المساعد الشخصي الرقمي

مشاهدة النسخة كاملة : اابو ابوهاحااله

شموخ لا ميه
14-10-2009, 11:51
السلااااااااااااااااااااااام عليكم يامنتداااي الغالي

وقسم اني مشتاااقه لكم رجعت لكم بعد غيااب طويل ..((شكل محد درى اصلا انس غايبه))

المهم والله مشتااااقه للي في المنتدى ومشتااقه للي في بااالي ..سر:banana:


انا عاايشه حااله ها الاياام ابو ابوها حااله تعيسه نظامي عكس الناس

بديت دوامي في الجامعه تخيلو اطلع الساعه 6 الصبااح للجامعه ارجع وهم يصلون المغرب


طبعااا هذا نظاام السنه التحظيريه (((حامت تسبدي من المشاوير



توني اعرف واقدر اذا ادخلو اخواني وابوي وهم طفشاانين من الدوام ما الومهم وش الطريق ويعه زححمه وانا مغير اتااااوع في ذا السياااره


لا واللي يقهرني اذا رجعت من الجامعه المغرب وشفت البنات توهم طالعين من سوق صحااااارى ولا رياض قاليري


اااااااخ هنا عاد احس اني بزوع مرررر


الله يعدلها حاااااااله ويوفقني يااااااااااارب دعواتكم تكفوون انا كل ما شفت المواد حقتي احس اني يجيني يئس واقول خلااااص شكلي مانيب مكمله:14_f:
أديب الدعفس
15-10-2009, 12:39
من طلب العُلا سهر الليالي
حياك الله ولازم تتحملين عشان بكرى نشوفك دكتورة
وتصيرين عميدة لإحدى الكليات او رئيسة قسم أو محاضرة
مرحباً بك من جديد والله يوفقك إن شاء الله ونشوفك بإحسن حال
محمد الذرفي
15-10-2009, 01:15
افاااااااااا منهو اللي مايفقدك هذا ماعنده سالفه ابد
وفقك ربي لكل خير اختي العزيزة
اجل التحايا
إبن لام الدويسي
15-10-2009, 01:45
مرحبا شموخه خلي غثا جامعه نوره اخباركم مع الانفلونزا ، بعدين الحل عندي انتقلو لسدير لازحمه والد راسه للظهر والغدا قرصان والعشا جريشه والفسحه شاهي وكراث
بوثنيان
15-10-2009, 02:48
شموخ لاميه


الله يوفقك ..ومن سار على الدرب وصل ..ولازم تتحملين وتأخذين البكالريوس أو الليسانس .. وأن شاء الله عقبال الماجستير والدكتوراه ..


دمت بحفظ الله ,,,
خالد الكثيري
15-10-2009, 02:55
هـــلا بك شموخه لاو الله الانفقد الغالي اللي مثلك لاكن نقول الله يوفقك في مسعاك

واحــلا شي تسمعين نصيحت ابو صالح
أخصائي مختبر
15-10-2009, 02:58
الله يوفقك أختي

شموخ لاميه

أحتراماتي
حفيد الفايز
15-10-2009, 03:26
ولكم باك شموخ


قولي الحمدلله احسن من انك تطلعين من بيتك 6 ونص ومحاضرتك 8 ونص وترجعي بيتك 6 ونص ومحاضرتك اصلا مخلصه من 4 ونص

وزحمه مصر خوش زحمه :biggrin:

وغير الاشياء الثانيه اللي تستفز عندهم :biggrin:
عزوة أبــوها
15-10-2009, 06:29
يااااااقلبو شموخه....
وربي ضيقتي خلقي جآني أكتئآب..
مآعليك هونيهآ وتهوووون
كلهآ كم يوم وتتعودين على النظآم..
وموفقه أن شإ الله...

>>أنتظروا معآنآتي مع المدرسه الأسبوع الجآي.!!
لأنو في وآحد محرم مآ أروح هآلأسبوع..
"الله يهديه بس".....!!
واللي قآهرني هو من أول يوم نآاااط لدوآمه..
>>شكلي بطيره مآ شإ الله..
ههههههههههههههه
شموخ لا ميه
15-10-2009, 11:54
هههههههه مدري اضحك ولا اصيح حسيت اخنقتني العبره وانتو تواسووني

يالبيه بس وياحفيد انا تبدا محاظراتي احيانا 8 واطلع 4 ونص واوصل للبيت صلاة المغرب

طيب لييه وش ها النظااام وش ها التطور والله ليه حرام وين المسؤولين لا والمشكله كله شان محاظره وحده او 3 او 2امااااااااا سدير والله نكته اجل تراه تم ابجي انا والبنات اللي معي في الباااص

بيض وجهي ههههههه