المساعد الشخصي الرقمي

مشاهدة النسخة كاملة : ما يبين بعينهم شي .. @@

العذاب عنواني
28-03-2005, 10:02
مرحبا ,,

تعبنا واحنا نسمع نصايح تضمن نجاح مؤسسة الزواج واغلبها موجهة للمرأة ,, والحين بثبت لكم ان الغلط ما يكون من المرأة في الغالب :D


الزوجة .. ابتسمي في وجهه ولا تستقبليه بعبوس !
الزوج .. بيقول مباشرة : الله يستر من هالابتسامة ...


الزوجة : اخرجي معه الى السوق والزيارات العائلية ..
الزوج ... بيقول : ليش ما تطلعين مع أهلك, مو أحسن ؟؟


الزوجة .. تمشي معه بين الحين والآخر
الزوج .. بيقول بعد ثلاث دقائق : آخ شد عضلي لازم أرجع البيت أرتاح ..


الزوجة ... اعترفي له بأخطائك ولا تكابري
الزوج .. بيقول : بس وين تتعلمين... ما منك فايدة ..


الزوجة .. أتصلي به من شغلك ..
الزوج .. بيقول : هذي حالة؟ لاحقتني حتى في الدوام !


الزوجة .. إذا تأخر اتصلي به واطمئني عليه ..
الزوج بيقول : شنو هذا ! أنا ياهل تخافين علي ..؟؟


الزوجة .. اكتبي له قصيدة حب أو خواطر أو نثراً ..
الزوج .. بيقول : حافظ هالحركات .. فلوس أنا ما عندي


الزوجة .. اكتبي له رسالة حب ..
الزوج .. بيقول : من متى وانتي تكتبين رسايل غرامية اعترفي ؟؟!!؟؟!!


الزوجة .. أرسلي له الأزهار بين فترة و أخرى
الزوج .. بيقول : عاد ليش هالمصاريف !


الزوجة .. قومي بطبخ ما يحب من الأكلات
الزوج .. بيقول : ما في أحلى من أكل الوالده ...


الزوجة ... قولي له أنك تفكرين فيه كل لحظة وكل ثانيه
الزوج .. بيقول : لايكون متزوج مباحث وانا مدري ؟؟
هههههههههههههههههههه :D

الزوجة .. قدمي له هدية بدون مناسبة ..
الزوج .. بيقول : هدية ! شنو المناسبة ؟؟؟


الزوجة .. قولي له : أنا أحبك
الزوج .. بيقول : انزين شنو الجديد أدري ..


الزوجة .. قولي له : تشعرين بالفخر والاعتزاز معه ..
الزوج .. بيقول : اشدعوه متزوجه نابليون !!!


اشفيكم يا الأزواج دلع مو عاجبكم, صراخ هم مو عاجبكم .. شتبون ؟؟؟ الله يعينا عليكم,,


من باب التسلية والدعابة :D
عذبي الفضل
28-03-2005, 11:11
حلووووووووووووووووووووووووووووووووووووووووووه
صحيح معضم الرياجيل كذا بس مو كلهم حرام عليك ياظل القمر

يسلمووووو يا ظل القمر
العذاب عنواني
28-03-2005, 09:21
ادري يا خوي ,, لكنها مزحة خفيفة وبس :)

تسلم على مرورك الحلو في موضوعي المتواضع .. :)
الأصيل
29-03-2005, 01:28
يسلمووووووووووو اختي / ظل القمر على الموضوع

حتى وان كان الموضوع من باب التسلية

ولكن هذا هو الحال

مشكوووووووووووووووووره
وضح النقا
29-03-2005, 03:34
ظل القمر / مشكور على الموضوع طريف
لكن الحريم فيهن حقهم من دهاء وكثرة الطلبات :
؛ ودني اهلي ؛ ودني السوق ؛ جب الطماط ؛ ماوراك الا الفقر ؛ جبلي شغاله ؛ شف بيتنا ماهوب مثل بيت اختي ؛ حط سراميك في البيت كله ؛..................................... هذي طالبات الحريم تفقع الراس ولا يملون من تكرار شى .
بس موكلهم
العذاب عنواني
30-03-2005, 08:49
تسلم يا بو خالد على مرورك :) وتعليقك الحلو ,, وهذا فعلا صحيح :D

وضح النقا : بعد مو كل الحريم جذي :) ,, واهم شي ان الموضوع عجباك :)
وضح النقا
30-03-2005, 04:09
الاخت الفاضلة / ظل القمر
الموضوع أعجبني جدأ لنة يتكلم عن واقع انا شايفة
مشكورة على هذا المقال
فارس الظلام
02-04-2005, 02:03
ماراح ارد على الموضوع الا ليما اتزوج :D:D

تقبلوا تحياتي
العذاب عنواني
02-04-2005, 09:51
هههههههههههههه ,, الله يعطيك اللي في بالك .. :)
ولشكرك على مرورك :)