يابحر .. فيني من الحزن .. كثر مافيك ..

[حمد القويفل]

يابحر .. فيني من الحزن .. كثر مافيك ..

من حزن .. وأوجاع .. وغياب .. وغرايب !!

لاتلومني إليا شفتني .. دايم أجيك ..

ولاشفتني دايم .. على الشط .. ذايب !!

حزني كبير .. أكبر من حدود .. شاطيك ..

وأقسى من .. جروح الزمان .. العطايب !!

وإن كان تنشدني فأنا .. مقدر أخفيك ..

دايم اظن .. ويطلع .. الظن .. خايب !!

في هالزمن .. أقرب حبايبك .. يشقيك ..

إلين تدفع في غلاه .. الضرايب !!

من بعد هذا .. يبتعد .. عنك .. ويجفيك ..

ماكنه .. بجنبك .. قضى الوقت .. طايب !!

وإلا .. الخوي اللي توقعت .. يفديك ..

يفديك عمره .. لاغدت بك .. نشايب !!

صد .. وتصدد .. مايبي .. سمع .. طاريك ..

وياما .. أنت .. دونه .. أتعبتك .. الطلايب !!

لاتقول لي .. بدري .. وتوك .. ويمديك ..

وتعال .. وأسمع باقي الهرج .. صايب !!

خلك بحالك .. وأطلب الرب .. يهديك ..

ولاتنشد اللي غاب .. وين أنت .. غايب ؟؟

وإن شفتني غايب .. عن حدود .. شاطيك ..

أعرف تراني .. تحت .. ذيك .. النصايب !!

وأعرف تراني .. دايم إن ضقت .. بآجيك ..

لأني .. أنا .. والموج .. صرنا .. حبايب !!

[الفضـ عذاري ـلي]

مشكوووووور أخوي حمد القويفل
الله يعطيكـ العافيه
على القصيييييده المحزنه:15_f: :15_f:

أبكيتني الله يجزاكـ خيييير:26_f: :26_f:
ننتظر جديكـ وإبداعاتكـ
تقبل مروووووري

[أبن قطيان]

والله مسكين البحر ,,
كل من ضاق صدر الشعار راحوا لهالبحر
يشكون له,,,

لكن ما قصرت على انتقائك للقصيدة ...



أخوك : أبن قطيان ...

[حاتميه]

8 8 8

الدعوه اللي ماعنده بحر !

بس عندنا بر الحمدلله ترى كل الفرق ح بس ههههههه

الله يخلي لنا ماعطانا

ومشكوووور ياحمد ع القصيده المحزنه فعلا وبكت الغاليه عذاري