عادة قديمة

[علي الغنماوي]

واعذابي عذبوها
اظلموني واظلموها
ارفضوني واغصبوها
والسبب ذاك العنيد

اظلموها واظلموني
واحرموها واحرموني
عن وليفي بعدوني
صرت بالدنيا وحيد

زوجوها دون تدري
واحرقوا بالنار صدري
يا عذابي راح عمري
والحزن عيا يفيد

راحت تبكي عند اخوها
قال يالله زوجوها
دام متوفي أبوها
ما لها غيري عضيد

آه يا ويلي عليها
غيرها لا ما أبيها
راح عمري وارتجيها
صارت لغيري رصيد

ناحت وقالت ظليمة
ما تكفّون الظليمة
والسبب عادة قديمة
غربلت غيري عديد

وفي بنت لما غصبها أبوها على ابن عمها وهي كانت عاشقة لشخص آخر قالت قصيدة طويلة تمدح فيها عشيقها للأسف لا أحفظها لكن آخر بيت فيها كان:
عسى من باع العذارى للافلاس
وعساه ما يفرح بنطق الشهادة

وسلامتكم، فمتى ستنتهي هذه العادة القبيحة من مجتمعنا؟؟؟؟!!!

[الأصيل]

يسلمووووووووووو اخوي / علي الغنماوي على المشاركة

قصيدة جميلة جدا ومعاني أجمل

أضم صوتي إلى صوتك من ناحية العادة القبيحة

ولكن حاليا كما أشاهد ليس كالسابق

بل أصبحت قليلة جدا

وإن شاء الله تندثر بالمرّرّرّرّرّرّرّرّرّرّرّرّرّة

مشكووووووووووووور

[ابومانع]

صح لسانك بس اعتقد الحين مافي بنت تتزوج غصب والشرع يضمن هالكلام

[وضح النقا]

انا ماذبحني كود غرون عليه الكاب
على كابه رمز الخطوط السعودية
الا ياليتني كابتن اوياليتني من الركاب
اخويه في الروحه واخويه في الجيه
وننزل في ديرتن ما على سورها نواب
اهلها خليطي وديانه مسيحية





(غرون) البنت اللي عمرها خمسة عشر

[غلام ديوان]

القصيدة اللي ذكرتها هي للشاعر محمد بن سبيل ويقول فيها:

بعيـادة الدكتـور والنـاس جــلاّس
شفـت الحزينـة بانتظـار العـيـاده
عـذراً تثيـر بحزنهـا كـل حسّـاس
ودنيـت منهـا كنـت اريـد الإفـاده
ولقيتهـا مابيـن هـمٍ و هـوجـاس
قلت اسمحـي لـي بالكـلام بركـاده
مادام عـون النـاس للنـاس نومـاس
وش صايـرٍ لـك ياظبـي الحمـاده
قالت وربّـي منّـي البـال منحـاس
ومن زوجـوه بغصـب لا واهجـاده
بيّنت أنا للوالد الوضـع مـن سـاس
وقلت الجبر ما هـو للاجـواد عـاده
يابوي ابن عمّي على العيـن والـراس
لا شـك مالـي فيـه يـا بـوي راده
يابوي خف من خالق الكـون والنـاس
ما ريـد أنـا شوفـه مـرادي بعـاده
جمسه وصالونه مع التـاج و المـاس
وكثـرة فلوسـه ماتجيـب السـعـاده
يابوي قلبي حـب مـن لا مشـى داس
فـوق الضميـر ويستحـق القـيـاده
زين الشباب و لا مشى درب الانجاس
شوفه مناي وشـوف زولـي مـراده
حب الشرف ما فيه عيـبٍ و لا بـاس
واللي زرع و اثمر يباشـر حصـاده
عيشة فقر مع صاحبي عطر الانفـاس
في بيت ما به غيـر قطعـة وسـاده
ولا عيشتي مع شخص معدوم الاحساس
لو كنت في قصرٍ مـن المـاس شـاده
يا ناس تكفون افزعوا شفت الاتعـاس
يا نـاس مجبـوره ولا لـي جـلاده
اخاف اموت من القهر و اشرب الكاس
و اخلـي الطمّـاع يعـلـن حــداده
قلت الأمل موجـود وشهولـه اليـاس
والله رحـوم و لا يضـيّـع عـبـاده
ياعل مـن بـاع العـذارى للإفـلاس
وعساه مـا يفـرح بنطـق الشهـاده

[صلاح القويماني الفضلي]

غلام

صح الله لسان قايلها وناقلها

وتسلم ع الأختيار القصيدة واللحين العادة قلة في مجتمعنا المتحضر والواعي

[غلام ديوان]

صح بدنك يا صلاح القويماني
صحيح إنها صارت عادة متروكة ونادرة في عصرنا الحالي
لكن اللي انكوى منها صعب ينساها