خذني صديقك !

[التميميه]

شكراً على لطفك ... وصدقك ... وذوقك
وعفواً على إزعاجك ... وتنشيف ريقـك
أخطيت في فهمـك ... وتفسيـر شوقـك
وسريت رجل العاطفه ... فـي طريقـك
واللي رفع سبـع السمـوات ... فوقـك
ماكنت أبي حزنك ... ودمعك ... وضيقك
غيبت ناسي ... من تبيـن ... شروقـك
وأجهرت عيني ... في سناك و بريقـك
وقربتك أقرب من دموعـك ... لموقـك
ماكني إلا ... بـا القرابـه ... شقيقـك
ولا ... تطاولت الثمر ... مـن عذوقـك
أو قلت ... عطني رشفةٍ مـن رحيقـك
لو كنت ... أبي ودي ... يسير بعروقـك
ماعاقني باالقـول ... شـيٍٍ ... يعيقـك
ولو كان فكرك حكمك ... فـي خفوقـك
ما ولع بصـدر الشقـاوي ... حريقـك
ولو كان من كفك ... تناوشـت طوقـك
مارحت في بحر الهقـاوي ... غريقـك
ودامك تميز واجبـك ... مـن حقوقـك
الواجب إنـك ... ماتخلـي ... رفيقـك
وإن كان ماتبغـى الصديـق إمعشوقـك
إتركني العاشـق و خذنـي ... صديقـك



مما راق لي ...
للشاعر / محمد الذرعي

[عزوة أبــوها]

ياهلا والله ومرحبا..
بدعتي خيتووو..
تسلم يمينك ويسلم ذوقك..
في أنتظار جديدك..

[إيمان الجراي]

الله يعطيك العافيه أختي الهاديه

كلكـــ ذوق ،،، إختيار موفق

[أخصائي مختبر]

صح لسان الشاعر صح لسان ناقلها

وأنا أؤيد كلامي أختي عزوة أبوها بأنكي أبدعتي

حضورك وطرحك الراقي لايدل على أنكي مستجده... أثبتي بأنكي مميزه

ألف شكر لتواجدك هنا

دمتي بأفضل حال

[صالح الدعفس]

ماشاء الله ذوق جميل راق لي مانقلتية ,’,


والله يعطيك العافية ولا تحرمنا من بريق لمعانكــ ,’,


ودمت بحفظ المولي ,’,

:)

[التميميه]

ياهلا واسعدنى تشريفكم العطر