المساعد الشخصي الرقمي

مشاهدة النسخة كاملة : قصـــــــــــــــــــــــــه وقصـــــــــــــــــــــــــــــــيده

خالد الكثيري
21-05-2009, 06:40
بسم الله الرحمن الرحيم


قصه وابيات


والقصه عندنا عامل بنقلاديشي اسمه شهاب في الاستراحه ودايم مسفهل وهاك اليوم يوم جاء وليأ خاطره شين ياشهاب علامك قال مصيبه ويش الحاصل قال القصه مهاويلي بنت وهي مهاويتني وتقدمت لأهلها وخطبتها وشرط علي اخوها فيزه سباك ووافقت وجيت السعوديه واشتغلت وشريت الفيزه ويوم جيت مكتب الاستقدام قالوا الدوله منعوا البنقلاديشي وزعلوا علي اهلها وجوزوها غصب
قلت الشكوى لله يشهاب هذا المكتوب
وللأك الا الصبر وش وداك له




والابيات يقول



:

ياشهـاب يامكـبـر همـومـك وبـلـواك
............................وانــا احسبـنـك دالــه الـبـال سـالـي
من بنقـلادش جيـت تشعـب مطايـاك
............................وتحقـق اشــروط انسـبـاك الغـوالـي
فـنـو علـيـك اتجـيـب فـيـزه وسـبـاك
............................شرطـن لخوهـا قبـل سـوق الريـالـي
ووافقـت لجـل اللـي تــوده ويـهـواك
............................وجيت الوطن تسعى جنوب وشمالي
وبعـد جمعـت اللـي كسبتـه ابيمـنـاك
...............................شريتـلـك فـيـزه مــن سـعـود غـالـي
وسلمتـهـا لمـوظـفـن عـبــر شـبــأك
..............................وتـعـذرك مـــال بـنـقـلادش مـجـالـي
ونشـر الخبـر مــن بـيـن ذولا وذلاك
.............................وصاحـو بـه العـذال فـي كــل عـالـي
ودروبـه انسـابـك وقـالـوا رفضـنـاك
............................ولأكـــن شـئـيـن صـــاراول وتـالــي
وبعد شهـر جـاك الخبـر مـن دنايـاك
..............................بـعـد اتـصـل بــك صاحبـلـك مـوالـي
قـال الــك قـفـى مــن تحـبـه وخــلاك
.............................وسـووا فرحهـم قـبـل قطـعـة ليـالـي
وصار الخبر صدمـه وياحـظ مـرداك
.............................وانـا مالومـك لــو يصيـبـك اهبـالـي
ويانعبواحـبـآ يـحـدك عـلـى اقـصـاك
.............................وجابـك هنـيـا تشتـغـل فــى الـدلالـي
ويشـهـاب انـسـه لاتفـكـر ويـنـسـاك
.............................وحــلال غـيــرك مأيجـيـلـك حـلالــي
وحـذراء تخايـل بـرق مزنـن تـعـداك
...............................لأتـرتـجـي مـزنــن تـعــدئ وسـالــي
والحـب مـأهـو راس مـالـك بدنـيـاك
.............................وحــذراء تـعـده يافـتـى راس مـالــي
وختامـهـا يـشـهـاب يـاكـبـر بـلــواك
..............................وانـا احسبـنـك دالــه البـالـي سـالـي

القصـــه والقصيــــــده


لشاعـــــــــــــر

عيــــاد بن فيحـــــان السيحـــــــــــاني العتيـــــــبي


منقــــــــــــــــــــــــــول
حاتميه
21-05-2009, 06:43
الله يكون في عونه

صح لسان الشاعر وتسلم يمينكـ يا خالد

,,’,,
جمبـازي
21-05-2009, 06:45
مايصير ياهالمركب ياماأركب ... خو شفيها السيلانيه :cool:
بديت أشك ان هالبنغلاديشي هو فهد
صح أبدانك .. بالنيابه قلت عنك ... بعد ماأقولك صح إلسانك :rolleyes:
أخصائي مختبر
21-05-2009, 06:48
(يضرب الحب شو بيذل)

أشهد انه قطع قلبي

مايستاهل ابوهنود


يعطيك العافيه أخوي خالد

دامك الله ودامت أساطيرك الرائعه

لك مني أحترامي وتقديري
خالد الكثيري
21-05-2009, 06:55
الله يكون في عونه

صح لسان الشاعر وتسلم يمينكـ يا خالد

,,’,,


نيابه عن ابو فيحان صــح بدنك

ايوالله الله يعـــــين شهاب

والله يسلمك ويبقيك
خالد الكثيري
21-05-2009, 07:00
:37_f: مايصير ياهالمركب ياماأركب ... خو شفيها السيلانيه :cool:
بديت أشك ان هالبنغلاديشي هو فهد
صح أبدانك .. بالنيابه قلت عنك ... بعد ماأقولك صح إلسانك :rolleyes:



جمبـــــــــــــــــــازي


يالله حــــــــــــــيه والله البنقالي هذا يقطع القلب من جد ماشفت

وش حالته حاول الانتحار مرتـــــــــــــين:15_f:

وش اللي صح بدني طيب صح السانك

تسلم علي مرورك اسعــــــــــدني وزادني شرف

اخوك خالد الكثيري
ابو وجدان
21-05-2009, 07:03
شكرا اخي خالد

هذه قصة تحصل عند البعض

الله يعين البنغالي يصبر ودور على

غيرها البنات واجد.
خالد الكثيري
21-05-2009, 07:03
(يضرب الحب شو بيذل)

أشهد انه قطع قلبي

مايستاهل ابوهنود


يعطيك العافيه أخوي خالد

دامك الله ودامت أساطيرك الرائعه

لك مني أحترامي وتقديري



اخصــائي

يالله حـــــيه ايوالله <يضرب الحب شو بيذل

اســـــــــــــــئلني انا هههههههههه

يعطيك العافيه ومشكـــور علي كـــــلامك الحلو

ياذووووووووووووق
علوش الفضلي
21-05-2009, 07:31
حتى البنقلاديشيين يعانون من الحب

بس عساه فهم القصيدة

الله يعطيك العافية خالد
خالد الكثيري
22-05-2009, 02:23
شكرا اخي خالد

هذه قصة تحصل عند البعض

الله يعين البنغالي يصبر ودور على

غيرها البنات واجد.



هـــــــــــــــلا والله ابو وجدان

البنات واجد لاكن العشق مصيبه الرجال عاشق

الله يكون في عونه
سلامه العايد
22-05-2009, 06:12
السلام عليكم ورحمة الله وبركاته

اشكرك على هذا الموضوع الطيب لاكن اعذرني ان هذا الموضوع

مكرر وانا كل ما أرئ مواضيعك الا قيها مكرره لا ادري ماسبب

او نك جديد في عالم النت على العموم زبدة الموضوع













































مزح في مزح هههههههههههههههههه

^^^^^

صادوهـ


انا سمعت هذي القصة شكرا لك على الطرح

دمت بود