عمر المسعر
09-09-2009, 09:01
العملاق بندر بن سرور او دعوني اختصر واقول يندر بن سرور ان يتكرر وكفى في احدى روائعه ماذا اوصى المراءه في اختيار شريك العمر ،يحتوى هذا النص مفردات من بيئة الشاعر عندما يستوعب القاريء معناها بالطبع سيكون اكثر استمتاعا في هذه الرائعه
يامـل قلـبٍ تلـه الـود تلـي=تل الرشاءمن فوق ملحا جلالـه
في غربها تسعين شق ومشلـي=تجفل ليا سمعت ضريس المحالة
من واحدٍ طـرق عليـه يهلـي=الحق بواقي القلب مع ماجرالـه
يطرق برمشٍ للمحاجر مظلـي=ظافي على بيض المحاجر ظلاله
هرجه لبـن بكـرٍ ردومٍ متلـي=مابينت فيهـا رسـوم الشمالـه
يابنت خلـي واحـدٍ مايصلـي=تارك عمود الدين مالك ومالـه
خلـي ملعـن والدينـك يولـي=تلقين في نجد المسمـى بدالـه
حتيش لو يفرش لك البيت زلي=من لايخاف الله حـرامٍ حلالـه
عليك باللـي للجماعـة يهلـي=اللي كما النثلـة منـارة دلالـة
في الرجل ثنتين حداهن تدلـي=من كبهن ماهوب ويا الرجالـه
لاصارما به دين مع زين دلـي=جعله من الدنيـا تقطـع حبالـه
وسلامتكم
يامـل قلـبٍ تلـه الـود تلـي=تل الرشاءمن فوق ملحا جلالـه
في غربها تسعين شق ومشلـي=تجفل ليا سمعت ضريس المحالة
من واحدٍ طـرق عليـه يهلـي=الحق بواقي القلب مع ماجرالـه
يطرق برمشٍ للمحاجر مظلـي=ظافي على بيض المحاجر ظلاله
هرجه لبـن بكـرٍ ردومٍ متلـي=مابينت فيهـا رسـوم الشمالـه
يابنت خلـي واحـدٍ مايصلـي=تارك عمود الدين مالك ومالـه
خلـي ملعـن والدينـك يولـي=تلقين في نجد المسمـى بدالـه
حتيش لو يفرش لك البيت زلي=من لايخاف الله حـرامٍ حلالـه
عليك باللـي للجماعـة يهلـي=اللي كما النثلـة منـارة دلالـة
في الرجل ثنتين حداهن تدلـي=من كبهن ماهوب ويا الرجالـه
لاصارما به دين مع زين دلـي=جعله من الدنيـا تقطـع حبالـه
وسلامتكم