عبدالله السالم
20-06-2009, 12:56
قصيدة نبطية بمناسبة اجتماع قبيلة الفضول 1430هـ
شعر الأستاذ / محمد بن سالم بن محمد السالم العبيد الله الفضلي – ابو عبد الله الأحساء ـ المراح
في العام عيدين وذا ثالث أعياد=عيدا ً لنا فرحة على جمع الأقراب
عاد الربيع وعادت أيام الإسعاد=وألتم شمل الربع أقراب وأحباب
يا مرحبا ألفين وألفين يزداد=ترحيبة من داخل القلب تنساب
أيامنا فيها للأفراح ميلاد=الحي يتلاقى " بعد طول الغياب
الله من شي طرالي يا الجواد=ينتابني الهوجاس أفراد وأسراب
في ساعة فيها للأفكار ميعاد=تأخذني اللهفة على شوف الأحباب
تم اللقا ما بيننا والفرح ساد=فرصة ثمينة ساقها رب الأرباب
سلام ياللابة من الشيب وأولاد=ممزوجة بالغالي من أنواع الأطياب
وجيهكم ينضح بها الطيب والكاد=ومهابة تضفي على الحفل جلباب
أولاد لام منبع الجود أجواد=تاريخكم مذكور من عصر الأحزاب
فضل ومغيرة مع كثير له عماد=لا عدوا الأخيار وإكرام الأنساب
سلالة الأبطال وقروم الأجداد=شيوخا ً لهم في روضة المجد محراب
صفوة خيار الخلق من ينطق الضاد=بعد النبي المعصوم وأخيار الأصحاب
الياء دلهم الخطب برق ورعّاد=وقامت بنات الدار يرمين الأسلاب
نسقي العدا بسيوفنا سم الأكباد=ضرب على الهامات للدم سكاب
نارد حياض الموت في روس الأشهاد=ننطح كبير القوم لو هو بسرداب
حتى يعرف القوم ورخوم الأوغاد=إنا نخوض الجمع ونفك الأنشاب
حنا هل الطولة زحازيح الأطواد=الأصل طيب والتلاحم بنا طاب
نخوة رجال زهابهم ملح وزناد=وسيوفهم تفري جماجيم وارقاب
طب القلوب اللي بغت أمن وجهاد=حتى يموت الشر وتموت الأذناب
منا الولى لشيوخنا دوم يزداد=بالسمع والطاعة على السلم وحراب
يعيش أبو متعب لنا درع وإسناد=آل السعود مجرية كل هيَّاب
بأرض الجزيرة وشامها ودار بغداد=أبناء عمي صيتهم ضارب أطناب
من رامنا بالسّو نوريه الأبعاد=واللي وفا بالعهد نفتح له الباب
طبع لنا وافين من عصر شداد=يشهد لنا التاريخ وإكرام الأعراب
الناس مجتمعة على الملح والزاد=وحنا جمعنا صافي الدم اقراب
الله يجمع شملكم حاضر وباد=يبقى حبال الوصل موصول الأسباب
ويا الله عسى ذا الجمع بالخير يزداد=يسطّر التاريخ الأمجاد بكتاب
يا رافعا ً سبعا ً عظيمة بلا عماد=يا منزل الفرقان لأصحاب الألباب
رب كريم لمن ترجى له إسناد=لا كشرت دنياك عن خبث الأنياب
ابن لكم في المراح أنا جيت قصاد=صغت القلايد للعزيزين بحساب
مثايلي بعضا من أشواق جداد=أهديتها ربعي من حضور وغياب
تروي وداد القلب في طول الأبعاد=وشوق على فرقا المحبين شباب
جرح مع الأيام لا زال وقاد=لكن جرحي يا هلي بشوفكم طاب
بهجة فؤادي شفتكم جمع وأفراد=ريحة هلي عزوتي لب الأصلاب
سلام من دار الحسا دار الأمجاد=ودعوة تواصل حاوية كل ترحاب
يا هيه يا المجمول يا غاية أمراد=راعي العيون السود من تحت الأهداب
بنت الرجال اللي يلاقون الأضداد=في ساعة فيها هل الذل هيّاب
شومي لقرم في المواجيب هدّاد=عز الصديق وسقم صلفين الأشناب
وختامها صلّوا على سيد الأسياد=محمد المبعوث للخير طلاب
عداد ما هلّ المطر وأيضا ً عداد=شوقي لكم يا عزوتي الشوق غلاب
شعر الأستاذ / محمد بن سالم بن محمد السالم العبيد الله الفضلي – ابو عبد الله الأحساء ـ المراح
في العام عيدين وذا ثالث أعياد=عيدا ً لنا فرحة على جمع الأقراب
عاد الربيع وعادت أيام الإسعاد=وألتم شمل الربع أقراب وأحباب
يا مرحبا ألفين وألفين يزداد=ترحيبة من داخل القلب تنساب
أيامنا فيها للأفراح ميلاد=الحي يتلاقى " بعد طول الغياب
الله من شي طرالي يا الجواد=ينتابني الهوجاس أفراد وأسراب
في ساعة فيها للأفكار ميعاد=تأخذني اللهفة على شوف الأحباب
تم اللقا ما بيننا والفرح ساد=فرصة ثمينة ساقها رب الأرباب
سلام ياللابة من الشيب وأولاد=ممزوجة بالغالي من أنواع الأطياب
وجيهكم ينضح بها الطيب والكاد=ومهابة تضفي على الحفل جلباب
أولاد لام منبع الجود أجواد=تاريخكم مذكور من عصر الأحزاب
فضل ومغيرة مع كثير له عماد=لا عدوا الأخيار وإكرام الأنساب
سلالة الأبطال وقروم الأجداد=شيوخا ً لهم في روضة المجد محراب
صفوة خيار الخلق من ينطق الضاد=بعد النبي المعصوم وأخيار الأصحاب
الياء دلهم الخطب برق ورعّاد=وقامت بنات الدار يرمين الأسلاب
نسقي العدا بسيوفنا سم الأكباد=ضرب على الهامات للدم سكاب
نارد حياض الموت في روس الأشهاد=ننطح كبير القوم لو هو بسرداب
حتى يعرف القوم ورخوم الأوغاد=إنا نخوض الجمع ونفك الأنشاب
حنا هل الطولة زحازيح الأطواد=الأصل طيب والتلاحم بنا طاب
نخوة رجال زهابهم ملح وزناد=وسيوفهم تفري جماجيم وارقاب
طب القلوب اللي بغت أمن وجهاد=حتى يموت الشر وتموت الأذناب
منا الولى لشيوخنا دوم يزداد=بالسمع والطاعة على السلم وحراب
يعيش أبو متعب لنا درع وإسناد=آل السعود مجرية كل هيَّاب
بأرض الجزيرة وشامها ودار بغداد=أبناء عمي صيتهم ضارب أطناب
من رامنا بالسّو نوريه الأبعاد=واللي وفا بالعهد نفتح له الباب
طبع لنا وافين من عصر شداد=يشهد لنا التاريخ وإكرام الأعراب
الناس مجتمعة على الملح والزاد=وحنا جمعنا صافي الدم اقراب
الله يجمع شملكم حاضر وباد=يبقى حبال الوصل موصول الأسباب
ويا الله عسى ذا الجمع بالخير يزداد=يسطّر التاريخ الأمجاد بكتاب
يا رافعا ً سبعا ً عظيمة بلا عماد=يا منزل الفرقان لأصحاب الألباب
رب كريم لمن ترجى له إسناد=لا كشرت دنياك عن خبث الأنياب
ابن لكم في المراح أنا جيت قصاد=صغت القلايد للعزيزين بحساب
مثايلي بعضا من أشواق جداد=أهديتها ربعي من حضور وغياب
تروي وداد القلب في طول الأبعاد=وشوق على فرقا المحبين شباب
جرح مع الأيام لا زال وقاد=لكن جرحي يا هلي بشوفكم طاب
بهجة فؤادي شفتكم جمع وأفراد=ريحة هلي عزوتي لب الأصلاب
سلام من دار الحسا دار الأمجاد=ودعوة تواصل حاوية كل ترحاب
يا هيه يا المجمول يا غاية أمراد=راعي العيون السود من تحت الأهداب
بنت الرجال اللي يلاقون الأضداد=في ساعة فيها هل الذل هيّاب
شومي لقرم في المواجيب هدّاد=عز الصديق وسقم صلفين الأشناب
وختامها صلّوا على سيد الأسياد=محمد المبعوث للخير طلاب
عداد ما هلّ المطر وأيضا ً عداد=شوقي لكم يا عزوتي الشوق غلاب