الصقررر
19-04-2009, 02:56
سبحان من يرزق بتوع الملاييـن
الرازق اللي ما يخيب الرجـا بـه
لي عم عنده معـرض للصواليـن
أموت وأعرف بس من وين جابـه
واذا سألته قـال بعـت الدكاكيـن
مايدري اني ما هضمـت الإجابـه
الشاهد اني رحت له قبـل يوميـن
في قصره العامـر ودقيـت بابـه
قال أرحب أرحب عدد ورد البساتين
يا مرحبا باللـي لفـا يـا هلابـه
قلت البقا عـد النفـل والرياحيـن
يا شيخ شمل أهل الكرم والذرابـه
قال أسلم الله يحفظك لي من العيـن
وآمر أوامـر حضرتـك مستجابـه
قلت الصراحه طالب قـرب غاليـن
ودي تزوجنـي كريمتـك يـابـه
ثنى وقـال أهليـن والله وسهليـن
والكون ترخص لجل عينك رقابـه
لكن ترى عندي شـروط وقوانيـن
قلت اشرط اشرط يا حبيب الغلابـه
قال أولا مهـر العروسـه ثمانيـن
غير الرسوم وغير حـق العصابـه
والثانيه عمك يبـي منـك سبعيـن
رسم الأبـوه والنسـب والقرابـه
وأم العروسه حقهـا منـك ستيـن
عشانها سـت الحسـن والمهابـه
وإخوانها كلن يبي منـك خمسيـن
عدا ونقـدا تنـدرج فـي حسابـه
وخواتها الخمس عطهن من ثلاثين
عشان تتوثـق عـروق النسابـه
وتجيب طقم عيار واحد وعشريـن
وخاتم من الماس المصفـى ترابـه
واكياس متروسه كعوب وفساتيـن
ألوانهـا وأشكالهـا مـا تشـابـه
وموتر بسواقـه وفيـلا بدوريـن
أثاثها مـن بطرتـه ينحكـى بـه
واحجز لنا قاعه بقصر السلاطيـن
واحجـز بهـا رقاصتيـن وربابـه
هذي الشروط اللي على بالي الحين
وذكرني اللي مـا حسبنـا حسابـه
قلت أذكر الله يا عـدو المساكيـن
واستغفـره لا يبتلـيـك بعـذابـه
الظاهر انك منت عارف انـا ميـن
انا لو أرقى فـوق متـن السحابـه
ما جبت حتى نص درزن مواعيـن
واضحك بكيفك واعتبرهـا دعابـه
شروطكم هذي شـروط المجانيـن
شروطكم شغـل ابتـزاز ونهابـه
شروطكم تقصم ظهـور البعاريـن
شروطكـم همـن وغـم وكـآبـه
شروطكم والله سيـوف وسكاكيـن
تذبح بنات المجتمـع مـع شبابـه
وين الرضا والعطف واليسر واللين
اللـي ذكرهـا الله بمحكـم كتابـه
وين الصفات اللي أمرنا بها الديـن
وين اختفى نهج النبي والصحابـه
يا عم جعل اللي خلقنا مـن الطيـن
يرد عقلـك مـن خطـاه لصوابـه
ويجعل نصيبي عند غيرك قل آمين
ويحسن عزا الصابر ويجزل ثوابه
قال انت لو فكرت تفكيـر صاحيـن
ما شفت في مجمل شروطي غرابه
حنا بعصـر العولمـه والمزاييـن
ما هوب عصر الفلسفه والخطابـه
الناس تسعـى للرتـب والنياشيـن
وانت اهتمامك بالشعـر والكتابـه
والشعر ما ينفعك لو هـو دواويـن
ما دام جيبك مثـل بيـت الخرابـه
يابوك لا تسمع كـلام المصاخيـن
واسأل مجرب عاش في وسط غابه
قلت الله اكبر يا محـرر فلسطيـن
من يسمعك يحسبك ذيـب الذيابـه
تراك شايـب راس مالـك رياليـن
والبنت ما تسـوى جنـاح ذبابـه
قال انقلع مالت على وجهك الشيـن
لاعـاد أشوفـك عندنـا يالزلابـه
قلت ابشر ابشر لكن الباب من وين
واقفيت من عنده على صوت بابـه
مما راق لي
الصقررر
الرازق اللي ما يخيب الرجـا بـه
لي عم عنده معـرض للصواليـن
أموت وأعرف بس من وين جابـه
واذا سألته قـال بعـت الدكاكيـن
مايدري اني ما هضمـت الإجابـه
الشاهد اني رحت له قبـل يوميـن
في قصره العامـر ودقيـت بابـه
قال أرحب أرحب عدد ورد البساتين
يا مرحبا باللـي لفـا يـا هلابـه
قلت البقا عـد النفـل والرياحيـن
يا شيخ شمل أهل الكرم والذرابـه
قال أسلم الله يحفظك لي من العيـن
وآمر أوامـر حضرتـك مستجابـه
قلت الصراحه طالب قـرب غاليـن
ودي تزوجنـي كريمتـك يـابـه
ثنى وقـال أهليـن والله وسهليـن
والكون ترخص لجل عينك رقابـه
لكن ترى عندي شـروط وقوانيـن
قلت اشرط اشرط يا حبيب الغلابـه
قال أولا مهـر العروسـه ثمانيـن
غير الرسوم وغير حـق العصابـه
والثانيه عمك يبـي منـك سبعيـن
رسم الأبـوه والنسـب والقرابـه
وأم العروسه حقهـا منـك ستيـن
عشانها سـت الحسـن والمهابـه
وإخوانها كلن يبي منـك خمسيـن
عدا ونقـدا تنـدرج فـي حسابـه
وخواتها الخمس عطهن من ثلاثين
عشان تتوثـق عـروق النسابـه
وتجيب طقم عيار واحد وعشريـن
وخاتم من الماس المصفـى ترابـه
واكياس متروسه كعوب وفساتيـن
ألوانهـا وأشكالهـا مـا تشـابـه
وموتر بسواقـه وفيـلا بدوريـن
أثاثها مـن بطرتـه ينحكـى بـه
واحجز لنا قاعه بقصر السلاطيـن
واحجـز بهـا رقاصتيـن وربابـه
هذي الشروط اللي على بالي الحين
وذكرني اللي مـا حسبنـا حسابـه
قلت أذكر الله يا عـدو المساكيـن
واستغفـره لا يبتلـيـك بعـذابـه
الظاهر انك منت عارف انـا ميـن
انا لو أرقى فـوق متـن السحابـه
ما جبت حتى نص درزن مواعيـن
واضحك بكيفك واعتبرهـا دعابـه
شروطكم هذي شـروط المجانيـن
شروطكم شغـل ابتـزاز ونهابـه
شروطكم تقصم ظهـور البعاريـن
شروطكـم همـن وغـم وكـآبـه
شروطكم والله سيـوف وسكاكيـن
تذبح بنات المجتمـع مـع شبابـه
وين الرضا والعطف واليسر واللين
اللـي ذكرهـا الله بمحكـم كتابـه
وين الصفات اللي أمرنا بها الديـن
وين اختفى نهج النبي والصحابـه
يا عم جعل اللي خلقنا مـن الطيـن
يرد عقلـك مـن خطـاه لصوابـه
ويجعل نصيبي عند غيرك قل آمين
ويحسن عزا الصابر ويجزل ثوابه
قال انت لو فكرت تفكيـر صاحيـن
ما شفت في مجمل شروطي غرابه
حنا بعصـر العولمـه والمزاييـن
ما هوب عصر الفلسفه والخطابـه
الناس تسعـى للرتـب والنياشيـن
وانت اهتمامك بالشعـر والكتابـه
والشعر ما ينفعك لو هـو دواويـن
ما دام جيبك مثـل بيـت الخرابـه
يابوك لا تسمع كـلام المصاخيـن
واسأل مجرب عاش في وسط غابه
قلت الله اكبر يا محـرر فلسطيـن
من يسمعك يحسبك ذيـب الذيابـه
تراك شايـب راس مالـك رياليـن
والبنت ما تسـوى جنـاح ذبابـه
قال انقلع مالت على وجهك الشيـن
لاعـاد أشوفـك عندنـا يالزلابـه
قلت ابشر ابشر لكن الباب من وين
واقفيت من عنده على صوت بابـه
مما راق لي
الصقررر