صيا د القلوب

[سالم بن عبيدالله]

صـيـاد الـقـلـوب
-------

سلام الله على الذكرى وتاريخ الهوى المسكيـن
سـلامٍ بيـن طياتـه وفـا وإحسـان ومـروه
تذكـرت المشاويـر الطويلـه والعنـا والبيـن
تعب ومغامرات وشـد نفـس وخـوف وجـروه
بعض لحلام ماينفع بها تفسيـر إبـن سيريـن
بحر وغيـوم وامـواج ونهـارٍ ماصفـى جـوه
يمر الوقت والدنيا بنـا تلعـب علـى الحبليـن
قلـوبٍ ساليـه وقلـوب بـالأهـات ممـلـوه
تحريـت الليالـي تجمـع الغاليـن بالغالـيـن
ولكـن الليالـي حطـت المشـتـاق تلـهـوه
بغيت اهجم هجوم أصحاب إبن لادن على البرجين
لكن الحـب أدب واخـلاق ماتنفـع بـه القـوه
ياصياد القلوب اليوم جيت منيـن وأنـت منيـن
عسفت الهاجس اللي كان فيه عنـاد وعصـوه
دخيل عيونك الحلوه دخيـل رموشـك الصفيـن
دخيـل الصـدر والتفـاح والمبسـم ولـؤلـؤه
تعذبنـي فـدا روحـك تعاتبنـي عتابـك زيـن
تدلل يابعـد قلبـي جميـع اللـي تبـي سـوه
أنا من يـوم خاويتـك تعلمـت أزعـل الثانيـن
عساني مـا أعدمـك ياسيـدي ياطيـب الخـوه
أحس إنك تملكت المشاعر مـن ثـلاث سنيـن
ثـلاث سنيـن مثـل اليـوم الأول الغـلا تـوه
أغار من النسيم العذب لاسلـم علـى الخديـن
أغار من النظر حولك وروحـي فيـك مزهـوه
بنيت الحب سورٍ حول قلبي مثل سـور الصيـن
حكمته طال عمـرك والعدالـه منـك مرجـوه
بقربـك جنـة الدنيـا وانـا ويـاك مرحوميـن
نعيش بحلمنا الوردي ونشرب مـن مطـر نـوه
وفي بعدك يصير السبت عنـدي ليلـة الأثنيـن
أضيع وأرتبـك والهـم يقـدح بالحشـا ضـوه
تضيق الأرض حولي كنها مترين فـي متريـن
وأشوف الكون مقبرةٍ بثـوب الحـزن مكسـوه
سلام الله على الذكرى وتاريخ الهوى المسكيـن
سـلامٍ بيـن طياتـه وفـا وإحسـان ومـروه

[تركي آل طالب]

تسلم ابو دهش على هذه القصيدة الأكثر من رائعة والله يعطيك العافية يالغالي

بغيت اهجم هجوم أصحاب إبن لادن على البرجين
لكن الدين أدب واخـلاق ماتنفـع بـه القـوه

[سالم بن عبيدالله]

يسلموووووووووو اخوي على المرور
تركي آل طالب

[الأصيل]

يسلمووووووووووووو اخوي / ابو دهش على المشاركة

صح لساااااااانك على القصيدة الرائعة

وهل يقصد الشاعر بأنه يصبح مسيحي أو يهودي في هذا البيت

وفي بعدك يصير السبت عنـدي ليلـة الأثنيـن

أضيع وأرتبـك والهـم يقـدح بالحشـا ضـوه

مشكووووووووووووووور

[سالم بن عبيدالله]

صح ابدنك الا صيل يسلمووووووووو على المرور