المساعد الشخصي الرقمي

مشاهدة النسخة كاملة : دوار الشمس.عباد الشمس ..انا نصراوي .. انا هلالي

إبن لام الدويسي
19-04-2009, 10:33
بسم الله الرحمن الرحيم





الخطاب موجه للاخ العزيز وابن العم الصقر وإلى العم عبدالله السالم:

هل نقول لجماهير النصر انتم رفعتم وسميتو انفسكم واصبحتوا اتباع الشمس اقول "لا" لكن التعسف ولي الكلام يدخلنا في المراء المحرم

فاحذروا واحذروا: مثل هذه العبارات وكم كلمه هوت بصاحبها في النهار

وهو لايعلم ولاتحكم على" فهمك ونيتك" فنحن في منتدى عام ربما يلقى احدهم كلمه خارجه عن الذوق اوالدين ويكون المقال!i

ولو كان رائع هو السبب فتحمل اثمه.

هل نبعد عن المراء؟! ولو على حساب الاثاره والمزح وافحام الخصم !!

وكلامي كل حرف منه" للجميع" لكني وجهته للصقر لاني احبه وتعجبني مقالاته ومدا اخلاقه....

...ودمتم بود...
ابو وجدان
19-04-2009, 10:40
شكرا اخي الكريم ابن لام

على هذه الكلما الجميلة

انت صادق في ما قلته

حنا اعضاء منتدى واحد

ودين واحد وبلد واحد

كلنا نصراويون وهلاليون واهلاويون

واتحاديون واتفاقيون وكلنا سعوديون.
الدويسي الفضلي
20-04-2009, 12:12
صح لسانك ياولد العم كلمات تسطر من ذهب

لاهنت يالغالي على الموضوع الي جاء في وقته
الصقررر
20-04-2009, 02:52
لكني وجهته للصقر لاني احبه وتعجبني مقالاته ومدا اخلاقه....

شهاده اعتز بها من شخصك الكريم يابوصالح

انا ابقول لك يابوصالح مدام انك قصدتني شخصيا , والله ياولد العم اني حريص كل

الحرص على جلب مشاركات نافعه وذات فائده عظيمه , كذلك حريص كل الحرص

على جمعت عيال العم واحاول جاهدا ان اكون سبب من الاسباب في لمتهم وجمعتهم

وليس لي طيب في ذلك بل واجبنا جميعا , وازود عليها علقت مشاركاتي في منتديات

اخرى كرمال لعيون عيال العم ولمنتدانا الحبيب , مع العلم اني نائب مدير في منتدى

ويتطلب وجودي بإستمرار , ومنتدى اخر مشرف عام , واخر مشرف في احد الاقسام

وجميعها توقفت عنها لعيونكم جميعا , وقلت بيني وبين نفسي والله ان الاولى بمجهوداتي

ومشاركاتي منتدانا الحبيب وليس منتدى الغرباء , البعض متضايق من وجودي

بسبة اختلاف في وجهات النظر , ومع ذلك متحمل كرمال للجميع

نأتي لمضمون مشاركتك

اتكلم عن نفسي عمري ماجبت مشاركه في القسم الرياضي بالذات تخدش في الدين

او تكون سبب في تحملي مواثيم او انها خارجه عن المؤلوف , مشاركاتي عاديه واقل من عاديه

تعبر عن وجهة نظر لااكثر ولا اقل , عيال العم الله يعطيهم العافيه حساسين بزياده ولا يتقبلون

النقد والبعض منهم لايتقبل المزح مو ذنبي انا انا لم اخطىء في حقهم , قول لي وش تبيني اسوي ؟

تريدني معد اشارك في القسم الرياضي ماعندي مانع , تريدني اطلع من المنتدى برضه ماعندي مانع

وش اللي تراه يابوصالح وابشر به .

دمت بود
عبدالله السالم
20-04-2009, 03:46
الخطاب موجه للاخ العزيز وابن العم الصقر وإلى العم عبدالله السالم

http://www.up.rabe7.com/get-3-2009-rabe7_com_tk5f6u5o.jpg
الدويسي الفضلي
20-04-2009, 05:18
البعض متضايق من وجودي

بسبة اختلاف في وجهات النظر , ومع ذلك متحمل كرمال للجميع




افا عليك يالصقررر لاتصير حساس الى هذي الدرجة قسم بالله ضيقت صدري بكلامك:37_f:

اذا فيه نقد فهو نقد من اخوانك وعيال عمك خذ الي يعجبك والي ما يعجبك خله ورى ظهرك ولا تهتم وصدقني لو اني مشرف في المنتدى كان اكثر مشاركاتك مثبته لأنها في وجهت نظري متميزة وماهو قصور بباقي الأخوان


ودايم أقول أن الأختلاف في وجهات النظر لا يفسد للود قضية

دمت بحفظ الله ورعايته
الصقررر
20-04-2009, 02:49
افا عليك يالصقررر لاتصير حساس الى هذي الدرجة قسم بالله ضيقت صدري بكلامك:37_f:

اذا فيه نقد فهو نقد من اخوانك وعيال عمك خذ الي يعجبك والي ما يعجبك خله ورى ظهرك ولا تهتم وصدقني لو اني مشرف في المنتدى كان اكثر مشاركاتك مثبته لأنها في وجهت نظري متميزة وماهو قصور بباقي الأخوان


ودايم أقول أن الأختلاف في وجهات النظر لا يفسد للود قضية

دمت بحفظ الله ورعايته

لاتصير حساس الى هذي الدرجة

انا شمالي ياولد العم لابعد مايتصوره الجميع , ومن الصعب جدا هز كياني

الا في حاله واحد الغلط المتعمد تجاهي بغير وجه حق هنا ستتغير الامور .

قسم بالله ضيقت صدري بكلامك

لايضيق صدرك ياولد العم , بس يمكن انك ماعرفتني زين

انا انسان صريح مااعرف اجامل احد وهذا قدري

ولعلمك يابوصالح انا خسرت ناس كثرنتيجة عدم مجاملتي لهم

اذا فيه نقد فهو نقد من اخوانك وعيال عمك خذ الي يعجبك والي ما يعجبك خله ورى ظهرك ولا تهتم

اقبل النقد من الجميع بأريحيه تامه واضيف عليها اتمنى من ايت واحد من عيال

العم يجي وينتقدني ويقول تعال يالصقر انت فيك كذا وكذا وعيوبك كذا ووووو الى

اخره , صدقني يابوصالح وليس مجامله لو احد انتقدني بأمور صحيحه ولم

يجاملني , والله انها تثلج صدري وسيكبر في نظري لانه عرفني بأخطائي

وهذا من زود محبته لي ولم يجاملني .

وياريت عيال العم يقبلون النقد والاختلاف في وجهات النظر زي مااقبلها

وصدقني لو اني مشرف في المنتدى كان اكثر مشاركاتك مثبته لأنها في وجهت نظري متميزة

تسلم , لعلمك انا ماجيب مشاركات كان هدفي تثبيتها , او يثنا علي , هذي

مرحله انا قد تجاوزتها من زمان واكبر منها ولا تهمني , هدفي الاسمى من

مشاركتي الفائده للجميع ومشاركة عيال العم .

دمت بود
إبن لام الدويسي
20-04-2009, 02:50
لغالي ابوجدان شكرا على مرورك الكبير الذي وجه المقال الى الهدف مباشره كما يفعل الكبار دائما سلمت
إبن لام الدويسي
20-04-2009, 02:57
ولد العم سرني مرورك . تراني اصلح انا وابو كاسر بس اطلعو منها يا اصحاب الريات الزرق الوعد يوم الاحد نشوف وش تسون في السنتره هههههههه
إبن لام الدويسي
20-04-2009, 03:15
عزيزي ابوكاسر مره انا قلت عطني اذنك والان اقول عطن راسك محشوم وصقرنا مانشويه نغليه وانا ممكن ارسلك رساله خاصه لاكن حبيت الناس تشوف فن المحاوره وتعرف وجهت نظرك وانا خايف من متحمس زياده تثيره بعض الكلمات ثم يحوس
إبن لام الدويسي
20-04-2009, 03:31
العزيز عبدالله ال سالم بسم الله عليه مشاء الله وش ها الزين طالع على اخواله نصراوي اشوفه يزاعق يمكن حاتميه قابصته احلى احلى مرور واحلى واحلى رد نائبنا المرتب
عبدالله السالم
20-04-2009, 04:03
العزيز عبدالله ال سالم بسم الله عليه مشاء الله وش ها الزين طالع على اخواله نصراوي

في النصر ماعندنا الا الزين على قولهم الزين عندنا والشين حوالينا


اشوفه يزاعق يمكن حاتميه قابصته احلى احلى مرور واحلى واحلى رد نائبنا المرتب

بصراحه ماستغرب اي شي يجي منهم الفريق الاخر حتى البزارين مايسلمون منهم



بس اخترت الصوره بدون اي تعليق لان ماقدر ارد عليك ياعم بو صالح والعم بو وجدان

وقلت الصورة تكفــي لاني حسيت انكم تميلون للهلال

تقبل وافر الاحترام والتقدير,,,