فراق صديق

[نواف القويماني]

بسم الله الرحمن الرحيم انا اخوكم نواف القويماني اشرح لكم قصتي مع اعز صديق لي في هالدنيا وارجو منكم افادتي في هذا الموضوع :كان لي صديق اسمه رياض وكنه صغار ربينه مع بعض ونروح البر والسفر مع بعض مع اهلي واهله وكبرنا وتزوجنه وحلف والده انه عرسي وعرسه في يوم واحد ...وهو استقر في منزل لوحده وانا كذالك عرفت ان الله رزقه في مولود سماه نواف على اسمي وانا بعده بشهرين رزقني في مولود سميته رياض على اسمه وكنه مانتفرق مع بعض مدة 33 عام شد انتباهي في انه زوجته مسيطره عليه ومانعته مني ومن كثيرين حتى على والديه فرحت وكلمته رد علي قائل:مابي اهدم بيتي عشان لا اخسر زوجتي وعيالي وقلت له:بس انت غلطان في حقي وحق اصدقائك العمر ووالديك وقل له الرجل الذي يسمع كلام الحريم مايشرفني معرفته وهو الحين قاعد يدز لي واسطات بس انا رافض انتظر تصويتكم على موضوعي الخاص جدا ومن تصويتكم اقرر ارجع ولا لا

[نمر بن عبيدالله]

هلا اخوي نواف

خويك لاتخليه خلك معه لين يرجع لك

واكيد اشياء كثيره تتغير بعد الزواج من ناحيه الصداقه والرفقه

بس مو لدرجه انه يتغير على والديه ورفقه العمر

انت قدر ظروفه وحاول انك تجلس معه وتتفاهمون وتحلونها مع بعض


وانا اقولك ارجع له


والله لايفرقكم من بعض ويديم الصداقه بينكم


اتمنى لك التوفيق

[صلاح القويماني الفضلي]

أبو أحمد

لحظه أشوي خلينا أول شيء نحل مشكلتنا معك بالمنتدى

أنت أبو أحمد والإ أبو رياض:biggrin:

أمـزح معك والله يكون بعونك يالغالي

وصـح الله لـسانك أخوي نمر مأقدر أضيف عليه شيء كفيت ووفيت يالأجودي

[بوثنيان]

ابو أحمد نواف


هلا بك ...


اقترح عليك اقتراح ...إنك تذهب إلى محل الزهور ..وتشتري ورده ..
وتفتلها ..ورقه ورقه ..وتقول لنفسك اروح لا مااروح اروح لا ماروح ..:encouraging77: :ylflower:


دمت بحفظ الله ,,

[إيمان الجراي]

أبو أحمد


رأيي من رأي أخي نمر

ما تخسر صديق العمر وهذا حسب ما حكيت عليه أخوك ماهو بصديق بس

بس انصحه ترى إلا الوالدين , والله لا يفرقكم

[فهد العاردي]

الله يكون بعون الشباب من حريمهم ...
انا من رأيي انك تتقبل الوضع وتلتمس له العذر .. وحاول كثر ماتقدر انك ماتطيح عليه ..
خله يحس بغلطته .. بس مع ذلك اذا جاك وعرف غلطته لازم تسامحه .. لانك بعتباار انك اخووه ..
أسأل الله ان يجمعك بمن تحب ...

[عبدالإله الدعفس]

الصديق اللي يسرك مايضرك
أخوي ابو رياض
خل عنك كل اللي فات .... وفتح الصفحة الجديده
من قريت السالفه لقيت الصداقة أكبر من الأخوة بينك وبينه
عليك الله تردله حتى لوعلى المردف
الله يصلح الأمور بينكم

[علوش الفضلي]

أنا رايي من راي الأخوان

بإنك ترجع لخويك..ترى الدنيا ماتسوى وأنا أخوك

الزعل لابد إنه يحصل لكن لابد من التماس العذر

الله يوفقكم ويصلح بينكم