عارف كل الأحوال

[علي الغنماوي]

أنا بليت بحبكم من هبالي
وإلا انت ظل ما لنا فيه مقيال
خيرك لغيري والشقا والعنا لي
والمشكلة إني فاهم كل الأحوال

شكراً مقدماً للي يذكرني باسم الشاعر

[أبو عساف]

الأبيات للأمير عبد الله الفيصل

وبالنسبة للبيت
والمشكلة إني فاهم كل الأحوال

ترى لازم تحذف التاء المربوطة في (المشكلة) حتى ما ينكسر البيت

ويصير البيت :
والمشكل إني فاهم كل الأحوال

وأنا أحفظ البيت (عارف) بدل (فاهم) بس ما ني متأكد لأن ديوان الأمير مو عندي

[الأصيل]

يسلموووووووووو اخوي / علي الغنماوي على الأبيات

وكما ذكر أخي / أبو عساف هي للأمير الشاعر عبدالله الفيصل

والقصيدة كاملة

أنا بليت بحبكم من هبالي
والا انت ظل مالنا فيه مقيال

خيرك لغيري والشقا والعنا لي
والمشكل اني عارف كل الاحوال

ارمي بروحي في بحرك الزلالي
وترميني أمواجك على يابس الجال

اسال افراشي كيف اقضي الليالي
بالليل لي حال ومعكم لي احوال

ومن خوفي العذال تدري بحالي
ويكثر علي من العذل قيل والقال

ابعدت خلاني وجيتك لحالي
وفرشت لك قلبي مقر ومدهال

ويوم ابعدن احبالهم عن احبالي
ودريت انك عندنا غالي المال

ابديت عقب الحب صافي الجفالي
وخليتني محتار في اشهب اللال

وطلبت رب عالم ما جرالي
ماحط دون الخلق حاجب ومرسال

ومنحني السلوان عالي الجلالي
ورد الحياة لسالم ماطلب مال

وابعد خيالك خالقي عن خيالي
وقصر علي الليل من عقب ما طال

واليوم ترسل لي وتبدي الوفا لي
تبدي لي اعذار قصيرات وطوال

تبي تجدد ما نقطع من وصالي
ترضي غرورك بس ياحسن الاقبال

ماعاد تخدعني عقب مابدالي
وان عدت فيما عدت مانيب رجال


مشكووووووووورين جميعا

[ابومانع]

مشكور علي الغنماوي على سؤالك وتسلم يالاصيل على ذكر القصيده كامله