ياخاطري ما يفيد الضيق والحسره = والحزن قتال لا هبت اعاصيره

[سلامه العايد]

بسم الله الرحمن الرحيم

السلام عليكم ورحمة الله وبركاته

هذي الشيلة مكرره بس حبيت اطرحها من جديد وبشكل ثاني وبصوت رائع

والله يعينا على بعض الناس :cool: احم احم ...!

هذه الشيلة ... من كلمات ... فهد الشهراني ... بصوت الطفل ... احمد الشهراني





ياخاطري ما يفيد الضيق والحسره = والحزن قتال لا هبت اعاصيره
لا تحسب الي جرالي في الهوى كسره = الغصن عايش ولو طارت عصافيره
ياصاحبي من سوايا القلب لا تشره = القلب باقي على ذكرى مساييره
من قسوه البرد عندي للدفا جمره = جمره غضى تشتعل بالهم والحيره
احيان اشوف الخفوق يحب مايكره = واجيب لأجله عذر و اقبل معاذيره
و احيان اشوف الجفا يطغـى على صبره = يهز عرش الضلوع و ما لقـى ديره
وياوين قلبي بترحل كمل السهره = ماراح نلقـى من الأحزان تأشيره
لاتحسب الي جرالي في الهوى كسره = الغصن عايش ولو طارت عصافيره

كلك يمين حفظ بأسم

http://www.a7ssass.com/up//uploads/files/a7ssass.com9706af0956.mp3 (http://www.a7ssass.com/up//uploads/files/a7ssass.com9706af0956.mp3)

[غيمة مطر]

5]احيان اشوف الخفوق يحـب مايكـره

واجيب لأجله عذر و اقبـل معاذيـره

و احيان اشوف الجفا يطغى على صبره

يهز عرش الضلوع و ما لقـى ديـره [/COLOR]

صح لسان كاتبها وناقله تسلم يديك اخوي سلامه ,,

قصيدة رائعه ...................

اما اذا تقصد حاتميه تراها حبيبة بس لبسه نضارة سوداء :cool: وتمشي الامور ....

[ولد العومان]

°ˆ~*¤®§(*§*)§®¤*~ˆ°صح لسانك°ˆ~*¤®§(*§*)§®¤*~ˆ°

[علوش الفضلي]

قصيدة رائعة وأداء رائع

دائما اختيار موفق أخوي سلامه

تسلم يمناك على الطرح

[إبن لام الدويسي]

ارحبو سلامه ،اكيد الزين حولكم ،يامار خذ راحتك يا العا لمي الزعيم ماهو يمك ، اسمع انت وص عمر وانا اوصي الذرفي يمد حون دفا الفرا احسن من البطانيه

[عمر المسعر]

الله ياخذ عدوك ياسلووووم

دايم تقلب المواجع

ياخي انت مبدع ورائع

تسلم يمناك على هيك طرح

ابو صالح الفرا تصلح لشيبان يتدحملون فيها اما الشباب معروف وين يتدحملووون ههههه

تحياتي

[إبن لام الدويسي]

يا الله ان تستر عليه جابها من اول رمعه اقشر ياعمر بس اصابعك ماهي سوا انا ما تخوفني هبوب الشمال ماهو مثل اخصائي الله يسلمه مجهز لها شحنه حطب ، سلامه يمد حون سعف النخل

[عمر المسعر]

هلا ابو صالح ماشاء الله عليك اجل ماتهمك هبوب الشمال

مقيوله يا ابو صالح

هبت هبوب الشمال وبردها شيني
ما تدفي النار لو حنا شعلنها

مايدفي الا البطانيه والفروه هههههههه

تحياتي

[إبن لام الدويسي]

ارحب عمر مايقصر سلامه نايم وحنا بمجلسه انت مطلوب في ترحيب اخونا صالح الشهابي

[عمر المسعر]

أبــــــشــــــر

[شموخ لا ميه]

...........الغصن عاااااايش ولو طارت عصاافيره

اخ بس وش اقول يا سلامه اقول صح لسانك احس انها ماتييزي

يسلمووووو قصيده حللوه

[سلامه العايد]

غيمة مطر






احيان اشوف الخفوق يحـب مايكـره

واجيب لأجله عذر و اقبـل معاذيـره

و احيان اشوف الجفا يطغى على صبره

يهز عرش الضلوع و ما لقـى ديـره

صح لسان كاتبها وناقله تسلم يديك اخوي سلامه ,,

قصيدة رائعه



اما اذا تقصد حاتميه تراها حبيبة بس لبسه نضارة سوداء :cool: وتمشي الامور ....




صح بدنك ولسمتي من كل شر

بخصوص حتو ماعليك هي حالياً اخذت اجازه بس ولا يهمك نلبسه نظاره

سودا وتمشي الامور بس اهم شي الواسطه لاتصيده ولا ننسجن

لك كل الود

[سلامه العايد]

ولد العومان


°ˆ~*¤®§(*§*)§®¤*~ˆ°صح لسانك°ˆ~*¤®§(*§*)§®¤*~ˆ°

صح بدنك .... وكل الشكر لك على الحضور الطيب لاهنت .

[سلامه العايد]

علوش الفضلي


قصيدة رائعة وأداء رائع

دائما اختيار موفق أخوي سلامه

تسلم يمناك على الطرح

يسلمك ربي ويسلم غاليك ومغليك ... والاروع هو تواجدك وحضورك

الجميل في متصفحي والذي زادها بإشراقتك الرائعه

دمت بحفظ الله

[سلامه العايد]

إبن لام الدويسي


ارحبو سلامه ،اكيد الزين حولكم ،يامار خذ راحتك يا العا لمي الزعيم ماهو يمك ، اسمع انت وص عمر وانا اوصي الذرفي يمد حون دفا الفرا احسن من البطانيه

الزين غالي لكن الازين اغلى ولا ويش قولك ...؟

المشكله ماني بعالمي ولاني بزعيم انا محايد وعمر انا راح اوصيه بس انت

هالله هالله لاتنسى تعرف ان الانسان مو معصوم عن النسيان

وتسلم على الطله الرائعه لاهنت

دمت بود

[سلامه العايد]

عمر المسعر



الله ياخذ عدوك ياسلووووم

دايم تقلب المواجع

ياخي انت مبدع ورائع

تسلم يمناك على هيك طرح

ابو صالح الفرا تصلح لشيبان يتدحملون فيها اما الشباب معروف وين يتدحملووون ههههه

تحياتي

اي المواجع داين تزيد ولا ويش رايك :32_f: :wink:

ربي يسلمك ويسلم غاليك ومغليك ... الدفايه احسن من الفرا ههههههااااي

اخ بس خلها على الله ابو صالح مستعجل على الشتا

تشكر على المرور

[سلامه العايد]

إبن لام الدويسي


يا الله ان تستر عليه جابها من اول رمعه اقشر ياعمر بس اصابعك ماهي سوا انا ما تخوفني هبوب الشمال ماهو مثل اخصائي الله يسلمه مجهز لها شحنه حطب ، سلامه يمد حون سعف النخل

السعف ينفع مايضر بس مايدفي لجا وقت الشتا صح ...!:1_f:

[سلامه العايد]

شموخ لا ميه


...........الغصن عاااااايش ولو طارت عصاافيره

اخ بس وش اقول يا سلامه اقول صح لسانك احس انها ماتييزي

يسلموو قصيده حللوه

صح بدنك ... وسلمتي من كل شر ... والاحلى تواجدك لاهنتي

يكفي مرورك واتمنى لك استماع ممتع

لك كل الشكر

[حاتميه]

بسم الله الرحمن الرحيم

السلام عليكم ورحمة الله وبركاته

وعليكم السلام ورحمة الله وبركاته


هذي الشيلة مكرره
طيب دامك عارف انها مكرره وشهوله تحطها :biggrin:

بس حبيت اطرحها من جديد وبشكل ثاني وبصوت رائع
اهاا حبيت ..
طيب وش تقصد بصوت رائع يعني اللي قبل مهيب رائعه ههههههههه


والله يعينا على بعض الناس :cool: احم احم ...!
ههههههههههه
تذكر يوم تقول رقم مشفر وما مشفر
انا بقول لعلوش يشفره عليك انت عشان تعرف تميلح مره ثانيه :biggrin: ههههه امزح
مشكوووور يا سلوم يعطيك العافيه وتسلم يدينك
وبصراحه مع الشاعر نفسه فهد احلى بس هذي تغيير حليوه ماعليها <- من دون نفس ههههه
الله يوسع صدرك بالعافيه ولا يكدر لك خاطر
تحياتي لك ....؛

[سلامه العايد]

حاتميه


وعليكم السلام ورحمة الله وبركاته
طيب دامك عارف انها مكرره وشهوله تحطها :biggrin:


تعرفين احب اقلد بعض الناس او بالاحرى معجب :cool:


اهاا حبيت ..

اي انا حبيت ولا الحب ممنوع :smoker: بس حبيت اجرب :34_f:



طيب وش تقصد بصوت رائع يعني اللي قبل مهيب رائعه ههههههههه

الا رائعه بس حبيت اسرق الاضوء والجماهير ههههههههههاااي



تذكر يوم تقول رقم مشفر وما مشفر


اي اذكر بس اي يوم انا ما أذكره :biggrin:



انا بقول لعلوش يشفره عليك انت عشان تعرف تميلح مره ثانيه :biggrin:


هههههه لا لاتقولي لعلوش ترى انا امزح ومن يحيلك واسطتك فوق القانون :13_f:


مشكوووور يا سلوم يعطيك العافيه وتسلم يدينك
وبصراحه مع الشاعر نفسه فهد احلى بس هذي تغيير حليوه ماعليها <- من دون نفس ههههه
الله يوسع صدرك بالعافيه ولا يكدر لك خاطر
تحياتي لك ....؛


لا شكراً على واجب ... والله يعافيك ويبقيك لعين ترجيك ولهلك يخليك يارب

والله يوسع صدرك ويوسع عليك في كل مكان .. اكيد هذي حليوه بس

صوت فهد احلى لأنك انت اللي طارحتها ولا ويش رايك :smoker:

دمتي بحفظ الله