اذا خانك اعز الناس ؟؟

[مهندسه]

مساء الخير


وانا احوس بالمنتديات لقيت هالموضوع
واعجبتني فكرته ... وحبيتكم تشاركوني فيه

دائما يمر الانسان بصدمة وخيانة من أعز الناس صديق .. قريب .. حبيب
لوخانك اعز انسان وش البيت او الأبيات اللي يطرون على بالك ؟؟؟؟


الموضوع مفتوح للمشاركات ...

انا طرى علي بالي :



لاصرت بايعني اشوفك على خير ...مع السلامه دام مابه سلامه

قلت انتهينآ قلتلك خير يا طير .... ماني اول شخص يخسر غرامه

امحذرك من قبلها الف تحذير ....لعفتني بيعف قلبي هيامه

ماني بميت لا ولا احتاج تبرير....صح الله لسانك ووفر كلامه
بانتضار مشاركاتكم ؟؟

[مهندسه]

ماهي شجاعة تطعن القلب وتروح ....... أطعن ولاكن حط عينك بعيني

[جمبـازي]

اتفه زمن - واحـــــــــد على الشـــــــــــــر حدك !
وأطيب زمن - لاشفــــــــــت بالعالم إنســــــــان !

واشجع عدو - لاعد ربعـــــــــــــــــــــــــه يعدك !
واجبن خوى - لاغدر والخــــــــــــــــــوى هان !

[الإمبراطور]

اعتلي يانفس واعقل ياخفوق

.وارقدي ياعين وارحل ياهوى

بنصحك ياقلب لايطويك شوق

روحته مع جيته عندي سوى

من يحطك تحت لاتعليه فوق

ومن يحطك فوق يبشر لانوى

الكرامة مايوطيها امخلوق

والنجم لاطاح قالوله هوى

مشكورة مهندستنا على الموضوع

دمتي بصحة وعافيه

[مهندسه]

صح لسانك اخوي جمبازي والمجال مفتوح اذا عندك ابيات حطهم ولا عليك امر .

[مهندسه]

اثر المصايب ما تجيك الا من الناس الاقراب
وبهالزمن حتى الرفيق اللي تثق فيه احذره

[مهندسه]

العفو اخوي وصح لسانك .

[ابو وجدان]

وعليكم السلام ورحمة الله وبركاته

شكرا اختي مهندسة

موضوعك فعلا عسر حله

ان من اكبر المصايب

اذا كان خصيمك هو من اقاربك

المقربين. يعني فيها قطيعة رحم.

والمصيبة انه ما يعترف باخطائه

ويصر على انه هو الذي على الحق.

الله يهدينا وياهم الى طريق الحق.

دمتي بخير .

[جمبـازي]

تباشـروا كـل العـدا ,, طـاح الجمـل طـاح الجـمـل
كـل(ن) شهـر سكينتـه , و يسنهـا باقـرب حـصـاة
احد(ن) مسك , وحد(ن) نحر , وحد(ن) قطع , وحد(ن) اكل
وحد(ن) عرش مخ العظم ,, حتى اصبـح الهيكـل فتـات
محد(ن) شبـع مـن قسمتـه !! تهاوشـوا بعـد و قبـل
أكالـة لحـوم البشـر ,, تباشـروا بـه مـات !! مـات
ثم غسلـوه بغسلهـم ,, بئـس الغسيـل و مـن غسـل
بئس الكفـن مـن خامهـم !! بئـس الجريمـه و الجنـاة
دوك الكفن لونه " حمر " يشهـد علـى جـرم(ن) حصـل
هـاك الايـادي القاتلـه !!! بالـدم تبـقـى ملطـخـات
بالصـف الاول كلهـم ,,, تملمـلـوا كــل(ن) عـجـل
حتـى استقامـوا واستـووا أدوا علـى الميـت صــلاة
ثم(ن) مشوا بجنازتـه !! خلـف النعـش كـل(ن) يهـل
دمعة حـزن !! يـا كذبهـم ,, بعيونهـم تقـرا الشمـات
ثم دفنـوه بحفـرة(ن) ,, فـي معمـع(ن) باسفـل جبـل
من حقدهم , بعـد الدفـن , حطـوا علـى قبـره صفـاة
ثـم اشعلـوا نيرانهـم !! فـي ليلـهـم دقــوا طـبـل
تسامـروا حـول القبـر , تراقصـوا رقــص البـنـات
حـل الصبـاح و لا تجـد فيهـم احــد مـاهـو ثـمـل
مـن كـاس ليـل البارحـه واستغرقـوا باعمـق سبـات
حتـى استفاقـوا بالمسـا , مـن سكـرة البـارح تـقـل
مـا همهـم هـاك الجمـل !! مـا همهـم هـاك الرفـات
هـاك الجمـل فـي عرفهـم بالـذاكـره مـالـه مـحـل
دام الظـروف تغيـرت ,, لا تذكـرونـه يــا الــرواة
يـا لعنبـوهـم كلـهـم !! عـبـادة الــلات و هـبـل
عبـادة الكرسـي الخشـب !! عبـادة العـزى و مـنـاة
يـا لعنبوهـم كلـهـم !! عـبـادة الـقـرش و هـلـل
وريـال واحـد عندهـم , اكـبـر صـديـق بهالحـيـاة
يـا لعنبـوهـم كلـهـم !! والله فــلا فيـهـم رجــل
واكبـر شنـب بامثالهـم تستخـسـره يلـبـس عـبـاة
امـس القريـب بمجلسـي , كأنـهـم حسـبـة اهــل
آويتهـم !! كسيتـهـم !! سترتـهـم كـانـوا عــراة
الأقنـعـه بوجيهـهـم !! والألـسـن تنـقـط عـسـل
والا سـواد قلوبهـم ,, خـلـف الضـلـوع المبهـمـات
ابـن سلـول يقودهـم , و ابـو لهـب , و ابـو جهـل
ومسيلمـه , و اتباعهـم , مثنـى و ثلاثـه و اربـعـات
خلـف المصالـح كلهـم , بامثالهـم , وحـي(ن) نــزل
والا الغريـق ببحرهـم , مـا يأمـل بـطـوق النـجـاة
واستصرخك يا هالزمـن ,, كـم مجـرم(ن) فيـك انتحـل
شخصية انسـان(ن) بـريء مـن كـل سبـع الموبقـات
هـاك الجمـل يبقـى جمـل !! دامـه علـى الله يتـكـل
كبـوة جـواد و ينتهـض ,, يـا مرهـم بدفـع الـزكـاة
تباشـروا كـل العـدا !! يـا ويلـهـم حــان الأجــل
ثار الجمـل مـا يندفـن ,, عايـش معـي رغـم الوفاة

[مهندسه]

عفوا اخوي ابو وجدان ..
وشكرا على المرور الطيب ..

[مهندسه]

بصراااااااحه ابداااااااااااع ..

مشكور اخوي جمبازي وصح لسانك ..

[الإمبراطور]

قلبي وفالك وانت قلبك خدعني
خدعت قلب كان بالحب شاريك

بكذب وخيانه وغدر قلبك حضني
في وقت قلبي فيه يسهر يداريك

ماكنت أظن قصدك بحبك تذلني
ذليتني من بعد مامت انا فيك

ببعد بعيد واوعدك ما احني
ابشر اببعد ومع حبيبك بخليك

وابي مماتي ياخذ الروح مني
تاركلك الدنيا بها الله يهنيك

واذا سأل في يوم انا انسان عني
قله توفى والسبب طعن بيديك

دمتي بحفظ الله ورعايته

[مهندسه]

صح لسانك اخوي ..

[مهندسه]

شئ خذيته من أبوي وشهرني &&& الطيب اللي حي ولو كان مدفون
و بالشدّه اذكر بالرخى من ذكرني &&& وأجيه من أقصاي لا صار مغبون

[مهندسه]

وأن كان قصدك في الخسارة خسرني &&& وأن كان قصدك بالعطايا يولون
محدٍ على ذيك العطايا جبرني &&& و شرواي لا من هم عطوا ما يمنون

[مهندسه]

مافـــاتـك التجريـــح والعـــذر فاتـك
وتبغي ارضاي الحين ماعـاد يمديـك

[مهندسه]

من يرخصك بيعه مع الناس (بتراب) ...

لاتعترف باللي مع الناس باعك ..

[مهندسه]

لو سمحت.. إسـألك يا [ عمري ] سؤال !
............... وإن [ خذيت ] الوقت بس عطنـي .. ثوانـي
السـؤٍال .. [ بـَِخـَِاطـَِري ] قـِد لـه .. ليـال !
............... ليـِه خنـِت [ الـوٍد ] مـع إنسـان .. ثـانـي

[مهندسه]

لحظـْه قبل لا تنوي البعد .. وتروح
................ وتغيب عن عينّي وطيفكِ عيوني !
انا حسبتك لي .. بقايا منْ : الروح
................ تبي الصراحه ما اخْدعتني ظنوني !
من بعدك أنته : دنيتي كلها جــروح
................ جرب حياتك وش تساوي .. بدوني !

[مهندسه]

نسيتنـي علمنـي شلـون ابنسـاك
في هالزمن نسيان الاحباب عـادي

وشلون لامرت على البال ذكـراك
وطيفك سرق مني لذيـذ الرقـادي

وشلون لا قالوا لي الناس وش جاك
من كنت في لـذة منامـك تنـادي

وشلون اعيش اللـي بقالـي بليـاك
لا من غدينا كل واحـد.. بـوادي

لو قلت اداوي جرحي اللي تباطـاك
ماكل جرح يفيـد فيه...الضمـادي

اعلنت حبك ليـن كـل .. تمنـاك
غلطه وغيري من خطاي استفـادي