لذيذ ياسلامه وانتبه يا صالح [الأرشيف] - مجلس قبيلة الفضول التوثيقي الرسمي الأول

إبن لام الدويسي

09-04-2009, 02:17

السلام عليكم ورحمه الله وبركاته

لابتي الحلوين عندي اليوم سالفه وقبل السالفه اقول ان اخونا سلامه
مميز وصالح الدعفس مميز وميزه هذا المنتدى ان كل كاتب و كاتبه فيه له ميزه خاصه به ومن اجل ذلك اذ دخل الضيف فإنه لايمل ابداً وذلك بفضل تشجيع الجميع والتفافهم حول بعض فانه ذلك يساعد الكاتب والكاتبه على الابداع وتطوير قدراته وهذا ايضا ينطبق على مشرفي المنتدى الكرام فكل مشرف ومشرفه له روحه وشخصيته واسلوبه الخاص في التعامل وكلها تصب في قبول الجميع وتوجيههم للتقارب والبعد عن الشالليه التي لاتدخل مكان الا ومزقته وهي بعيده ولله الحمد عن موقعنا بفضل الله ثم تأخي الجميع ومحبتهم.....

المهم نرجع لسالفه اللزيز سلامه دخلت اشارك في حل لغز الرجال الي يمشي ولا يدري عن الخير والشر وطولت وانا داخل لان النت ساعه يفتح وساعه يقطع ولما خرجت لقيت صالح و سلامه واحد يثبت وواحد يشوت ويقلون ابن لام نام وهو يفكر عاد لزم ارد وعلمهم وش السالفه لايقولون وش هالغبي
كتبت لهم :

اخوي صالح يابعد حيي يامرحبا كذا تخلي ابناخيك في حاره ابوعنتر ضايع بين نت يقطع وسلا مه جالس مع براد الشاهي وجو حلو سلامه كاس مالك لوا شمال مالك لوا افزع هه لمح شي ....
اللزيز هو رد اخونا سلامه والذي اعطي القدره العجيبه على تحويل الردود
لمسار مفيد وظريف ولذلك احرص على دخول لغزه حتى استفيد من طريقت رده وادارته للحوار اليكم رد سلامه:

هههههههههههههههههههههههههههه

تخيل انك في حاره ماتعرف وجو ناس وظربوك ويش تسوي

وتخيل جا صالح وفزع معك وانت انحشت وانظرب صالح

كيف يصير الموقف هع ؟

تبيني اوضح طايب ....
** سؤال هل الهروب ذكاء وإلانذاله والشجاع الي مايموت وشرايكم ؟؟

شاعره الفضول

09-04-2009, 06:31

تسلم يابو صالح على الكلام اللزيز
وانا احس ان الهروب ذكاء

عبير الورد | ~

09-04-2009, 07:30

سؤال هل الهروب ذكاء وإلانذاله والشجاع الي مايموت وشرايكم ؟؟

الهورب نصف المرجله

إبن لام الدويسي

09-04-2009, 11:34

شاعره وعبير سرني هذا العبور المميز ورأيكم سديد والإختلاف لايفسد للود قضيه حنا في زمن اضرب واهرب هه

هيبة الصيت

10-04-2009, 12:38

لا والله على قولت ابوي الله يطول بـ عمره

تعال ضارب ولا تجي مضروب

وانا رايي من راي ابيي

:biggrin:

إبن لام الدويسي

10-04-2009, 12:50

لابتي هيبه الصيت اولا سلم علي الوالد واضح رايك من اسمك قول وفعل وجهه نظر ويمكن نسمع اكثرمن راي صح تابع وياما تشوف ناس تحب الكرفت وناس تحب المراعي

عمر المسعر

10-04-2009, 02:04

** سؤال هل الهروب ذكاء وإلانذاله والشجاع الي مايموت وشرايكم ؟؟

الحرب كر وفر يا أبن لام الدويسي ههههههههههه

بيض الله وجهك على هذا الموضوع الرهيب

إبن لام الدويسي

10-04-2009, 07:08

ارحب ياعمروبيض الله وجهك علي المرور والموضوع وما فيه سلامه وصالح الدعفس والكر فكره والفركه فكره دبلوماسيه خاصه اذا الدعوا فيها دبغ علي قولت سلامه

نواف القويماني

10-04-2009, 12:52

بيض الله وجهك على الموضوع الحلو وماعندي رده

إبن لام الدويسي

10-04-2009, 11:23

الغالي نواف يكفي مرورك الذي اسعد ني واكيد ماعندك رد لإنك انت من استلم صالح وخويه هه

الصقررر

11-04-2009, 01:44

السلام عليكم ورحمه الله وبركاته

لابتي الحلوين عندي اليوم سالفه وقبل السالفه اقول ان اخونا سلامه
مميز وصالح الدعفس مميز وميزه هذا المنتدى ان كل كاتب و كاتبه فيه له ميزه خاصه به ومن اجل ذلك اذ دخل الضيف فإنه لايمل ابداً وذلك بفضل تشجيع الجميع والتفافهم حول بعض فانه ذلك يساعد الكاتب والكاتبه على الابداع وتطوير قدراته وهذا ايضا ينطبق على مشرفي المنتدى الكرام فكل مشرف ومشرفه له روحه وشخصيته واسلوبه الخاص في التعامل وكلها تصب في قبول الجميع وتوجيههم للتقارب والبعد عن الشالليه التي لاتدخل مكان الا ومزقته وهي بعيده ولله الحمد عن موقعنا بفضل الله ثم تأخي الجميع ومحبتهم.....

المهم نرجع لسالفه اللزيز سلامه دخلت اشارك في حل لغز الرجال الي يمشي ولا يدري عن الخير والشر وطولت وانا داخل لان النت ساعه يفتح وساعه يقطع ولما خرجت لقيت صالح و سلامه واحد يثبت وواحد يشوت ويقلون ابن لام نام وهو يفكر عاد لزم ارد وعلمهم وش السالفه لايقولون وش هالغبي
كتبت لهم :

اخوي صالح يابعد حيي يامرحبا كذا تخلي ابناخيك في حاره ابوعنتر ضايع بين نت يقطع وسلا مه جالس مع براد الشاهي وجو حلو سلامه كاس مالك لوا شمال مالك لوا افزع هه لمح شي ....
اللزيز هو رد اخونا سلامه والذي اعطي القدره العجيبه على تحويل الردود
لمسار مفيد وظريف ولذلك احرص على دخول لغزه حتى استفيد من طريقت رده وادارته للحوار اليكم رد سلامه:

هههههههههههههههههههههههههههه

تخيل انك في حاره ماتعرف وجو ناس وظربوك ويش تسوي

وتخيل جا صالح وفزع معك وانت انحشت وانظرب صالح

كيف يصير الموقف هع ؟

تبيني اوضح طايب ....
** سؤال هل الهروب ذكاء وإلانذاله والشجاع الي مايموت وشرايكم ؟؟

وعليكم السلام ورحمة الله وبركاته

اخي وابن عمي ابوصالح اشكرك جزيل الشكر على رحابت صدرك وبساطتك

كذلك اشكر ابن العم عمرالمسعر على رحابة صدره وبساطته , بالرغم انكم

حديث التسجيل في المنتدى الا انكم قدرتو تدخلون قلوب الاخرين بدون مقدمات

ولا مؤخرات , نتيجة بساطتكم وعدم التكلف ورمي الرسميات على جنب

وهذا يتضح جليا من خلال ردودكم ومشاركاتكم واللي جميعنا يفتقدها الا

في اضيق الامور , ياليتنا جميعا نحذو حذوكم ونبتعد عن الرسميات والتكلفه

في الردود , اللي حقيقي تبعدنا عن بعض ماتقربنا وتصيب الاكثريه منا بالملل

وخصوصا ونحن في منتدى يجمع ابناء العمومه , بمعنى مامن غريب

والاصل في مشاركتنا هي جمعتنا وتعرفنا على بعض والاطمئنان على بعضنا

البعض , اتمنى من الجميع ان يبتعد عن الرسميات المعمول بها في منتديات

الاخرى , نحن هنا نختلف نبي امورنا تكون بساط احمدي بدون تكلفه .

رجعه لمشاركتك يابوصالح

سؤال هل الهروب ذكاء وإلانذاله والشجاع الي مايموت وشرايكم

بعض المواقف الهروب منها يعتبر شجاعه وذكاء , اذا تيقنت ان خصمك

اقوى منك واذكى منك .

ابوصالح

تقبل فائق احترامي وتقديري

الصقررر

إبن لام الدويسي

11-04-2009, 02:37

السلا م عليكم لابتي أخوي الصقررر نعم صرحت انت بما افكربه اشكرك واشكر كل من دخلت موضوعه وقابلني بوجه طليق وابتسامه صادقه وكلهم كذ لك لا استثني احد ابناء عم اخوه في الله لخصت ياصقر أشياء كثيره احبها بردك هرا

إبن لام الدويسي

11-04-2009, 02:52

اخوي الصقررر انت لك جنحان تقررر وتطير لكن فيه ناس تند بغ بعدين تقرر دب هه مايمديه يهرب اوتهرب . شكرا علي مد اخلتك وبس

شيهانةالفضول

11-04-2009, 03:01

ههههههههههههه

بالنسبالي الهروب قمة النذاله ...

الله يعطيكم العافيه ...

إبن لام الدويسي

11-04-2009, 03:30

الأخت شيهانه شكرا علي المشاركه رأي واضح صريح يعني شخصيه تعرف ماتريد وتتحمل مسؤليه قرارها ولو قطع اصبعها ارجو الا تغش هذه الإجابه حاتميه

صالح الدعفس

12-04-2009, 01:04

هــــــــلا والله ياعم يا لابتي والله ما اخليكــ لوتنطبق السماء علي الارض افا عليك بس

آنت آآآآآمر ونجي لكــ نطآآآآمر ...

انا انضرب لعيونكـــ وحطني علي يمناكــ بس افككـــ من سلامة ..

ههههه

مدخل

عيبآ علي الرجل ينثني عقب مابأن .. عند الولي وصل الحبل ونقطاعة

اما تجي بعقود حص ومرجان ... ولا فهي لبليس طار بشعاعة ..

الهروب ذكاء علي قولت عمي الصقر اذا كان خصمكــ مراوغ واذكي منكـــ ؟؟

نعم الشجاع اللي مايموت وموتة بطيئة هههه >>>>> صرنا بفلم هندي ؟؟

ههههههههههه

اكتفي بهذا القدر عموو ,,, والله يعطيك العافية وسعت صدورنا بها الموضوع الرهيب ..

واعذرني توني اشوفة والله ...,

تقبل فائق احترامي وتقديي للجميع ..

إبن لام الدويسي

12-04-2009, 02:05

ارحبو لابتي انتم لها ومن حضر ما تأخر وسلامه ماخذ حذره وتحالف مع عمر ال مسعر يقول ياويلك يا لي تعادينا ومن طرف ابليس لعنه الله صحيح شاد حيله وربعه واجد لكن يخسي ماله الا سبع أحصي علي راسه . شكرا علي مداخلتك

سلامه العايد

12-04-2009, 10:22

هههههههههههههههههههههههههههههه

هلا والله بالعزوهـ انا اول ماشفت الموضوع قلت امسكوا الذبيحه

وذبحوها وكلوها ههههههههههههههه .. شوف بالنسبه على هذي

السالفه ابشر بسعدك

راح اوضح لك كل شي يابعد حيي وياملي انت صح ؟

بخصوص الهروب فهي نص الشجاعه اما اللي يجلس ويتلطخ

على قفاهفهو شجاع وجبان لأنه يقولون من الخوف ماقدر

ينحاش يعني يهرب فهمت واما اللي يجلس ويظربهم في حارتهم

فهو شجاع وبطل وقوي بلا منازع

ويش رايك ويقولون مثل هذي المواقف الحرب خدعه يعني ياعليك

ولا عليهم

ولا المثل يقول علي وعلى اعدائي يعني على اللي معك واللي عليك

وسامحنا على الاطاله وسلمت يمناك على الموضوع الطيب ..

واتمنى ان ينقل

الموضوع إلى مكانه المناسب وهو مجلس المناقشات

دمت بحفظ الله

حاتميه

12-04-2009, 11:26

الأخت شيهانه شكرا علي المشاركه رأي واضح صريح يعني شخصيه تعرف ماتريد وتتحمل مسؤليه قرارها ولو قطع اصبعها ارجو الا تغش هذه الإجابه حاتميه

اصلن هذا رايي فعلاً من يقولك بغشها http://dc01.arabsh.com/i/00067/rmu9o8dbnk66.gif (http://arabsh.com/)

بس عاد مو على قطع اصبع .. اصابعي غاليه ياخوي :confused:

انا مع اخواني في اراءهم

الظروف تحكم والدعوى يبيلها ذكااء

والله سبحانه يقول " { ولا تلقوا بأيديكم إلى التهلكة }

اشكركـ ابن لام ع الطرح الرااائع

وفعلا مثل ما قال سلوم الموضوع للمناقشه انسب

وينكـ عنا.. شدعوه ؟ هذا وحنا مثبتين لكـ سهمين :biggrin:

إبن لام الدويسي

14-04-2009, 12:16

سلامه: شكرا عالمرور شف ياتصير شجاع وتندبغ والا جبان وتسلم واما قولت يمكن مايمكن فهذي توهيقه للي يرد بعدك وحنا مع معازيبنا وين يحطونا نقول تم اهم شي يقهونا XD

حاتميه : سلامة اصابعك ومن ناحية الذكاء مايحتاج سمعت انك اذا سمعتي المهاوش في اقصى حارتكم طلعتي من زود الشجاعه تفدينهم Pp;

ومادام تشوفون انه ينقل ابركها من ساعه. شوركم وهداية الله ..

حاتميه

14-04-2009, 12:23

نقلناه

حط النزاله http://dc01.arabsh.com/i/00067/rmu9o8dbnk66.gif (http://arabsh.com/)

إبن لام الدويسي

14-04-2009, 03:01

تستاهلون ويستاهل مجلسكم مكينه خياطه وساعه لندنيه وغساله المانيه والخروف من سلامه لأنه صاحب فكره المقال والماء يجيبه حبيب ابوصالح أكيد عارفينه

عبدالله السالم

14-04-2009, 06:01

من خلال التجربة

اذا شفت ان الامور بجي ضدك

ارضخ لك اول 3 قدامك قبل يطلعون لك 10 ورا ظهرك

بعدين اتكل على الله و حط رجلك

على الاقل دبغت لك كم واحد

ومن هنا تكون انت شجاع وذكي بنفس الوقت

وخير الامور اوسطها شوي من كذا وشوي من كذا

حاتميه

14-04-2009, 03:56

تستاهلون ويستاهل مجلسكم مكينه خياطه وساعه لندنيه وغساله المانيه والخروف من سلامه لأنه صاحب فكره المقال

باقي التانكي وراك نسيته :13_f:

والماء يجيبه حبيب ابوصالح أكيد عارفينه
احباب ابو صالح نعرفهم اثنين مفك وابو وجدان واحد في البطين الايمن والثاني في البطين الايسر
بس الظاهر مناب محصلين الماء منكم بتخلونه لشاهيكم اللي ما بعد جهز :biggrin:

إبن لام الدويسي

14-04-2009, 05:38

العزيز عبد الله السالم : شكرا لمرورك رأيك حكيم وسديد وجديد ياحكيم وكثير اللي بيستفيدون منه

حاتميه : في اشاعه تقول انك ذكيه المويه اللي بيجيبونها الربع لازم تنحط في تانكي اخونا صالح الله يحفظه وين ماكان

خالد الكثيري

14-04-2009, 06:08

ابن لام الغالي
والله مانحاش حتي لو فيها نهايتي
انحاش
وانا
ربعـــي سلايل طـــــــــــــــي ربعـــــــي
بنــــــــي لام

تسلم يالغالي

إبن لام الدويسي

14-04-2009, 06:28

السلام عليكم لابتي اولاد لام الشجعان فضول ومغيره وكثران كفو ياخالد اعصابت راسي كثيري مخلات فعوله كفو وجدنا العود قحطان البر والبحر يشهد وقايع ماهي هروج بالفاضي ولمليان .شاش راسي من ردك ارحب

هيبة الصيت

15-04-2009, 09:52

لابتي هيبه الصيت اولا سلم علي الوالد واضح رايك من اسمك قول وفعل وجهه نظر ويمكن نسمع اكثرمن راي صح تابع وياما تشوف ناس تحب الكرفت وناس تحب المراعي

الله يسلمك ياولد العم

ماعليك زود
لاهان راس من جابك

تراي مره يالنشمي
:happy77:
و والله انك صادز و كل و له وجهة نظر الله لا يهينك

:)

إبن لام الدويسي

15-04-2009, 10:14

وعليكم السلام اخت رجال بنت العم هيبه الصيت هه أقول الله من مرأه عن الف رجال انتي تد محين الزله اخاف من ناس يدورون الحق غديهم ماشافو شي شكرا للتوضيح

هيبة الصيت

15-04-2009, 10:25

ماعليك زود يالنشمي

لا عدمناك