هـــــــاويك
.................... و أفهم تـــــرى صاحبـــك بالحيــــل يهواك
لو لحظه بعمري بقت مـــا أخلـــــــيك
................... وأبقى طوال العمر يـــــــــازين أرجـــــــاك
ببقى أعيش العمر كله وأنا أرجــــيك
.................. وأعيــــــــش كـــــــل العمر أحلم بلامــــــاك
لا جيت أبا خليلك ما احتلت أخلـــــيك
.................. لو جسمي هنيـــــا تـــــــرى القلب خـــــاواك
من وين ما ناظرت والله ألا قـــــــيك
.................. في نــــومي في شعر وفــــي كلـــــي ألقــــاك
يلوح لي بالحلم طيفك وأنــــــــــاديك
................. وتصد عني يـــــــــــوم أناديـــــــــك لهنــــــاك
هيجنتك بشعري ومــــــــرات أغنيك
................. ومرات بك أحدي اذا الشـــــــــوق غنـــــــاك
أضحكك مــــــــرات لكــن أبكــــــيك
................ وشوف دمعاتك مــــــع الضحك تــزهــــــــاك
لاصرت وحدي بالخلا قمت أهذريك
................ وأغادر الأجواء لا حـــــــــل طــــريـــــــــــاك
لو تسكت أنا أفهمك وأفهم معانيك
............... وأترجم سكوتك علــــــــــى نفس معنــــــــــاك
مجنون ابن مجنون من قال أخليك
............... ياهوه أنـــــــا ماصـــدق بلحظـــــه ألقـــــــــــاك
شفت الكثيري ان فكر انه يخليك
............... الله لا يخليــــــــه اذا يــــــــــــــوم خـــــــــــلاك
العذاب عنواني
09-02-2005, 09:58
القصيدة حلوة ,, :)
bu_odah
09-02-2005, 04:55
وانت سلم وغانم أبو مطلق
ومن قال يسلم يألا صيل
عبدالله لك الشكر على الرد
أختى ضل القمر شاكر لك حضورك
زيد السالم
09-02-2005, 09:04
صح اللسانك ياعبد الله

وتسلم يمينك

ياخوي قصيدك يطربني ياسيد القوافي
سلمان الفضلي
11-02-2005, 04:57
لا جيت أبا خليلك ما احتلت أخلـــــيك
.................. لو جسمي هنيـــــا تـــــــرى القلب خـــــاواك
من وين ما ناظرت والله ألا قـــــــيك
.................. في نــــومي في شعر وفــــي كلـــــي ألقــــاك
يلوح لي بالحلم طيفك وأنــــــــــاديك
................. وتصد عني يـــــــــــوم أناديـــــــــك لهنــــــاك
هيجنتك بشعري ومــــــــرات أغنيك
................. ومرات بك أحدي اذا الشـــــــــوق غنـــــــاك
أضحكك مــــــــرات لكــن أبكــــــيك
................ وشوف دمعاتك مــــــع الضحك تــزهــــــــاك
لاصرت وحدي بالخلا قمت أهذريك
................ وأغادر الأجواء لا حـــــــــل طــــريـــــــــــاك
لو تسكت أنا أفهمك وأفهم معانيك
............... وأترجم سكوتك علــــــــــى نفس معنــــــــــاك
مجنون ابن مجنون من قال أخليك
............... ياهوه أنـــــــا ماصـــدق بلحظـــــه ألقـــــــــــاك
شفت الكثيري ان فكر انه يخليك
............... الله لا يخليــــــــه اذا فيــــــــــــــوم خـــــــــــلاك

الى الأخ عبدالله الفضلي قصيده أكثر من رائعه واكثر من جميله
فانت مبدع بكل ما تكتبه يا عبدالله والله انك داهية شعر ما علي من الكلام
لا يسعني الا ان اقول لك
انك فوق كل اعتبار
ويعجز اللسان عن الوصف
ولك مني كل التقدير
ابو سعود الفضلي
عابر سبيل
11-02-2005, 08:30
ولا مت ، جعلك في جهنم اتصاليك نار الجحيم ونار دنياك تصلاك

لا حول ولا قوة الا بالله
كل هذا حقد

بس القصيده روعه
صح لسانك ولسان الشاعر

تحياتي لك
عبدالله الفضلي
11-02-2005, 10:04
صح بدنك يا بو مطلق
والله يسلمك
عبدالله الفضلي
11-02-2005, 10:06
صح لسانك يابو سعود
والرائع هو أنت يا بعد حيي وميتي
بن غزي 2005
22-12-2006, 03:32
لله درك يا عبدالله

صح اللسانك وتسلم اناملك

رديه فعلن ولا اروع وغطة على القصيده الاصليه


تحياتي لك

اخوك / بن غزي2005
؟؟
23-12-2006, 04:47
صــح الســــانكـ

مبدعـ وروعهـ

الله يعطيكـ العافية

تســــــلم يمينكـ

http://gallery.7oob.net/data/media/19/212.gif