المساعد الشخصي الرقمي

مشاهدة النسخة كاملة : أبو وجدان ومفك ومطربة سدير

إبن لام الدويسي
03-03-2009, 12:30
بسم الله الرحمن الرحيم ....

لحظة من فضلكم ......

مطربة سدير .. فيضه غنا حباها الله بكل جمال الطبيعه تبعد عن مدينتي حرمه شرقا 35 كم .... وبعد

فقد خرجت مع الاخ العزيز ابو ريان لتمتع بما حبا الله ارضنا هذه الايام من جمال يفوق الوصف وفي اثناء
إعداد ابو ريان لشاي في هذه الاجواء الحالمه قال
أبو ريان لو يشاركنا ابو وجدان هذه الجلسه فقلت له
أبووجدان ماينطح البر أظنه شابا رقيقا سيارته ماتتعدى الزفلت فضحك
أبوريان كثيرا وقال من تقترح فقلت بتاكيد مفك اظنه رجل خشن
راعي بر وزهابه في سيارته وفي الختام مرحبا بالجميع
ولا تفوتكم فياضنا جلسه فيها ترد الروح خاصه اذا صارت معكم

ابوصالح الدويسي (( حرمه ))
مفك
15-03-2009, 01:46
مرحبا ومسهلا يابن لام الدويسي السموحة على التاخير والله توني اقرا الموضوع

انا غبت شوي عن المنتدى لظروف.

وصفك للجلسة تخلي حتى اللي سيارته ماتتعدى الزفلت يجيكم ههههههههه وتخلي

ابو وجدان اللي تقولون عنه ماينطح البر ينطح البر وجده هههههههههه

أما بالنسبة لي انا رجال على ماظنيت وهقيت والله اني احب البر والمطر والجلسة مع اللي شرواكم تطيب الخواطر

بس سالفة الزهابة بسيارته هههههههههههه سيارتي شفر والزهابة يبيلها جيب

وأسهل ماخلق ربي الزهابة جيبتها سهله بس اذا الله احيانا واحياك واحيا بوريان
والظروف خدمتنا او نطوعها غصب اننا راح نجتمع ونجيب بو وجدان غصب معانا

وسلملي على بو ريان وقولي شلون طعم الشاي اللي سواه لك هههههههههههه
إبن لام الدويسي
15-03-2009, 02:55
ارحب ياغلي حاضروغايب الصحيح اني ياأخوي مفك معجب بكتاباتك ومداخلاتك ومرحبا الف صحيح أغبار لكن نصلح الشاهي في المزرعه وهات ابووجدان أظنه يظبط الشكشوكه وعودا حميدا الدويسي
ابو ريان
17-03-2009, 01:46
الحبيب الغالي مفك تحية طيبة بعد : سأ ظل أنسج ذكريات حلولة على بساط المحبة في ربوع مدينة حرمة بين النخيل مع الاحبة أهلا وسهلآ وعد الحر دين وحلاوة الجلسة تكمل بحضوركم وكل عزيز وغالي من أبناء العمومة ( أبو وجدان أنت في الوجدان)
مفك
18-03-2009, 01:53
ياحياك الله يابو ريان ... والله اني اكثر منك متشوق ان نجلس مع بعض ... وانشالله مثل ماقلت لك نطوع الظروف ان ماطاعتنا ونجلس مع بعض بس هالمرة ابن لام الدويسي يسوي الشاي ههههههههههه
حاتميه
18-03-2009, 03:03
مشاءالله عليكم

شكل مطربه بتنشف وانتم للحين من يسوي الشاهي من يسوي الشكشوكه :biggrin:

عجلو علينا روحو وصورها لنا نبي نشوفها :ylflower:

الله يحفظكم
مفك
19-03-2009, 10:09
مشاءالله عليكم

شكل مطربه بتنشف وانتم للحين من يسوي الشاهي من يسوي الشكشوكه :biggrin:

عجلو علينا روحو وصورها لنا نبي نشوفها :ylflower:

الله يحفظكم





مو شرط هالسنة اختي حاتمية ...... عادي السنة الجاية او اللي بعدها .

حنا تونا شباب بعمر الزهور والمستقبل والدنيا قدامنا هههههههههههه
حاتميه
19-03-2009, 10:47
ههههههههههههه

طاايب ياعمر الزهور

حنا منتظرين رحلتكم الميمونه رافقتكم السلامه والابتسامه ツ