شباب الكلوركس للتبييض؟؟؟؟

[عبير الورد | ~]

> >
> > انتشرت حركه جديدة من الشباب يستهدفون منها البنات إلي يلبسون عبايات مخصره> > وسمو نفسهم حملة شباب الكلوركس للتبييض؟؟؟؟
> >
> > تعرفون وش السالفه؟؟؟
> > الي قالتلي الخبر صديقتي وهي محتشمه في لبسها للعبايه
> > تقول رحت أنا وزوجي للسوق ومنها بنلعب العيال شفت أربع بنات لابسين عبايات بالمره فاضحه يبان حجم اليد والصدر والخصر ومن تحت فضفاض
> > واثنين شباب يمشون وراهم وانا وزوجي عيننا عليهم وشوي إلا واحد من الشباب طلع من جيبه أبره ورش عبايات البنات وانحاشو وجلسنا نمشي ورى البنات تقول وشوي تغيرت لون عبايتهم طلع لها لون غريب و واضحه كإنو انكب عليهم كلوركس
> > وبعده جلست أدور في عبايتي عسى مارشوني أنا بعد تقول الحمدلله عبايتي مافيها شي
> > ورحو البنات
> > وتقول زوجي منقهر ويفكر ليش سوو الحركة هاذي
> >
> > تقول سبحان الله بعد ماشريت لي ملابس رحنا نلعب العيال بالملاهي إلي بالسوق ولقينا الشباب وقلت لزوجي شوفهم هناك ورى البنات وراح لهم زوجي وبعد خمس دقايق رجع يضحك قالت له ويش السالفة
> > قال الله يهديهم الإبرة الي شفناها معهم أنبوبات بدون أبره وفيها كلوركس يقولون اللي عجزت عنه الهيئه تكافحهم احنا نكافحهم يقول الشاب لزوجي نجي بدري لأي سوق يسمحون لنا ندخل وواحد من الأمن صديقنا نعرفه بس مايعرف احنا ويش نسوي نلبس بنطلون أبيض او ثوب ونحط في الجيب الواحد 10 أنبوبات فيها كلوركس ونرش عبايات البنات المخصره ويحلف بالله اللي محتشمه مانرشها نرش بس العبايات المخصره
> > وسمو نفسهم شباب الكلوركس للتبييض...
> > يقول عددنا اللي في السوق 10 نتقسم واذا خلص الكلوركس الي معنا نروح نعبي من الجالون الي بسياره
> > وسألهم زوجي ليش تسوون كدا ؟؟
> > تعرفون ويش قالو؟
> > قالو هدفنا واضح هو الستر وبس ...
> > تقول جلسو يحلفون على زوجي لايعلم رجال الامن اللي بالسوق عليهم ..
> >
> >
> > والله عليهم حركات ماتجي في بال احد
> > وانصح كل وحدة بالستر في كل مكان مو في السوق وبس ولا راح تكون عرضه لشباب التبييض
> > واضحوكه للناس
> >
> > وعلى فكره شفت كم بنت ينعدون على الأصابع تعرضوا لتبييض بلكلوركس
> >
> > الله يهدينا ويستر علينا

\\


منقول

انا اطرح الموضوع للمناقشة

ما رايك بالفتاة اللي تلبس عباية مخصرة وعلى الكتف وما بقى لون ما حطته؟؟؟

مارأيك بالشباب اللي بالقصة؟؟

هل تؤيد ما فعلوه؟؟

هل انت ضد او مع

مع ذكر السبب

اتمنى اجد التفاعل المطلوب

انا عن نفسي ارى كلا الطرفين مخطأ

وبيني وبينكم عجبوني الشباب لكن مو هذا الاسلوب السليم
لازم الواحد يجي بالنصيحه مرة مرتين ثلاث اذا ما فاد يتصرف تصرف ثاني

والبنات الله يهديهن

والغلط الاكبر يقع على الاهل بنظري اللي اسمحوا لبناتهم بلبس مثل هذه العبايات

لا حول ولا قوة الا بالله

حال مخزي لبناتنا وشبابنا




عبير الورد,,,

[ناصر السيف]

السلام عليكم ورحمة الله وبركاته



باالنسبة للبنات هذا من سوء التربية من الاهل


ولا عندهم غيره


ويسمونهم بنات اخر زمن



أشوف هذي الأشكال كثير وكل يوم حول البيت



والله يهديهم ان شاءلله


واذا قالوا الشباب والشباب وهم اللي يجذبونهم


لاحول ولا قوة الا بالله



شاكر لك طرحك عبير الورد



وتعرفين أن بعض الظن أثم في الناس



ولك مني أجمل تحيه

[عبير الورد | ~]

وعليكم السلام ورحمه الله وبركاته

ناصر السيف

اشكرك على المداخلة

وانا اسأل عن الباب اللي بالقصه اللي فوق اللي يرشون الكلوريكس على البنات

ما قصدت قصة شعر


أشوف هذي الأشكال كثير وكل يوم حول البيت

طيب ناصر ما فكرت لو مرة تنصحهن او اكتفيت بالانكــار


ان بعض الظن اثم >>والله يغفر لنا سوء الظن


منورنا

[إيمان الجراي]

عبووووووووووووووووره أول حاجة القصة عجبتني

ما رايك بالفتاة اللي تلبس عباية مخصرة وعلى الكتف وما بقى لون ما حطته؟؟؟
الله يهديها ويصلح أمرها فهذه الكاسيات العاريات والأعياذ بالله

مارأيك بالشباب اللي بالقصة؟؟
بصراحة عجبوني وهذه من غيرتهم على بنات المسلمين وعلى دينهم الحنيف الله يعطيهم العافية

هل تؤيد ما فعلوه؟؟
والله رغم إنه غلط لكن في نوعية ما تجئ إلا بالعين الحمراء

هل انت ضد او مع
حسب الظرف لو النصيحة ما نفعت يستاهلون لأن إللي ما يسوي العيب ما يوصل فيه شئ
عبووووره طرح رآئع بصراحة وربي يثبتنا

[علوش الفضلي]

انتشرت موضة العبايات المخصرة وعبايات الكتف وغيرها

وهذا النوع من العبايات يلفت النظر للفتاة وتصبح محل أنظار الشباب

طيب وش فيها العباية العادية ليش ماتلبسها الفتاة

العباية للستر والحشمة وليس للزينه خصوصا في الأماكن العامة كالأسواق

وبالنسبة للي فعلوه الشباب أنا ضدهم..هم يحطون أنفسهم محل شبهه

وبعدين الأسلوب اللي هم متبعينه أسلوب غير حضاري مهما كانت الدوافع والأسباب

هناك جهات مخولة بالشي هذا والمفروض هم اللي ينصحون الفتيات ويوجهونهم

وكذلك دور البيت في تربية الفتاة وتعليمها الحشمة والستر

الله يستر على بناتنا ويحفظهن

تقبل لي مداخلتي.. مع أطيب التحايا

[عايدة العمامي]

عبير الورد الموضوع اكبر من كده بكثير والاثنين في القصة غالطين اولاً ثانياً نسأل انفسنا ليش النساء اصبحة هاكدا لان الرجالة للاسف ما تعجبهم الا اللبنانية والمصرية سامحوني انا لا اعُمم ولا اعطي مبررات لنساء لكن رد فعل للنساء عندما يخونها جوزها حتي بنضر في ال TV ومهما تلبس لا يغض بصره ولا يجاهد نفسه بحكم اني امراءة ومتزوجة اعرف نساء يلبسن هكدا رد فعل فقط وهدا خطاء والفتيات يظنون انهم بدالك يلفتون الانتباه ويحصلون علي زوج (( واخيراً يوجد حديث للرسول عليه افضل الصلاة والسلام ما معناه القابظ علي دينه كلقابظ علي الجمر في هدا الزمان الصعب فيه هو الحلال والحرام في متناول الجميع سمحيني علي الاطالة فالموضوع رائع جدا )
تسلم ايدك علي هده القصة الرائعة عبورة

[عبير الورد | ~]

امووونه

اشكرج على المداخلة الاكثر من رااائعه

ونحترم وجهه نظرج

منورتنا

[ناصر السيف]

عبير الورد الموضوع اكبر من كده بكثير والاثنين في القصة غالطين اولاً ثانياً نسأل انفسنا ليش النساء اصبحة هاكدا لان الرجالة للاسف ما تعجبهم الا اللبنانية والمصرية سامحوني انا لا اعُمم ولا

عايدة العمامي أنا أعترض بحديثك هذا اللي يفكر بلبنانيه او غيرها مثل ماتقولي ايمانه بالله ضعيف والأنسان العاقل والفاهم مايفكر مثل هذه الاشياء التافها وانا من الاشخاص اللي أحترم وأقدر البنت الملتزمة وخاصة اللي يلبسون عبايات ساتره أما بنات المخصرات اذا صار لهم مكروه بسببهم


ولك مني اجمل تحيه

[صلاح القويماني الفضلي]

عبير الورد

حركة تضحك وهم البنات جابوا المصخرة والكلام لنفسهم

نبغى نصلح الخطا بالصح وهالحركة غلط تاذي مشاعر البنات نبغى نصلح حالهم بطريقه سليمه

بس لو يكملو جميلهم ويسون حملة شباب البيف باف

عشان عبايه ابو فراشه قصدي (الخفاش) :biggrin:

تسلمين لطرح الموضوع المهم بارك الله فيك والله يعطيك العافيه

الله يصلح الكل ويهديهم

[عبير الورد | ~]

علوش الفضلي

انتشرت موضة العبايات المخصرة وعبايات الكتف وغيرها

وهذا النوع من العبايات يلفت النظر للفتاة وتصبح محل أنظار الشباب

كلاك سليم وازيدك منالشعر بيت حتى حنا بنات جنسها تلفت نظرنا


طيب وش فيها العباية العادية ليش ماتلبسها الفتاة

العباية للستر والحشمة وليس للزينه خصوصا في الأماكن العامة كالأسواق
ليش بتقول لك ماتعدوت عليها اذا لبستها ما اعرف امشي زين ويمكن اطيح قدام العالم << يافشيلتهااا

انا اقول لها ولامثالها اتقي الله اذا عذرك ماتعرفين تمشين بعباية الراس البسي عباية كتف واسعه فضفاضة وشيلتها طوويلة لتحت الخصر مو مخصرة ومزينه كانها فستان عرس

اشكرك على مداخلتك الطيبة والله يستر على الجميع

ومثل ما قلت البيت له دور وتأثير


منورنا

[شيخ ولد شيخ]

اختي الفاضلة عبير الورد دايما مواضيعج معبرة مثلك وفيها فايدة وافتخر ان تكون لدينا اخوات مثلك ممن لم تؤثر فيهن هذه التفاهات البعيدة عن الحشمة والاخلاق وممن يدعون الى الخير والابتعاد عن ما يغضب الله عز وجل فلك مني كل الشكر اختي الفاضلة .
ــــــــــــــــــــ
اما عن لبس العباءة المخصرة فهي من العباءات التي تبين مفاتن المرأة ولاينبغي للمرأة المسلمة ان تلبس ما يفتن به الشباب من ضعفاء الايمان .
وما فعله الشباب فأنا لاؤيده لان هذه المسأله لان يجب ان يكون لها ضوابط حتى لاتصبح فوضى ويكون ضررها اكبر من نفعها .

وما اجمل الفتاة حينما تخفي مفاتنها لانها فعلا جوهرة مصانة لانها تخشى الله في السر والعلن .

واستمري اختي عبير الورد بالمواضيع الهادفة التي تؤجرين عليها ان شاء الله .

[حفيدة الشيخ]

اسمحي لي بعلق ع موضوعك بكم نقطه بعد اذنك

اولا والله صراحه البنات ما يسون كذا 1) للفت النظر والله يهدي الجميع اما بالنسبه للشباب حركتهم مره حلوه لان النصيحه مع هالنوعيه مع البنات ما تنفع وجربوا مره تنصحونهم ان ما حرمتوا
ثانيا الشرهه ع اهل البنات اللي ما يرقبون بناتهم ولا يهتمون منهم

ثالثا الواحد يدعي لهم بالستر والهدايه

ويعطيك العافيه ع الموضوع

[عبير الورد | ~]

هلا

عايده العمامي

اعجبتني صراحتج واشكرج على المداخلة والمشاركه

ليش النساء اصبحة هاكدا لان الرجالة للاسف ما تعجبهم الا اللبنانية والمصرية سامحوني انا لا اعُمم ولا اعطي مبررات لنساء لكن رد فعل للنساء عندما يخونها جوزها حتي بنضر في ال TV ومهما تلبس لا يغض بصره

انا عارفه هذا مو ردك ومثل ما قلتي ما تعطينهم مبررات

انا اقول لمثل هؤلاء النسوة

اللي يسونه غلط وما يجوز يعني مهما كان رده فعلها ما تصح وحرام يعني اقع بالذنوب عشان ردة فعل للزوج وتصرفاته ادخل النار عشان زوج ما يستاهل اذا هو ما عبرها

المهم هي هذا شي بينها وبين ربها

[عبير الورد | ~]

هلا صلاح القويماني

حركة تضحك وهم البنات جابوا المصخرة والكلام لنفسهم

من ليس له حيلة فليحتااال


نبغى نصلح الخطا بالصح وهالحركة غلط تاذي مشاعر البنات نبغى نصلح حالهم بطريقه سليمه

كلام سليم 100%

تدري ليه كلويكس عشان تخرب العباية ولا تلبسها ثاني مرة

بس لو يكملو جميلهم ويسون حملة شباب البيف باف

عشان عبايه ابو فراشه قصدي (الخفاش)

على حسابك البيف باف والشباب بيعرفون شغلهم

للاسف العبايات اشكال والوان وموديلات غريبة عجيبة ومسميات اغرب اجل عباية خفاش

الله يخلف بس
<< بات مان الاخت

تسلمين لطرح الموضوع المهم بارك الله فيك والله يعطيك العافيه

الله يصلح الكل ويهديهم


الله يسلمك ومشكور على الحضور والمناقشة الصريحه والطريفة

واللهم امين يهدي الجميع يارب


منورنا

[عبير الورد | ~]

هلا شيخ ولد شيخ

اختي الفاضلة عبير الورد دايما مواضيعج معبرة مثلك وفيها فايدة وافتخر ان تكون لدينا اخوات مثلك ممن لم تؤثر فيهن هذه التفاهات البعيدة عن الحشمة والاخلاق وممن يدعون الى الخير والابتعاد عن ما يغضب الله عز وجل فلك مني كل الشكر اختي الفاضلة .

كلمتك هذي اعتز فيها واعتبرهـا تاج على رااسي

اما عن لبس العباءة المخصرة فهي من العباءات التي تبين مفاتن المرأة ولاينبغي للمرأة المسلمة ان تلبس ما يفتن به الشباب من ضعفاء الايمان .

اي والله تبين المفاتن والمرأة من دون شيء فتنه كيف اذا كانت بهذا الشكل

والرسول صلى الله عليه وسلم حذر من فتنه النساء

وما فعله الشباب فأنا لاؤيده لان هذه المسأله لان يجب ان يكون لها ضوابط حتى لاتصبح فوضى ويكون ضررها اكبر من نفعها .

هذا الفعل من غيرتهم على النساء لكن الطريقة والاسلوب غلط

وما اجمل الفتاة حينما تخفي مفاتنها لانها فعلا جوهرة مصانة لانها تخشى الله في السر والعلن .

صدقت ما في اجمل منالستر والحشمه للفتاة او المرأة عموما فهو الجمال الحقيقي بنظري الستر والحشمة و العفاف فتكون كالدر المكنون اي المصون

واستمري اختي عبير الورد بالمواضيع الهادفة التي تؤجرين عليها ان شاء الله

ان شاء الله ابشر باللي يسرك

والله ياجرنا وياكم انه على ذلك قدير


منورنا