المساعد الشخصي الرقمي

مشاهدة النسخة كاملة : مفك... شاهي ابو ريان ...وناس مقهورين

إبن لام الدويسي
19-03-2009, 06:43
السلام عليكم لابتي الكبير والصغير ...

اكيد انتم عارفين فوائد الشاهي من خلال كتابنا في المنتدى ماقصر الشهابي ماقصر
لكن الشاهي اللي يخدره ابو ريان على عروق حمض من شجر مطربه ولا حطابه ولا روضة السبله علهن السيل غير غير شكل وطعم له خنه تطير في الدماغ ومع كل فنجال له قصه او قصيده
وزد عليه القرم ولد العم مفك على جاله ولو انقهروا بعض الناس وأذا يبست مطربه قهويناه في الفور سيزون على شان ابو وجدان ولد نعمه ماله في البر وغباره يقول عج يخرب غترته المنشاة.
اخوي مفك اما اصلح الشاهي انا كثر منها مره بحط السكر انكب الشاهي وانكبت القهوه وصارت الخيمه عجه
وسلامتك والحاضرين من العج وعين الحسود فيها عود
عبدالإله الدعفس
19-03-2009, 09:03
هلا والله وغلا بالغالي والطيب
ههههههههههههههههههههه
والله ياعليك سولف يأخي أبن لآم الدويسي تجنن
سوليفك رهيبة بس المرة الجاية لاخدرتو الشاهي أنت ومفك وأبو ريان
الله يخليك نبي نذوقه وخل العج عادي أصلاً مايضبط إلا في وقت المعاصيب
تسلم يابعدهم والله يأخي أني حبيتك
إبن لام الدويسي
19-03-2009, 09:21
اخوي عبد الأ له الدعفس شرفني دخولك وابشر بس حالف مايصبه الا انا وحطبه من شعيب مرخ ارحب ولا تنسي تجيب الزوليه ها
عبدالإله الدعفس
19-03-2009, 09:33
ولا تنسي تجيب الزوليه ها
هههههههههههههههههههههههههه
رجو عدوك قل آمين
مانسيتها
هههههههههههههههههه
ابشرك صارت ستارة صالح يقول انها ستارة قصدك الخضراء
والله ماينفع فيك خلاص بجيبها بس لاتحطبون الا رمث يقولون طعم الشاهي عليه شي
وأول بيالة تراها لي والثانية حق مفك
ابو ريان
19-03-2009, 10:31
الاخ العزيز عبد الإله الدعفس تحية حب وأحترام قلبك دليلك وتستاهل أول بيالة شاىمصلح في أبريق جدة أبوصالح الله يرحمها ومعه أقط على كثبان ا لمطل المطلوب الحضور ومعك مفك
عبدالإله الدعفس
19-03-2009, 10:47
بعد عمري والله ابو ريان
كفو والله وبعد على المطل ياسلاااااااااااااااااامـ
ومع بقل اووووووووووووه وش خليت ماخليت شي
تسلمـ والله يمينكـ
وجعل هذا طبعك وحنا من ربعكـ
شاعره الفضول
20-03-2009, 04:11
ههههههههه والله يا اخوي ابو صالح سوالفك تهبل
والله ودي اذوق شاهي ابو ريان
شكل قعدتكم ونيسه
إبن لام الدويسي
20-03-2009, 03:57
شاعره اشعرني مرورك بالسعاد الاستاذه حاتميه شاهي ابوريان مثل بيض الصعو يذ كر ولايشاف كله من ابو وجدان مدد رجليه في المكتب كل من دخل بياله من ترمس مسوات لها شهر ونسخه من مقاله هه
ابن عبيدالله
20-03-2009, 09:59
يعطيك العافيه ابو صالح موضوع شيق و سكره زياده

انا اقترح ان يكون الاسم تلقيمة ابو مفك

يستأهل حبيبنا


في امان الله
إبن لام الدويسي
21-03-2009, 02:04
العزيز الغالي اخوالجميع طلال بن علي ال عبيد الله حس مايطفي تو مازاد غلي الشاهي ومن سويله يوم شرفتنا بمرورك يستاهلون اهل ها البيت من يخد مهم ويصب لهم الشاهي واحد واحد عزالله ماهم ضيقين صد ر خويهم جعلهم يسلمون
عبدالإله الدعفس
21-03-2009, 02:10
العزيز الغالي اخوالجميع طلال بن علي ال عبيد الله حس مايطفي تو مازاد غلي الشاهي ومن سويله يوم شرفتنا بمرورك يستاهلون اهل ها البيت من يخد مهم ويصب لهم الشاهي واحد واحد عزالله ماهم ضيقين صد ر خويهم جعلهم يسلمون

هلا أبن لام الدويسي
مراااااااااااااااااااااااااااااااااااااحب ملايين
أنا معهم أو خارج السرب؟؟
آه لو أني معهم ياحظهم
إبن لام الدويسي
21-03-2009, 02:26
اخوي عبد الإله الدعفس كيف تغرد خارج السرب ما تعرف اني احسن من يصيد با لنباطه معلومه وصلها لأخونا عبد المجيد بعدين انا صفيت في سربكم صرت حتماوي علشانك بلا فيصلي بلا عنابي هه
عبدالإله الدعفس
21-03-2009, 02:29
بعد عمري والله أنت
يالحتمااااااااااااوي
كفو يعمي ابو صالح
مفك
25-03-2009, 09:29
السلام عليكم .. وصبحكم الله بالخير يالله حي هالوجية الطيبة السموحة انا مبطي عنكم هالايام عندنا ماشالله مناسبات بالكويت عندنا عرس البازع يوم الخميس وعندنا حفل عشاء بمناسبة تخرج ولد عمنا الملازم / فهد عبدالرحمن الحادث و الملازم / خالد مذكور الحامض الفضلي من الحرس الوطني (( مو ذاكر اسم الكلية بالضبط )) يعني هالايام مشغول عن المنتدى شوي . اما بخصوص موضوع إبن لام الدويسي .

حنا الشاهي صار عندنا أشهر من شاعر المليون ههههههههه ويابن لام الدويسي مايسوي الشاهي غيرك لا تعذر تقول انكب الشاهي مو مشكلة اذا ما أخطيت ماراح تتعلم لازم تخطي مرة ومرتين وتكب الشاهي مرة ومرتين هههههههههههههههه

وإبن عبيد الله اما سالفة تلقيمة مفك هذي قصتها قصة خليتني اضحك ليش تبيهم يلقموني تراني متزوج وعندي اسرة ههههههههههه اعيل اسرة انا

عبدالإلة الدعفس اذا إبن لام الدويسي هو اللي يزين الشاهي انا موافق اول بيالة لك عشان تكون انت اول ضحية ههههههههه نشوفك اذا سليم وعدت البيالة على خير شربنا حنا وراك ههههههههه

تقبل مروري وتحياتي يالقرم يإبن لام الدويسي والسموحة اذا فيه اخطاء بالطباعة لاني اكتب بسرعة مستعجل ابي امشي ولنا لقاء . السلام عليكم ورحمة الله وبركاته
مفك
25-03-2009, 09:34
السموحة يالربع إبن لام الدويسي عنوان الموضوع شدني .

كاتب ناس مقهورة الله يبعد عنك وعن كل موجود القهر منو هالناس المقهورة :))))

وكاتب بالموضوع في وسط الموضوع (( ولو انقهروا بعض الناس )) قلنا منهم هالناس :)))

<<<<<<<<<<< فضولي ابي اعرف
إبن لام الدويسي
25-03-2009, 02:55
ارحبو لابتي اخوي مفك اشر لي بغترتك غبار ماشفوك ول تسلف عمود من حاتميه مغير توزع من ها العمدان .يكفي ها الموضع شرف انانشوفك عليه بعد تراك زود ت العج بكثر ماطايرك ولا تنسانا من قيمر الكويت .وش التلقيمه اول اخبرك منهي
فهد بن أل طالب
14-04-2009, 09:22
يعطيك العافية على الموضوع
إبن لام الدويسي
16-04-2009, 03:14
العزيز فهد ال طالب وين وش هالسرعه بيالة شاهي ولا فنجال قهوه اسعدي مرورك
فهد بن أل طالب
16-04-2009, 03:23
يا مال العافية
الصقررر
16-04-2009, 01:35
السلام عليكم لابتي الكبير والصغير ...

اكيد انتم عارفين فوائد الشاهي من خلال كتابنا في المنتدى ماقصر الشهابي ماقصر
لكن الشاهي اللي يخدره ابو ريان على عروق حمض من شجر مطربه ولا حطابه ولا روضة السبله علهن السيل غير غير شكل وطعم له خنه تطير في الدماغ ومع كل فنجال له قصه او قصيده
وزد عليه القرم ولد العم مفك على جاله ولو انقهروا بعض الناس وأذا يبست مطربه قهويناه في الفور سيزون على شان ابو وجدان ولد نعمه ماله في البر وغباره يقول عج يخرب غترته المنشاة.
اخوي مفك اما اصلح الشاهي انا كثر منها مره بحط السكر انكب الشاهي وانكبت القهوه وصارت الخيمه عجه
وسلامتك والحاضرين من العج وعين الحسود فيها عود

استمتعت بسواليفك الجميله يابوصالح وبخنة شاهيك اللي تطير في الراس

دمت بود
إبن لام الدويسي
16-04-2009, 02:02
ارحب يا الصقرروتزين السوالف اكثر اذا صار مثلك علي جالها وتسلم روحك الرياضيه انا دخلت موضوع عمر الأخير دروس في الروح الرياضيه