المساعد الشخصي الرقمي

مشاهدة النسخة كاملة : ~/.... تـعـبـت ..../~

حاتميه
23-08-2009, 06:40
تعبت أسافر



تعبت أسافر في عروقي ومليت =من جلدي اللي لو عصيته غصبني
ياما تجاوزت الجسد واستقليت =عن الألم ..لاشك جرحي غلبني
أنا سجين الحال ..مهما تسليت =وانا الطليق وكل شيٍٍ قضبني
حريتي لاعل ..يا كود ياليت =اما شفت حيٍٍ جاد لي ماسلبني
وليت يا ليل التباريح وليت =اما محاني الحزن والاكتبني
كل السما في دفتري وان تجليت =مثل الشموس ..غبار قبري حجبني
لي صاحب وان ما تخلى تخليت =لا بد ما نهدم ..ولا بد نبني

.


.


.



بدر بن عبدالمحسن
حفيد الفايز
23-08-2009, 06:51
تعبت أسافر في عروقـي ومليـت
من جلدي اللي لو عصيته غصبني

صح لسااااااان الامير

تسلم يمينك حاتميه

:appetizing77:
حاتميه
23-08-2009, 06:55
صح بدنكـ حفيدوو

بس شفييك ..؟!

ترى ذي قصيده مهيب حلااا

شكلك جوعان من الحين هههههه

الله يعيينك خيي

مشكوور ع الطله الحلووه

,,’,,
أخصائي مختبر
23-08-2009, 07:01
صح كلك حاتميه

بصراحه وبلامجامله

ذائقه شعريه مجنووونه

الله لايشفيك منها ويزيدك

فعلا ً .. بعض القصائد تجبرنا على الرد ..

زادكَ الله من فضله ..

دُمتِ بـ هذا الأبداع وبـ هذا التوهج
فارس الظلام
23-08-2009, 07:23
عن الألم ..لاشك جرحـي غلبنـي أنا سجين الحال ..مهمـا تسليـت
وانا الطليق وكـل شـيٍٍ قضبنـي


صح لسانك


يسلموووو على القصيده الرئع

الله يعطيك العافيه
حفيد الفايز
23-08-2009, 07:32
حتومه دحدري :biggrin:

مهوب عشان بعيد عن اهلي تتريقين علي

ترى يجيك يوم يبعثونك الواق واق واقولك ترى قصيده مب تيس شكلك جوعانه :biggrin:
حاتميه
23-08-2009, 07:45
صح كلك حاتميه

بصراحه وبلامجامله

ذائقه شعريه مجنووونه

هذا وانا صايمه http://fatadubai.net/uploads/images/fatadubai.net-a6d7d9309b.gif (http://fatadubai.net/uploads/images/fatadubai.net-a6d7d9309b.gif)



الله لايشفيك منها ويزيدك
هههههههههه

ذكرتني بدعاء من شخص ما في شي ما <- ترى بس ابي اقول ما ما منها عطش ومنها ابي امي هههههههه



فعلا ً .. بعض القصائد تجبرنا على الرد ..

زادكَ الله من فضله ..

دُمتِ بـ هذا الأبداع وبـ هذا التوهج
يخليك ربي
هذا من طيبك اخصائي
سعدت بهذه الوقفه اللي عطرت الابيات وزادتها روعه
دآم تواصلكـ
كل الشكر والتقدير

,,’,,
حاتميه
23-08-2009, 07:49
عن الألم ..لاشك جرحـي غلبنـي أنا سجين الحال ..مهمـا تسليـت
وانا الطليق وكـل شـيٍٍ قضبنـي


صح لسانك

الله يجزاك خير يا فارس
صح بدنك
ثاني لفه يسار .. :biggrin:


يسلموووو على القصيده الرئع

الله يعطيك العافيه
يسلمك ربي
هلا بك
منوور بهالطله الحلووه


:ylflower:
حاتميه
23-08-2009, 07:55
حتومه دحدري :biggrin:

مهوب عشان بعيد عن اهلي تتريقين علي

ترى يجيك يوم يبعثونك الواق واق واقولك ترى قصيده مب تيس شكلك جوعانه :biggrin:

هههههههههههههههههه

حفيدووو

ترى في الغربه فوائد لآتفوتك

يجيلك يوم تقول >> الله على ذيك الايام يا زيينها <~ اوسع صدره وليد عمي هههههههه

لا من جد كلامي

ان شاءالله يارب ترجع بالشهاده الكبيره الكبييره خااالص :1_f:

ونشرب الشربات ونحط لك تيس تاكل شهادتك وراه :appetizing77: ههههههههه
سر القوافي
23-08-2009, 04:14
كلمات ولا اروع منها..
احساس جميل ومعبر..
دام قلمك الراقى ..
ماأروع مانثرت هنا من حروف ..
الله يعطيك العافيه يارب ..
يسلمو على جهودك المميزه ..
الله لايحرمنا منك يارب ولامن جديدك..
تحيااتي لك

أبو باسل

وكل عام وانتي بصحه وسلامه
حاتميه
23-08-2009, 04:28
الله يجمل حالكـ يابو باسل

آآمين
ولآيحرمنا منكـ

كل سنه وانت طيب
كل سنه وانت متواصل
كل سنه وحرفكـ عذب وفاصل

اشكركـ من الصميم
ابهى المُنى

,,’,,
الإمبراطور
23-08-2009, 06:41
صح لسان شاعرها

وسلمت يمين كاتبها

دمتي بصحه وعافيه
علوش الفضلي
23-08-2009, 08:46
يازين مااخترتي حاتميه

تعجبني كثير قصايد الأمير بدر بن عبد المحسن

صح لسانك ولسان الشاعر الكبير

تسلم يمناك وذوقك