ناصر المتيح
19-04-2008, 01:27
ردأ على مسج من أحد الشباب الذي يقول فيه :
لو خيروني فيك غيرك فلا اختــــار
انت الوحيد اللي من الناس شاريه
سمه غلا سمه محبه و مقـــــــدار
وإلا على كيفك مثل ما تسميـــــــه
فكري لفاه من المشاكيل خطار=من بعد ما المرسول بانت مواريه
حي الرسول و مرسله عد الأمطار=واللي تخير خوتي ما أخليه
لا صار ما يجلب على ربعه العار=يبشر برجلٍ ما يخيب هقاويه
أسعد عيونه لا أختلط ملح مع نار=واللي بيديني يا عسى من فداويه
أشفق على خوة هل العرف و الكار=اللي ينومسني إذا حل طاريه
و اليا إنكر من صحبته سـر و إجهار=يذكر مقام صويحبه ما يوطيه
يهتال فكري من بعظهم و يحتار=و أثبته و يحتار و يهول صافيه
من خوة الضحكة إذا صار ما صار=يصد عنك لعن أبو من يماشيه
وخوة تعيسٍ رافقك لجل دينار=ليا صرت محتاجه يخيط مخابيه
و إلا خوي العز لو تطلبه ثار=لا طحت يفزع ما يخيب الرجاء فيه
يحشم خويه ما هو بشخص مكار=هذا هو اللي يستحق من يخاويه
لا شك قبلي قيل من طرق الأشعار=هيض القرايح بالخوي و معانيه
قد قالها من ربعنا العود صقار=بأنه كفر تركه و و اجب نأديه
والضيغمي من قبل دورات الاقدار=أبدى الخوي من رفقة اللي حواليه
والذيب وافي بأول الوقت و انهار=واليوم قل وضيع الله مباديه
يالله تجمعنا مع صاحب الغار=هو الخوي يا سعد من هو يلاقيه
و سلامتكم م م م م م
لو خيروني فيك غيرك فلا اختــــار
انت الوحيد اللي من الناس شاريه
سمه غلا سمه محبه و مقـــــــدار
وإلا على كيفك مثل ما تسميـــــــه
فكري لفاه من المشاكيل خطار=من بعد ما المرسول بانت مواريه
حي الرسول و مرسله عد الأمطار=واللي تخير خوتي ما أخليه
لا صار ما يجلب على ربعه العار=يبشر برجلٍ ما يخيب هقاويه
أسعد عيونه لا أختلط ملح مع نار=واللي بيديني يا عسى من فداويه
أشفق على خوة هل العرف و الكار=اللي ينومسني إذا حل طاريه
و اليا إنكر من صحبته سـر و إجهار=يذكر مقام صويحبه ما يوطيه
يهتال فكري من بعظهم و يحتار=و أثبته و يحتار و يهول صافيه
من خوة الضحكة إذا صار ما صار=يصد عنك لعن أبو من يماشيه
وخوة تعيسٍ رافقك لجل دينار=ليا صرت محتاجه يخيط مخابيه
و إلا خوي العز لو تطلبه ثار=لا طحت يفزع ما يخيب الرجاء فيه
يحشم خويه ما هو بشخص مكار=هذا هو اللي يستحق من يخاويه
لا شك قبلي قيل من طرق الأشعار=هيض القرايح بالخوي و معانيه
قد قالها من ربعنا العود صقار=بأنه كفر تركه و و اجب نأديه
والضيغمي من قبل دورات الاقدار=أبدى الخوي من رفقة اللي حواليه
والذيب وافي بأول الوقت و انهار=واليوم قل وضيع الله مباديه
يالله تجمعنا مع صاحب الغار=هو الخوي يا سعد من هو يلاقيه
و سلامتكم م م م م م