قصة فضلي

[أبو عساف]

هذي قصيدة تتحدث عن نفسها وتذكر قصتها ، وقصتها كانت من أربعة عشر عاماً :




صكيت قلبي من هوى البيض برتاج = وحلفت ما خلّيه للحب مهجوج

حطيت له قفلين والفين مزلاج = وأقفيت عنه ، وعن نبا كل مرجوج

وقلت انتبه للعلم والعلم منهاج = وسجّ في علم الوحي كنه الموج

عامين داله ما على قلبي ازعاج == لين انتحى بي في الفحيحيل عمهوج

مسبوكة الخدين صفرا ومغناج = أبهى من اللي زانها الكحل والروج

فلجا ، وإذا ضحكت تذكرك الابلاج == والعين عين الريم والساق مدموج

سمّ المحاني ، وان بغت صارت علاج = هي فتنة الدنيا ولا جوج ما جوج

قلت : السلامه ، قالت : اهلين يا حاج = قلت : البقا لش ، قالت : اشحقه تدوج

قلت : الظما والعدّ قدام ثجاج = وقلت : الحفا وقدامي الخيل مسروج

قالت : لحقت الخير وما انتاب محتاج = وأبشر بعزٍ دونه البال مسهوج

ذليت عنها لو انا ذيب الافواج = واقفيت ، قلبي من نواظره معلوج

حقيقة ما هيب انتاج و إخراج = ((وزادٍ بدون بهار في الريق ممجوج))

[راعي العليا]

ابو عساف
صح السانك والسان الشاعر

وسلم على الشاعر

[ابومانع]

صح لسانك وتسلم يمينك يابوعساف

[فارس الظلام]

الاخ / ابو عساف

يسلمو على هالقصيده ، وعلى مااعتقد والعلم عند الله ، ان صاحب هالقصيده هو أخونا العضو ( عبدالله الفضلي )

مع التحيه

[طيب الجد]

صح لسانك وتســـــــــــــــــــــــــــــــــــــــــــــــ ــلم
على القصيده الرائعه

[أبو عساف]

راعي العليا : صح بدنك ، وتقبل التحية ورد السلام ،،

========================

أبو مانع : صح بدنك ، وتسلم يا الغالي ،،

=======================

أخو حوشه : تسلم يا الغالي ، وعبد الله الفضلي يحري بالعلم الطيب ، لكن القصيدة ليست لعبد الله ، القصيدة لعضو آخر في المنتدى ، لكن ((يخشى كلام اللي ينبش بالادراج))

=====================

طيب الجد : صح بدنك ، وسعيد بتعليقك

[فارس الظلام]

الاخ / أبو عساف

انا استندت بكلامي على البيت اللي يقول :-

عامين داله ما على قلبي ازعاج == لين انتحى بي في الفحيحيل عمهوج

ومنطقة الفحيحيل في الكويت يعني اقرب شي يكون الشاعر كويتي ، فا توقعت انه عبدالله الفضلي

عيل مابقى الا انت ، أكيد القصيده لك :)

عموما قصيده رائعه ، ولا أخفي اعجابي بالقافيه أيضا

مع التحيه

[أبو عساف]

وصلت خير يا أخو حوشه

وبالنسبة للكويت تراني نصف كويتي ، وأكثر معارفي من غير السعودية هم من الكويت ، وحتى بالجامعة كان أكثر ربعي من الكويت

وترى أنا ما كنت راضي عن القصيدة حيل ، تدري كانت من زمان ، ودام أعجبتك تراها معجبتني من الحين

[بن غزي 2005]

صكيت قلبي من هوى البيض برتاج == وحلفت ما خلّيه للحب مهجوج

حطيت له قفلين والفين مزلاج == وأقفيت عنه ، وعن نبا كل مرجوج

صح اللسانك يا ابو عساف

فلجا ، وإذا ضحكت تذكرك الابلاج == والعين عين الريم والساق مدموج

^
^
^

ذا البيت يعطيك جوانح

[بن شاروق]

يعطيك الف الف عافيه على هالقصيده

بصراحه خوش قصيده ورائعه

واشكركم

تقبلوو تحيااتي

اخوكم : بن شاروق

[أبو عساف]

بن غزي : الظاهر إن قلبك مهشم ،

رحت فيها يوم سمعت الساق المدموج ،،،،،،،،،،،،،

الله يعينك


أخوي ابن شاروق :

هلا بك حبيبي ،

ورايك فوق راسي تاج

وعلمك ما يحتاج

[الأصيل]

يسلمووووووووووو اخوي / ابو عساف على القصيدة

أول مرة أشوف هالقصيدة

قصيدة رائعة

بس وين جاي في الفحيحيل تغازل بنات ( بني عبس )

عند إشارات المرور

ههههههههههههههههههه

مشكوووووووووووووووور

[فارس الظلام]

مــــــــــــــــــــــــــــــــــــــشكور أخوي أبو عساف

صـــــــح لسانك وتســـــــــــــــــــــــــــــــــــــــــــــــ لم

على القصــــــــيده الــــــــــــــــــرائعه

يعطيك الف الف الف الف عـــــافيه