ياوطنا يافخر كل الوجود

[احمد الفضلي]

ياوطنا يافخر كل الوجود



ياوطنا يافخر كل الوجود= تامرٍ علينا كل مابقيت
بس بحكم الله علينا تسود=غير هذا ماحتمل لو جفيت
حنا مانرظى بفسخ العهود=ياأله الخلق لارضك حميت
أمسايرين الحق يا آل السعود=ربي سدد خطوةٍ فيها رضيت
نبغي صلحٍ للوطن والركود=وندحر الفتنه من كل بيت
بعظنا من بعظنا ياشهود=كيف نقتل بعظنا لو وعيت
من سبب كفرٍ علينا ينود=شوف راس الكفر فينا شميت
ربي اجعل البلد كله ودود=واعطنا من خيرك الي رميت
يارياح الحق عدي الحدود=واضربي الفرعون ضربٍ مميت
اربطي خيلك وعدي العدود=في اراضي قد خذلها الحتيت
اخوكم
احمد الفضلي

[احمد الفضلي]

السلام عليكم ورحمه الله وبركاته
اعذروني اخوتي لأني استعجلت ونسيت السلام وتعريف الكلام
فهذه قصيده تعبر عن مشاعري في وظعنا بالوطن واريد فيها الصلح والمساواه
بين المؤمنين .
ولكم تحياتي وتقديري
اخوكم
احمد الفضلي

[ابراهيم العوده]

وعليك السلام ورحمه الله وبركاته لا هنت يابن الجدود الله يعطيك العافيه ويطول عمرك على طاعته

[احمد الفضلي]

صرت يابراهيم بردك انا موعود= اشكرك انا على رد الجواب
كم من صويبٍ للجفا مهدود =وانا بردك اليوم حالي صواب
ياليت كل القبيله تهدي ويسود = امر المحبه وخير الثواب
كل منا بشر يغلط ويعود= لامر الحقيقه كلٍ لها في صباب


اخوك
احمد الفضلي

[راعي العليا]

ابن عمي الفاضل \ احمد الفضلي
صح اللسانك يالغالي

ارق تحية

[احمد الفضلي]

اشكرك اخوي راعي العليا على الرد
وسلمت من كل مكروه
مشكور ياولد العم وعسى في جمعنا نلتم
اخوك
احمد الفضلي

[الأصيل]

يسلمووووووووووو اخوي / احمد الفضلي على المشاركة

من الواضح انك تريد أن تصل إلى معاني جميلة جدا

ولكن القصيدة تحتاج الى المراجعة في الوزن

مشكووووووووووووووور

[احمد الفضلي]

مشكور اخوي الاصيل على الرد
وياليت احد يعلمني اخطائي واتمنى منك تدلني على الاخطاء بحيث اتلاشاها في باقي القصايد .
ولك جزيل الشكر والعرفان
اخوك
احمد الفضلي

[فارس الظلام]

الاخ / أحمد الفضلي

صح لسانك ، ولاعدمناك يا الذيب

مع التحيه

[احمد الفضلي]

اشكرك اخوي اخو حوشه على الرد
وانت كذلك عسى عمرك طويل ابطاعه الرحمن ....
اخوي اخو حوشه ممكن لو تكرمت تعلمني شنو معنى اخو حوشه
ولك مني اجمل الاماني ....
اخوك
احمد الفضلي

[ابومانع]

صح لسانك ولد العم

[احمد الفضلي]

أشكرك اخوي ابو مانع على الرد
لقد اتت الكلمه من قلبك ودخلت في قلبي ياولد العم نعم
نعم نعم ياولــــــــــــــد العم مته في جـمـــعنا نلتم
كيف نصلح ونردع اهموم وننسى كل امـــرن هم
اخوك
احمد الفضلي

[فارس الظلام]

الاخ / احمد الفضلي

بالنسبه لأخو حوشه ، فهذه ( نخوة ) ( عزوة ) فخذنا ( فخذ القوامين )

أخوان حوشه


مع التحيه

[احمد الفضلي]

والنعم والله فيكم وفي باقي الفضول
واشكرك والله كثيرا على تزويدك لي بهذه المعلومه
وادام الله عمرك في طاعته
وعندي سؤال لجميع الأعضاء في المنتدى خاصه المسئوليين
اتمنى فيه تزويدي بباقي افخاذ القبيله
ولكم تحياتي وتقديري
اخوكم
احمد الفضلي

[زيد السالم]

صح الله اللسانك وتسلم يمينك يابن العم

قصيده جزله من شاعر جزل ماشاء الله عليك

الى الامام يا احمد الفضلي

[احمد الفضلي]

تسلم والله اخوي ابو مطلق على ردك

ياليتنا ناخذ من جزل الجزليين=وتكون يابو مطلق معانا

ليش مانجزل ونبري العين=ونجمع الأمه على عدلٍ لفانا


اخوك وابن عمك

احمد الفضلي

[رياض الفضيلي]

ونحن نفتخر بك يا اخ احمد الفضلي

صح لسانك وبارك الله فيك



بومشعل

[عطـــــر الخزامـــــى]

صح الله لسانك ولاهنت