هل تساعد ابنك في تكاليف الزواج ؟؟

[السنافيّه]

.



.



السلام عليكم

في موضوع تابع مدري لاحق لموضوع فلانه ماتربت

لحظه اصبروا بتكلم فصحى :biggrin:

كثيرا مانسمع الناس تتحدث عن غلاء المهور وتكتب المقالات عنها

ونشاهد الكثير من البرامج في التلفاز في بادره لتوعية الاباء عن ذلك


<هذي المقدمه ترا :rolleyes:


وترا مالها دخل بموضوعنا < :confused:


احب اناقشكم عن مساعدة الاباء للشاب عند اقدامه على الزواج


نسمع عن اباء مايقصرون على عيالهم ويتحملون تكاليف الزواج

وهذا من طيب خاطر اكيد


وفي نفس الوقت نجد بعض الاباء يمتنعون عن تقديم المساعده لابنائهم

بحجة انه الولد لازم يعتمد على نفسه ويحس بقيمة المرأه وقيمة الدراهم


سؤالي للاعضاء

لو كنت اب وعندك ابن بيتزوج بتساعده في المهر وتكاليف العرس

مثلا الولد يجمع نص المهر وانت تكمل الباقي

او مثلا المهر على الولد وانت تشيل باقي التكاليف ؟؟



او بتكون مثل بعض لاباء اللي مايساعدون عيالهم بأي شي بحجة انه الولد لازم يتعمد على نفسه ؟؟


نظرتكم للأب اللي مايرضى يساعد اولاده ولو بالشيء البسيط اللي ييسر زواج الولد مع انه يمتلك القدره على ذلك

يعني ممكن ولده مايتزوج الا وعمره 35 او 40 سنه

ولاتحسبونه من خيالي فيه ناس كذا والله

هل ترونه بخل او هذه فعلا هي الطريقه الوحيد لجعل الشاب يشعر بالمسؤووليه ؟؟



مشكوورين



.

[عزوة أبــوها]

تسلم يمينك يالسنافيه على الموضوع الرااائع..!

مع أن السؤال موجه للأبا أسمحي لي أجاوب أنا بعد باللي أحس فيه!!

قعدت أتناقش أنا وبنات أفكاري ..وشفنا أنو من واجبات الأب مساعدة ولده ..واللي مايساعد ولده مافيه خير وهذا أبجح أنواع البخـــــل..!

تقبلي مروري...!

[السنافيّه]

هلا عزوة ابوها

عادي الموضوع موضوعك :smile:

حتى انا مالي دخل بس تخيلت اني ابو وعندي ولد بيتزوج وكتبت الموضوع خخخ

قعدت أتناقش أنا وبنات أفكاري ..وشفنا أنو من واجبات الأب مساعدة ولده ..واللي مايساعد ولده مافيه خير وهذا أبجح أنواع البخـــــل..!

صحيح

احيانا الاب تكون عنده الامكانيات وهذا اللي يقهر اكثر

مشكووره انتي وبنات افكارك :biggrin:

[أديب الدعفس]

هلا السنافيه
موضوع عادي وكثير من الأباء اللي يساعدون أبنائهم في تكاليف الزواج إذا ماقلنا كاملاً
وفيه شباب يعتمدون على نفسهم ويزوجون نفسهم وهم بعد فيه أباء غير قادرين على تكلفة زواج أبنائهم
بس هذا مافيه شي يعني سدد وقارب أما اللي الله مغنية وماهو مساعد أبنه عاد هذا بخل والعياذ بالله عكس أنه يقول حتى يحس بالمسؤلية
إلى متى وهو ينتظرة يحس بالمسؤلية حتى يفوته قطار الزواج
بعدين لاتنسين أختي السنافيه الآن في وقتنا ظهرت جمعيات لتيسير الزواج كذلك البنوك للإقراض الحكومية والخاصة واللحين أبداً مالهم عذر إلا إذا غلا المهور مو لازم يقدم على هذه يشوف اللي تناسبة على أقل تقدير
شكراً سنافيه وأتمنى أني وصلت وجهة نظري

[علوش الفضلي]

شيء طبيعي أن يساعد الأب ابنه في تكاليف الزواج

إذا كان الأب مقتدرا على مساعدة ابنه فهذا شيء جميل

بعض الأبناء يرفض مساعدة الأب بدافع الاعتماد على النفس

وعلى النقيض نجد أن بعض الآباء يرفض مساعدة ابنه

مع إنه يكون قادرا على حمل جميع التكاليف

موضوع رائع للنقاش

الله يعطيك العافية على الطرح أختي السنافية

[عمر المسعر]

إختي السنافيه

موضوع رائع ومفيد ويستحق النقاش

وأكيد أن الأباء يساعدون أبنائهم في تكاليف الزواج

حتي لو الأب ليس لديه القدره على مصاريف الزواج بل يضغط على نفسه

ويتحمل الديون كله على شان زواج إبنه

وبعدين في الوقت الحالي مصاريف الزواج ليست صعبه إلى درجة التعقيد

يستطيع الإبن القيام بمصاريف زواجه بنفسه كلها 100000مئة الف ريال تزوج والواحد هو مرتاح بعد

دمتي بود

[شيهانةالفضول]

أرى ان زواج الولد مسؤولية والده ........ وهذا هو المتعارف عليه ......

شكرا سنافيه موضوعج رائع ...........

[السنافيّه]

أما اللي الله مغنية وماهو مساعد أبنه عاد هذا بخل والعياذ بالله عكس أنه يقول حتى يحس بالمسؤلية
إلى متى وهو ينتظرة يحس بالمسؤلية حتى يفوته قطار الزواج

ايه معك حق الولد بيفطس وهو ماتزوج

انا معك انه الزواج الحين متيسر بس اتكلم عن الاباء اللي يبخلون على عيالهم

مشكوور

[السنافيّه]

هلا علوش

شيء طبيعي أن يساعد الأب ابنه في تكاليف الزواج

إذا كان الأب مقتدرا على مساعدة ابنه فهذا شيء جميل



شي طبيعي صحيح بس اللي مو طبيعي اللي مايساعد وهو عنده :)


يعافيك على المرور

[السنافيّه]

هلا عمر


وأكيد أن الأباء يساعدون أبنائهم في تكاليف الزواج

حتي لو الأب ليس لديه القدره على مصاريف الزواج بل يضغط على نفسه

ويتحمل الديون كله على شان زواج إبنه


وهذا التصرف الطبيعي واللاشعوري لأي اب على وجه الخليقه

< ابي اتفلسف غصب

مشكوووور

[السنافيّه]

هلا شهن هن < دلع جديد

صادقه مسؤوولية الاب ومن فوق خشمه بعد ههههههه

العفو مروووووورك الاروع

[خالد ال دريع]

نعم ثم نعم ثم نعم ولي الفخر والعز عندما اكون انا الي ازوج ولدي
وما في حد يرضى ان يكون احسن منه الا ان يكون ولده
الاب يتمنى ان يكون ولده افضل منه
لانه بضعة منه

[عبدالإله الدعفس]

هلا بالسنافيه
انا لاقي عروس عشان ازوج ابني << هذا انا طبعاً
انا لو عندي عيال وش علي منهم هم يصرفون انفسهم
إلى متى والأبناء معتمدين على أبائهم
خله يحس بالمسؤليه إذا زوج نفسه وبعدين اكيد ما طلب الزواج الا انه متمكن
يعني يدبر حاله
مواضيعك عسل ياسنافيه ومشكوره

[السنافيّه]

الله وش هالموضوع الحلو :biggrin:

من اللي كاتبه لاني ناسيته خخخخخ :biggrin:

هلا خالد الدريع والله يخلي لك عيالك وتفرح فيهم كلهم :biggrin:


خله يحس بالمسؤليه إذا زوج نفسه وبعدين اكيد ما طلب الزواج الا انه متمكن
يعني يدبر حاله

عبد الاله كسروا خاطري عيالك اللي مابعد يجون

ليه تحطمهم قبل لايجون للدنيا خخخ :biggrin:

رح الله يزوجك بس < دعوه بببلاش ماابي فلوس خخ

[خالد ال دريع]

زوجة ولدي وليد والحمد لله

لا ولسه اصرف عليه وعلى زوجته

وانا مسرور جدا جدا

لو كل الي استطيع ان اعمله للعائلتي ما اقصر

واحمد الله عز وجل ان مد بعمري وزوجة ولدي

واتمنى من الله ان ازوج الباقيين قبل ان تغمض عيني

الانسان يكد ويتعب ويجلب ما يرزقه الله من رزق

ليس له وحده

لو على نفسي يكفيني رغيف خبز واحد في اليوم الواحد

لو على نفسي يكفيني ثوب او قميص واحد

ولكن اجتهادي في طلب الرزق ليس لي وحدي

ولي ثواب من الله في ذلك

اتمنى للجميع الموفقيه

[عبدالإله الدعفس]

خالد الدريع
قل آمين ... جعل ربي يخليلك عيالك يارب
ويرزقك برهم ياكريمـ

سنافيه لاتفيولين علي بسم الله علي

[نـزال الأجرب]

ماطرحتيه ياخت السنافيّه من الواقع

كثير من الحالات يتزوج الاب اكثر من واحده والبعض يصل الى اربعه وابنه محروم من الزواج
با لنسبة لي طبعا و اكيد سوف اساعدهم على فدر المستطاع
وهذه عاده عندنا الاب مع الاخوه يتساعدون و يزوجون الواحد ثم الاخر وهكذا
طبعا فبل الزواج يؤمن له منزل عند الاهل الى ان يشتري بيت له ولوتطلب الامر سنوات

[عبدالله السالم]

يستطيع الإبن القيام بمصاريف زواجه بنفسه كلها 100000مئة الف ريال تزوج والواحد هو مرتاح بعد

ابو عبدالله لو هذا المبلغ بس كان الحين عندي اربعه ههههه هذا قيمة المهر لحاله

[نـزال الأجرب]

السيد خالد الدريع المحترم

كلنا يحب اولاده و يفديهم بروحه ولكن الاب بعد ان يزوج ابنه يجب ان يعتمد الابن على نفسه تحت نظر والديه لا يعرف الانسان ماذا مخبأ إليه
ممكن الحاله الماديه تلعب دورا فتنفق على ابنك ولكن مع الايام سوف يأخذها عاده
وكثيرا من الشباب اصابهم الكسل و الاعتماد على والديه او على عمه والد زوجته
وتكثر الديون و غير ذلك
طبعا الكلام عام وليس خاص وكما يقا ل ( فرخ البط عوام )
اطا ل الله في عمرك و عمر اولادك