ريان آل مسعر
02-02-2009, 02:48
بســــم الله الرحمــــــــن الرحـــــيم
السلام عليكم ورحمة الله وبركاته
اخواني اخواتي
حفظهم الله
بعد التحية والاحترام
اضع بين ايديكم قصيدة تحكي قصة طفل من احد الصحف اليومية قصة جعلت قلبي ينبض بالحزن وعيني تذرف دمعها طفل لم يتجاوز عمره الثلاث سنوات سلب من قلبه الفرح ادخل المستشفى مخلوع الأظافر تلون جلد جسده الرقيق الطاهر الجراح وليس لديه لاحول ولاقوه سوى نظرات عيونه التي يخيم عليها الرعب عيون تحمل سؤال يحير كل جواب ( لماذا )
ومن خلال متابعتي للجريدة التي نشرت الخبر قيل آمه من عذبه وقيل روج آمه ومازال التحقيق مستمر وليس الأهم عقاب من عذبه الأهم هوا حمايته وحماية كل طفل ضائع بين الأحضان لضمان مستقبله فهم احباب الله وقد استعجلني المي لوضعها قبل نشرها بالصحف
( واليكم القصيدة التي تحرك كل سواكن القلوب )
جبت الجريدة وخاطري رايقٍ حيل=قلت ابدا من صفحة تزيد ارتياحي
وقلبت لي صفحة قلبت راحتي ويل=من هولها دمعي على طول طاحي
كذبتها صدقتها احسبني في ابريل=لو قالها احدٍ قلنا خـل المزاحـي
قصة طفل تحزن قلوب الرجاجيـل=وتضيق صدورٍ ولو هـي براحـي
طفلٍ رضيـعٍ عاجلتـه الغرابيـل=توه على الدنيا من الرحم صاحـي
عنده التمر مثل الجمر توه حليـل=لا ضامه امرٍٍ عبـره بالصياحـي
طاهر من دموعه تنوح المناديـل=لو مرت دموعه على طويق ناحي
لعابه كادي والنفس نفحة الهيـل=اعذب من النبع الـزلال القراحـي
حبيب ربي والفرح منـه اغتيـل=ياكيف ومن هو في عذابه استباحي
في صورته شفت الأسى كنه الليل=الخرمس الموحش بزفر الرياحـي
للخوف في وجه البراءة مداهيـل=وسم على أشباهٍ رقيقـه وفاحـي
مذهول شفته منصدم من تهاويـل=مما جرا لـه آه والدمـع ساحـي
عبره وحسره ورعب كله بهاذيـل=يكفخ كما طيـرٍ كسيـر الجناحـي
قمة احضن الصورة واقبله تقبيـل=كني انا المخطي وطلبته السماحي
حبيب ربي بالخطاء يـزاد تدليـل=لجله نوقف لو يطـول الكفاحـي
ياناس في عينه ترجي ومراسيـل=تكفون من يفزع ويطلق سراحـي
شوفوا عيونه فيها كل التفاصيـل=من شافه ماضني بنومه استراحي
خلعت أظافر ناعمـة امـرٍ يهيـل=وجلدٍ رقيق غـض كلـه جراحـي
تكفون فزوا يالرجـال المشاكيـل=لايعصب حقوق الطفولة وشاحـي
تركت طفل عند اللي مايقدر يعيـل=اخطر من البارود وسط السلاحـي
والمشكله ماهي كذا في المقابيـل=من يحضنه من يرشده لصلاحـي
يا أهل القرار الوضع مافيه تأجيل=لازم يحل الليـل قبـل الصباحـي
السلام عليكم ورحمة الله وبركاته
اخواني اخواتي
حفظهم الله
بعد التحية والاحترام
اضع بين ايديكم قصيدة تحكي قصة طفل من احد الصحف اليومية قصة جعلت قلبي ينبض بالحزن وعيني تذرف دمعها طفل لم يتجاوز عمره الثلاث سنوات سلب من قلبه الفرح ادخل المستشفى مخلوع الأظافر تلون جلد جسده الرقيق الطاهر الجراح وليس لديه لاحول ولاقوه سوى نظرات عيونه التي يخيم عليها الرعب عيون تحمل سؤال يحير كل جواب ( لماذا )
ومن خلال متابعتي للجريدة التي نشرت الخبر قيل آمه من عذبه وقيل روج آمه ومازال التحقيق مستمر وليس الأهم عقاب من عذبه الأهم هوا حمايته وحماية كل طفل ضائع بين الأحضان لضمان مستقبله فهم احباب الله وقد استعجلني المي لوضعها قبل نشرها بالصحف
( واليكم القصيدة التي تحرك كل سواكن القلوب )
جبت الجريدة وخاطري رايقٍ حيل=قلت ابدا من صفحة تزيد ارتياحي
وقلبت لي صفحة قلبت راحتي ويل=من هولها دمعي على طول طاحي
كذبتها صدقتها احسبني في ابريل=لو قالها احدٍ قلنا خـل المزاحـي
قصة طفل تحزن قلوب الرجاجيـل=وتضيق صدورٍ ولو هـي براحـي
طفلٍ رضيـعٍ عاجلتـه الغرابيـل=توه على الدنيا من الرحم صاحـي
عنده التمر مثل الجمر توه حليـل=لا ضامه امرٍٍ عبـره بالصياحـي
طاهر من دموعه تنوح المناديـل=لو مرت دموعه على طويق ناحي
لعابه كادي والنفس نفحة الهيـل=اعذب من النبع الـزلال القراحـي
حبيب ربي والفرح منـه اغتيـل=ياكيف ومن هو في عذابه استباحي
في صورته شفت الأسى كنه الليل=الخرمس الموحش بزفر الرياحـي
للخوف في وجه البراءة مداهيـل=وسم على أشباهٍ رقيقـه وفاحـي
مذهول شفته منصدم من تهاويـل=مما جرا لـه آه والدمـع ساحـي
عبره وحسره ورعب كله بهاذيـل=يكفخ كما طيـرٍ كسيـر الجناحـي
قمة احضن الصورة واقبله تقبيـل=كني انا المخطي وطلبته السماحي
حبيب ربي بالخطاء يـزاد تدليـل=لجله نوقف لو يطـول الكفاحـي
ياناس في عينه ترجي ومراسيـل=تكفون من يفزع ويطلق سراحـي
شوفوا عيونه فيها كل التفاصيـل=من شافه ماضني بنومه استراحي
خلعت أظافر ناعمـة امـرٍ يهيـل=وجلدٍ رقيق غـض كلـه جراحـي
تكفون فزوا يالرجـال المشاكيـل=لايعصب حقوق الطفولة وشاحـي
تركت طفل عند اللي مايقدر يعيـل=اخطر من البارود وسط السلاحـي
والمشكله ماهي كذا في المقابيـل=من يحضنه من يرشده لصلاحـي
يا أهل القرار الوضع مافيه تأجيل=لازم يحل الليـل قبـل الصباحـي