{ ابو ناصر الدويسي "رحمه الله" يسطر ترحيبته الاخير بأبن عبيدالله وربعه}

[شاعره الفضول]

في خميس حافل استقبل فيه ابو ناصر" رحمه الله" ابناء عمه من

ال عبيد الله ووجها مدينته ( حرمه ) رفقا طريقه وكأنه يودعهم جميعا قال:

مرحباً بهم بخطه يده المميز ..



مرحبا ترحيبه من طيب نيه =الرجال اللي لهم قدر وكرامه


مرحبا با اهل الوفا واهل الحميه =القروم اهل المروه والشهامه


عدد ما سارت على البيدا مطيه =وعد ما هلت هماليل الغمامه


الوفا لاهل الوفا حق عليه =كل واحد حافضين له مقامه


مرحبا ياللي تعنيتو بجيه =كل رجال له مقامه واحترامه


اليوم هذا مثل عيد الضحيه =قالها رجال صدوق في كلامه


ذا وصلى الله على محمد نبيه =با الصلاة القاف يا محلا ختامه

[حاتميه]

الله يرحمه ويغفر له ويسكنه الجنه

مشكوره شاعرة الفضول ع القصيده الجميله

ويستاهل ابن عبيدالله وربعه اطيب الترحيب واعذب الأبيات

[راعي العليا]

الله يرحمه ويسكنه الجنه يارب

وصح السانك وتسلم يمينك

الف شكر

[راعي العليا]

الله يرحمه ويغفر له ويسكنه الجنه

مشكوره شاعرة الفضول ع القصيده الجميله

ويستاهل ابن عبيدالله وربعه اطيب الترحيب واعذب الأبيات

تستاهلين الطيب ياحاتميه وكل تقدير واحترام

[ناصر السيف]

الله يرحمه ويغفر له ويسكنه الجنه



شاعره الفضول



تسلم على الابيات الطيبه


ولاتحرمينا من جديد ابداعك

[الدويسي ابومحمد]

الشكر الجزيل لكِ " شاعرة الفضول "
ولابوناصر " محمد بن ناصر الدويسي " خالص الدعاء بالمغفرة والرحمة والعتق من النار
رحمك الله واسكنك الفردوس الاعلى من الجنة ..

كعادته يلهج لسانه بالمدح والثناء لاهل الطيب والجود والكرم والرجال الاوفياء من ابناء
عمومتة الذين تميزوا بمكارم الاخلاق وحسن المعشر ..

[علوش الفضلي]

الله يرحم الشاعر ويسكنه فسيح جناته

أنا أشهد إنها قصيدة جزلة من شاعر جزل

عيال العم يستاهلون الخير كله

تسلمين شاعرة الفضول

[عبدالله السالم]

الله يرحمه ويسكنه فسيح جناته ويغفر له

وان شاء الله اخر الاحزان

وهذا شي مو غريب على ابناء العم الدويسي الكرم والشهامه

تسلم يمناك ياشاعرة الفضول على القصيدة الجزله

واتمنى المزيد من قصائد المغفور له باذن الله تعالى..

["ولد ابو ظهير"]

الله يرحمه ويغفر له ويسكنه الجنه

مشكوره شاعرة الفضول ع القصيده الجميله

ويستاهل ابن عبيدالله وربعه اطيب الترحيب واعذب الأبيات

[ابو ريان]

الله يغفر له و يرحمه

و يستاهلون أبناء العمومة ابن عبيدالله

[نمر بن عبيدالله]

الله يرحمه ويسكنه الجنه


سلمت يمناك يالشاعره


وشكرآ لك

[ابن عبيدالله]

بسم الله الرحمن الرحيم

الأخت شاعرة الفضول الكريمة

السلام عليكم ورحمة الله وبركاته

اشكرك جزيل الشكر والتقدير على نقل وتسطير هذه الابيات الجميلة من شاعر ملك قلوبنا وقلوب الآخرين كان متحدثاً جيداً يصغوا له الجميع قضينا معه ومع ابناء عمومته وقتاً ممتعا في جو مليء بالدورس والقصص من واقعة .

اللَّهُمَّ اغْفِرْ لَه ، وارْحمْه، وعافِهِ ، واعْفُ عنْهُ ، وَأَكرِمْ نزُلَهُ ، وَوسِّعْ مُدْخَلَهُ واغْسِلْهُ بِالماءِ والثَّلْجِ والْبرَدِ ، ونَقِّه منَ الخَـطَايَا، كما نَقَّيْتَ الثَّوب الأبْيَضَ منَ الدَّنَس ، وَأَبْدِلْه دارا خيراً مِنْ دَارِه وأدْخِلْه الجنَّةَ ، وَأَعِذْه منْ عَذَابِ القَبْرِ ، وَمِنْ عَذَابِ النَّار .

[ابو ريان]

أعمال الانسان كالنجوم ، والحياة كالنهار والموت كالليل، لأنه لايظهر فضل المرءالابعد موته كان محمود الشهرة طيب الثناء يخلد له التاريخ صفحات بيضاء0ألاخ العزيزابن عبيدالله لك من محبه الدعاء ومن الله الاجروالثواب

[الكثيريه]

تجلى كرم اخلاق الشاعر ابوناصر الدويسي رحمه الله وروحه الطيبه وحسن تعامله مع الاخرين من خلال هذه القصيده الجميله
كل الشكر لك ياشاعره الفضول

[حوران الكثير]

Cc0066

مشكورررررررررررررررررررررررررررررررررررررررره شاعره الفضول والله يكثر من امثالج من البنات الي تهتم بالقصايد الجزله الي مثل هذه القصيده





خارج النص ------- الإدارة

[ابو ريان]

تحية حب واحترام لك يا حوران قصيدة جميلة نشكركم على المشاركة , للقصيدة اكيد قصة هل من مزيد من المعلومات عن الشاعر و القصيدة للفائدة ؟

[مكسور الخاطر]

بارك الله فيك ياشاعره الفضول

صح لسانك على هذه القصيده

[الدويسي الفضلي]

رحمك الله ابا ناصر وجعل مثواك الجنة

قصيدة جزلة لاتخرج الا من شاعر جزل

دمتم في رعاية الله

[خليجي]

في خميس حافل استقبل فيه ابو ناصر" رحمه الله" ابناء عمه من

ال عبيد الله ووجها مدينته ( حرمه ) رفقا طريقه وكأنه يودعهم جميعا قال:

مرحباً بهم بخطه يده المميز ..


مرحبا ترحيبه من طيب نيه =الرجال اللي لهم قدر وكرامه


مرحبا با اهل الوفا واهل الحميه = القروم اهل المروه والشهامه


عدد ما سارت على البيدا مطيه = وعد ما هلت هماليل الغمامه


الوفا لاهل الوفا حق عليه = كل واحد حافضين له مقامه


مرحبا ياللي تعنيتو بجيه = كل رجال له مقامه واحترامه


اليوم هذا مثل عيد الضحيه = قالها رجال صدوق في كلامه


ذا وصلى الله على محمد نبيه = با الصلاة القاف يا محلا ختامه


اسئل الله العلي العظيم ان يرحمه ويسكنه في فسيح جناته

ربي يحفظك ويرعاك نقل جميل ويستاهلون كل خير آل عبيدالله

[الدويسي ابومحمد]

الصورة التالية للمغفور له بإذن الله ، اثناء تلك الامسية المشار
اليها بأول القصيدة :-

http://www.viafy.com/uploads/bf80045898.png (http://www.viafy.com)

رحمك الله واسكنك الفردوس الاعلى من الجنه وجعل قبرك
روضة من رياض الجنة .. اللهم امين اللهم استجب.

[ابو وجدان]

السلام عليكم ورحمةالله وبركاته

شكرا على نشر هذه القصيدة الرائعة

الله يرحمك يا ابا ناصر جعل مثواك الجنة

وجميع موتى المسلمين.

[عبير الورد | ~]

مرحبا ياللي تعنيتو بجيه **** كل رجال له مقامه واحترامه


اليوم هذا مثل عيد الضحيه **** قالها رجال صدوق في كلامه



الله يرحمه ويغفر له وطيب ثراه وجعل الفردوس مأوآه


يعطيج العافية شاعرتنا

[سلامه العايد]

صح لسانك ولسان شاعرها وسلمت يمناك ويستاهلون

ابناء العمومه وكل الشكر لك على الطرح والنقل

دمتي بود

[مهندجهيران]

مشكوره شاعرة الفضول والله يرحمه ويجعل مثواه الجنه قولو آمين

[ابو ريان]

امل من اصدقائه الكرام المشاركة ببعض مالديهم عن ابوناصر رحمه الله مع الشكر التقدير لكل زائر

[المغيري]

الله يغفر له و يرحمه ويسكنه الجنة ووالدينا وجميع المسلمين

[؟؟ريـف الركاب؟؟]

اليوم هذا مثل عيد الضحيه **** قالها رجال صدوق في كلامه
ذا وصلى الله على محمد نبيه **** با الصلاة القاف يا محلا ختامه


اللهم صلي وسلـــم على نبينا محمد ...

صح الســانك والسان راعي القصيد (( رحمه الله))

دمتم بخيـــر ..

[عز تميم]

الله يرحمك ياااا ابو ناصر ويسكنك فسيح جنااااتة

[معن الماضي]

الله يرحم الشاعر ويسكنه فسيح جناته ومشكوره شاعرة الفضول على النقل المميز

[سند الدهمي]

الله يرحمه ويسكنه الجنه يارب

وصح السانك وتسلم يمينك

الف شكر

[أبو غيث الحوطة]

الله يرحمه ويسكنة الجنة

[إبن لام الدويسي]

وعليكم السلام . ابوغيث جزيت خير .امين وجميع اموات المسلمين .حياك ربي . اخوك ابوصالح

[فهد الشبيكي]

انا لله وانا اليه راجعون

الله يرحمه ويغفر له ويثبته ..

[سعد العويهان]

مشكوره شاعرة الفضول علي هل قصيده والله يرحمه ويسكنه فسيح جناته
وتسلم يمينج


مناخيكم / سعد العويهان

[إبن لام الدويسي]

البقا البقا اخونا سعد جزيت خير علي دعوتك الطيبه . مرحبا بك بين اخوالك ياطيب العم والخال. اخوك ابوصالح

[بن رحمه]

لله يغفر له ويرحمه ويسكنه الجنه
تسلمين اختي على القصيده,,,,,,, تقبلو مروري

[سعد العويهان]

اشكرك علي ردك الطيب يالخال ابو صالح ومشكور والولد طيبه من خواله وانتم طيبين الفعال وشيوخ ولي الفخر وتاج علي راسي انكم خوالي وقتخر فيكم يالخوال


مناخيك /سعد العويهان

[م غيري]

معليش وعتكم بالقصيده اليوم بس يمكن ماقدر لبعض الظروف بس ان شاء الله بكره

هنـــا ان شــاء اللــه (واللـه يرحـم ابو ناصر الدويسي ويسكنه جنات النعيم) شاعرة

الفضول بعد اذنـك صفحــه والاجــار جــاهز ولاهنت شكراً مقدماً؟

[م غيري]

يـالابتـي فـي مـدحكـم دوم مـاضـين
تستاهلـون المـدح صـبـح وعـشيـه

يـاجـاهل(ن) فـينا تــرانـا قحـاطـين
الـلــه واحـــد والـمــوارد عــذيـــه

حنا الفضول الساس وحنا سلاطين
كـم واحـد سقـناه الحـوض المـنيـه

وحنا عامود المجد من ماضي سنين
اهــل الكــرم والـطـيب والنار حـيــه

ارجــع التاريـخ الـقبـايـل بـتقـنـين
انشـد عـن الجـربان وابن فضليـه

مشايخ(ن)من روس هـزو ميادين
خـوالـهم مـن الـفضـول ولامـيــه

هـذا دليل(ن) يـاسم الخــد ويبـين
وش يظهر الهامل يوسم المطيـه

افـعـال لام مـوثــقـه بـالــبراهــين
مـاهــو كــلام الـزور ومـهيطيــه

هذي خلاصـة واحد(ن) له قوانين
الـكــذب عنوان الـردي والـرديــه

والكـل فـوق الراس والكـل غالين
وفـي حـبكــم الله يشـهــد عـليــه



وسلامتكم // والمعذره ان حصل قصور / هذا اللي ربي
قدرني عليه // وتستاهلون اكثر ؛

[م غيري]

ابوصالح /وينك محتاجينك تجيب ونيت يوم السبت عشان تشيل معنا ابن عباد طلب بنقل ألقصيده أعلاه المنتدى شعراء القبيله ! الفزعه ويبي يطيح نصف الإيجار بأشاعرة الفضول /تحياتي

[إبن لام الدويسي]

ارحبو م مغيري الله يرحم ابو ناصر
انت بس اشر وابشر هذي تستاهل ان تلف في حرير وتركب في بنو راما ويترفق عليها الى ان تصل الى ديوان بني لام
معززه مكرمه وفي انتظار كل جديدك ابن العم .

[م غيري]

شكراً ابـوصـالح على مشاعركم الطيبه وهذي الهقوه فيك ؟ والله يرحم امواتنا ومواتكم وجميع اموات المسلمين ؟والله يرحم العم ابوناصر ويسكنه جنات النعيم ؟

وعشان اهل هالصفحه وشاعرة الفضول قالت الاجار ماشي حت لو شلتو القصيده ولوسمح لكم
ابن عباد لان العقد انكتب ؟ومدام ابن عباد هو اللي ضغط علينا نشيلها ؟قلت والله عيب اشيلها
خايف يزعلون اهل المراح ويقولون ماصدق خبر واخذ هديته؟وقررت احط مكانها وحده ثانيه لعيون
المراح واهله ؟بس لادققون عجله وقت قياسي والعذر مسبقن في القصور؟ مع احترامي لجميع
اعضاء المنتدى ؟ وبصراحه انا ما عرف اقول ابيات غير غزليه ولازم اذا بغيت اقول في غير الغزل
اضحك على نفسي وبديت غزل وغيرت النهج سريعاً هههههه؟ مثل هذا البيت كان المفتاح للقصيدة
اهل المراح؟ وماحبيت اذكره فيها لايخرب القصيده؟

تـرى المغـيـري حــب وفـالقلـب تعــريـق
بصـمة حـبـيب الـروح وطبــعة ابـهــامـه

اسف اليوم مايسعف الوقت اقـول القصــيده بكــره علـى خــير تحيــاتـي

[إبن لام الدويسي]

اللهم ارحم العم ابو ناصر واموات المسلمين*'asd'
ارحبو م مغيري وأجزل قصيده قيلت امام الرسول محمد صلى الله عليه وسلم انشدها الشا عر الصحابي
كعب بن زهير يعتذر ويمدح الرسول عليه السلام افتتح مطلعها بغزل 'القصيده معروفه با البرده ومطلعها يقول*'asd'
بانت سعاد فقلبي اليوم متبول. متيم اثرها لم يفد مكبول 'asd'
واغلب قصائد العرب الجزله كانت مطالعها اما غزل او ذكر لاثار الديار
ودمتم مبدعين

[م غيري]

" استلم ابن عباد خذ اللي لك والباقي لاهل المراح "

بـ:بـدء قصيـدة مـدح وقصه بتوثيق
فـالنادر اللـي مـرتـفـع فـي مـقـامـه

هذي بيوت(ن) صغتها اليوم بتغريق
باحسن جـميل القـول واحلى كلامـه

"يامنتدى اهل الطيب والطيب توفيق"
"المحـترم يـفــرض عليـك احـترامـه"

هـذي صفات الحاتمـي وفيـه تعليـق
متشـيخ(ن) فـالـعـزّ ماسـك سـنامـه

"ياهل المـراح اللي حفرتوا بتعميـق
محـبـة(ن) جتكـم ومعـها السلامــه"

الباب مفـتوح(ن) ومـن دون تـغليـق
عـاداتكم يـافضـول صـارت عـلامــه

الـمـنتدى للكـل مـن غــير تسـويـق
الـضـيف لاجـاهـم تـجـيـه الكـرامـه

والمنتدى معـروف مـاجـاء بتلفيـق
اهلـه زحول رجـال وفيهم شهامـه

ارسلتـها فـالـنت وراحـت بتحليـق
صوب الحسا والظهر انتم احزامه

يـاالله يـاخـالـق بـحكـمـه وتـدقـيـق
اجعل جزيل الهرج مسك ال ختامه

وختـامـها يـارب لاينشـف الــريــق
لاصـار هـاك اليـوم يـوم الـقـيـامــه


وسلامتكم والمعذره هذا اللي ربي قدرني عليه /تحياتي

[م غيري]

لاقـال فضلـي قلـت هـذا هـو طـويـق
يـوم المواجـه تـرتخـي كــل هــامـه

ولاقـال ماضي قلـت يلمع كما بـريـق
عصر الشجاعه والكرم مع وسامـه

ولاقـال حاضر قلت علم(ن)بـ تسليق
يـم القمـر والشمس وذيـك الغمامـه

[م غيري]

امــين يارب ؟ منـور ابو صالح احسنت تعجبني فطنتك ابن عمي؟ تراك مسئول قدام الفضول
وابن عباد في نقل القصيده للموسوعه تحت اسم (مغيري الفضول) والله يعينك تشتري بانوراما ؟ ابن عباد طلبتك غاليه وابو صالح تزهل فيها ؟انتم ربع وتصلحون من دوني وتفاهموا
بينكم ؟وشاكرين مقدما على الخدمه ابن عمي ؟ومالك عذر جت بدالها ه ثانيه ؟تحياتي

[إبن لام الدويسي]

الله يرحمك يا بو ناصر واموات المسلمين
كلما في مجلس طيب ذكرناك بالخير