قصيدة فاضل القطوا

[خيال البل]

القصيدة أهداء من فاضل القطوا الفضلي إلى أل عوده


نبعث كتاب الشكر معـه المـودة= لعيال فضل كاسبيـن النواميـس
آفعالهـم بالطيـب كـل يـعـده= هم شمعة الماضي وهم الفوانيـس
شي لمسته بـآل عـودة وآعـده= رجالهم آسس على الطيب تآسيس
والحرله في مرقـب العـز هـده= تكفخ بجنحان المراجل قرانيـس
ربعي فضول وكـل لازم تسـده= آهل الفعول معتقيـن المحابيـس
وبيوتهـم مازحـزح الضـد وده= من آفعالهم ترجع آعداهم مفاليس
والمـدح فنجـال مبهـر نمـده= لآهل المراح مزيحين الهواجيـس
رجالهـم يكيـل كيـل لـضـده= ليا شاف بالقالات كثرة لواليـس
وليا كبرت القالات يكبـر بقـده= وعدوهم خاسر بكـل المقاييـس
حكيم رآي مجـرب كـل شـده= وينآى بنفسه عن كلام النواديـس
من طيب آبوه وطيب خاله وجده= مرقابه العليا بروس التضاريـس
آصله على فعل المراجـل يحـده= تفداه ارجال بالمماشـي دنافيـس
نظراتهم وقت المراجـل مصـده= وقت اللقاء يمشون في ساقة إبليس
هـذا كتابـي يـا نديبـي ووده= يم آل عوده كاسبيـن النواميـس
الشاعر : فاضل القطوا الفضلي