المساعد الشخصي الرقمي

مشاهدة النسخة كاملة : الأربعاء../__هـ..عبــر عن وطنــــيتك...

عزوة أبــوها
17-06-2009, 07:54
بسم الله الرحمن الرحيم..
السلام عليكم ورحمة الله وبركاتــــه...

وسط متابعة ودعوات أكثر من عشرين سعودي...
وبهمه وعزيمه من الصقور الخضر..
يستضيف منتخبنا الأول نظيره الكوري الشمالي في التاسعه مساء على درة الملاعب..
والهدف الواحد هو الفــــــــــــوز...

واليوم...>
كل سعودي يتطلع الى التأهل العالمي لخامس مره...

المهــــم...>
‏_‏ الدعــــإ لهم..
‏_مساندتهم عاطفيا وجسديا فكلنا نعرف أن منتخبنا يؤثر عليه جمهــــوره..

‏ والأهــــم...>
أذا كنا نشدد على الدور الجماهيري في الدعم والمسانده فإنه الأحرى بنا أن نهمس في أذن كل مشجع ان يتعامل بشكل حضاري قبل المباراة وأثنائها وبعدهــــا وهنا يكمن بيت القصيد...


والأهم الأهم الأهم...>
الخساره لن تحدث بأذن الله ولكنها أحتمال قوي كقوة الفوز أو التعادل>>
وأذا حصل الله لا يقدر....>
‏(‏(لااااا تجرحــــوا المنتخب أن فشــــل))
..
وتذكــــر...>
أنهم تعبوا كثيرا حتى يصلوا الى هذا المستوى...


اللهم وفق منتخبنا وأجعل التأهل من نصيبه....

يارب تنتهي المباراه ولسان حال اللاعبين يقــــول .../

تدرون أن الكون كله ورااائــــي...
لأني سعودي دااايم الدوم قداااام..


.....تحياااتي...>
عزوة أبــــوها...
بنت آل طالــب..
بوثنيان
17-06-2009, 08:20
عزوة أبوها


بارك الله فيك ,, وأشكرك على الموضوع الطيب والرائع ..


التعليق..


من الكويت ...ها نحن ...ندعوا من الله أن يوفق المنتخب السعودي من خلال هذه المباراه ضد الفريق الكوري الشمالي ...في موقعة الرياض ..وأفراح الكويت هي أفراح السعوديه وأفراح السعوديه هي أفراح الكويت ..ونحن على يقين بأن خليجنا واحد وشعبنا واحد ..


بالتوفيق للمنتخب السعودي ..



دمتم بحفظ الله ,,,
عزوة أبــوها
17-06-2009, 08:48
بو ثنيان<...
أرحب يالحر...
لي الشرف طال عمرك بان الرد الأول منك...

ومافيها شك أكيد خليجنا واحد وهذا العشم في اهل الكويت..

تقبل الله دعااائك..
دمت ذخرا لمنتدانا الشاااامخ...
إبن لام الدويسي
17-06-2009, 08:52
ارحبي عزوة ابوها وعز الوطن الفضليه يسلم وطنا وبيرقه مرفوع في كل محفل حناوراه وقدامه يستاهل الفوز ويستاهل يااخوي ناصر ان يثبت هاالموضوع
عزوة أبــوها
17-06-2009, 08:56
هلا والله بعمي ابو صالح...
مساااءك قهوه وأخلاص ...
لاعدمنا هالطله ياذخرنا ..
دعواااااتك لصقورنا..
ناصر السيف
17-06-2009, 09:00
بسم الله الرحمن الرحيم

السلام عليكم ورحمة الله وبركاته

عزوة أبوها

تسلمي على الطرح الجميل


وان شاءلله الفوز سعودي

وبعد أذنك حبيت أضيف معلومات

تعادل بين كوريا الجنوبية وايران بالتعال 1-1

هدف كوريا جاء عن طريق بارك جي سونغ

وهدف ايران جاء عن طريق لاعب الكوري دو هيون كيم هدف في مرماه بالخطأ

وفوز اسبانيا على العراق بهدف دون مقابل


وفي مبارة حاليآ

بين منتخب البحرين ضد ازبكستان الله يوفقك البحرين


والله يوفق المنتخب في مبارة مصيريهـ لاتقبل على اثنين

التعادل بين السعوديهـ وكوريا تأهل الكوري

والسعودي الثالث ل يلعب مع الثالث في المجموعة الاولهـ

فوز السعوديه يتأهل نهائي


ومعذرة على الاضافهـ

تقبلي مروري
عزوة أبــوها
17-06-2009, 09:04
ياهلا ومرحبا مشرفنا..
أضافتك نورت الموضوع..
سلمت يمناااك..

بالتوفيق لمنتخنبا السعودي ومنتخبنا البحريني..
إبن لام الدويسي
17-06-2009, 09:06
امين يفوز الأخضر وبإذن الله يفوز وراه الاسدين صاحبي السمو الملكي سلطان بن فهد ونائبه نواف بن فيصل . بإذن الله نبارك لهم وللجميع الفوز
عزوة أبــوها
17-06-2009, 09:11
آمين آمين آمين..
الله يسمع منك..
يحق لي ان أفخر بجودك في متصفحي
.....
خالد ال دريع
17-06-2009, 10:45
عزوة ابوها ليس في السعوديه فقط

وانما في كل بلاد العرب والمسلمين قلوبنا مع المنتخب الاخضر

ها نحن في العراق وانا اكتب وارد على موضوعكي امامي التلفاز

انا وعائلتي نتابع وندعوا الله ان يوفق المنتخب السعودي

ان شعورنا بان هذا المنتخب ليس سعودي وانما منتخب عربي

اللهم وفق منتخبنا السعودي العربي

امين يا رب العالمين -- وتقبلي تحياتي واعتزازي
علوش الفضلي
17-06-2009, 10:59
إن شاء الله الفوز سعودي

كلنا مع الأخضر

يعطيك العافية عزوة أبوها
طائيــه
17-06-2009, 11:02
عزوة أبوها ...

والله مالي بالكره بس مجاراة لـحب الوطن الشامخ ...

وبمشيئة الله يفوزون ...

تسلم يديك ...

http://www.up-images.com/uploads3/images/images-f20bed3484.jpg (http://fashion.azyya.com)
عزوة أبــوها
17-06-2009, 11:30
عمي خالد....
أنت وعائلتك على راسي..
ومشكوووورين على فزعتكم..
عزوة أبــوها
17-06-2009, 11:32
أخوي علوش...
اللهم آمييييين...
أسعدني مرورك العطر..
عزوة أبــوها
17-06-2009, 11:34
سنا الشوووق..
ياهلا ومرحبا...
فضل الوطـن ..ديـن .. لو يبذل الانسان نفسه ووقته راحته ما يوفيه ..
لاكنه دين ولاكل الديون..دين العطا فيه محبوب ..
وهذا أقل شي نقدر نسويه...
أسعدني مرووورك...
عزوة أبــوها
17-06-2009, 11:43
تكفووووووون يالعزوه..
دعوااااااااتكم مابقى اللا عشرين دقيقه....
عزوة أبــوها
17-06-2009, 11:58
يللا على كل حال الحمد لله..
صحيح أننا خسرنا المباراة...
بس فزنا بصقووور يرفعوووون الراس..
يستاااهلون دموعي..
بس والله أثر على نفسيتي.......
ناصر السيف
18-06-2009, 12:02
لاحول ولا قوة الا بالله

تعادل غير عادل

الله ماكتب لنا الفوز

بس أعاتب لاعب الهلال والمنتخب السعودي ياسر القحطاني

جاءتهـ فرصهـ من ذهب كورة في مكان مناسب جدآ كورة تحتاج الى لعبهـ بأطراف المرماه

ولكن تفكيرهـ بهدف قوي وسدد على مكان الحارس

ونايف هزازي ماقصر وناصر الشمراني دخولهـ متأخر جدآ

والشيء الثاني اللي مايسر الجميع

مقابلة المنتخب السعودي مع منتخب البحرين وهذا يضايقنا لخروج أحد منتخبات الخليج

وان شاءلله الفوز سعودي


تقبلوا مروري
عزوة أبــوها
18-06-2009, 12:05
ناصر أخوي يعطيك العااااافيه..
يللا الله يوفقنا وعسى التأهل فااااالناااا..
إبن لام الدويسي
18-06-2009, 12:22
هاه لاتزعلون صحيح نحزن اذاكبا ممثل الوطن حزنا لكن حنا معه في المره والحلوه اليوم شوي مره بكره احلى صح واسلم ياوطن ابوصالح
عزوة أبــوها
18-06-2009, 12:27
هههههههه أبو صالح سلم راسك يالغالي..
أحنا معاهم بالحلوه والمره....
ونتمنااااهم يفوزون في المباراة الجايه بس ....
التحكيم ظلمنا...
وياسر خذلنا...
وهدفنا الغوه..
وهذا اللي مضيقنا...
أخصائي مختبر
18-06-2009, 03:28
بنسبه لي تعبت نفسياً وجاني الصداع

وحسيت بقهر يوم شفت سبعين ألف حاضرين وبالأخير نطلع بالخساره

هذا هو الحال دايم كذا وهذا مستوى المنتخب ...لكن دايم نكابر ونعطيهم اكبر من الحجم اللي هم عليه

امس وش اللي ناقصهم .........؟!

بالأخير راح نقول الحظ مثل كل مره

شكراً عزوة أبوها على هذا الطرح

الله لايحرمك الجنه

تقبلي مروري ولو كافيه اشوية عصبيه بس غصب عني

أجل الأحترام والتقدير لكِ

دمتي بفضل الله شامخه
عزوة أبــوها
18-06-2009, 05:01
أخصائي ياهلا والله..
كنت أستنى ردك أمس..
والله العظيم أحس من الصداع طااارت معلوماتي...
بس يللا هذي مو اول مره يخيبون ظنونا...

مرورك كمل الموضوع..

دمت نورا للمنتدى..
أخصائي مختبر
18-06-2009, 05:12
كنت ناوي ادخل امس لكن الصداع عماني

والله كنت افكر باللي عندهم ختبارات تحطموا نفسياً

وراح يحطون اللوم كله على المدرب المسكين

والله مدربهم ممتاز وعتقد راح يطردونه

لو يجيبون ابو ركبه اصرف لهم

هم حدهم الدعايات وتخب عليهم

شدي حيلك وذاكري لك كم كلمه على الاقل تستفيدين منها وتركيهم عنك

شاكرين لك هذا المتنفس عشان نطلع حرتنا فيهم

بارك الله فيك[/center]
عزوة أبــوها
18-06-2009, 05:20
سلااامتك ماتشوف شر..
ههههههههههههه...
لاوالله المدرب ماعليه كلااام فنان ..
بس البلا في البروووود اللي بيذبحهم..
يعني مدري لين متى وهم متهاونين...
عساهم بس يشدون حيلهم ولا يحرجونا قدام البحرين...!!
أييييه سقى الله أيام الثنيان وسامي.....
العفو خيو وأذا في خاطرك شي فضفض كلنا آذان صاغيه لاتخلي شي في خاطرك.....
أخصائي مختبر
18-06-2009, 05:37
الشر مايجيك

يقولون اللي يفضفض كثير عليه منقود

نصحيه أخذيها مني لاتشوفين مباراتهم مع البحرين

والله انك كفووو صدقتي الله يرحم ايام سامي والثنيان

بخلي بخاطري شوي الى بعد مباراة البحرين

اذا بغيتي تشوفين لعب صح شوفي مصر هبلوا بالبرازيل وانتهت النتيجه بفوز البرازيل 4/3

اليوم لهم مباراه مع إيطاليا الساعه خمسه ... أتمنى يفوزون

خربت موضوعك ...مثل ماخربتي موضوعي اذا كنتي تذكرين ههههههه

بارك الله فيك
حفيد الفايز
20-06-2009, 10:57
صبحكم الله بالخير


<<< مروق وداخل بعد 3 ايام من المباراه :biggrin:

معليش عزوه مايستاهلون دموعك :appetizing77:

ولا كسبنا صقور صراحه

مع كوريا الشماليه وبالرياض وقدام 70 الف سعودي وقووول واحد مب قادرين نجيبه معليش ماكسبنا غير هم :biggrin:

المصرييين اهما ترررن تررن تررن ( مب حافظ الاغنيه خخخخخخخخ):biggrin: فايزين على ايطاليا بطل كاس العالم بكامل نجومه لا وطيحو شورتاتهم وخلوهم يجرون يجيبون كور من برا التماس :biggrin:

ليش حنا مااصار عندنا هالروح لمن الدفاع مافيه غير شهيل ( وللعلم ترا يلعب بمركز مو مركزه وابدع ) واسامه هوساوي (ابو كلبشه :biggrin: ) نايف القاضي صراحه مدري وش يبي انا لو بفريق حاره احطه مع الجمهور والزوري حدث ولا حرج ولا رفعه (اوفر) صحيح

والوسط نور يلعب بمركز مو مركزه وهذا سبب انه مستواه طايح وعبدالغني عطوه اكبر من حجمه وخالد عزيز غايب عن جو المباريات مع ناديه وشلون نلعبه مباراه مع منتخب ؟؟؟ وعبدالرحمن القحطاني حده احتياط الاتفاق
والكاسر كلنا نحبه بس النفسيه رايحه فيها شلون نلعبه مع منتخب ولا نبي نرجع نفسيته ونرفع معنوياته على حساب منتخب ؟؟ وعلى حساب 25 مليون نفسيه ؟؟ والهزازي ( اخ وعزيز قبل لا يكون لاعب ) << الا والا يوريكم انه يعرف نايف :biggrin: اه يانايف ولله مافي الا انت احسك تلعب من قلب

يلا كسبنا 3 صقور وليد عبدلله واسامه هوساوي ونايف هزازي

وانشالله بنتأهل مع انه البحرين شاد حيله وبجديه يبي يتأهل ومنتخب نيوزلاندا شوفو مستواه بكاس القارات :biggrin:


وانشالله للمره الخامسه بنتأهل حتى لو بملحق (ملحق بكاس العالم ولا قصر بكاس الخليج ) الله الله ياملحي وانا اتفلسف :biggrin:

وسوري على الاطاله ( وتراني مواصل يعني انواع الفلسعه ) :biggrin:
عزوة أبــوها
21-06-2009, 06:53
أخصــائي ..
أسفه عـ التأخير خيــو..
بس خلاص ولا يهمك بأخذ بنصيحتك وماراح اشوفها..
ايه المصاريا عاملين عمايلهم..
ومبروكـ فوزهم على ايطاليا يستاهلون..

ولا يهمكـ فداك الموضوع كله كم عندنا من اخصائي..
آيــه ذكرت هههههههههههههههه..
عزوة أبــوها
21-06-2009, 06:57
حفيد ياهلا والله ..
<<تحققت امنيتي وشفت لك رد طول ههههههههه دايم ماشا الله ردودك مختصره..
..
تسلم والله داريه ان محد يستاهل دموعي<<بدينا غرور ..
بصراحه اشك انو لو يلعبون السعوديه ومصر بتشجع مصر..

خلاص خلاص درينااااااااااااا انك تعرف نايف..هههههههههه
أطالتك فرحتني ..دوم ان شا الله ..
بس خل عنك الفلسعه <<هههههههههههههه..


نورة خيو لاعدمنا هالطله..
سنجار وقفار
02-07-2009, 02:39
اي وطنيه ............
عزوة أبــوها
02-07-2009, 03:49
الكلام صار عليه شهر..||
كنت أقصد عبر عن وطنيتك وروح شجع..((
بس صاروا مايستاااهلون..

وبس..."
عزوة أبــوها
25-07-2010, 03:50
اقتباس:
المشاركة الأصلية كتبت بواسطة عزوة أبــوها http://www.alfothool.com/vb/fodol/buttons/viewpost.gif (http://www.alfothool.com/vb/showthread.php?p=211097#post211097)
بسم الله الرحمن الرحيم..
السلام عليكم ورحمة الله وبركاتــــه...

وسط متابعة ودعوات أكثر من عشرين سعودي...
وبهمه وعزيمه من الصقور الخضر..
يستضيف منتخبنا الأول نظيره الكوري الشمالي في التاسعه مساء على درة الملاعب..
والهدف الواحد هو الفــــــــــــوز...

واليوم...>
كل سعودي يتطلع الى التأهل العالمي لخامس مره...

المهــــم...>
‏_‏ الدعــــإ لهم..
‏_مساندتهم عاطفيا وجسديا فكلنا نعرف أن منتخبنا يؤثر عليه جمهــــوره..

‏ والأهــــم...>
أذا كنا نشدد على الدور الجماهيري في الدعم والمسانده فإنه الأحرى بنا أن نهمس في أذن كل مشجع ان يتعامل بشكل حضاري قبل المباراة وأثنائها وبعدهــــا وهنا يكمن بيت القصيد...


والأهم الأهم الأهم...>
الخساره لن تحدث بأذن الله ولكنها أحتمال قوي كقوة الفوز أو التعادل>>
وأذا حصل الله لا يقدر....>
‏(‏(لااااا تجرحــــوا المنتخب أن فشــــل))
..
وتذكــــر...>
أنهم تعبوا كثيرا حتى يصلوا الى هذا المستوى...


اللهم وفق منتخبنا وأجعل التأهل من نصيبه....

يارب تنتهي المباراه ولسان حال اللاعبين يقــــول .../

تدرون أن الكون كله ورااائــــي...
لأني سعودي دااايم الدوم قداااام..


.....تحياااتي...>
عزوة أبــــوها...
توتو الشمال
28-07-2010, 08:44
مشكوره خيتوو ع الطرح الرااائع ونتمنى جديدكـ