المساعد الشخصي الرقمي

مشاهدة النسخة كاملة : قصيدة بداح العنقري


فلاح القويماني
03-09-2004, 10:41
السلام عليكم ورحمة الله وبركاته

هذي قصيدة ل بداح العنقري



الله لَحَد يامــا غزينــا وجينـا

ويامـا ركبنــا حَامِيَات المَشَاويـح
ويامـا على اكوارهــن اعتلينــا

ويامـا ركبناهـا عِصِيْرٍ مراويــح
ويامـا تعاطــت بالهنادي يدينــا

ويامـا تقاسمنـا حلال المصاليــح
وَرَاك تزهـد يا أريش العين فينــا

تقول خيّـال الحضر زين تصفيــح
الطيــب ماهـو بس للظاعنينــا

إمقســمٍ بين الوجيــه المفاليــح
البــدو و اللي بالقـرى نازلينــا

كلٍّ عطـاه الله من هبــة الريــح
يازيـن يوم إنـك تبيــح الكنينــا

خليت جفن العيـن نومـه شلافيــح
يوم الفضـول بحلتــك شارعينــا

والخيـل بخوانك سواة الزنانيــح
يوم انجمـر رمحي جذبت السنينــا

وخليت عنك الخيل صُـمٍ مدابيــح
هيا عطينــا الصدق هيا عطينــا

وامــا عطيتنــاه والله لصيــح
لصيح صيحت من غدى له جينينــا

ولا خلـوجٍ ضيعوها السواريــح
ياعــود ريحانٍ بعرض البطينــا

وامنين ما هب الهـوى فاح له ريـح
وخـدٍّ كما قرطاســةٍ في يمينــا

وعيون نجـلٍ للمشقــى ذوابيــح
بصخــفٍ بلطفٍ بانهزاعٍ بلينــا

ياغصن موزٍ ميله نسمـة الريــح
يا أبو نهيــدٍ تقل فنجـال صينــا

ولا كمـا بيضٍ بخطـوا المنافيــح
نهودٍ صغارٍ ما لهجهــا الجنينــا

حمرٍ ثمرهـن جراح الثوب تجريـح
لا خـوخ لا رمان لا طلـع تينــا

لا مشمـش البصره ولا هن تفافيـح



وسلامتكم


تم النقل بواسطة : ابو عبدالعزيز القويماني

أديب الدعفس
23-03-2008, 10:33
الله يعطيك العافيه
يافلاح القويماني
الصراحه نقلك للقصيده جاء في وقته
قصيده جميله جداً ورائعه
لاهنت ... وتسلم يمينك

ناصر السيف
23-03-2008, 10:52
فلاح




صح السانك

على القصيدة الرائع

وحفظك الله

والله يوفقك ويسعدك ويسخرلك ان شاءالله

وتسلم يمينك

ولا تحرمنا من جديد ابداعك

بنتـ الحصانـ
24-03-2008, 12:58
يـــــــــــاما ركبنــــــــــا حاميـــــــــات المشاويح....

ويـــــــــــــاما على اكوارهن اعتلينــــــــــــا.....

قصيدة جميلة في الافتخااار ...

صح لسااااان الشاعر ... وتسلم يدين الناقل ..

يسلموووو.....

تحيــــــــــــــاتي ,,,,

حاتميه
24-03-2008, 01:24
قصيده رااائعه ومشهوره لجمالها وجزالتها وقيمتها

الف شكر فلاح وتسلم اناملك للإنتقاء المميز

مع اجمل التحايا

عبدالله السويلم
24-03-2008, 08:16
يعطيك العافيه
قصيده جزله ورائعه

تحياتي لك

صالح الدعفس
03-04-2008, 08:58
تسلم يمينك يا ولد الاجواد ... لا خلا ولا عدم ...


تحيتي لك ....

صلاح القويماني الفضلي
03-04-2008, 09:42
وعـــليكم الــسلام وحـــمة الله وبــركاتة

صـــح الله لــسانك يابن عمووو


قصيدة رآآآئعه ،،،، وتسلم الأيــــادي

ونحتري جديدك يالغالي