أخصائي مختبر
30-06-2009, 05:58
السلام عليكم ورحمة الله وبركاته
الله يجيبك يالتقاعد ونرتاح يالله عسى في الأمر خيرن وخيره
النفس طابت ياعسى الهم ينزاح من قلبي المقهور ناره سعيره
مليت انا الروتين جيه ومرواح وحبوب ضغطي في المخابي ذخيرة
نآخذ حقوق الخدمه منهم والأرباح نبني لنا فله حلوه وكبيره
ربي بلاني بريس شبه سفاح عنتر زمانه بس مامن بصيره
لامن زعل تقول وش ذا نباح له زوجة بلشه ودايم تديره
لو تطلبه بقريد تسمع له اصياح كنه قطار لامشى مع صفيره
مامر لي مسؤل مثله ولا راح نطلب من الله يتبدل بغيره
لاني بشكاوي ولاني بصياح ياكود افضفض من هموم كثيره
زرت الأطباء وزرت عشرين جراح وكل دكتور اجي واستشيره
قالوا علاجك بالتقاعد وترتاح مع ام عيالك العجيز منيره
مع كل صباح تمد يدها بتفاح وبالوجبه الدسمه تراها خبيره
تصحى تقهويني مع الديك لي صاح ماهي بنات اليوم تسمع شخيره
وقت الضحى اجلس مع سعود وبطاح ربع نشامى وكلنا اهل ديره
دايم سوالفهم بها ضحك ومزاح مايعرفون ابد سوالف حقيره
قالوا تزوج واترك الهم ياصاح في القاهره تلقى هنادي وسميره
لكن انا حر ونادى بملواح لالوحت به ام عيالي الأميره
اجي لها بليا شعور ومرتاح مغرم هواها لو زوحي اسيره
سايح بحبه مثل زبد اليا ساح منسى ماضيها في الليالي العسيره
كنها حياة كلها كفاح بكفاح تستاهل الحب هي تراها جديره
مالي حبيب غيره اليوم يابداح والعين عن شوفة سواها ضريره
الحظ معها لاتقولون لي طاح هذي عمود البيت بنت الجزيره
يالله تجيب السعد كله والأفراح نطلب رضا الرحمن ومعه الستيره
وسلامتكم
الله يجيبك يالتقاعد ونرتاح يالله عسى في الأمر خيرن وخيره
النفس طابت ياعسى الهم ينزاح من قلبي المقهور ناره سعيره
مليت انا الروتين جيه ومرواح وحبوب ضغطي في المخابي ذخيرة
نآخذ حقوق الخدمه منهم والأرباح نبني لنا فله حلوه وكبيره
ربي بلاني بريس شبه سفاح عنتر زمانه بس مامن بصيره
لامن زعل تقول وش ذا نباح له زوجة بلشه ودايم تديره
لو تطلبه بقريد تسمع له اصياح كنه قطار لامشى مع صفيره
مامر لي مسؤل مثله ولا راح نطلب من الله يتبدل بغيره
لاني بشكاوي ولاني بصياح ياكود افضفض من هموم كثيره
زرت الأطباء وزرت عشرين جراح وكل دكتور اجي واستشيره
قالوا علاجك بالتقاعد وترتاح مع ام عيالك العجيز منيره
مع كل صباح تمد يدها بتفاح وبالوجبه الدسمه تراها خبيره
تصحى تقهويني مع الديك لي صاح ماهي بنات اليوم تسمع شخيره
وقت الضحى اجلس مع سعود وبطاح ربع نشامى وكلنا اهل ديره
دايم سوالفهم بها ضحك ومزاح مايعرفون ابد سوالف حقيره
قالوا تزوج واترك الهم ياصاح في القاهره تلقى هنادي وسميره
لكن انا حر ونادى بملواح لالوحت به ام عيالي الأميره
اجي لها بليا شعور ومرتاح مغرم هواها لو زوحي اسيره
سايح بحبه مثل زبد اليا ساح منسى ماضيها في الليالي العسيره
كنها حياة كلها كفاح بكفاح تستاهل الحب هي تراها جديره
مالي حبيب غيره اليوم يابداح والعين عن شوفة سواها ضريره
الحظ معها لاتقولون لي طاح هذي عمود البيت بنت الجزيره
يالله تجيب السعد كله والأفراح نطلب رضا الرحمن ومعه الستيره
وسلامتكم