المساعد الشخصي الرقمي

مشاهدة النسخة كاملة : فلانه ماتربت !! ... موضوع ينتظر ارائكم

السنافيّه
24-04-2009, 11:51
السلام عليكم ورحمة الله


شخباركم :smile:

حياكم الله قلطوا والعشا في الطريق

ودي اناقشكم بموضوع

سالفه حصلت مع صديقتي

صديقتي الله يسلمكم ابتليت بزوج واهل زوج بين قوسين " اعوذ بالله "

يتكلمون في اخلاقها ولبسها مع انها وانا اشهد لها انها قمة الاحتشام

يعني ماتلبس شي فاضح !!

لبس البنات العادي ... بس هم يحبون يتمشكلون معها

المهم زوجها واهله من الناس اللي الله يعافينا يارب من النوعيه اللي يتكلمون في اعراض الناس بلا مبالاه

والفاظ نابيه اترفع عن كتابتها

تعرفون الالفاظ السوقيه اللي تنقال بالشوارع مايحتاج :smile:

يعني اذا البنت مو عاجبتهم اووو هذي صايعه ماتربت

< خير !!

وفوق هذا مع الأسف والطامه الكبرى انه اهل زوجها يدعون الالتزام

وكل ماقالت كلمه قاموا يدعون عليها

وكبرت المشاكل وطلعوا عليها كلام ماهو طيب

المهم

انا قلت لها يابنت مالك الا الدعا ادعي عليهم وانه ربي ياخذ حقك منهم

ويبتليهم في بناتهم

انا كثر شي يقهرني اللي يقول فلانه صايعه ..فلانه ماتربت !!!

انت تعرفها ولا عشت معها عشان تتكلم عليها !!

ماتخاف على بناتك وخواتك يجي يوم الناس يتكلمون في اخلاقهم !!

سؤالي للجميع


وش رايكم في الناس اللي يتكلمون في بنات خلق الله

لمجرد انه البنت هذي مو عاجبتهم ولاخشت مزاجهم ؟؟


خشة عرضيه :smile:

رساله توجهونها للرجال اللي يمشيهم كلام الحريم

ويدخلون انفسهم بسوالف الحريم ؟؟

زوجتك متهاوشه مع بنت خالتك مثلا

بتجي تفزع لزوجتك ؟ < ترا فيه رجال يسوونها :biggrin:

رساله توجهونها للرجال اللي على شاكلة هؤلاء < متعوب عليها :biggrin:

لانه فعلا فيه عندنا نماذج من هالنوعيه في مجتمعنا

اعذورني على ركاكة الاسلوب

ولكن يكفيني الكلام يوصل من مخي لمخكم

ومن مخكم لمخ القارئ و المتلقي < يازيني ساكته صح :biggrin:





.
صالح الدعفس
25-04-2009, 12:49
هلا سنافية موضوع خطيررررر يبغالة تربع وجلسة علي مركا وكأسة شاهي مخدر من مفكــ ؟؟


هههههه


تسلم يدينكــ ولي عودة بأذن الله ..
السنافيّه
25-04-2009, 02:46
هلا صالح

الموضوع ينتظرك انت وشاهيك
شيهانةالفضول
25-04-2009, 03:10
تحصل وحاصله وللاسف في مجتمعاتنااا...

ورايي فيهم انهم حثالة المجتمعات ... والمخافه من الله والظلم ظلمات .... والايام دول ..

شكرا السنافيه ... ننتظر البقيه ... ودى اشوف آراء الجميع ...
السنافيّه
25-04-2009, 03:16
هلا شيهانه

صدقتي ياكثرهم ... محد سالم من لسانهم

العفو شيهانه

جا في بالي بيت بس مدري يناسب موضوعنا ولا لا

الزبده ابي اكتبه :smile:

لسانك لا تذكر به عورة امرىءٍ *** فكلك عورات و للناس ألسن
شيهانةالفضول
25-04-2009, 03:22
صح السانج .. جاي على الوتر الحساس

وقال رسول الله صلى الله عليه وسلم .. لا تعيب اخيك يرحمه الله ويبتليك

وهناك الكثير من الاقوال المأثوره عن الرسول والسلف الصالح
ذبحني حب الفضلي
30-04-2009, 12:49
اللي يدعس خشمه بين النسوان مو رجال
والرجل الصدق يعف نفسه عن النسوان والعلوم الردية
عسى زوجتي وبنت خالتي يتذابحون قدامي اوصخ نفسي بينهم ليش<<<عايشة الدوور هاهاها
للحريم سوالفهم ومشاكلهن وللرجاجيل مواقفهم وعلومهم الزينه
عموما سالفة صاحبتج هذي ياما مرت علينا كثير
قولي لها اني اقووولها تمشي سيدة وتصير اذن من طين واذن من عجين وتطنش ولا تلاسن وان كان لها حق فالله ما ينسى وان كانو يغلطون عليها لا تراددهم الا تقول حسبي الله ونعم الوكيل ترا ربك يمهل ولا يهمل
اهم شي رجالها تداريه وتخليه يا دهينه لا تنكتين

وتسكت وتطنش ولا تلقي لهم بال وان شخطو فيها تخليهم كنهم يكلمون الطوفة ولا ترد عليهم ترا مصيرهم بيملون ويسكتون
ويا ريت ما تدخل زوجها بهالامور السخيفة


طولت مو ؟
أخصائي مختبر
30-04-2009, 03:00
وعليكم السلام ورحمة الله

أختي السنافيه

ملاحظ الموضوع شد البنات حيل

مدري الرجال يقدرون يناقشون ولا ماتقبلون أرائنا؟

بنسبة لصديقتك ممكن عادات اهل زوجها تختلف عن عاداتهم ولبسهم وتصرفاتهم عشان كذا يشوفونها هي غلط وهم الصح

مثلأ بعض مناطق المملكه العبايه الكتف عادي والكل يلبسها وبعض المناطق يذمون البنات اللي يلبسونها ويقولون عنها كلام
هذا المثال يمكن يوضح ماأقصده



وبنسبه للي يجيب عرض العالم ثقي بالله راح يجي يوم ويجيون عرضه بالعاطل



وبنسبه للي يفزع مع زوجته كيف يعني يضارب معاها ولايدخل مجلس الحريم ويدافع عنها؟؟




تقبلي مروري وعذريني على الأطاله
فتى القوامين
30-04-2009, 05:06
بنسبة يااختي السنافية

لهؤلاء الشريحة من المجتمع الذين لايمثلون المجتمع

وهم قلة والحمد للة ولكن انا اقول لهؤلاء ا ن رايتم شيء

مخالف لشريعتنا الاسلامية لاتتكلموا بعرض الناس

حتى لايتكلم الناس بعرضكم ولكن ادعوا اللة لهم الهداية

حتى تقول الملائكة ولك بمثلة لحديث المصطفى المشهور

هذا وصلى اللة وسلم على نبينا وحبيبنا وشفيعنا محمد
السنافيّه
01-05-2009, 11:45
هلا ياذابحك حب الفضلي

عسى زوجتي وبنت خالتي يتذابحون قدامي اوصخ نفسي بينهم ليش<<<عايشة الدوور هاهاها


عايشته من قلب :biggrin:

اهم شي ثوبك لايتوصخ يبو الشباب :biggrin:


لما الزوج واهله يسبون البنت واهلها هذي امور سخيفه :)

قولي هواش الحريم ايه انا معاك

بس كرامة المرأه واخلاقها فوق كل شي

انت مناسب ناس احشم بنتهم

ان شاء الله بوصلها كلامك :)

مشكوووره
السنافيّه
01-05-2009, 11:56
هلا اخصائي مختبر

انت اخصائي مختبر صدق ؟

مدري الرجال يقدرون يناقشون ولا ماتقبلون أرائنا؟

ايه عادي نتقبل الرأي والرأي الاخر :biggrin:


مثلأ بعض مناطق المملكه العبايه الكتف عادي والكل يلبسها وبعض المناطق يذمون البنات اللي يلبسونها ويقولون عنها كلام
هذا المثال يمكن يوضح ماأقصده


ايه فاهمه قصدك وفعلا هذا الحاصل

لكن اذا بخصص الموضوع شوي يمكن انا عممته في البدايه

لما يكون اهل الزوج من القرايب ويتكلمون في اخلاق زوجة ولدهم وبنفس الوقت قريبتهم

على العموم انا معاك

ومابي اخلي الموضوع كله مخصص لسالفة صديقتي لانه سالفتها شوي غريبه


وبنسبه للي يجيب عرض العالم ثقي بالله راح يجي يوم ويجيون عرضه بالعاطل


هذي الزبده والقشطه اللي ابيها من الموضوع :biggrin:

اللي يتكلم في اعراض الناس يجيه يوم :)


وبنسبه للي يفزع مع زوجته كيف يعني يضارب معاها ولايدخل مجلس الحريم ويدافع عنها؟؟

ايه ياخذ هالعقال ويطيح فيها هههههههههههههههه

لا لا مو كذا :biggrin:

قصدي مثلا عشان اوضح لك اكثر

لو كان فيه خلاف بين زوجتك وقريبه لك توصلها للطلاق وتهدم حياتك عشان سوالف حريم

اتمنى وصلت

لو انه ادري اني اطير من موضوع لموضوع ومن مثال لمثال

بس تحملوا عادي

هي كلها سوالف :biggrin:
السنافيّه
01-05-2009, 11:58
مخالف لشريعتنا الاسلامية لاتتكلموا بعرض الناس

حتى لايتكلم الناس بعرضكم ولكن ادعوا اللة لهم الهداية

حتى تقول الملائكة ولك بمثلة لحديث المصطفى المشهور


هذا اللي ابي اوصله في النهايه

عليه افضل الصوات والتسليم

مشكور فتى القوامين
سيف الفضول
02-05-2009, 02:24
السلام عليكم ورحمة الله وبركاتة

اما بعد بنسبة لهذا الموضوع انا أجد فيه القذف في المحصنات المؤمنات وهذا يطبق فيه الحد شرعاً
والحكي والحديث في اعراض الناس هاذا من اذم الامور واخطرها ويمكن يوصل لحد الذبح

اما بنسبة للي يفزع مع (حرمته) هاذا شئ ملاحظ وبكثره ويجب اترفع عنه وعدم تعويد المرأه على ذلك
وهاذي تعتبر (رخامه وقل رجوله) للي يدخل بسوالف الحريم ومشاكلهم الي ماتخلص (اشوى اني عزابي)

ودمتي بخير وعافيه
شيهانةالفضول
02-05-2009, 02:32
(اشوى اني عزابي)

يجيك يوم يا سيف وتزوج باذن الله وربي يبعد عنك المشاكل ..

عندي اضافه تتناسب مع الموضوع بما ان الاخت سنافيه اطرحته لنا للنقاش ... امون طبعا على موضوعج سنوفه .

احيانا تلاقي زوج المدام على خلاف متواصل معهاااا ويوم يجي اليوم اللى ينتقدون اهله المدام ويشب خلاف حتى لو بسيط وهى تكون الغلطانه وياخذون منها موقف ... تلاقيه فورااااا واقف معاهااااااا ولا الاخ يزعل ومايكلم امه او خواته ....... مع العلم هو عارف مستوى تفكيرهاااا ... ومستوى تفكير الطرف الاخر ..

يعني مجرد لفت نظر للامر هذا لا اكثر ولا اقل حبيت اسدحه هنااااااا......
السنافيّه
07-05-2009, 03:59
اما بعد بنسبة لهذا الموضوع انا أجد فيه القذف في المحصنات المؤمنات وهذا يطبق فيه الحد شرعاً
والحكي والحديث في اعراض الناس هاذا من اذم الامور واخطرها ويمكن يوصل لحد الذبح


المشكله الناس مستهينه فيه بدرجه كبيره مع انه من الكبائر

وهل يكب الناس في النار على وجوههم إلا حصائد ألسنتهم


اما بنسبة للي يفزع مع (حرمته) هاذا شئ ملاحظ وبكثره ويجب اترفع عنه وعدم تعويد المرأه على ذلك
وهاذي تعتبر (رخامه وقل رجوله) للي يدخل بسوالف الحريم ومشاكلهم الي ماتخلص (اشوى اني عزابي)

ياشين الرجال لاصار كذا

بكره بتتزوج وتبتلش :biggrin: ... قصدي تستانس وترتاح

مشكور سيف الفضول
السنافيّه
07-05-2009, 04:05
شيهاانه

انتي تمونين على الموضوع وراعية الموضوع وجيرانا واللي مقابلينا بالحي الثاني :biggrin:


احيانا تلاقي زوج المدام على خلاف متواصل معهاااا ويوم يجي اليوم اللى ينتقدون اهله المدام ويشب خلاف حتى لو بسيط وهى تكون الغلطانه وياخذون منها موقف ... تلاقيه فورااااا واقف معاهااااااا ولا الاخ يزعل ومايكلم امه او خواته ....... مع العلم هو عارف مستوى تفكيرهاااا ... ومستوى تفكير الطرف الاخر ..

يعني مجرد لفت نظر للامر هذا لا اكثر ولا اقل حبيت اسدحه هنااااااا......


فعلا

اكثر المشاكل حساسيه بين الزوجه واهل الزوج من ام واخوات

بس العدل مطلوب والغلطان يعرف انه غلطان ومدري وشو احس اني اخربط :biggrin: