المساعد الشخصي الرقمي

مشاهدة النسخة كاملة : قصة سعد ابن جدلان يوم جا يتبرع بالدم

عبدالله السالم
14-09-2009, 03:29
هذا في يوم من الأيام راح سعد بن جدلان الأكلبي يبغى يتبرع بالدم
ويوم جو يفحصونه قبل يتبرع، لقوا معه فقر دم، فقالوا له.....
معك فقر دم ما تقدر تتبرع...

فطلع من عندهم وهو متضايق و كتب هالأبيات,,,



يافقر قلي وش تبي من ورانـا=زودن على فقر الدراهم فقردم
ما حاشت ايدينا غدابة عطانا=نبذل ولانحسب يدينا عطت كم
ولابة رصيد عندنا من يدنـا=الا الفعول الطيبة خشيت الذم
لو انتسلف للغدا من عشانـا=نصبر والو احوالنا كلها هـمارق التحايا
خالد ال دريع
14-09-2009, 03:53
شكرا اخي عبد الله السالم

على هذه القصه

وهذه الابيات الجميله

التي تدل على مدى كرم

سعد ابن جدلان
عبدالله السالم
14-09-2009, 04:31
ابن العم خالد دريع

منور الموضوع يالغالي

لا تحرمنا تواجدك

ارق التحايا
عزوة أبــوها
14-09-2009, 05:03
صــح لسانكـ ..
وسلمت يمناكـ عـ النقل الرائع ..

أسرفت في الأبداع ياولد العم ..

وآفــر أحتــرآمي ..//
عمر المسعر
14-09-2009, 06:50
الله يعطيك العافيه أخوي الغالي عبدالله / ابو لام

كعادتك تغيب وتأتي بتميز

سلمت يمناك

وصح لسان إبن جدلان

إسمح لي على التعديل والتنسيق

دمت بود
علوش الفضلي
14-09-2009, 08:29
سعد بن جدلان من الشعراء المعروفين بالجزالة

وهذي القصيدة تدل على كرمه

الله يعطيك العافية أخوي عبد الله
بنت ارجال
14-09-2009, 09:08
قصيدة جزلة ومعبرة ونابعة من كرم راعيهااا
تسلم اخوى عبـــــــــــد الله الســــــالم لما كتبت ونقلت لنا

صحيح من قال الكرم مو كرم المال فقط الكرم هو كرم الأخلاق ان كان الانسان يتحلى بكرم الاخلاق
فهو ملك الدنيااا وما فيهاااا ...
عبدالله السالم
14-09-2009, 11:32
صــح لسانكـ ..
وسلمت يمناكـ عـ النقل الرائع ..

أسرفت في الأبداع ياولد العم ..

وآفــر أحتــرآمي ..//

بنت العم \عزوة ابوها

صح الله بدنك

ويسلم غاليك ومغليك

منوره الموضوع

ارق تحيه
عبدالله السالم
14-09-2009, 11:34
الله يعطيك العافيه أخوي الغالي عبدالله / ابو لام

كعادتك تغيب وتأتي بتميز

سلمت يمناك

وصح لسان إبن جدلان

إسمح لي على التعديل والتنسيق

دمت بود

هلا والله ابن عمي عمر المسعر

التميز والمميز هو تواجدكم

وتعديلك جاز لي

ارق تحيه
عبدالله السالم
14-09-2009, 11:37
سعد بن جدلان من الشعراء المعروفين بالجزالة

وهذي القصيدة تدل على كرمه

الله يعطيك العافية أخوي عبد الله

اخوي علوش الله يعافيك

وانت وكل عيال العم هل الكرم والجود

الله لا يحرمنا منكم

ارق تحيه
عبدالله السالم
14-09-2009, 11:39
قصيدة جزلة ومعبرة ونابعة من كرم راعيهااا
تسلم اخوى عبـــــــــــد الله الســــــالم لما كتبت ونقلت لنا

صحيح من قال الكرم مو كرم المال فقط الكرم هو كرم الأخلاق ان كان الانسان يتحلى بكرم الاخلاق
فهو ملك الدنيااا وما فيهاااا ...

بنت العم \ بنت ارجال

كلامك صحيح والسيد الكرم والخلق هو محمد ابن عبدالله عليه الصلاة والسلام

نبي ورسول الامه واللي المفروض نقتدي فيه

ارق التحايا
حاتميه
15-09-2009, 12:46
ابيات روووعه
الف شكر ابولام لهذا النقل المميز للشاعر الداهيه سعد بن جدلان
كريم وجزل ودخل قلوب الناس من خلال شعره الفكاهي والإجتماعي

له نوادر جميله اسمح لي اضيف منها وحده او ثنتين عشان ما اطول ツ

يوم من الأيام وصله رجل لمشوار وسيارته ددسن قديمه

يوم وصله وجاء بن جدلان يبي ينزل قال له الرجل : يابن جدلان أنا سويت فيك معروف وو صلتك مشوارك أبيك تمدح سيارتي
فأضطر الشاعر / بن جدلان أن يوافق لأنه يبي يرد الجميل فقال :






يا راكب اللي دركسونـه دركسـون,,,ومكينتـه تحـت كبوتـه مكيـنـه
وسويكه سويك والطبلـون طبلـون,,,ويسـاره يسـاره ويمينـه يميـنـه
وان كان كفراته برجستونٍ برجستون,,,واللي ماهي زينـةٍ ماهيـب زينـة
يمشي على الهون لا مشوه بالهـون,,,وإن كنهـم شاحطينـه شاحطينـه



ــــــــــــــــــــ.....ــــــــــــــــــــ..... ــــــــــــــــــــ



كان أبن ( جدلان ) معزوم عند تاجر معروف في البر . وكان هذا الرجال يحب (السلق) عنده في بيته أكثر من 6 سلق.

يوم حضروا كل الضيوف قال أبن جدلان للمعزب :

انا عندي قصيده فيك ودي أقولها .

قال المعزب :

تفضل يأبن جدلان :

يوم خلصت القصيده !!

حب المعزب يمزح مع أبن جدلان قال له :

ماودك تقول قصيده في السلقه !!

قال له أبن جدلان :

القصيده كانت في السلقه. بس يوم شفتك قلت أنت ولا السلقه .. :biggrin:









ــــــــــــــــــــ.....ــــــــــــــــــــ..... ــــــــــــــــــــ
راعي العليا
15-09-2009, 12:58
صح السانه وصح السانك يابو لام

وتسلم يمينك يالغالي

والكلام ايضا موصول لحاتميه على اضافتها الرائعه
عبدالله السالم
15-09-2009, 01:04
هههههههههههههههههههههههههههه

بنت العم حاتميه

عجبتني سالفة الددسن مش حالك عليه مع راعي السلق لجمه بوجهه

يعطيك العافيه على الاضافه الحلوة للموضوع الله يسعدك

ارق تحيه
حاتميه
15-09-2009, 01:25
دآآآآيمه يابو لام ويسعدك يارب
راعي الددسن لو موصله بهمر مدري وش بيطلب :biggrin:

،،،

العفو راعي العليا
انتم اروع

ツ
عبدالله السالم
16-09-2009, 02:43
دآآآآيمه يابو لام ويسعدك يارب
راعي الددسن لو موصله بهمر مدري وش بيطلب :biggrin:

،،،

العفو راعي العليا
انتم اروع

ツ


هذا الشاعر يذكرني في خالي بزيع الله يرحمه ويرحم جميع المسلمين

في قصيده وكلامه

ارق التحايا
خالد العطار
16-09-2009, 06:52
بارك الله لك عبد الله السالم ولحاتمية وللشاعر
تقبل مرورى