ردية جديدة ، وينكم يا الشعراء [الأرشيف] - مجلس قبيلة الفضول التوثيقي الرسمي الأول

أبو عساف

11-04-2005, 06:16

هذي ردية ما ني محدد لها شاعر ، كل من شاف بنفسه الرغبة والقدرة على الرد يرد ، وأنا في الانتظار

سلام الله سلام(ن) بالوفا لاهل الوفا مسبوك
========== على ربعي كبار القوم روس الناس من لامي
نزلت بدفتر الشيكات وخمس مية بوسط البوك
========== وقفت ومن بغا يشري يجي بالدرب قدامي

ابومانع

12-04-2005, 07:15

سلام الله سلام(ن)يابوعساف مشروك
على حاتم جـدنا بالأصـل سامي
نزلت أهـني يالـفـضـول ألفـيـن مبروك
اخوان حوشه جو والوعدقدامي

أبو عساف

13-04-2005, 02:17

تسلم أخوي أبو مانع

واستلم يا الغالي

يا ابو مانع أبامشي للحجاز ودربها مسلوك
======= وأنا ودي تخاويني ومعي في الشنطه احرامي
تراك ان نمت في دربك سواويق العرب عدّوك
======= وتراك ان ضعت يبغا لك تعرّف نجمها الشامي

ومن يريد يرد ترى المجال مفتوووووووووووح

الساري

13-04-2005, 02:45

تقبل مني السلام مني يابوعساف وأنا أخوك...........
وماهي غريبه عليك الكرم وأنت من نسل الكرامي
مانبي منك مال ألا نبي طلعه للقمر بمكوك...........
ترى تكفينا شوفتك يالطيب ولا تصدق كـل كـلامي

تقبل تحياتي أخوك الســــــــــاري

تركي آل طالب

13-04-2005, 04:34

سلام الله عليك يابو عساف يا نسل الملوك
إعداد اهل الوفاء من ربعي وأقلام الغرامي
نصيحتي لكم لصار درب الحجاز مسلوك
عليكم بالرفق ولا تنسون ربط الحزامي

مشكور يابو عساف

ابومانع

13-04-2005, 07:08

تسلم يا سلسال الأصايل وهذي لابو عساف مع الاعتذار للكل
يابوعساف لاتظن يوم العرب غروك (شده على الراء)
ماينفعك غير بني عمك دمهم حامي
ترى لا نمت في دربك ربعك يخونوك
إلا ابومانع عن راحتك دومه يحامي

أبو عساف

13-04-2005, 11:22

أخوي الساري استلم طال عمرك في الطاعة

هلا بالشاعر الساري هلا عدّت رصيد بنوك
========== وعدد ما هلّ هملول السحايب وبلها هامي
على باب الولي ما ني على باب الردي المصكوك
======= وإذا كانت لك احلامك أنا في العالي أحلامي

أبو عساف

13-04-2005, 11:23

تركي

سعيد بمشاركتك

واستلم

عساك بخير يا تركي عساك بخير يا المبروك
============= هلا والطالب أخواني وشيبانه هم أعمامي
ترانا في منى شفنا الضحايا ودمها المسفوك
============= وليتك يا ابن طالب شفتها مع جرحها الدامي

تركي آل طالب

14-04-2005, 12:18

خلووووووووووووووها

خذ يا بو عساف

بخير وشوفتك عندي تسوى كثير الصكوك
========= واهلاً هلابك يا شوف عيني في الأحلامي
لاشك في منى شفت الضحايا وأنا أخـــوك
========= ولكن فركت مثل فركة سواق الأمامي

الساري

16-04-2005, 10:27

هلا بلي عسف زين الحكي بطيب سلوك
-----------------وعطرة يمناه المنتدى بشعر من موزون الكلامي
والنعم بالله اللي رفعنا بقدرته لمقام ملوك
----------------وحقــق لـي فــدنيتي كـل ما كـان يجـول بـمرامي
أشهد والله يالخوي لو الأمر بأيدي متروك
----------------لاأخلي كل الــبشر تـتـفخر وتـتـغنى بكـل لامــــي

تقبل تحياتي وسامحنا وأن كان زليت بوزن أو أي شئ في القصيده ياليت تصحح لي لأني محتاج في هالموضوع شاعر خبير, أخوك الســــــــــاري............

ابومانع

16-04-2005, 07:19

لا بهالطريقه انا اطلع برا

الأصيل

18-04-2005, 05:01

يسلمووووووووووو اخوي / ابو عساف على الردية

الله يعطيكم العافية

مشكوووووووووورين جميعا

أبو عساف

19-04-2005, 01:52

أبو مانع

آآآآآآآآآآآآآآآآآآآآآسف ، ما شفت مشاركتك إلا اليوم

وترى الكبر شين

والشوف شجر

تقول يا أخوي
يابوعساف لاتظن يوم العرب غروك (شده على الراء)
ماينفعك غير بني عمك دمهم حامي
ترى لا نمت في دربك ربعك يخونوك
إلا ابومانع عن راحتك دومه يحامي

وخذ الرد يا أخوي
أبو مانع ترى ما نيب أعرف هروج أهل كركوك
========= بغيتك يا وسيع العرف تدري بطيّب ايامي
أخو حوشه ما لحقه في زمان الهوش أي شكوك
========= بني عمي وهم دمّي -نهار الكون- وعظامي

أبو عساف

19-04-2005, 02:01

تركي آل طالب :

استلم يا الغالي
تمشّى بالحميدية تبي بشت(ن) بها محيوك ؟!!
=========== ترى ممنوع تشريها صدر مرسومها السامي
طلع جنب الطريق وطير العجّـه كفر هنكوك
========= نبي الحوطة وابن طالب على درب الحسا يحامي

بن غزي 2005

19-04-2005, 02:09

أبو مانع ترى ما نيب أعرف هروج أهل كركوك
========= بغيتك يا وسيع العرف تدري بطيّب ايامي
أخو حوشه ما لحقه في زمان الهوش أي شكوك
========= بني عمي وهم دمّي -نهار الكون- وعظامي

تمشّى بالحميدية تبي بشت(ن) بها محيوك ؟!!
=========== ترى ممنوع تشريها صدر مرسومها السامي
طلع جنب الطريق وطير العجّـه كفر هنكوك
========= نبي الحوطة وابن طالب على درب الحسا يحامي

خطير يا ابو عساف وين عبدالله الفضلي عنك

بس بقى الساري ما رديت عليه

أبو عساف

19-04-2005, 02:14

هههههههههههههههههههههههههههههههههههه

الغزي 2005

ارفق الله يصلح قلبك

قاعد أومي بسبحتي أجهز الرد

ويوم فتح الموضوع للرد طلعت لي

الظاهر تبي لك بيتين

عموماً هذي بيتين رد للأخ الساري

استلم يا الساري

سرى الساري بتالي الليل لا خفّ(ن) ولا سنبوك
============ يبي يقطع مهامه ما بهنّ بيوت وخيامي
يقول انّه قطع ذيك الخرايم راكبنّ بيوك
========== مهالك من رمى نفسه بها لا بده يلامي

وأعتذر للإخوة أبي مانع وتركي والساري على التأخر في الرد فقد كنت مشغولاً جداً هذه الأيام
والرد يحتاج ذهن صافي وراحت بال

بن غزي 2005

19-04-2005, 02:17

سرى الساري بتالي الليل لا خفّ(ن) ولا سنبوك
============ يبي يقطع مهامه ما بهنّ بيوت وخيامي
يقول انّه قطع ذيك الخرايم راكبنّ بيوك
========== مهالك من رمى نفسه بها لا بده يلامي

مشالله عليك يا ابو عساف حار بحار ما امداني اطق ارسال الا ورديت

ابومانع

19-04-2005, 05:13

تسلم يابو عساف وهذي اهداء مني لك استلم

ماعليك زود مني وانا اخوك
=========== أبو عساف يا نسل الكرامي
فارس قبيله والسيف مبروك
=========== ننتخي بك يوم الوطيس حامي

ابومانع

19-04-2005, 05:15

اسمحولي ياجماعه اذا ابياتي ركيكه ترى ماني شاعر

الساري

23-04-2005, 11:19

بيوك عاد يابوعساف ياليت كاتب شي أكشخ .........لووووووووووول

واصلت دربي وأنا مويل تويل بتيك البيوك
-----------------------منزل الشاصي ماهمني الحصى اللي صاير قدامي
راعي طاره ولي في السواقه فن وسلوك
-------------------------لاجا العقم بدربي ما أغيره كالهمر مع أحترامي

سعود الخمسان

05-06-2005, 12:04

عاشوا الفضول تراهم بني عمي
وانا فضلي رافع راسي وأسمي
ماهمني كلام الناس عني ماهمي
والراس مرفوع والرايات (( فضليه ))

حميدان

27-03-2008, 09:08

سلام مني لعيال لام يعمي
وانا كثيري بين بني عمي
وكلام العذال ماهو بيمي
والراس مرفوع والرايات((لامية))